أو

الدخول بواسطة حسابك بمواقع التواصل

#1

افتراضي شوفتوا عملت في نفسي ايه

السلام عليكم ورحمه الله وبركاته
هحكلم حكايتي بس ياريت بالله عليكم ماحدش يرد بعصبيه او يتضايق مني اعتبريها حكايه اختك او بنتك ويارب لاختك ولا بنتك يمروا بحكايه زي دي ابدا يارب
اسفه لوهطول عليكم بس بجد انا تعبانه اوي وانتوا اكتر ناس بحبها وديمابحس معاكم ان انتوا بتتعاملو مع بعض لوجه الله مش علشان مصالح زي مامعظم الناس بئت كده الا مارحم ربي
المهم انا عندي18 سنه الاكام شهر يعني يعني في سنه تلته ثانوي عام المفروض اني ملتزمه يعني لابسه خمار وكده ديماعايشه وسط الناس وانا مامنلهم وبديهم الثقه علطول لان عمري اصلا ماكان لياتعامل كتير مع الناس زمان زي دلوقتي كنت زمان منطويه زي مابيقولوا عليا وكنت فاكره ان كده هكون مرتاحه وهتقي شرهم زي ماتقولوا عملت دنيا تانيه لنفسي وخليت فيها كل حاجه بحبها وعشت فيها لوحدي كله كان بيقول عليا مش اجتماعيه وساعات كانوا بيقولوا عليا مغروره من كتر مانا ماليش علاقه بيهم وانا والله مش كده بس كنت فاكره اني علشان اتعامل مع الناس لازم اتعلم مهارات التعامل معاهم الاول وبعد كده اخرجلهم وده كان غباء مني وسوء تصرف اتقلب عليا بعد كده اول لمابدات اخرج للناس واتعامل معاهم عن قرب اتصدمت فيهم وناس كتير اوي جرحتني حتى اكتشفت ان في ناس من اقاربي سببولي جروح كتيره اوي عارفين احساس ان الوحده تكون عايشه وسط اهلها وخايفه ولما تكتشفي ان الناس بتتعامل معاكي علشان مصلحه ومجرد ماتخلص يدوكي ضهرهم عايزينك معاهم في اوقات الشده بتاعتهم وانتي لما تحتاجيهم ماتلاقيهمش يوم ماتحسي انك سلبيه واي حد ممكن يلعب بيكي حتى زوج اختي حسبي الله ونعم الوكيل فيه والله انا كنت بخاف ادعي عليه علشان خاطر اختي بس خلاص طفح الكيل منه وتعبت انا بجد بكرهه عمل فيا حجات وحشه اوي والمفروض كمان ان هو ابن عمي ودي لوحدها مصيبه لان عندنا في البيت حكايه ولادمنا دي عادي يخش براحته ويخرج براحته ومافيش حرمه للبيوت والبيه مستغل ده طبعا وصلت بيه البجاحه انو قالي انا ساعات بحس انك انتي اللي مراتي مش اختك شوفتوا وصلت بيه لايه ده غير مد الايد وانو يدخل اوضتي وانا نايمه ولما قولت لماما ماصدقتنيش وقالت عليا غيرانه من اختي وعايزه اعمل مشكله وخلاص رغم اني انا الصغيره يعني مافيش مجال للغيره وهو اصلا بالنسبالي ابن عمي وبس وعمري مافكرت فيه غير كده ماما طبعا اعدت تزعقلي وتقولي حرام عليكي اختك بتحبه ليه عايزه تكسري قلبها انتي غبيه كده ليه ؟ هو ده اللي هيحافظ عليها ده ابن عمها ومن لحمها ودمها وماما كانت اول وحده اتصدم فيها علشان مانصفتنيش وخذلتني ووالله انا كنت بقول الحق واختي كانت مصدقاني بس هيه غلبانه اوي واقنعتها انو ملاك وبيحبها وفعلا اتجوزا وهو كمان استغل كده وتمادى في الزباله اللي هو فيها اخر مره كان عندنا كان جي لوحده من غير اختي علشان بابا كان عايزه انا من كتر خوفي منه اول لما بيجي بفضل اعده بالجلابيه والطرحه وبنام كمان بالجلابيه المهم انا كنت نايمه قمت من النوم لاقيته في اوضتي وعمال يحسس على ضهري ويقولي جسمك حلو اوي انامش قادر احوش نفسي عنك وبدا يبين جسمه قدامي وانا مرعوبه كاني سكرانه عايزه انام وخايفه وعماله اقوله اطلع بره والبيت كان كله نايم واقوله حرام عليك انت ازاي بتعمل كده والمفروض انو ازهري كمان يقولي انا مش قادر ابعد نفسي عنك انتي حلوه اوي وجسمك حلو اوي ولولا ستر ربنا عليا في حاجه خبطط في الصاله افتكر حد صحي وطلع من الاوضه شوفتوا تساهل الاهل عمل فيا ايه وشوفتوا كمان عدم ثقتهم عمل ايه المفروض ان الاهل ع الاقل يوم مايفقدوا الثقه في ولادهم يكونوا ولادهم دول عاملين مصيبه قبل كده علشان يفقدوا ثقتهم فيهم بس انا عمري ماعملت حاجه علشان ماما ماتصدقنيش كده مش عارفه عملت فيا كده ليه!
كان ليا علاقه مع واحد ع الفيس بس بجد الشخص ده انا كنت بحترمه اوي ومازلت بحترمه كنت حجاسه ان هو ده نجدتي وهو ده اللي فاهمني وحاسس بيا اتعلقت بيه اوي بس خوفت لاكون بعمل حاجه حرام فقررت اني اعرف اختي واخويا علشان انا بكره احساس الضلمه واني بعمل ذنب والمفروض اصلا انا والشخص ده كنا متفقين ع الارتباط بس اول لما يرجع من السفر وجوز اختي ده كمان عرف اختي قالت هو الكبير وفاهم اكتر وكلم الشخص ده وطبعا هما الاتنين مابيطيقوش بعض وجوز اختي قال عليا كلمه وحشه اوي ولما طلبت منه يوريني الرسايل بعد ماخلص كلام معاه مارضاش ومنعني كمان اني اتكلم معاه وطلب من الشخص ده كمان انو لا يكلمني ولا يحاول الاتصال بيا بجد ياجماعه الشخص ده كان كل حاجه بالنسبالي كان محتويني في كل حاجه ثقت فيه اوي بئيت بحكيله كل اسراري مهما كانت حساسه او ماتنفعش كنت حاسه معاه بالامان بس اضطريت اني اللتزم بوعدي وابعد عنه وجيت في يوم افتح الفيس لايقته بعتلي الرساله دي






اسمي( انا قررت انى ابعد عن الفيس بوك لانه سبب لى ضرر كبير ف حياتى بعدنى عن صلاتى واهملت فيها انت كنت عندى حاجه كبيرة ولسه كفايه الطيبه الى عندك انا حبعد عن الفيس بوك تماما او حمنع نفسى منه وانشغل ف مذاكرتى ودراستى تانى ولو لينا نصيب مع بعض يا بنت الناس ربنا الى حيجمعنا مش احنا
انا عاوزك تدعيلى بالهداية والصلاح لانى مش حفتح الفيس بوك الفترة الى جايه ان شاء الكريم واصرف وقتى ف اماكنه الصح ولو لينا نصيب وربنا مقدرنا لبعص لا انا ولا غيرى حيعمل حاجه
انا مش مستنى رد لانى فعلا مش حفتح الفيس تانى...
انا مش مستنى رد لانى فعلا مش حفتح الفيس تانى ولو فتحته مش حرد على الرسايل الى حتيجى انا كان عندى بدل العلاقه عشرة وعشرين بس انتى غيرهم كلهم سلام )

بس ياجماعه هي دي كل حكايتي معلش طولت عليكم بس بجد دلوني انال خلاص ماعنتش عارفه اعمل ايه حاسه اني غرقانه
مش عارفه اتعامل ازاي مع اهلي وزوج اختي
ومش عارفه اتاعمل ازاي مع الشخص ده اعتبر ان كده الموضوع انتهى وخلاص وابعد انا كمان عن الفيس واعتبر نفسي عمري ماشوفتو ولا ايه؟؟؟
دلووووووووني



#2

افتراضي رد: شوفتوا عملت في نفسي ايه

يااااه هيه الدنيا جرى فيها ايه
حسبي الله ونعم الوكيل
#3

افتراضي رد: شوفتوا عملت في نفسي ايه

حبيبتي انا قريت كلامك وحاسة بيكي انت مشكلتك ان ملكيش حد قريب منك تفضفضي معاه وده اللي دفعك نحو شخص لا شفتيه ولا تعرفيه لمجرد انك ارتحتيله
بس خللي بالك حبيبتي ان معظم الشباب اللي بيعملوا علاقات ع الفيس مش بيكونوا جد ولو اتهيألهم انهم صح وانهم فعلا بيحبوا بعد كده بيندموا ويرجعوا عن اللي فكروا فيه لأنهم مقتنعين ان اللي بيعملوه غلط
وسوري حبيبتي وأسفة في التعبير مش بيكون عندهم ثقة في البنت اللي بيكلموها
فلازم تقطعي علاقتك بيه ومتحاوليش تكرري التجربة دي تاني
وابحثي عن صديقة وفية متدينة تنصحك وتوجهك وقت اللزوم بس خللي بالك واختاري صح
وانا معاكي لو محتاجة تفضفضي لي انا تحت أمرك ان شاء الله ويقدرني اني أساعدك
أما بالنسبة لوالدتك فواضح انها على نياتها شوية ومش قادرة تصدق ان جوز بنتها بالقذارة دي فخللي بالك من نفسك ولما تنامي أقفلي عليكي الباب كويس بحيث انه ميعرفش يدخل عندك
ومتخليش فرصة ليه انه ينفرد بيكي ابدا
لحد ما ربنا يهديه او يبعد عنك ويرزقك بابن الحلال واوعي يأسك يدفعك لقبول اي زوج والسلام علشان متطلعيش من نقرة لضحضيرة
تريثي في اختيارك واستخيري ربنا قبل كل حاجة
وربنا يصلح لك الأحوال
إظهار التوقيع
توقيع : رحيق
#4

افتراضي رد: شوفتوا عملت في نفسي ايه

يتصفح الموضوع حالياً : 8 (1 عدلات و 7 زائرة)
إظهار التوقيع
توقيع : عمرحبيب مامي
#5

افتراضي رد: شوفتوا عملت في نفسي ايه

يااالله ايه القرف ده طب لو مش متجوز نقول متزفت وعايز يتجوز انما ده متجوز بس هو في اشكال كده ربنا يهديها استعيني بالله ياحببتي واصبري زي ما رحيق قالتلك
وبخصوص رساله الشخص ده
وجوز اختي ده كمان عرف اختي قالت هو الكبير وفاهم اكتر وكلم الشخص ده وطبعا هما الاتنين مابيطيقوش بعض وجوز اختي قال عليا كلمه وحشه اوي ولما طلبت منه يوريني الرسايل بعد ماخلص كلام معاه مارضاش ومنعني كمان اني اتكلم معاه وطلب من الشخص ده كمان انو لا يكلمني ولا يحاول الاتصال بيا بجد ياجماعه الشخص ده كان كل حاجه بالنسبالي كان محتويني في كل حاجه ثقت فيه اوي بئيت بحكيله كل اسراري مهما كانت حساسه او ماتنفعش كنت حاسه معاه بالامان بس اضطريت اني اللتزم بوعدي وابعد عنه وجيت في يوم افتح الفيس لايقته بعتلي الرساله دي


اسمي( انا قررت انى ابعد عن الفيس بوك لانه سبب لى ضرر كبير ف حياتى بعدنى عن صلاتى واهملت فيها انت كنت عندى حاجه كبيرة ولسه كفايه الطيبه الى عندك انا حبعد عن الفيس بوك تماما او حمنع نفسى منه وانشغل ف مذاكرتى ودراستى تانى ولو لينا نصيب مع بعض يا بنت الناس ربنا الى حيجمعنا مش احنا
انا عاوزك تدعيلى بالهداية والصلاح لانى مش حفتح الفيس بوك الفترة الى جايه ان شاء الكريم واصرف وقتى ف اماكنه الصح ولو لينا نصيب وربنا مقدرنا لبعص لا انا ولا غيرى حيعمل حاجه
انا مش مستنى رد لانى فعلا مش حفتح الفيس تانى...
انا مش مستنى رد لانى فعلا مش حفتح الفيس تانى ولو فتحته مش حرد على الرسايل الى حتيجى انا كان عندى بدل العلاقه عشرة وعشرين بس انتى غيرهم كلهم سلام )


انا والله محتاره ومش عارفه اقولك ايه ممكن يكون زوج اختك هو اللي كرهه فيكي الله اعلم بجد مش عارفه وحتى لو نيته خير كان قالك اصبري او استنيني ممكن كان يكون يكون بيضيع وقت وودي طريقه علشان يفك يعني الله اعلم ربنا يعينك يابنتي والله واحنا اخواتك واصحابك يوم ماتعوزي تفضفضي عمر ماحد هيستتتقل منك ياقمر
إظهار التوقيع
توقيع : عمرحبيب مامي
#6

افتراضي رد: شوفتوا عملت في نفسي ايه

لا اله الا الله ولا حول ولا قوة الا بالله بصى حبيبتى واضح كده انك واقعه مع شخص فى منتهى القذاره حسبى الله ونعم الوكيل فيه وف امثاله ومامتك مش مصدقاكى طيب الحل ايه دلوقتى ؟؟؟؟ الحل الوحيد انك متحاوليش تقعدى مع الشخص ده خاااااالص لا لوحدك ولا فى وجود اهلك ولما يجى عندكو البيت تقعدى فى اوضتك وتقفلى على نفسك كويس جدا بحجة المذاكرة وتشغلى فيها القرآن بصوت مسموع وخاصتا بالليل وكمان تقفى بين ايدين ربك وتصلى لو حسيتى انه جاى وطبعا موقف زى ده مش هيخليه يقدر يقرب منك نهااااااااااائى تانى حاجه لو هتصادف وتشوفيه يبقى طول ما انتى قاعده تقولى اذكار بصوت مسموع بحيث انه يخاف يقرب منك خالص وكمان متديلوش فرصه انك تبقى لوحدك ويختلى بيكى ان شالله ياستى تنامى مع مامتك او اخواتك لما يكون هو فى البيت واخترعيلهم اى حجه وخلى لسانك على طول مع ذكر الله وتأكدى ان ربنا هيحميكى منه ومن غيره اما بالنسبه للشخص اللى عرفتيه عالفيس بوك فحبيبتى انتى عملتى غلط كبير بأنك تحكى لواحد غريب عنك كل اسرارك الحساسه وانك كمان تدى الشخص الملعون ده الايميل وتخليه يتكلم معاه والله اعلم طبعا ممكن يكون قاله ايه عنك ده شخص سافل توقعى منه كل حاجه فأفضل شئ انك تنسى الشخص ده ومتكرريش الغلطه دى تانى ابدا لأنك غلطى فى حق نفسك وكمان اغضبتى ربنا سبحانه وتعالى وياستى لو محتاجه اى حد تفضفضى معاه قوليلى فى رساله عالخاص وانا تحت امرك فى اى حاجه وربنا معاكى ويوفقك
#7

افتراضي رد: شوفتوا عملت في نفسي ايه

جوز اختك لازم توقفيه عند حده وحطى بينك وبينه 100 الف ساتر وساتر ولما تنامى حبيبتى اقفلى على نفسك بالترباس والافضل انه اول ما يدخل البيت تختفى خالص من وشه لان محدش حيصدقك طبعا بس كمان متحطيش النار جنب البنزين بقدر الامكان متقفعديش معاه ولا تتكلمى معاه
اما عن علاقتك بالفيس وموضوعه ده انسيه تماما مهو حاجه من الاتنين يا بيلعب وده وارد اوى اوى اوى لان الفيس كله هباب وبلاوى ومبيجيش من وراه خير يا اما جوز اختك قاله حاجه عليكى وده برضه وارد فى الحاله دى خلاص حتعملى ايه بدل ما تشوهى صورتك قدامه او تترجيه وتصغرى فى عينه خليكى بكرامتك افضل
#8

افتراضي رد: شوفتوا عملت في نفسي ايه

بخصوص موضوع ال.... زوج اختك ده اعملي اللي العدولات قالولك عليه ابعدي عنه نهائي حسسيه انو قذر وكل بصاتك ليه بقرف طبعا بحذر علشان اختك انا عايزاكي تظبطيه لغايه لما يكره نفسه انا بجد متغاظه منه
اما بخصوص موضوع اللي بتحبيه وبتموتي فيه ده اقرائي الموضوع ده
رد: شوفتوا عملت في نفسي ايه } الحب عطاء {...طيب انتى هتديله ايه...وانتى بتحبيه من غير اى صفة شرعيه
إظهار التوقيع
توقيع : ارماجيدون موعدنا
#9

افتراضي رد: شوفتوا عملت في نفسي ايه

فعلا حسبي الله ونعم الوكيل
ربنا معاك وربنا يحميك يارب
صلي كتيييييييييير وادعي ربنا
اكتر انه يسترها ويحميك
اما موضوع الفيس بوك فزي ما اقلولك البنات وكمان لو ليكم نصيب فربنا هيجمعكم
وانت لسه صغيره ركزي في مذاكرتك وفكري في مستقبلك
ومتنسيش ادعي ربنا كتير اوي انه يبعده عنك ويهديه وكمان يحميكي من شره
#10

افتراضي رد: شوفتوا عملت في نفسي ايه

حسبى الله ونعم الوكيل
خدى بالك من نفسك اوى وما تخليش حاجه تكسرك وتجرحك خليكى دايما واثقه انك الصح
وبالنسبه لجوز اختك ابعدى عنه على قد ما تقدرى لانه مش هايسبك فى حالك وكده ها يخرب عليكى حياتك لانه حطك ف دماغه وقفيه عند حده ولو حكمت اضربيه باى حاجه فى ايدك زعقى صوتى خليه يخاف يجى يمك هديديه بانك ها تقولى لوالدك
وحاولى تقفلى على نفسك القوضه كويسه اعملى ترباس وربنا يحفظك ويحميكى ويصونك
وحسبى الله ونعم الوكيل فيه

اما للشخص بتاع الفيس بوك
ها اقولك كلمه واحده
ما حدش بياخد اكتر من نصيبه
وربنا يهيئلك كل خير ويصلحلك احوالك يارب ويبعد عنك كل شئ يؤذيكى
خدى بالك من نفسك
إظهار التوقيع
توقيع : ♥ احبك ربى ♥
#11

افتراضي رد: شوفتوا عملت في نفسي ايه

كل النصائح اللي قالوها العدولات ممتازة ومعنديش حاجة ذيادة لانهم كفوا ووفوا المشكلة من كل الجوانب بس اهم حاجة عاوزاكي تنفذيها ان لما الكائن الغير حي جوز اختك يزوكم ياريت تدخلي اي اوضة غير اوضتك وتكوني مع اي حد فيها سواء مامتك او اخواتك خدي بالك من نفسك اووووووي لاني بسمع كتير عن مصايب سودا من الاقارب والمحرمين علينا ولو محتاجة حد تحكي معاه يار يت يكون حد موثوق فيه وانا لا افضل حتي هذا الحل
لان سرك اذا لم تتحمليه بداخلك فلن يتحمله غيرك وعندك المنتدي اهو موجود اتكلمي معانا وفضفضي من غير محد يعرفك وهتسمعي نصائح ان شاء الله تفيدك
ربنا يحفظك
إظهار التوقيع
توقيع : وردة الحب الصافي
#12

افتراضي رد: شوفتوا عملت في نفسي ايه

ياحببتي دي مشكله كبيره خالص بتاعت جوز اختك عايني علي نفسك وي اوعي اتخلي حاجه تكسرك طول حياتك انتي طبعا فهماني مش لزم التوضيح
إظهار التوقيع
توقيع : النجوم الصغيره
#13

افتراضي رد: شوفتوا عملت في نفسي ايه

آسفة حبيبتي لسة شايفة حكايتك دلوقت
بس البنات قالوا ووفوا
حسيت وانتي بتحكي انك بتحكي عني مع الفرق البسيط وهو ان أختي الصغيرة هي اللي اتجوزت قبلي وجوزها الزبالة برضه كان عايز يبوز لي جوازتي بس عملتله خطة فضحته بيهاقدام مامتي وأختي الكبيرة ومرات أخويا الكبير ومراته كمان
لأنه يا روح مابعدك روح والانسان اللي كان عايز يطفشه ممتاز وصعب يتعوض والحمدلله تمت الجوازة وهو اتقطعت رجله من بيتنا من قبل مانتجوز
علشان كدة لازم تصبري وربنا حيبعتلك نصيبك الصالح لحد عندك منغير لا فيس بوك ولا غيره
واحنا كلنا قلوبنا معاكي ومستعدين نسمعك في أي وقت تحبي
وربنا يهديلك الحال وبالنسبة لجوز أختك ادعي في صلاتك وقولي " اللهم اني أجعلك في نحره وأعوذ بك من شره "
#14

افتراضي رد: شوفتوا عملت في نفسي ايه

ربنا يصبرك وتقربي من الله اكثر ودومي على الاذكار الصباح والمساء وخلي امك اوايحد من خواتك ينام معاكي في الغرفه خليه فيه سررين في الغرفه وحطي اقفل للباب وقفلي على نفسك في الليل وتخرقيش ابدا عنده ولو تلبسي نقاب وكثري من قراة القران احسن وربنا يكشف ظرك ويسترها معكي
#15

افتراضي رد: شوفتوا عملت في نفسي ايه

ربنا يسترها معاكى ويحفظك من كل سوء وشر انتى حاولى تكونى قوية قدام ابن عمك ولو ينفع تقولى لاخوكى عليه يمكن يقدر يتعامل معاه وربنا يهديه وادعى ربنا دايما ان يحفظك ويعفك وحاولى تقربى من مامتك اكتر وركزى فى دروسك وربنا يقدم ليكى الخير
#16

افتراضي رد: شوفتوا عملت في نفسي ايه

انا راي ان تلتزمي بالصلاة ومتفكريش في حد ولو جوز اختك قرب منك زعقيلوة ومش مهم اي حد عشان يحترم نفسة وعشان اهلك يصدقوك وربنا معاكي
#17

افتراضي رد: شوفتوا عملت في نفسي ايه

ربنا معاكى يارب واستعينى دايما بربنا هتلاقيه جمبك وهيحفظك من اى شر واى حاجه وحشه


قد تكوني مهتمة بالمواضيع التالية ايضاً
الموضوع كاتب الموضوع المنتدى
فوازير صعبة جدا وجديدة جدا 2025 واجابتها فوازير مضحكة جدا هتمووت م الضحك yasmen ali الغاز وفوازير
يوميات عدلات ومحروس كاملة هـــدوء قصص - حكايات - روايات
يوميات رهف وريمان عندما تعشق الشوكولاته أقلام عدلات الذهبية
قصة سارة ورهف شقاوة آنثى أقلام عدلات الذهبية
شوفوا عملت ايه من ازايز الكاكولا (فكرة مبتكرة ) ayuota اعمال يدويه لتزيين المنزل


الساعة الآن 03:41 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل