أو

الدخول بواسطة حسابك بمواقع التواصل

#1

Dp120 معاكسه تليفونيه فى السوبر ماركت


ده ولد صغير بيعاكس صاحب السوبر ماركت فى التليفون يلا نشوف عمل معاه ايه.

ترن ترن ترن ترن

صاحب السوبر ماركت : الو سوبر ماركت اطلب واتمنى فى خدمتك .


الولد: الوو البوليس بوليس النجده .


صاحب السوبر ماركت : بوليس ايه يبنى لا احنا السوبر ماركت .


الولد : الحقنى يا عمو الشرطى انا عاوز ابلغ عن جريمه قتل.


صاحب السوبر ماركت :عمك الشرطى مين ياض انا بقؤلك انا صاحب السوبر ماركت.


الولد : وانا بقؤلك فى جريمه قتل.


صاحب السوبر ماركت :جريمه قتل يخرب بيتك وبتكلمنى اقفل مليش دعوه.


الولد : كده يا عمو الشرطى مش انتو برضو بتقولو ان الشرطه فى خدمه مجلس الشعب.


صاحب السوبر ماركت :مجلس الشعب ومجلس الشورى ايه يبنى اسمها الشرطه فى خدمه الشعب.


الولد : طب اخدمنى بقه ونفذلى طلبى.


صاحب السوبر ماركت :يبنى اخدمك بعنيه وانفذلك طلبك بس يكون حاجه سهله يعنى عاوز نص كيلو جبنه براميلى على ربع لانشون


على علبتين جبنه نستو لافاش كيرى .انما تقولى قتل لا لحد هنا وستوب.


الولد : مش بحب لافاش كيرى عندك بريزدون.


صاحب السوبر ماركت :ده انت عيل رخم قوى بقا بتقول عندك جريمه قتل وتكلمنى عاوز بريزدون .


الولد : ما الخوف اللى انا فيه جوعنى .


صاحب السوبر ماركت :بس للاسف مش هوصلك طلبك دليفرى عشان القتيل اللى عندك


منا عارف الحركات دى اجيلك تكون كلمت البوليس وتقوله هو ده اللى قتله .


الولد : خلاص كتك الارف انت مش جدع على فكره.


صاحب السوبر ماركت :وانت عيل رخم على فكره.


وقفل السكه.

.............. ....

شويه وجرس تليفون السوبر ماركت رن تانى .


صاحب السوبر ماركت :الووو


الولد : الو الاسعاف.


صاحب السوبر ماركت : انت هتستلمنى شكلك انهارده.


الولد : لو سمحت عاوز عربيه اسعاف ماركه بيجو 7 راكب مكيفه .


صاحب السوبر ماركت :ما اجيبلك شيروكى احسن وبعدين بيجو 7 راكب ومكيفه ازاى يعنى.


الولد : القتيل عندو نبض فى امل يعيش الحقنى بسرعه.


صاحب السوبر ماركت : انا امى دعت عليه شكلها انهارده .


الولد : اكيد زعلتها هو فى احسن من حنان الام يا عمو دى الام دى مدرسه .


صاحب السوبر ماركت :بس ياض انت هتعملى فيها استاذ وتكلمنى عن الام .


الولد : انت راجل عديم الاحساس.


صاحب السوبر ماركت :وانت عيل ابرد منك ما شوفت.


وقفل السكه .


.............

شويه وجرس التليفون رن تانى.


صاحب السوبر ماركت :الووووووو.


الولد: الووو المطافى.


صاحب السوبر ماركت : ياريت تولع عشان اخلص منك .


الولد : يا عمو القتيل هيموت محروق منى الحقنى .


صاحب السوبر ماركت : هيموت منك مش عيب عليك تبقا عيل فى كى جى تو وتبقا قتال قتله .


الولد : متقلبش عليا المواجع بقه.


صاحب السوبر ماركت : عموما مفيش مطافى ولو عاوز تتطفى عندك حنفيه بيتكو ابقا استعملها.


الولد : لالالالالالالالالالا يعنى خلاص مفيش امل صوصو كده هيموت منى.


صاحب السوبر ماركت : صوصو ؟؟؟صوصو مين؟؟؟


الولد : عصفورى اللى حرقته وخنقته ودبحته وكسرت رجله فى ساعه نرفذه.






صاحب السوبر ماركت : ده انت مجنون يله انا هكلملك العباسيه .


الولد : سلام بقه كفايه هظار فى التليفون مش عيب عليك راجل كبير وتعاكس فى التليفون وكمان معاد نومى جه.


صاحب السوبر ماركت : يلاهووووووووووى


ههههههه
أتمنى تكون عجبتكم


إظهار التوقيع
توقيع : bota12
#2

افتراضي رد: معاكسه تليفونيه فى السوبر ماركت

ههه
تسلمي بجد رخم أوي
إظهار التوقيع
توقيع : ĦǎḒồỘǒŜĦ Ằŋẵ
#3

افتراضي رد: معاكسه تليفونيه فى السوبر ماركت

ههههههههههه والله ضحكتينى الله يخليكى
إظهار التوقيع
توقيع : زهره التحرير
#4

افتراضي رد: معاكسه تليفونيه فى السوبر ماركت

هههههههههههههه
إظهار التوقيع
توقيع : لؤلؤة الايمان
#5

افتراضي رد: معاكسه تليفونيه فى السوبر ماركت

هههه

انا مووووووووووت علي نفسي من الضحك\\

بس جامدة ههههههههههههه طحن


يسلمووووووووو يا سكرة
إظهار التوقيع
توقيع : زقزقية مزقزقة
#6

افتراضي رد: معاكسه تليفونيه فى السوبر ماركت

ههههه والله عجبتني
إظهار التوقيع
توقيع : ام سيف
#7

افتراضي رد: معاكسه تليفونيه فى السوبر ماركت

ههههههههههههه
إظهار التوقيع
توقيع : هبه شلبي
#8

افتراضي رد: معاكسه تليفونيه فى السوبر ماركت

الاحلى هو مروركم الجميل ههههههه
إظهار التوقيع
توقيع : bota12
#9

افتراضي رد: معاكسه تليفونيه فى السوبر ماركت

يتصفح الموضوع حالياً : 1 (1 عدلات و 0 زائرة)

إظهار التوقيع
توقيع : bota12


قد تكوني مهتمة بالمواضيع التالية ايضاً
الموضوع كاتب الموضوع المنتدى
7 مكاسب من إقامة السوبر فى الإمارات سارة سرسور اخبار رياضية
الزمالك عدو السوبر المصرى سارة سرسور اخبار رياضية
طبول السوبر المصرى تدق فى الإمارات عمر ابانا وعائشه امنا اخبار رياضية
وجدت من يشبه ابنها الذي مات في السوبر ماركت قصه مؤثره جداا بسكوته بالشوكولا فرفشة عدلات
عادات تسوّق سيئة في السوبر ماركت الملكة نفرتيتي افكار وتجارب منزلية


الساعة الآن 08:47 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل