أو

الدخول بواسطة حسابك بمواقع التواصل

#1

افتراضي عاوزة انتقم منه بس ياريت محدش يقولي انسي

[FONT=""][COLOR=""][SIZE=""][font=""][color=""][size=""]انا من عائلة محافظة وملتزمة جدا وانا بنت وحيدة ماليش اخوات بنات اخواتي الاولاد علي قدر حبهم ليا علي قدر حزمهم وشدتهم معايا
اتخرجت من كلية كويسة اوي واشتغلت في وظيفة حكومية محترمة والحمدلله طول فترة المدرسة والجامعة مكنش ليا علاقات باولاد ولاعمري حبيت قبل كده لاسباب اهمها خوفي من اهلي / اهتمامي بدراستي / كنت شايفة كل الاولاد من سني مش كفئ لا حب ولا ارتباط تفاهة سطحية عدم تحمل مسئولة لكن بيني وبين نفسي كنت بتمني اقابل الانسان اللي بحلم بيه
اول ماشتغلت كان ليا زميل في نفس الشغل ونفس المكتب من اول ما شوفته حسيت انه هو ده الانسان اللي كنت بدور عليه طول حياتي راجل محترم مثقف شهم حاولت اني اهرب من احساساتي دي لاني خايفة اتصدم وكنت بقول لنفسي يمكن يكون مرتبط يمكن يكون يمكن يكون الف يمكن يكون كانت بتدور جوايا هو كمان كنت بلاحظ اهتمامه بيا
مع الوقت اتأكدت اني بحبه بقيت اغير عليه اذا لاحظت ان اي واحدة بتكلمه من زميلاتي ازعل اوي لو عدي يوم مجاش الشغل ومع الوقت كان هو بيبين اهتمامه بيا انا طبعا مش قادرة احكي تفاصيل عشان مطولش عليكم
وفي يوم من الايام سألني انتي ليه مش بتتجوزي بيني وبين نفسي فرحت جدا وقلت يمكن يكون عاوز يطلب ايدي وقت كنت اخد اجازة كنت اعرف انه سأل عليا واحيانا كان يتصل بيا بحجة انه يسالني علي حاجة في الشغل ده غير ان نظرته ليا كانت بتتحسسني انه معجب بيا ودايما حاسة انه كان عاوز يقولي حاجة والله العظيم انا لحد دلوقت متأكده ان كان جواه حاجة من ناحيتي وفي مرة قررت اني هاصارحه بحبي ليه لانه هو واقف في مكانه وانا واقفة في مكاني ومفيش اي تقدم خالص وفعلا عملت ده وصارحته بطريقة غير مباشرة المهم انه فهم واتصل بيا وقاللي ليه خبيتي عليا قلتله كنت خايفة اقولك يكون فيه حد في حياتك قاللي انا حاسس بيكي وانتي انسانة رقيقو وانا احييكي علي شجاعتك معايا واتفقنا اننا هناخد وقت نعرف بعض فيه بس طلبت منه اني مخرجش معاه ابدا لاني مينفعش اعمل كده واحنا مفيش بينا اي ارتباط رسمي وهو احترم رغبتي جدا




جدا كان كل يوم بيكلمني يحكيلي عن نفسه وانا كمان بنحب ايه ونكره ايه بس ولامرة قاللي بحبك وانا كمان مقلتش بس هو كان عارف اللي جوايا وانا كمان كنت حاسة بيه والله انا حسيت انه بيحبني انا قلبي عمره ماكذب عليا وكذا موقف يحصل كان بيأكد احساسي ده لحد مافي يوم بابا عرف اني بكلم شاب وطبعا بابا شديد جدا صارحته بالحقيقة وقلتله انه لسه مفاتحنيش في حاجة بابا قاللي انه قدر صراحتي وانه واثق فيا واني عمر ي ماعمل حاجة غلط وعطاني فرصة شهر لو مجاش طلب ايدي اقطع علاقتي بيه وانا كنت حاسة اني خلاص قربت احقق حلم حياتي لحد ماف يوم حسيت انه لازم اعرف نهاية الموضوع ايه فحاولت وسالته لقيته بيقولي انا حاولت اقرب منك لكن انا مش قادر اشوفك اكتر من زميلة وبس الحقيقة سكت ولاعرفته ان ح من أهلي عرف حاجة ولاقدرت ارد علي والدي وبعدت عنه تماما واتصدمت لاني واثقة انه كان في مشاعرجواه ليا وفجأة اتغير طيب هو كان يقدر يقولي كده من الاول من اول ماصارحته وكان يقدر يقولي احنا اخوات لكن ده انا حسيت انه ماصدق اني قلتله كده وفرح كمان الف سؤال جوايا ليه ابتدي وليه نهي ليه قرب وليه بعد انا كنت حاسة بمشاعره مش مشاعر زميل ناحية زميلته اي واحدة فينا بتحس واحساسها بيكون صح في اوقات كتير هو ليه عمل فيا كده انا اتحطيت في اوحش موقف ممكن ا ي بنت تتحط فيه قدام ابوها قدام نفسي انا بتمني اني اشوفه ندمان نفسي اعرف انه ندم نفسي يحس اد ايه هو جرحني اسفة طولت عليكم بس كنت مخنوقة وماصدقت لقيت حد افضفض معاه[/size][/color][/font][/SIZE][/COLOR][/FONT]


#2

افتراضي رد: عاوزة انتقم منه بس ياريت محدش يقولي انسي

بصى ياقمر
هنتكلم بصراحه
انتى اولا غلطتى لما كلمتى واحد غريب عنك
كان المفروض كلامكم يبقى فى حدود الشغل فقط
انتى المفروض كنتى فهمتى انه لو من الاول بيحبك كان صارحك او على الاقل كان قالها ليكى فى مكالمتكم الى المفروض انها اصلا حرام
نيجى للى مفروض تعمليه انك لازم تنسيه وتستغفرى ربنا على كلامك له من غير رابط رسمى بينكم
واشغلى نفسك بالقران والاستغفار والتسبيح
صونى نفسك للانسان الى ربنا كتبهولك ويستاهلك
والانسان لازم يجرب ويتصدم عشان يتعلم
وربنا ييسرلك الخير
تقبلى مرورى
#3

افتراضي رد: عاوزة انتقم منه بس ياريت محدش يقولي انسي

بارك الله فيكى يا حوراء 25هو ده المفروض اى واحده ست المفروض ملهاش اى كلم مع اى حد ده مش كلمى انا ده كلم ربنى عزه زجل حبيبتى من الفروض انك متكلميش دى بيزيد من احترامك يا عسل الله يوفقك فى حياتك وتلقى واحد يعرف ربنى علشان يحترمك طول العمر السلاااام عليكم
#4

افتراضي رد: عاوزة انتقم منه بس ياريت محدش يقولي انسي

هو كان بيلعب ولما حس ان الموضوع حيدخل فى الجد خلع
الحمد لله انها جت على قد كده مفيش راجل له امان
انتى بتتكلمى عن واحد بيشتغل مش مراهق يعنى لو جد كان اتقدملك من اول يوم لكن هو واضح لعبى واسلوبه واضح
انصحك تبعدى عنه نهااااااااااائى لان اللى زى ده ملوش امان
#5

افتراضي رد: عاوزة انتقم منه بس ياريت محدش يقولي انسي


المشاركة الأصلية كتبت بواسطة لافالانتينا
هو كان بيلعب ولما حس ان الموضوع حيدخل فى الجد خلع
الحمد لله انها جت على قد كده مفيش راجل له امان
انتى بتتكلمى عن واحد بيشتغل مش مراهق يعنى لو جد كان اتقدملك من اول يوم لكن هو واضح لعبى واسلوبه واضح
انصحك تبعدى عنه نهااااااااااائى لان اللى زى ده ملوش امان
بالظبت كده

إظهار التوقيع
توقيع : نيڨين
#6

افتراضي رد: عاوزة انتقم منه بس ياريت محدش يقولي انسي

حبيبتي انا مش حلومك ابدا ع يلي صار بس اتأكدي انه انتي الكسبانه لانه ده وما تزعليش مني انسان حقير ولو كان عنده زره احساس مكنش عمل كده خليكي ريلاكس واتخيليه جزمه قديمه وخلعتيها لانها معفنة وخديه درس لالك كل شي بيجي ببساطة بروح ببساطه وكل ما قدرتي اتقلي ع الشباب وما ترميش نفسك لانهم متل الكلاب لو شموا ريحة اللحم بيهجموا ع طول ولو صديتيه بيخاف وبيهرب ولو نيته صافية ع طول بيجي بيخطبك حتى ما يفتح مجال للناس تحكي
اوكيه حبيبتي ما تزعلي نفسك لا بالعكس انتي لازم تفرحي انك كشفتيه بسرعة
إظهار التوقيع
توقيع : نسيم البحر
#7

افتراضي رد: عاوزة انتقم منه بس ياريت محدش يقولي انسي

حبيبتى الله يعوضك بشخص يتقى الله فيكى ويحافظ عليكى
إظهار التوقيع
توقيع : ♥ احبك ربى ♥
#8

افتراضي رد: عاوزة انتقم منه بس ياريت محدش يقولي انسي

اهلا حبيبتى

طبعا كلام اخواتى كله صح

وانا كمان مش حلومك

انا حقولك حاجه وحده

اقعدى مع باباكى

وقوليله يابابا انا اكتشفت ان الانسان ده مايناسبنى ابدا

وانا اسفه انى معرفتش اختار

وخلاص


كده انهيتى الموضوع

اما عن الحقير ده

كفايه جدا انك تطنشيه ومتحسسهوش انك حزينه او ندمانه او زعلانه بالعكس

حسسيه انك ولا اتاثرتى

ده بيحرق دمه بجد
وخليكى ثقيله وابعدى عنه وعن امثاله لامك ماشاء الله مش محتاجه حد زيه
إظهار التوقيع
توقيع : ريموووو
#9

افتراضي رد: عاوزة انتقم منه بس ياريت محدش يقولي انسي

البنات كفو ووفو ربنا معاك ياقمر
اهم شئ ماتبينله انك متاثرة خليك قوية هذا اللي يحرق دمه ويدمره
إظهار التوقيع
توقيع : ايمان المقصبي
#10

افتراضي رد: عاوزة انتقم منه بس ياريت محدش يقولي انسي

بصى يا حبيبتى ربنا يخلفك خيرا منه بس عايزة ملحوظه مهمه جدا جدا جدا ان المرحوم جوزى كان بيكلم نسوان كتير وللاسف كان بيسجلهم وده اوبشن موجود فى اغلبية الموبايلات وخلى بالك انتم فى مكان واحد وانتى ماتعرفيش اخلاقه لان كل الرجاله زى العسل والشربات فى التليفون وقبل الجنازة يعنى الجوازة لكن بعد الجواز حاجة تانيه ويمكن تالته خالص خدى حذرك منه لان اى واحد ممكن يقدر يحسسس اى واحدة انه بيدوب فيها وهى فى زيها معاه كتير
إظهار التوقيع
توقيع : سكاسك
#11

افتراضي رد: عاوزة انتقم منه بس ياريت محدش يقولي انسي

البنات افادوكي بكل اللي كنت هاقوله لك ومش مهم الل فات قد مايهمنا اللي جاي وكون اتعلمنا
-ان مش كفاية احساسك وحده لازم يكون فيه موقف جاد من الطرف الثاني
-ان متتكلميش مع شاب بصفة خاصة الا لو ارتبط بيكي رسمي بمعرفة الأهل
ومعلش حبيبتي الحياه بتعلمنا


إظهار التوقيع
توقيع : رحيق
#12

افتراضي رد: عاوزة انتقم منه بس ياريت محدش يقولي انسي

حبيبتى البنات قالولك كل الحلول وانت فعلا الكسبانة ولا تندمى على تركك له لانه لايستاهل انك تفكرى فيه - وانتى ياما حتقابلى ناس كتير انت زعلانه لانه اول واحد حسيتى بيه لاكن انتى لسه صغيره وياما حيورد عليكى اشكال كتير -فبطلب منك التانى فى الاختيار وادعوا الله لك بالزوج الصالح الذى يتقى الله فيكى ويخاف عليكى ويحبك
تمنياتى لك بالوفيق
#13

افتراضي رد: عاوزة انتقم منه بس ياريت محدش يقولي انسي


المشاركة الأصلية كتبت بواسطة dina ahmed
بارك الله فيكى يا حوراء 25هو ده المفروض اى واحده ست المفروض ملهاش اى كلم مع اى حد ده مش كلمى انا ده كلم ربنا عزو جل حبيبتى من الفروض انك متكلميش دى بيزيد من احترامك يا عسل الله يوفقك فى حياتك وتلقى واحد يعرف ربنى علشان يحترمك طول العمر السلاااام عليكم
عندك حق
#14

افتراضي رد: عاوزة انتقم منه بس ياريت محدش يقولي انسي

بصى ياقمر انتى اهم حاجه تعرفيها ان ربنا كاتبلك انسان معين فى وقت معين ومكان معين وهتلاقيه كمان يحبك بعيوبك قبل مميزاتك وانتى كمان هتحبيه بعيوبه ومميزاته فلو ربنا كاتبلك الانسان ده هاتخديه اما لو ده مش نصيبك فلو عملتى ايه استحاله هتاخديه فسلمى امرك لربنا وأرضى بنصيبك وسيبك منه خااااااااااااالص واعتبريه مش موجود وعامليه بمنتهى البرود زى الكراسى والترابيزات اللى فى المكتب عندكو فى الشغل وده هيحرق دمه ويعرف انه حتة بتاع ملوش لازمه فى اى حاجه وانه ولا همك ولا بتفكرى فيه اصل خدى بالك هو ممكن يكون خد مقلب فى نفسه وفكر نفسه روميو ولا حاجه وربنا يصلحلك الحال ويرزقك بنصيبك
#15

افتراضي رد: عاوزة انتقم منه بس ياريت محدش يقولي انسي

حبيبتي هيك الشباب بس شاطرين نظرات مزيفه وكلام معسول ورقه كدااابه لحد مايغرقو البنت بحبهم
هيك انسان مابستاهل حتى تفكري فيه طنشيه وصدقيني راح يندم
إظهار التوقيع
توقيع : om tareq
#16

افتراضي رد: عاوزة انتقم منه بس ياريت محدش يقولي انسي

عيشي حياتك عادي جدا واتصرفي بكل تلقائية ولا كأن حاجة حصلت كأن شيئا لم يكن
متخليش حكاية زي دي تأثر عليكى اعتبريه مش موجود
الرجالة اللي زي دي متستاهلش حتي الثانية اللي تفكري فيها
واكيد والدك مدام واثق فيكي هيلاحظ انك قطعتي علاقتك بيه تماما
ولو سألك قوليله انه كان اتفه من اني اخليه يقابلك وانك ناضجة وتعرفي تتصرفي في هذه الامور ولا يستطيع احد ان يشغل تفكيرك او يلعب بيكي
خليكي اقوى وخلى هذا الموقف يعطيكي قدرة على التحكم في مشاعرك امام الاخرين
وفقك الله وريح بالك
#17

افتراضي رد: عاوزة انتقم منه بس ياريت محدش يقولي انسي

المفروض ماتصارحيه الا لين صارحك وحسيته انو جاد
#18

افتراضي رد: عاوزة انتقم منه بس ياريت محدش يقولي انسي

مافي احد صادق هذه الايام
إظهار التوقيع
توقيع : هبة علي
#19

افتراضي رد: عاوزة انتقم منه بس ياريت محدش يقولي انسي

اولا احب اعرفك انه انسان غير صريح وغامض الراجل لما بيعجب باي واحدة هو الي بيسعي الي ان يتحدث معها قبلها وتاكدي انه مرتبط بانسانه ثانية ممكن تكون من العائلة ومفروضة عليه وكان عايز يتسلي معاكي ولما لاقي الموضوع فيه كلام جد قال لكي هذه الجملة الحمدلله ان ربنا كشفه في الاول هذه تجربة تعلمك الكثير جدا ولازم ااقولك انسي لان النسيان نعمة من نعم الله
#20

افتراضي رد: عاوزة انتقم منه بس ياريت محدش يقولي انسي


المشاركة الأصلية كتبت بواسطة نسيم البحر
حبيبتي انا مش حلومك ابدا ع يلي صار بس اتأكدي انه انتي الكسبانه لانه ده وما تزعليش مني انسان حقير ولو كان عنده زره احساس مكنش عمل كده خليكي ريلاكس واتخيليه جزمه قديمه وخلعتيها لانها معفنة وخديه درس لالك كل شي بيجي ببساطة بروح ببساطه وكل ما قدرتي اتقلي ع الشباب وما ترميش نفسك لانهم متل الكلاب لو شموا ريحة اللحم بيهجموا ع طول ولو صديتيه بيخاف وبيهرب ولو نيته صافية ع طول بيجي بيخطبك حتى ما يفتح مجال للناس تحكي
اوكيه حبيبتي ما تزعلي نفسك لا بالعكس انتي لازم تفرحي انك كشفتيه بسرعة
صح كده وحسبنا الله ونعم الوكيل


قد تكوني مهتمة بالمواضيع التالية ايضاً
الموضوع كاتب الموضوع المنتدى
روايتي الثانيه ...( في خطوتك .. سكتي) عندما تعشق الشوكولاته أقلام عدلات الذهبية
تنمية المهارات الحسية لدى الأطفال المعاقين بصرياً للجنة اسعى❤ ذوي الاحتياجات الخاصة
الاعشاب وفوائدها بالصور امة الله الطب البديل
ديكورات بيت احلام منه الله احمد , تصوراتى لبيت منه الله احمد المستقبلى ريموووو ديكورات ومفروشات
احذرن منه انه خطيــر الى أبعد الحدود .. !! انوثه شرقيه المنتدي الاسلامي العام


الساعة الآن 08:06 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل