أو

الدخول بواسطة حسابك بمواقع التواصل

#1

افتراضي حملة هاحافظ علي جوزي حبيبي . مين هتيجي معايا

السلام عليكم ورحمة الله وبركاته

مفيش شك ان الستات هما الاكثر صبر وتحمل وقدرة علي عمل اكتر من حاجة في وقت واحد

تعالوا نستغل الطاقة اللي جوانا دي في اننا نحافظ علي ازواجنا ونرضيهم وفي ذلك سبيل الي مرضاة الله عز وجل

تعالوا نبدأ واحدة واحدة بس متزعلوش مني عشان هاطول عليكم بس صدقوني الموضوع يستاهل

أول حاجة تعالوا نعترف بينا وبين بعض ان زي مالرجالة فيها عيوب الستات فيها عيوب اكتر وساعة احنا بنخلي مشكلة صغيرة اد كده تتحول لمصيبة كبيرة
ندخل في الموضوع

***- انا مش عارفة احنا ليه ياستات بنتغير بعد الجواز من ناحية كل حاجة يعني شكلنا جسمنا طريقتنا في الكلام بنتغير 180درجة
انهاردة انا هعرض العيوب اللي فينا وفي الجزء التاني هعرض الحلول

يعني قبل الجواز تلاقي الواحدة فينا زي الغزال وبعد الجواز مش مهم بقي ماهي خلاص بقي اتجوزت وحققت هدفها في اصطياد سي السيد وبعدة كده الغزال الرقيق يتحول الي تلاجة 15قدم انا مش عارفة ايه السر في كده هتقولوا الحمل والولاده هقولكم احنا السبب

في الحمل الست تفضل تضرب في اكلات ومحاشي عشان تتغذي ولما تولد تضرب رز ومكونة وفراخ كل يوم عشان نفسه وبعدين النفاس يخلص ودي لسةشغالة عشان بترضع

والنتيجة تلاقي الست اتحولت وبقي شكلها غريب وبعدين تيجي تولول يالهووووووووي الحقيني ياماما الخاين الدون الواطي هيتجوز عليا او بيعرف واحدة عليا
***- نيجي بقي للحاجة نمرة 2 الست تلاقيه قبل الجواز رقيقة جدا وصوتها واطي تعالوا اتفرجوا بعد الجواز وشوفوا بقي وهيا بتتخانق مع جوزها
ممكن يبقي سبب تافه وممكن يبقي سبب مهم بس احنا مبنعرفش ناخد حقنا بالراحة
لا ازاي ده احنا لازم نعرفه مقامه الراجل ده هو اتجنن عشان يزعقلي كده

مع ان والله وسبحان الله الست اول بقي ماتنزل الشغل تلاقيها مع زميلاتها بتضحك وتهزر
وتلاقي صوتها واطي ورقيقة واهلا استاذ تارق تدخل البيت لاوية بوزها وتنكد علي ولادها وتمسك الواد والا البت ترزعه علقة محترمة لو كسر كباية مية وصوتها يجيب اخر الشارع وتيجي تكلمها تقولك انا زهقانة البيت والشغل والعيال والمسئولية طيب والله امهاتنا كان عندهم نفس المسئوليات ومكنش حد بيسمع لهم حس

تعالوا بقي للكارثة الكبيرة الشكل الست تفتح دولابها تلاقي فيه كل مالذ وطاب من قمصان نوم وعبايات شيك وكل حاجة لكن مع ذلك بشوف ستات حاطين الملابس دي في المتحف بس وتيجي تخرج تلبس وتتغندر وجوزها الغلبان يقول طيب ماهي كويسة اهي تقولوا فشر ياخويا ده بلبس كده وخارجة هو انا بتزوقلك انت ده انا رايحة فرح صاحبتي
وتاخد ذنوب علي تبرجها برا البيت وتاخد ذنوب علي اهمالها جوا البيت

عندها كريمات وشامبهوات ترميها وتروح الشغل وتيجي وتطبخ وتنفض وتمسح وتيجي اخر الليل تعبانة ومهدوة وتنام بشعرها منكوش الراجل يدخل يلاقي ابو الليف نايم ع السرير تجيله ساكته قلبية

نيجي بقي ليوم الاجازة بتاعة الراجل وحبذا بفي لو ده كمان يوم اجازتها تلاقي الست بسلامتها تقوم من النوم تشيل السجادة وتفضل تدي بالمنفضة وتشغل الغسالة وتضرب الطماطم في الخلاط ولو تقدر ترمي الراجل من علي السرير مش هتتأخر عشان تشيل الملاية وتغسلها وطبعا تعمل كل ده وهيا لابسة الزي الرسمي للتنظيف وطبعا كلنا عارفينه

وتفضل في مارثون التنظيف ده لحد فين وفين ويصحي الراجل من النوم تحط الاكل بردوا وهيا لابسة الزي الرسمي بتاع البيت ده وبعدين تشيل الاطباق وتغسلهم حالا زي مايكون لو سابتهم شويه في الحوض هيفقسوا اطباق تاني

يجي المغرب والراجل مايلاقيش فايده يلبس وينزل بقي يخرج مع اصحابه تروح هيا تقوله انت خارج يااحمض هتخرج مع اصحابك حتي في يوم الاجازة هما اصحابك اهم والا انا وعيالك وتنكد عليه

يخرج وتفضل هيا تبرطم مع نفسها (ادي الجواز واللي بيتجوزه جتنا نيله في حظنا الهباب
فينك ياماما) وتروح مكلمة امها في التليفون وتحكيلها اللي حصل وكأن هيا معملتش حاجة وبدال امها ماتهديها تقولها انا عارفة يختي انتي مستحمله ازاي مش كفاية رضينا بيه وبظروفه اللي زي الزفت وكمان ياقلب امك يسيبك وينزل يخرج مع اصحابه الصيع
بس انتي السبب كان ماله عيلاء ابن خالك كان عايز يتجوزك وتسافري معاه الكويت مش كان احسنلك من العيشة القرف دي

ويخلص اليوم وتروح مهدودة علي السرير وتنام وخلاص وتقوم تاني يوم تروح الشغل ويتكرر كل اللي حصل تاني يوم وهكذا دواليك دواليك

عايزة اقول اننا ياستات طيبين بس بننسي نفسنا ونشيل الدنيا فوق دماغنا
مش باقول الرجالة ملايكة لا ابدا بس احنا بتصرفاتنا دي لو الراجل عنده استعداد للانحراف اضمنلك انه هينحرف هينحرف
ومش هاقول ان كل الستات بيتصرفوا كده بس فيه ستات كتير جدا كده وحتي اللي مش كده فرصة يمكن نقدر نساعد بعض ونلحق بعض

واشوفكم بكرة مع الجزء التاني اللي هنشوف هنعمل عشان تحافظي علي جوزك حبيبك


#2

افتراضي رد: حملة هاحافظ علي جوزي حبيبي . مين هتيجي معايا

انا مستنية الحل يا ندنود
بس بصراحة ميتخافش عليكى
واحلى تقييم ليكى يا قمر
#3

افتراضي رد: حملة هاحافظ علي جوزي حبيبي . مين هتيجي معايا


المشاركة الأصلية كتبت بواسطة منال عبد الفتاح
انا مستنية الحل يا ندنود
بس بصراحة ميتخافش عليكى
واحلى تقييم ليكى يا قمر

شكرا يامنولة تسلمي ياقمرايه
#4

افتراضي رد: حملة هاحافظ علي جوزي حبيبي . مين هتيجي معايا

موضوعك حلو وبنتظار الجزء التاني بكرا
يعطيكي العافية
إظهار التوقيع
توقيع : لؤلؤة الايمان
#5

افتراضي رد: حملة هاحافظ علي جوزي حبيبي . مين هتيجي معايا


المشاركة الأصلية كتبت بواسطة أم وليد
موضوعك حلو وبنتظار الجزء التاني بكرا
يعطيكي العافية

شكرا يا ام وليد ياقمر ده من زوقك بس
#6

افتراضي رد: حملة هاحافظ علي جوزي حبيبي . مين هتيجي معايا

علي فكرة انا كنت بشتغل من الساعة 2.30 لغاية الساعة9 في اعطاء دروس فالبيت وكان هو بيجي الساعة 11 في خلال هذه الساعة كنت برتب البيت ونيمت الاولاد واخدت شاور وسشورت شعري وحطيت مكياج ولبست علي سنجة عشرة وكنت ببقي ميتة من التعب بس علشان ميقولش اني مقصرة بس الحمد لله اتجوز عليا واحدة تاني مكنتش متخيلة اني بعد التعب دة ووقوفي معاه يرميني باولادي علشان نزوة فحياته
#7

افتراضي رد: حملة هاحافظ علي جوزي حبيبي . مين هتيجي معايا

رد: حملة هاحافظ علي جوزي حبيبي . مين هتيجي معايا
إظهار التوقيع
توقيع : قوت القلوب 2
#8

افتراضي رد: حملة هاحافظ علي جوزي حبيبي . مين هتيجي معايا


المشاركة الأصلية كتبت بواسطة وردة الحب الصافي
علي فكرة انا كنت بشتغل من الساعة 2.30 لغاية الساعة9 في اعطاء دروس فالبيت وكان هو بيجي الساعة 11 في خلال هذه الساعة كنت برتب البيت ونيمت الاولاد واخدت شاور وسشورت شعري وحطيت مكياج ولبست علي سنجة عشرة وكنت ببقي ميتة من التعب بس علشان ميقولش اني مقصرة بس الحمد لله اتجوز عليا واحدة تاني مكنتش متخيلة اني بعد التعب دة ووقوفي معاه يرميني باولادي علشان نزوة فحياته

لاحول ولاقوة الا بالله الله يساعدك ويعوض صيرك خير هيا فعلا نزوة زي مابتقولي

عايزة اقولك ان الرجالة مش كلهم ملايكة بس انا في كلامي اللي كتبته ده كتبته بعد حالات شفتها بعنيا بتكون الست هيا اللي بتخرب بيتها بايديها
#9

افتراضي رد: حملة هاحافظ علي جوزي حبيبي . مين هتيجي معايا

ماشاللله عليكي ياندي

انتي دمك كمان خفيف واسلوبك عسول خالص


قد تكوني مهتمة بالمواضيع التالية ايضاً
الموضوع كاتب الموضوع المنتدى
حبيبات قلبي. قررت انى اعمل حملة ادخلو معايا الموضوع واختارولي اسم ليها Mariam Wahid فتيات تحت العشرين
حملة نصرة الرسول عليه الصلاة والسلام مين معايا dodo modo الحملات الدعوية
حملة (انت فى المطبخ) مين حتشترك معايا اخوات دائما الحملات الدعوية
حملة استغفرك ربى واتوب اليك مين معايا الحوراء25 الحملات الدعوية
حملة هاحافظ علي جوزي حبيبي الجزء2 ندي الورد الثقافة والتوجيهات الزوجية


الساعة الآن 05:27 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل