أو

الدخول بواسطة حسابك بمواقع التواصل

#1

Post الاسكندريه سيدى بشر

[FONT=""][COLOR=""][SIZE=""]محتاره اوى ساعدوووووونى بالله عليكوا انا خلاص بيتى بيتخرب و مش عارفه اعمل ايه
انا متجوزه بقالى 3 سنين و من سنه و نص حصلت مشكله بينى و بين جوزى و اطلقنا و يعد شهرين رجهتله تانى بعد ما فضل يتحايل عاليه على اساس انه اتغير المهم بعد ما رجعنا لبعض كان فى الاول كوبس لاكن بعد كده كل حاجه اتغيرت ورجه اسوا من الاول خصوصا ان عرفت انه مش بيخلف و بعدها لاحظت عليه انه بيشرب حاجات كده و فضل يحلفلى يقول لا انا مش بشرب و كلام من ده و اسلوب حياته كل اتقلب على طوول مكتئب اكل مفيش خالص حاسه انى عايشه مع انسان مريض و صلاه مبيصليش ولا بيكعها يا ما نصحت فيه و الله انا مريحاه عا الاخر بنى ادم مهمل لاقصى درجه و انا مستحمله و ساكته على امل انه بفوق نفسه و للبيت الى هو بيخربه انا كان فى زوج يتقى الله فيه و فى طفل اعيش عشان اربيه و اعلمه احسن تعليك لاكن انا حاسه ان ربنا غضبان عا الانسان ده و انى هفضل طوول حياتى اتعذب معاه النهارده و الله فاض بيه خلاص لاتنرقت و خرجت عن شعورى و هو كمان قالى كلام جرحنى اوى و شتايم و بهدله و خلاق قالى انه مش عايزنى و انى كرهته فى عيشته و انه عايز يطلقنى بعد ما صبرت عليه و استحملته عايز يرمينىو طردنى من البيت كانى خدامه عنده دلوقتى انا مش عارفه اعمل ايه ولا اتصرف ازاى هل اكمل معاه ولالا وانا اصلا مش بشتغل و اهلى مش بتوع مشاكل و هما على قد حالهم يعنى مش ناقصين هم فوق همومهم و الله انا خلاص مش عارفه اعمل ايه ماليش غير ربنا اشتكى له الانسان ده كرهنى فى كل حاجه

ابو ايديكوا اوعوا تقولوا لى الراجل بياثر فيه موضوع الخلفه لا و الله هو فعلا انا حاسه انه مريض مش بسبب الخلفه هو على ططول يقولانا هفضل طوول عمرى عايش فى اكتئاب طب انا زنبى ايه فى ده كله ان تبقلى حياتى بالشكل ده ارجواكوا ساعدونى فى محنتى[/SIZE][/COLOR][/FONT]


#2

افتراضي رد: الاسكندريه سيدى بشر

انا شايفه ان مادام مافيش اولاد ولا اخلاق ولا دين وفيه شرب ماتتعيشيش معاه وربنا يرزقك احسن منه وان كان ع الشغل والفلوس ربنا يغنيكي لو استمريتي معاه حرام لانه اللي ذيه ممكن يبعدك عن دينك
#3

افتراضي رد: الاسكندريه سيدى بشر

حبيبتى اولا العيال مبيفتحوش بيت ياما ناس جابو اطفال واتطلقو وروحى محاكم الاسره واتفرجى
التأخير ربنا عامله لحكمه وسبب واضح اصلا ان زوجك مش مسؤل يمكن لو معاكى طفل منه يأذيكى ويأذيه وكل شىء بميعاد ده مش سبب عشان يعمل اللى بيعمله هو بس عاوز يحسسك بالذنب
الجأى الى الله وادعيله بالهداية يمكن ربنا يتوب عليه ويهديه ومتحسيش ابدا بالذنب لان الحياة مسؤليه مشتركه بين الزوج والزوجه مينفعش تكونى انتى المسؤلة عن كل حاجه خصوصا انك الترف الاضعف
#4

افتراضي رد: الاسكندريه سيدى بشر

حبيتي انا رأيي ان تأخير الخلفة دي فرصة ربنا اداهالك عشان تقرري اذا كنتي تقدري تكملي معاه وللا لأ واذا كنتي مش قادرة من دلوقت يبقى عمر الأولاد ماهيحلوا مشكلتك ويمكن وجودهم يكون فيه شقاءهم عشان كدة ربنا بيعمل الخير والأمر دلوقت في ايدك قرري هتكملي وللا لأ وان كان لأ يبقى الحمد لله ان مفيش أولاد يتبهدلوا وربنا يعوضك خير ويصلح لك الأحوال
إظهار التوقيع
توقيع : رحيق
#5

افتراضي رد: الاسكندريه سيدى بشر

بصى حبيبتى اذا كنتى كرهتيه فعلا فأحسنلك تسيبيه وكل واحد يروح لحاله ومتقوليش اهلى على قد حالهم انتى ممكن تشتغلى اى شغلانه طالما شغله شريفه لحد ما ربنا يرزقك تانى باحسن منه اما لو قررتى انك تستمرى فأعلمى ان حياتك كلها هتبقى تعب وبهدله لأنه انسان ميعرفش ربنا على حد قولك و مصانش جميلك ولأنك مستحملاه هيفتكر انك ضعيفه وهيفضل يذل فيكى فمن الافضل كفايه عليكى اللى راح من عمرك مع واحد ميستاهلش واحمدى ربنا انك هتخلصى منه من غير اطفال كانت تروح فى الرجلين وكمان انتى من حقك تفكرى فى نفسك بقى كفايه ظلمتى نفسك كتير وربنا معاكى ويهديلك الحال يارب
#6

افتراضي رد: الاسكندريه سيدى بشر

حبيبتي الله يعينك انتي لو بتحبيه هتستحملي بس صلي وادعيله وقوليله تعالا نصلي سوا عشان تحس براحه وعشان ربنا يرزقنا بالاطفال
اما لو انتي مش بتحبيه ده حاجه تانيه وكمان مفيش اطفال استخيري ربنا الاول قبل اي حاجه وربنا يسهلك الحال
إظهار التوقيع
توقيع : بطه
#7

افتراضي رد: الاسكندريه سيدى بشر

حبيبتى زى ما البنات قالوا الاولاد مش حيغلوكى اللى زى دة حيفضل طول عمرة كدة اشترى نفسك قبل ما العمر يفوتك وربنا يعوضك خير
#8

افتراضي رد: الاسكندريه سيدى بشر

اختى فى الله معنديش كلام اقوله اكثر من اللى حبايبى العدولات قالوه بصراحه كفوا ووفوا
فهذا انسان غير امبن على نفسه فكيف يصونك او يحميكى والحمد لله انه لايوجد اطفال لانهم كانوا هيتبهدلوا
معاكم وبالنسبه للشغل الى يدور يلاقى واولاد الحلال كتير وربنا سبحانه وتعالى مبينساش حد وان شاء الله
حيرزقك لانه هو الرزاق الكريم ومتهيالى ان اهلك لو عرفوا هم اللى حيساعدوكى تخلصى منه وربنا ينور
لك طريقك ويكون شايل لك الاحسن
#9

افتراضي رد: الاسكندريه سيدى بشر

حبيبتى الانسان ده محتاج جدا لمساعدتك له لانه مريض بالاكتئاب وتصرفاته دى خارجة عن ارادته وهو مش فى وعيه علشان كده ياريت تلجأى لاى حد مقتدر ماديا انه يساعدك فى علاجه عند دكتور نفسانى ضرورى هو ده الحل الوحيد علشان يرجع انسان طبيعى وبكده هتاخدى ثواب من ربنا انك وقفتى جنب زوجك فى محنته وانقذتيه من تدهور حالته اكتر وفى نفس الوقت هتبعدى عن الطلاق وتعيشى سعيدة مع زوجك .... لازم تساعديه على العلاج النفسى وفهميه ان العلاج ده عادى زيه زى اى مرض تانى علشان مايتضايقش من كلمة علاج نفسى بس لابد من العلاج ... ربنا يهديه ويشفيه ويصلح حالكم ويسعدكم .
إظهار التوقيع
توقيع : دفء الجنوب
#10

افتراضي رد: الاسكندريه سيدى بشر

مدري و الله ! اتمنى يكونوا البنات فادوكيّ!
إظهار التوقيع
توقيع : الـمـتـألـقـة
#11

افتراضي رد: الاسكندريه سيدى بشر

ربنا يعينك
#12

افتراضي رد: الاسكندريه سيدى بشر

والله اذا قدرتي تنفذي رأي دفء الجنوب
يبقى الله يكرمك و بعدين فين اهله
وواذا ما قدرتي فرأي لافالانتينا و رحيق كافي
ده حسب استطاعتك
ربنا معاكي
إظهار التوقيع
توقيع : ام هنا
#13

افتراضي رد: الاسكندريه سيدى بشر

يا اختى بداية اقول لك حاولى تشتغلى علشان ماتكونيش حمل على حد واوعى تستنى معاه وانتى مش حباه او مش قابلة تصرفاتة علشان بس هو بيصرف عليكى ربنا سبحانه وتعالى مش بيخلق حد من غير رزق ده اولا
ثانيا انتى لو عندك اولاد هو بالنسبه لهم حيكون زى قلته معلش مش حيطلعهم اسوياء احمدى ربنا انه اخر الاولاد شوية
ان شاء الله الاولاد ربنا سبحانه وتعالى حيرزقك بيهم فى جو احسن من ده ومع شخص تقى ان شاء الله
#14

افتراضي رد: الاسكندريه سيدى بشر

الصبر مفتاح الفرج وربنا يصلح الحال..
إظهار التوقيع
توقيع : قوت القلوب 2
#15

افتراضي رد: الاسكندريه سيدى بشر

ربنا يصلح حالك ويهدى لكى زوجك
لو سمحتى يا حبيبتى استخيرى ربنا لاول

#16

افتراضي رد: الاسكندريه سيدى بشر

حبيبتي لا تحتاري بل استخيري الله و هو رح يهديك للصواب يمكن لوصبرتي ربنا يعوضك ويصير احسن و يعوضك عن الاذى اللي سببه لكي وربنا يهديكي للافضل
#17

افتراضي رد: الاسكندريه سيدى بشر

ربنا معاكى ويصلحلك الحال


قد تكوني مهتمة بالمواضيع التالية ايضاً
الموضوع كاتب الموضوع المنتدى
شقة للبيع بالاسكندرية 68 م سيدى بشر ترى البحر فرست55 بيع عقارات , استثمار
مسجد سيدي بشر حياه الروح 5 عدلات للسياحة والسفر والرحلات
فرصة للتميز شقة 115 متر صافى سيدى بشر قبلى وردة بيضة بيع عقارات , استثمار
مش هقول تاني انكم بشر..بقلمي سر الحياه دينا الاسلام أقلام عدلات الذهبية


الساعة الآن 11:37 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل