أو

الدخول بواسطة حسابك بمواقع التواصل

#1

حصرياً ***اتيكيت التعامل مع الجارات***

الرسول وصانا على سابع جار وديننا بيحثنا على معاملة الجار بالحسنى والجيران والجارات خاصة جزء مهم في حياتنا ومن الناس إللي بنتعامل معاهم بشكل دائم .. طب ازاي نحافظ على علاقتنا الكويسه مع كل جارتنا ؟
دي شوية نقاط او نصائح انا جربتها شخصيا وبعضها من خبرات ماما وصحباتي ولما طبقتها الحمدلله النتيجه بقيت حلوه جدا وكل جاراتي هنا في العماره بيحبوني جدا وبيشكرو فيا وفي نفس الوقت بيحترمو خصوصيتي وماحدش بيزعل لو قلتلو مشغوله او مش حأقدر عشان فرضت احترامي واسلوبي وشخصيتي عليهم من الأول وفهموني وعرفو اني لما ابقى فاضيه بجد مش بأقصر واني دايما بأقوم بالواجب معاهم .
1. لازم تقومي بالواجب مع جارتك يعني وحده تمرض تروحي تزوريها وحده تبقى عندها مناسبه حلوه تروحي تهنيها وحده لاسمح الله عندها عزا لازم توقفي معاها وده بغض النظر انتي مشغوله ولا لا الحاجات دي مهمه ولازم قبل ماتروحي ترني تلفون وتقولي انك جايه .
2. لما تروحي تزوري جارتك تبقي خفيفه في القعده مش تطولي وتكبسي عالست وهي وراها طبيخ وشغل بيت وكده يعني خليكي فاهمه .
3. لما تروحي تزوري جارتك عيب اوي تبصي يمين وشمال وتسأليها جبتي ده منين ؟ وده بكام ؟ ومش غالي كده ؟ لحقتي تحوشي فلوسه ازاي ؟ كده بتبقي كأنك فاتحه تحقيق للست وده شعور وحش اوي .

4. تبقي تفهمي جارتك بإسلوب حلو كده الوقت اللي يناسبك للزيارات الصبح مثلا لما جوزك بيقى في الشغل والعيال في المدرسه وتبقي توضحي لهم انك مش بتستقبلي حد في غير الوقت ده مش لأنك مش عايزه لا بس لأنك بتبقي مشغوله بجوزك وولادك .

5. لما تشوفي جارتك جايه من السوق ومعاها حاجات كتير عيب اوي تفضلي تبصي على حاجاتها وتقولي لي لها ايه ده اشتريتي السوق كله ؟ وعيب برضو تسأليها جابت ايه وعيب اكتر تطلبي منها تفرجك على حاجتها لأنك حتكسيفيها كده جايز حاجات خاصه ومش عاوزه توريكي فليه الإحراج من اصلو .

6. لو نازله من السلم ومريتي من قدام باب شقة جارتك وسمعتيها بتزعق في جوزها ولا بتتخانق مع ولادها مايصحيش تقفي وتقعدي تتسمعي اولا عشان دي حاجات خاصه ومابتحبيش حد يتسمع عليكي وتانيا عشان لو حد نزل من السلم ولاقاكي واقفه بتتنصتي !!! حيبقى شكلك وحش خالص !

7. لما تروحي تزوري وحده جارتك او جاراتك يجو يزوروكي خلي لبسك عادي يعني البسي وتشيكي بس مش اوفر مش كأنك لابسه عشان تروحي فرح! كده يحسو انك بتعملي رسميات مابينكم خليكي طبيعيه أحسن في الشكل والمضمون .





8. لو ضيفتي جارتك عصير ولا جاتوه وقالت لك لا يبقى لا ! ماتقعديش تحلفي عالست وتقولي لها لازم تاخدي جايز الست عامله دايت أو لا سمح الله فيها سكر! سيبها براحتها وماتضايقهاش ولا تعملي نفسك زعلتي خالص .

9. أعرفي امتى تقولي لا لجاراتك وماتسمحيش لحد يستغلك ابدا يعني اللي كل شوي بتخبط عليكي الباب عاوزه سكر وساعات قهوه وساعات ملح دي ممكن تديها مرتين تلاته اكتر من كده تقولي لها لا (هو انتي فاتحه شقتك سوبر ماركت مثلا).

10. لو جارتك قالت لك سر او حاجه خاصه بينها وبين جوزها ماتقوليش لحد ابدا اكتمي السر وخليكي أمينه عشان النقطه دي بالذات فيها خربان بيوت .

11. ماتقوليش اسرارك ولا حتى حياتك وخناقاتك مع جوزك قدام وحده من جارتك خلي حياتك وجوزك وولادك حاجه خاصه مايصحش تتكلمي فيها وابقي تكلمي عن حاجات عامه زي الطبخ والجو ووضع البلد والحاجات دي .

كفاية لحد كده وان شالله تكوني استفدتو ياعدولات وإلى اللقاء في مواضيع اخرى


إظهار التوقيع
توقيع : ام نيرة
#2

افتراضي رد: ***اتيكيت التعامل مع الجارات***

مشكورة
#3

افتراضي رد: ***اتيكيت التعامل مع الجارات***

شكرا على النصائح وربنا يبارك فيكى..
إظهار التوقيع
توقيع : قوت القلوب 2
#4

افتراضي رد: ***اتيكيت التعامل مع الجارات***

يسلمووووو حبيباتى
إظهار التوقيع
توقيع : ام نيرة
#5

افتراضي رد: ***اتيكيت التعامل مع الجارات***

يتصفح الموضوع حالياً : 16 (1 عدلات و 15 زائرة)
إظهار التوقيع
توقيع : ام نيرة
#6

افتراضي رد: ***اتيكيت التعامل مع الجارات***

شكرا يا جميل ع الموضوع الحلو ده
تسلمى
إظهار التوقيع
توقيع : حسناء
#7

افتراضي رد: ***اتيكيت التعامل مع الجارات***

تسلميلى حبيبتى
إظهار التوقيع
توقيع : ام نيرة


قد تكوني مهتمة بالمواضيع التالية ايضاً
الموضوع كاتب الموضوع المنتدى
اتيكيت التعامل مع الزوج العصبي,تعرفي علي اتيكيت التعامل مع الزوج العصبي,واصول الاتيكي نَقاء الرُّوح فن الاتيكيت والتعامل مع الآخرين
اتيكيت التعامل مع الزوج العصبى،كيف تتعاملين مع زوجك العصبى،أصول التعامل مع زوج عصبى كيوت متل التوت فن الاتيكيت والتعامل مع الآخرين
اداب التعامل مع الاصدقاء ، فن التعامل مع الاصدقاء ، اتيكيت التعامل مع الاصدقاء الاميرة النائمه فن الاتيكيت والتعامل مع الآخرين
اتيكيت التعامل مع المعوقين بلقيس123 فن الاتيكيت والتعامل مع الآخرين
اتيكيت التعامل مع الناس كيفيه اتقان فن التعامل مع الاخرين سوبر مامى فن الاتيكيت والتعامل مع الآخرين


الساعة الآن 03:07 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل