أو

الدخول بواسطة حسابك بمواقع التواصل

#1

افتراضي عايزة رأيكم بسرعة ضرورى

السلام عليكم ورحمة الله وبركاته




معلش يا جماعة انا عايزة اّخذ رأيكم فى حاجة بس مش عايزاكم تزهقوا منى انا عارفة انى تعبتكم معايا بس اعذرونى دلوقتى المرحوم (طليقى ) بطل يدفع لابنى الشهريه بتاعته بقاله 4 شهور وكل كام شهر يروحله الحضانه ويجيبله لعبه حقيرة ماتعديش 20جنيه او شوية بسكوتات وعصاير وطبعا انا ماما بتاعة التربية والضرب والزعيق والتمرين والمذاكرة هوابنى لو تفتكروا عنده 4سنوات ونص ودلوقتى الولد بقى بيتكلم مع بنت اختى هى كبيرة وبيحبها جدا ويقولها انا عايز اروح لبابا ويقعد معاه لانه بيشوف بابا عشر دقائق بس وطبعا كلهم حنيه والمرحوم دلوقتى عايش حايته بالطول والعرض وعريس ومتهنى بصراحه المعلمة بتاعتى قالتلى كلمى ابو الولد وقوليله ان الولد عايز يعيش معاك وخليه ياخده شويه ويتحمل مصارفه ومسؤليته وعلى فكرة انا ابنى صعب شوية يعنى شقى 3حبات وطبعا انا مش هاسيبه على طول لكن انا عايزة الولد يجرب فرق المعامله عن قرب خصوصا ان الولد هايكتم على انفاس العرايس ولانى خايفة لانه عند الطلاق قال لبابا انا هاخده بس فى الوقت المناسب يعنى لما اكون انا شلت اصعب فترة ويكون هو خلاص بقى بيعتمد على نفسه وانا خلاص قدمتله فى مدرسة ازهرى لغات وطبعا سيادته مايعرفش اى حاجه عنه عايزة اعرف رأيكم ابعتهوله ولا للأ وعلى فكرة انا هابعته بعد المقابله للمدرسة 2/5 لغاية بداية الدراسة بس والده مش هايبقى عارف انها فترة محددة


إظهار التوقيع
توقيع : سكاسك
#2

افتراضي رد: عايزة رأيكم بسرعة ضرورى

والله حبيبتى انا انصحك خلى ابنك عندك وفى حضنك وقربيه منك وعامليه معامله خاصه كلميه وفهميه انكى بتعاقبيه لمصلحته لان باباه شكله بعيد عن ربنا فمش حيتقى الله فيه ومش حيربيه تربيه سويه بالعكس حيضيع تعبك مع ابنك وتربيتك ليه وحيعلمه من طبعه دا رايى وانتى ليكى الاختيار الله يوفقك
#3

افتراضي رد: عايزة رأيكم بسرعة ضرورى

شوفى يا سكاسك منصحكيش ابدا ابدا تسيبى ابنك لباباه خليه فى حضنك حتى لو هو مفكر ان باباه حاجه تانيه ده صغير مش فاهم بكرة يكبر ويفهم
متخليهوش محل نزاع بينك وبين والده ومتأتمنيش عليه ست غريبه لانها مش امه كمان مع احترامى لكل الابهات الا انهم فى السن الصغير ده برضو لا امان لهم
لاحظى كمان ان ممكن اللى بتفكرى فيه يقلب عكسى والولد ينبسط معاه وميرضاش يرجعلك او بابا ياخده نكاية فيكى ويضغط بيه عليكى
انصحك تنسى الراجل ده خالص وافتكرى انه كان غير امين عليكى عشان تأتمنيه على ابنك هو وزوجته الغريبه متحرميهوش من حضنك ده فى امس الحاجه ليكى
#4

افتراضي رد: عايزة رأيكم بسرعة ضرورى

انا من رأيي لو ابنك حاب يروح عند باباه ابعتيه وخليه يقرف ابوه حبتين وشوفي حياتك واتجوزي لانه من ناحيه قانونيه الولد بخيروه مين عاوز واكيد كونه بحب ابوه حيختاره فجربي اول شي ابعتيه اسبوع وشوفي لو بتقدري كملي
إظهار التوقيع
توقيع : نسيم البحر
#5

افتراضي رد: عايزة رأيكم بسرعة ضرورى

انا متشكرة جدا لسرعة تجاوبكم معايا وعايزة اقولك يا لافلاتينا انى بستنى ردك انتى بالاخص معرفش ليه ولكن يا نسيم انا لا يشغلنى موضوع الزواج بالمرة لانهم كلهم منتج واحد باختلاف مدة الصلاحية
إظهار التوقيع
توقيع : سكاسك
#6

افتراضي رد: عايزة رأيكم بسرعة ضرورى

موفقه
إظهار التوقيع
توقيع : نسيم البحر
#7

افتراضي رد: عايزة رأيكم بسرعة ضرورى

ربنا معاكى يا حبيبتى انا رايى خلى ابنك معاكى انتى اللى حتندمى لو يوم بعد عنك مش حتقدرى تعيشى بعيد عنة وبلاش تعندى ابوة بالولد على انة حيفك عيش الزوجية الجديد
انتى مش طامنة الست التانية حتعمل فية اية يمكن تضربة او متاكلهوش او تشتمة خدى ابنك بحضنك يا حبيبتى انتى احن علية
#8

افتراضي رد: عايزة رأيكم بسرعة ضرورى

انا معاكم ياعدولات حبيبتى ابنك محدش هيكون احن عليه منك وممكن مرات ابوه تعامله وحش وتضربه وتهينه هل هتقدرى تستحملى ده؟؟؟؟؟؟؟؟؟ وممكن كمان العكس ممكن يحببه فيها وياخدو الولد فى حضنهم ويفسحوه ويجيبولو اللعب والحاجات دى وساعتها بقى يا ناصحه الولد مش هيرضى يرجعلك تانى وهيفضل قاعد معاهم وافتكر ده هيبقى صعب عليكى جدا والاصعب بقى لو خدو منك وبعته لأمه مثلا (ام طليقك ) تربيه بحجة انه عريس ساعتها مش هتلومى الا نفسك وهتبقى عاوزة ابنك بأى طريقه
حبيبتى خدى ابنك فى حضنك وحاولى تعوضيه عن باباه وحرمانه منه انتى كمان هاتيله لعب وفسحيه ومتحاوليش تعاقبيه جامد حتى لو شقى شويتين خلى العقاب يكون فى المتوسط عشان ده ولد والاولاد بطبيعتهم عنديين وبعد ماتعاقبيه اقعدى واتكلمى معاه كأنه كبير وفهميه غلطه وخدى منه وعد انه مش هيعمل كده تانى ولما يوعدك صالحيه بلعبه او بفسحه وكده يعنى وربنا يهديهولك ويحنن قلبه عليكى
#9

افتراضي رد: عايزة رأيكم بسرعة ضرورى

  • استغفر الله العظيم عدد خلقه ورضا نفسه وزنة عرشه ومداد كلماته
#10

افتراضي رد: عايزة رأيكم بسرعة ضرورى

خاللي ابنك معاكي يا قمر وممكن يشوف والده يوم في الاسبوع او يومين مش مشكلة
لكن يجلس مع والده بصفة دائمة طبعا لا
إظهار التوقيع
توقيع : nesrinaaa
#11

افتراضي رد: عايزة رأيكم بسرعة ضرورى

والله لافالانتينا وام حمزة وعمر قالوا اللي في نفسي خافي أحسن اللعبة تتقلب عليكي وتندمي وخللي ابنك في حضنك وخافي عليه من زوجة أبوة وربنا يعينك حبيبتي
إظهار التوقيع
توقيع : رحيق
#12

افتراضي رد: عايزة رأيكم بسرعة ضرورى

طبعا مش تودى ابنك عند باباه وتحرمى ابنك من حنانك
فهميه براحة انك بتعقبيه عشانهو غلط
اكيد مش كل حاجة الضرب
مرة تعرفيه
خديه خرجيه وديه الملاهى
اوعى تفرطى فيه
إظهار التوقيع
توقيع : نجوم الليل


قد تكوني مهتمة بالمواضيع التالية ايضاً
الموضوع كاتب الموضوع المنتدى
عايزة رأيكم يا عدولات ايه اللون الأحلى ؟ ♥ حسناء سؤال وجواب
انا عايزة شغل منتديات او كتابة مواضيع باست وكوبى ضرورى توتى فروتى وظائف نسائية شاغرة
عايزة اعرف اسعار خامات الاكسسوارات والخرز ضرورى ؟؟؟ kiki koko سؤال وجواب
يا جماعة انا عايزة شغل ضرورى yasmeen m7md وظائف نسائية شاغرة
محتاجة رأيكم ضرورى saso love فضفضة وحل المشاكل


الساعة الآن 03:39 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل