أعمل ايه مع ابنتي

بنتى فى نفس السن ةواختها 4 سنين ونص
ودايما تزعق لها وتقولها انا الكبيرة لازم تسمعى كلامك
بس انا لازم اتدخل واعرفهم ان البيت له كبير واحد هو ماما (لحد ما بابا يرجع من الشغل)
لو حد عمل حاجة للتانى لازم يقول لماما تاخدله حقه مش يتصرف بكيفه
طبعا بنجح احيانا واحيانا بفشل
حاولى ترسخى المبدأ ده بين الاخوة وربنا يهديلنا ولادنا اجمعين

حبيبتي والله عادي انا عندي بنتي عندها 9 سنين وبتعمل اكثر من كده
وكل شوية تعمل مقالب في اصدقائها في المدرسة وف اخوها كمان بس انتي كلميها وعرفيها ان ده غلط
ولازم تصبري بعد كده حتلاقيها تبدأ تتحسن شوية شوية
دي بس بتكون فترة كده وتعدي يا قمر
وكمان انتي شفتي الاطفال بيعملوا ايه في المدارس من عنف وضرب
حتقولي انا بنتي ارحم
وربنا يهدي جميع اولاد المسلمين

لا انتي ما تضحكيلها ع مشاكلها جربي عاقبيها وزعلي منها

اختي الحبيبه انتي نظرتي الي ابنتك انها كبرت وتستطيعي ان تعتمدي عليها في تربية اخواتها ونسيتي انها طفلة ايضا و8 سنوات فهي طفلة ولا يجب الاعتماد عليها في تركك لها لاخواتها ويجب عليكي اذا كانت موجودة وسمعت احاديث مثل كلام الذي سمعته من زوجة خالها ان تعلقي امامها عن الموضوع بان كنتي تقولي لها ان الحرق بالنار هذا حرام لان لايحرق بالنار غير رب النار واكيد ان والدتك كانت تجهل هذا واعلق حتي الفت نظر ابنتي وانهيها بطريقة غير مباشرة لهذا الفعل مثلا ومرة اخري انبهها واقول لها في بعض الامور ان هذه ليس طرقتنا فالذي يصلح في بيت اخر لايصلح في بيتنا وانبهها ان كل مايصلح لبيوت الاخرين لايصلح عندنا وعموما الصبر علي الاولاد وفي اولاد بيطلع منهم اكتر من كده بكتير وربنا يقوينا عليهم وعلي فكرة دي مرحلة وكل سن وله مراحله ومشاكله

لا يانسيم انا مش معاكى خالص انها تعاقب البنت لانها بكده بتخليها تكرهه اخواتها بطريقه غير مباشرة هي كده في عقلها الباطن هتحس ان اخواتها السبب نها اتعقبت حتى ولو بالزعل اوعي يارحيق احنا بنصلح نفسية البنت وبنحببها في اخوتها مش بنزودها صحبي بنتك وكلميها ان كده غلط براحه خالص وانتى وخداها جوه حضنك وزي ما قولتلك قبل كده في مليون طريقه تخليها يبقى روحها في اخواتها لكن بالعقاب ممكن نعمل من حاجه بسيطه مشكلة كبيرة في نفسية البنت

متقلقيش حبيبتي هي ممكن تكون لما سمعت الكلام بتاع زوجة اخوكي لف في دمغها وكانت عايزه تجربه انتى بقى عليكي تنقي لها كام قصه تكون بتتكلم عن حب الأخوات لبعضهم او تختلقي انتى قصه من دماغك يعني حببيها في اخواتها بصنعة لطافه كمان هاتي لها لعبة وحطيها مثلا جنبها على المخده وهي نايمه ولما تصحى قوليلها بصى اخوكي جابك ايه شوفتي هو بيحبك ازاى في افكار كتير وحيل كتير تخليها تحب اخوتها اكتر متعملش كده معاهم ويارت بلاش اي كلام فيه عنف يكون قدمها علشان يمكن هي بتحب تجرب وربنا يخليهملك ويهديهم ويبارك لكى فيهم يارب