مش بتحبيه ليه ؟!!
مش بتحبيه ليه ؟!!
علشان شكله وحش وكئيب ...
والله شكله جميل جدا بالذات لما تحسي إنك بتعملي ده علشان ربنا وتحتسبي.. وحكاية إنه كئيب عايزة أقولك إن الكآبة مش بلبس النقاب عارفة الدليل على كده إيه إن اللبس السواريه الشيك أغلبه بيكون أسود ... يعني رايحة الفرح بالأسود ... دلوقتي حلو وشيك لكن علشان تعمليه لربنا بقى كئيب !!
غير إنك مش لازم تلبسيه أسود إلبسي أي لون تاني وقور ومش ملفت ومافيش فيه زينة
بس أنا بحب أكون شيك
وهو حد قالك تكوني مبهدلة وماتكونيش شيك ..يا حبيبتي أنت ممكن تلبسي أشيك حاجة وأغلى حاجه بس زي ما ربنا ما أمرنا .. وبالعكس أنا رأيي إن الملتزم والملتزمة لازم يكونوا دايما مهندمين ورائحتهم طيبة ( طبعا احنا مابنحطش برفا – عطر – وإحنا خارجين) قصدي تكوني نظيفة داخليا وخارجيا
ويكون شكلك مرتب لأن إنت نموذج عن كل الملتزمين والملتزمات إللي في الدنيا ؛ لأن الناس بالنسبة لها المنتقبة مثال على كل المنتقبات والملتحي مثال على كل الملتحين كويس وحش مش مشكله
يعني ليه ماتكونيش أنت منتقبة تحببي الناس في النقاب بشكلك الجميل المرتب الي يرضي ربنا وبسلوكك؟!
من الآخر يعني مالكيش دعوة بالمبهدلين
ويكون شكلك مرتب لأن إنت نموذج عن كل الملتزمين والملتزمات إللي في الدنيا ؛ لأن الناس بالنسبة لها المنتقبة مثال على كل المنتقبات والملتحي مثال على كل الملتحين كويس وحش مش مشكله
يعني ليه ماتكونيش أنت منتقبة تحببي الناس في النقاب بشكلك الجميل المرتب الي يرضي ربنا وبسلوكك؟!
من الآخر يعني مالكيش دعوة بالمبهدلين
صراحة أصله خانقة والدنيا حر وأنت عارفه الصيف
بصي أنا حقولك عن تجربة أنا عن نفسي مابستحملش الحر ومع كده لبست النقاب في أول الصيف
وعن تجربة يعني اللبس الفضفاض الواسع مابيحسسكيش بالحر مش زي اللبس الضيق... وافتكري " قل نار جهنم أشد حرا "
مش حعرف أتنفس وأنا بتجيلي خانقة بالذات في الحر
سبحان الله تخيلي إن أنا كمان بدوخ من الحرومجرد إني أمشي في الشمس شوية بحس إن ضغطي بينخفض
ومع كده مش عايزه أقولك بعد النقاب والله العظيم ولا مره دوخت عارفه ليه لأن النقاب بيحمي من تعرضك لأشعة الشمس المباشرة إلي بتحسسك بالحر
وموضوع التنفس ده دِه تهيؤات واللي بيقولك كده الشيطان لأن ماشوفناش حد مات من خنقة النقاب
أنا خايفة على وشي يبوظ من كتر ما أنا مغطياه
ياااااااااااه مش ممكن تخيلي إن كل أخصائيين التجميل وأطباء الجلدية قالوا إن أكتر حاجة مضرة للبشرة وتسبب سرعة ظهور التجاعيد فيها هو التعرض للشمس
وعلى فكرة أنا كانت بشرتي بايظه خالص والطبيبة قالت لي إن النقاب ده علاج لبشرتي... وفعلا بفضل الله بشرتي اتحسنت كتيييييييير ولله الحمد
ياااااااااااه مش ممكن تخيلي إن كل أخصائيين التجميل وأطباء الجلدية قالوا إن أكتر حاجة مضرة للبشرة وتسبب سرعة ظهور التجاعيد فيها هو التعرض للشمس
وعلى فكرة أنا كانت بشرتي بايظه خالص والطبيبة قالت لي إن النقاب ده علاج لبشرتي... وفعلا بفضل الله بشرتي اتحسنت كتيييييييير ولله الحمد
طيب أنا خايفة ماتجوزش ..الشباب حيشوفوني إزاي
عايزة أقولك حاجة لازم تعرفيها إن الزواج ده رزق زي الأكل والشرب والنجاح والحاجات ده ورزقك حتاخديه حتاخديه لأن ربنا قال " وفي السماء رزقكم وما توعدون " يعني أنت عليك بالدعاء وصدق النية واللجأ إلى الله
ده غير إنت مش عايزة زوج صالح ملتزم؟ طيب لما يجيلك واحد علشان شايفك كده منتقبة وجميلة مش ده إلى حد ما مؤشر طيب في الشخص إنه يحب أن ماحدش يشوف زوجته ولا زينتها غيره
على فكرة سبحان الله أنا أعرف أخوات ماتزوجوش إلا بعد ما ارتدوا النقاب ... علشان تعرفي بس إنه مالوش علاقة لأن الزواج زي ما قلتلك رزق ونصيب واعرفي إن مش ممكن تقربي من ربنا وربنا ما يكرمكيش باللي اتقربته بيه له سبحانه... "وما عند الله لا ينال إلا بطاعته سبحانه وتعالى "
حاجة كمان أنا كده مش حعرف أخرج ولا أتفسح زي دلوقتي
ومين قالك كده هي هي الخروجات إللي كنت بخرجها قبل النقاب بخرجها بعد النقاب لأن الحمد لله طالما أنت ما بتروحيش مكان يغضب ربنا خلاص .. إتفسحي وروحي كل الأماكن إللى عايزه تروحيها طالما بالضوابط الشرعية
عارفة أنا أكتر حاجه كانت مزهقاني إيه بعد النقاب إني لما كنت أروح أي مطعم إني مابكونش عارفه مكان بقي فين :d
بس دلوقتي خلاص بقيت متمرسة (:
بس دلوقتي خلاص بقيت متمرسة (:
بس أنا كده بحجابي ده كويسه ومش عامله حاجه حرام لأن النقاب بين أنه فرض أو مستحب
كلامك مظبوط خالص ..بس زي ما أنت بتقولي إن فيه علماء ومذاهب قالت اأنه فرض ..يعني ممكن نروح يوم القيامة ونكتشف أنه فرض ... عارفه إنك حتقولي بس فيه علماء قالوا مش فرض وأنا حمشي معاهم من باب " حطها في رقبة عالم واطلع منها سالم " طيب وليه ماتقوليش إنه إذا طلع فعلا فرض يبقى كده إحنا لبسناه واذا كان سنة ومش فرض يبقى كده إحنا حناخد إن شاء الله أجر أعلى من البنات إللي مش منتقبات واليوم ده إحنا محتاجين فيه لحسنة واحدة ممكن هي إللي تدخلنا الجنة وسيدنا محمد صلى الله عليه وسلم قال " اتقوا النار ولو بشق تمرة "
وتخيلي بقى النقاب ده مش شق تمرة ... لا ... أنت في كل مره حتلبسيه حتاخدي ثواب لما تجددي النية في لبسه إنك ماتفتنيش حد وإنك تحببي الناس في النقاب وأكيد كتير حيلبسوه زيك وغيره وغيره من النوايا
طيب أنا مش كويسه علشان ألبس النقاب وخايفه ماكونش قده
بصي ومين فينا كويس إحنا كلنا بنحاول وبنجاهد وربنا يقبلنا برحمته ... ده غير أن ده والله كلام الشيطان وجالنا كلنا وقال لنا نفس الكلام
النقاب على فكره حيفرق معاك كتير لأنك حتحسي إنك لازم تكوني أحسن في كل حاجه وتبدأي تتعلمي علم شرعي .. وتكون أخلاقك أحسن لأن كل الناس بتركز مع المنتقبة جدا فده حيساعدك إنك تجاهدي نفسك وتتخلي عن الحاجات الوحشه علشان تكوني واجهه مشرفة للمنتقبات وتكوني داعية إلى الله بشكلك وسلوكك من غير ما تتكلمي
عارفه الشيخ الحويني ربنا يبارك في عمره كان بيقول للرجل الي عايز يلتحي : ( دِه حتربيك قبل ماتربيها )
وأنا أعتقد كده برده في النقاب
طيب ماما وبابا خايفه ما يرضوش
حقولك حاجة ابدأي أنت بس ببرهم وبوسي إيدهم وراسهم ورجلهم يعني ماينفعش مثلا تكوني عاقة لوالديك إللي هو الفرض بعد توحيد الله عز وجل وتقولي النقاب ابدأي إنت معاهم بطاعتهم وخفض جناح الذل ليهم بجد ..والدعاء أنهم يرضوا وأن ربنا يشرح صدرهم ليه وأنا أؤكد لك أنهم والله حيرضوا إن شاء الله بأمر الله
ولما حد يطلب مني في الكلية إني أوريهم وشي ... لا يا ستي ألبسه أحسن لما أخلص كلية
وإيه المشكلة أنا مش فاهمة ماحدش حيطلب منك وإذا حد طلب منك لدواعي أمنية أو وقت الإمتحانات وكده
اوعي توري وشك لراجل واطلبي امرأة هي الي تشوفك
وعلى فكرة كل المصالح الحكومية حتى لما بتروحي مثلا تطلعي جواز سفر أو شهادة ميلاد أو أي حاجة من كده أنت ليك الحق إنك تطلبي امرأة هي إللي تشوفك ؛ ده حتى في المطار ده من حقك ... وأنا بقولك كده من باب التجربة يعني مش بضحك عليك
طيب لما أتجوز ألبسه إن شاء الله
حبيبتي ماحدش ضامن عمره
عارفة كان لي واحدة قريبتي كانت مش محجبة كده وأسلوبها ماكانش لطيف خالص سبحان الله بعد كده اتقلبت 180 درجة واتحجبت والتزمت جدا بعد كده لبست النقاب وبعدها بشهرين ماتت – ربنا يبارك في أعمارنا ويرزقنا حسن الخاتمة –
وخلي بالك إن أي معروف وخير لازم تعملي فيه 3 حاجات تعجيله وكتمانه وتصغيره .. شوفتي تعجيله ده .. دول حتى بيقولوا في المثل " خير البر عاجله "
طيب حقولك حاجة أخيرة بس ماتزعليش مني .. أنا بحب كده لما أنزل الشارع أكون جذابة كده والشباب يبصوا علي وأحس في عينهم إني حلوة
لا مش زعلانه من كلامك ده.. بس أنا حقولك ترجمة لكلامك ده أنت كده بتحبي تفتني الشباب ..وده يا حبيبة قلبي حرام خالص وافتكري أن كل واحد حتفتنيه حيكون في ميزان سيئاتك يوم القيامة وافتكري الآية ده والآية ده لما بقراها وأفتكر أيام جاهليتي بتوجعني أوي ربنا بيقول " إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ"
يعني كم واحد ممكن أكون فتنته أو عمل معصية لما شافني وأنا مش عارفه وماتوبتش – بجد ربنا يرحمنا –
يعني كم واحد ممكن أكون فتنته أو عمل معصية لما شافني وأنا مش عارفه وماتوبتش – بجد ربنا يرحمنا –
بجد ادعي ربنا كتير ربنا يبصرنا بالحق ويثبتنا عليه ويرزقنا الطاعة
هاااااااه قلتِ ايه ؟
اللهم أعنا على ذكرك وشكرك وحسن عبادتك
اللهم اهدنا لأحسن الأعمال والأخلاق لا يهدي لأحسنها إلا أنت واصرف عنا سيئها لا يصرف عنا سيئها إلا أنت
رد: مش بتحبيه ليه ؟!!
إظهار التوقيع
توقيع : nesrinaaa
التوقيع لا يظهر للزوار ..
رد: مش بتحبيه ليه ؟!!
إظهار التوقيع
توقيع : 7امون7
التوقيع لا يظهر للزوار ..
رد: مش بتحبيه ليه ؟!!
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| فوازير صعبة جدا وجديدة جدا 2025 واجابتها فوازير مضحكة جدا هتمووت م الضحك | yasmen ali | الغاز وفوازير | ||
| بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟ | نسمه الكون | المنتدي الاسلامي العام | ||
| ليه كل حاجة مش عادى بقت عادى | عہاشہقہة الہورد | فتيات تحت العشرين | ||
| نكت جميلة تموت من الضحك ,نكت مضحكة جدا 2025,نكت روعة 2025,نكت جميلة | yasmen ali | فرفشة عدلات | ||
| غلاسه سكر زياده | هبه شلبي | فرفشة عدلات | ||
الساعة الآن 12:18 AM
جميع المشاركات تمثل وجهة نظر كاتبها وليس بالضرورة وجهة نظر الموقع