أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

ربنا يسامحه

إضافة رد  أضف للمفضلة
https://3dlat.com/showthread.php?t=59337
8190 32
#1

افتراضي ربنا يسامحه

أنا متزوجة من 5 سنين ربنا رزقني ببنوتة أنا عارفة جوزي من 1٠ سنين قصدي متجوزين عن حب رغم 5 سنين يعتبر قاعدنا كام شهر مع بعض بسبب حملي قعدت عند ماما بعد الولادة ب5 شهور كان مسافر أنا من أول يوم جواز وإحنا في خلافات أول سفرية رجع بعدها بسنتين ما فيش إسبوعين إتخنقنا وحاولوا بشتي الطرق يصلحوه عليا مش رضي غير بعدها بشهر وإسبوع وإتصلحنا وبعد إسبوعين سافر كانت الأجازة خلصت وكنا مشتاقين هينزل أجازة ووعدنا هنروح اسكندرية وهنقعد براحتنا شقة قريبة وهنسافر عند قريبة مصر وأنا عند قريبي الزقازيق نزل في شهر4 ما فيش 3 أيام وإتخاصمنا عشان خرج مع إصحابه وأنا قولتله البنت نامت ما تتأخرش بدل ما يجي ع طول قعد بعدها ساعة ونص وبعدين جه طبعا كنت نايمة وصحيت عشان أفتحله وأنا ع أخري وكنت بحضر العشاء من منظري قالي سيبي ونامي المهم مشيت بعد كدة قمت حاولت أصالحه قعد 3 أيام عقبال ما كلمني وبعدها ب1٠ أيام شوفت صورة بابا عيطت وإفتكرت حنانة الله يرحمه زوجي مش كان موجود عند مامته تحت الماية كانت مقطوعة المهم شاف المنظر قعد يقولي مسكاها ليه وبعد كدة قالي فين الفطار قولتلي مش شايف بعمل إيه أنا كنت بنظف الأوضة بعد ما صحي طبعا بعدها هو اللي زعل وكالعادة لما هديت بكلمه عادي لقيته مقموص قولتلي بدل ما تخدني في حضنك وتعوضني حنان الأب إنت اللي بتزعل وكان عيد ميلادة ا لإسبوع اللي فات ماما جابت تورت وحلويات وحكت لمامته وخالته عشان نتصالح هو ولا الهواء ماما تعبت ودخلت المستشفي وقالت عشان أكون كويسة يجوا هما الإتنين متصالحين قعدت تقولي ولا في دماغة ورحنا فعلا والحمد لله طلعت ولسة تعبانة ربنا يسامحه بعد كل ده إتصلوا بيا قريبة وخلوني أروح وبعد كدة لقيتوا قافل باب الشقة عند عشان مش أدخل ووديت خالي بهدف أخد هدومي قعد يقوله هي بترد عليا وقالتلي إنت مش راجل علما إني قولت مش من الرجولية إنك تعرف إن أمي تعبانة وحتي مش نتصالح قدامها المهم أن الغربة قست قلبه وبقي فيه جفاء رهيب ومهما لبست وميك أب وبرفانات لقيت مفيش حنان طريقة المعاملة بيميل دايما للصوت العالي أنا عايزة أطلب الطلاق خلاص أنا مش عايزاة وخالي وصله إني كسرت الخط ومش طايقة أسمع صوته عايزة أعرف مين الغلطان أعمل إيه أنا عايزة أنفصل


إظهار التوقيع
توقيع : نجوم الليل
#2

افتراضي رد: ربنا يسامحه

مش عارفه والله اقولك ايه طب ليه مش بتروحى معاه بدل البعد ده يمكن هو اخد على الحياه وحده عشان كده مش عارف يتعامل معاكى
اصبرى شويه ولو الظروف تسمح الافضل تروحى معاه ربنا يهديهولك
#3

افتراضي رد: ربنا يسامحه

شكرا حبيببتي ع مرورك بس حاليا مش هينفع أسافر معاه لإنه ماديا مش ينفع أكون معاه
#4

افتراضي رد: ربنا يسامحه

حبيبتى الله يهيئلك كل خيرويصلحلك الحال مع زوجك ويهديهولك ويباركلك فى بنوتك
بس انا شايفه انكم مش عارفين تتعاملوا مع بعض
وممكن تكونى مزودها شويه
اكيد مافيش زى حنان الاب ومافيش حد ف الدنيا يقدر يعوضه
بس جوزك كمان محتاج معامله كويس وخصوصا انه نازل من السفر واكيد جالاى مشتقالك انتى وبنوته
وانتى فى نفس الوقت محتاجه جنبك بس للا اسف مش عارفين تعبروا عن مشاعركم
ادى لنفسك فرصه وما تفكريش ف الطلاق انتى بتحبيه وهو كمان بيحبك وفى بنت بنكم بلاش تتظلم وسطيكم
طويلى بالك شويه واصبرى عليه
وخليكى دايما الاحسن الراجل مش بيحب ان زوجته تعلى صوتها عليه
وبلاش ان الاحساس ده يوصله
بدل ما تحولى تقربه ليكى بتخليه يبعد اكتر
لازم يعرف انك بتحبيه وانك بقى عليه
والبيوت كلها بتمر بمشاكل
إظهار التوقيع
توقيع : ♥ احبك ربى ♥
#5

افتراضي رد: ربنا يسامحه

ممكن يا نجوم احكى لك قصه واحده متجوزه وعندها مشاكل وياريت تقولى لى تتصرف ازاى؟؟؟؟؟؟؟
واحده اخدت واحد عن حب رهييييب جداااااااااا وكان بينهم فارق مادى وده مش مشكله بي كمان كان فيه فارق ثقافى بين العيلتين المهم اهلها رحبوا بيه عشان البنت كانت بتحبه اوى وكمان الفارق المادى مش بيفرق معاهم خالص وطبعا باباها قعد معاه ولاقاه شاب كويس اوى وراجل جدا وقال ان هو ده اللى هو عايزه فى جوز بنته وكمان مامتها اعتبرته زى ابنها واكتر وكانت بتعتمد عليه فى كل حاجه لدرجة انه لما كان بيشتكى لها من بنتها كانت بتقف معاه هو مش بنتها وطبعا فى اول سنه حصل بينهم مشاكل كبيره بسبب عدم التوافق الفكرى مابينهم هو اتربى على حاجه وهى اتربت على حاجه تانيه خالص وكمان هى من النوع اللى لما تتظلم مش بتتكلم بس كانت تاخد جانب وتعيط وطبعا اهله كلهم كانو معاه لان اهله بيحبوه جدا وكانو على طول بيغلطو فيها وبيغلطو فى اهلها وكمان كانو على طول بيستفزوها بالكلام لدرجة ان فى يوم قالولها ان مافيش فى عيلتكم راجل وان مامتك هى اللى بتمشى البيت وده عشان مامتها كانت بتساعدو على طول وكانت فى الجواز بتسلفه فلوس عشان يقدر يكمل جهازه ولانها اعتبرته ابنها وبدل مايتشال لها الجميل ده بقى يتقال عليها ان هى الراجل فى البيت وطبعا البنت كل ماتزعل وتروح بيت اهلها كانو اهلها يسمعو منه ويرجعوها البيت بحجة انهم مش هيجو على الغريب وانه فى يوم من الايام هيفهم ان ده الاصول وطبعا هو مش بيفهم كده خالص ومابقتش عارفه تعمل ايه؟وصلت الخلافات لدرجة انها بتتشتم بافظع الشتايم هى واهلها وكمان كان بيخونها وبيعرف عليها بنات وبيكلموه فى التليفون وعملت كذا مشكله معاه بسبب الموضوع ده ومابقيتش عارفه تعمل ايه؟؟؟
انتى رايك تعمل ايه يا نجوووووووووم؟ياريت تحطى نفسك مكانها وتقولى لى هتعملى ايه ؟ولما تردى عليه انا هكملك الحكايه وهقول لك حصل ايه؟؟؟؟؟؟؟؟
إظهار التوقيع
توقيع : طافى
#6

افتراضي رد: ربنا يسامحه

شكرا حبيبتي ع مرورك المشكلة إنه متأكد إني بحبه وللعلم أنا متأكدة إنه بيحبني بس الحب مش كل حاجة فكرة الطلاق كانت موجودة من زمان هو كان رافضها تماما للعلم أنا مش برفع صوتي عليه بيشتكي إني برد عليه أنا بوصله قصدي مش برد عليه والند بالند ع الحنان كان موجود بعد السفر الحنان راح وحل محله الجفاء
#7

افتراضي رد: ربنا يسامحه

طافي وحشاني جدا بجد ياطافي أنا تعبت كل حاجة يتقمص وحاول أصالحه مش يرضي يدخلوا ما بينا بردوا مش يرضي لما يجي مزاجه يصالح أنا مش بعرف أحرج حد كنت بصالحه صدقيني طافي لازم يعرف إمتي مش يعرفها إلا لما أروح منه كل واحد يشوف طريقة أنا تعبت من الخصام والجفاء
#8

افتراضي رد: ربنا يسامحه

نجوم انا حاسه بيكى يا حبيبتى والله وعارفه بالضبط انتى بتحكى عن ايه انا بس كنت عايزاكى تحلى المشكله اللى انا كتبتهالك وهقولك تعملى ايه؟؟؟؟؟؟؟؟؟؟؟؟
إظهار التوقيع
توقيع : طافى
#9

افتراضي رد: ربنا يسامحه

لازم تخرج عن صمتها وتتكلم وتقول ع كل حاجة أنا حاسة إنها صبرت وربنا هدالها جوزها
#10

افتراضي رد: ربنا يسامحه

لاء والله يا نجوم هى فعلا جابت اخرها وخلاص مابقتش تروح لاهلها يحلولها مشاكلها وبقيت تقف ادامه وتاخد حقها منه ومن اهله وفى اخر مشكله قالها انه مش هيطلقها وانه لما يطلق هيطلعها من بيته باللى هى لبساه وقال عليها ان انا هطلع عليكى سمعه ان انتى غلطتى معايا وكنتى حامل منى فى الحرام وان اهلك هما سرعو فى الجوازه عشان يسترو عليكى وطبعا اهلها كانو جابو اخرهم وفعلا مشيو فى اجراءات الطلاق وساعتها رجالة عيلتها كلهم اتلمو ووروله الرجاله بيعملو ايه وطبعا هى غابت خالص عن نظره وكل اللى كان واقف معاه بقى واقف ضده
إظهار التوقيع
توقيع : طافى
#11

افتراضي رد: ربنا يسامحه

البعد والغربة بتغيّر ,والواحد بيتعود على وحدته حتى لو اشتاق لأهله , وانتي بتعامليه على انو مقيم , عامليه على انو ضيف شهر وماشي , يعني تطولي بالك , وقبل ماتخطر على بالك كلمة الطلاق فكري في بنتك , الله يهديلك الحال ويوفقك
إظهار التوقيع
توقيع : نيڨين
#12

افتراضي رد: ربنا يسامحه

واضح ان البعد ولد الجفاء فى قلبكم انتوا الاتنين

انتى تنتظرى منه الكتير..وهو راجع مشتاق لاصحابه لقعداتهم ولسهراتهم ولكل حاجه بيحن لها..ودائما الرجاله اخر همهم بيتهم

وانتى بالعكس مشتاقه له وعاوزاه يكون طول وقته معاكى وجل اهتمامه بيكى وده بيخنقه..لانه اتعود على الحريه والسهر ويروح هنا وهناك بدون محدش يحاسبه

مش حقول انه مش غلطان لا هو غلطان كتير كمان
بيعلى صوته وعلى اقل شئ بيتقمص لالا الرجل لازم يبقى اقوى من كده وخصوصا انه راجع من بره وهناك المسؤليه عليه اقل منك انتى اللى بتربى وتشيلى وتتعبى مع البنت

بس الست الشاطره هى اللى تعرف اتهاود الراجل..لو مبيحبش انك تردى عليه خلاص بطلى

لو حاسس انك بتعلى صوتك اتعلمى الصمت اثناء ماهو بيزعق ومعصب..

لو حاسس انك بتسالى كتير بطلى

اى شئ تحسى انك سبب فيه بطليه عشان ميكنش له حجه فيه

وربنا يهديكم
إظهار التوقيع
توقيع : ريموووو
#13

افتراضي رد: ربنا يسامحه

ومشاكلهم وصلت لحد باب المحامى يتفقو هى هتاخد ايه وهو هياخد ايه وهى طبعا اتنازلت عن حاجات كتير منها النفقه والمؤخر وكل حاجه المهم الطلاق واتفقو انهم هيخلصو كل حاجه ويسجلوها عند المحامى ويطلعو على المازون عشان يطلق وهناك عند المحامى اختلفو ومشيو وهو ماشى قابل عمها وطلب نمرة تليفونه وعنوان بيته عشان يروح له ولما راح له قعد يعيط انه بيحبها ومايقدرش يستغنه عنها وانه نادم على كل اللى عمله فيها وان هو هينفذ الطلاق من غير مشاكل عشان مايزعلهاش ونزل من عنده وعمها متعاطف معاه لكن البنت واهلها كانو مش عايزينه خلاص لحد لما فى يوم باباها جاله تليفون على موبايله من نمره غريبه ولما رد لاقاه واحد صحبه وعايز يقابله ولما نزل يقابله لاقاه بيكلمه على مشكلة بنته وان صحبه ده صاحب جمعيه لحل المشاكل الزوجيه وفعلا اتصالحو
إظهار التوقيع
توقيع : طافى
#14

افتراضي رد: ربنا يسامحه

بس هى عرفت المشكله الاساسيه ايه ؟؟؟؟؟؟؟؟؟؟؟؟
ببصى يا نجوم كل واحد فى اول الجواز بيبقى مختلف عن شريكه فى الطبع والتربيه والاسلوب وطبيعى ان يحصل مشاكل كتير بسبب الفوارق ديه وده اللى حصل معاكى انتم مقعدتيش كتير انتى وجوزك مع بعض بسبب سفره عشان كده انتم لسه مختلفين انا فهمه انك عملتى كتير وانا كنت معاكى وانتى بجهزى كل حاجه عشان رجوعه بس معرفتيش تتعاملى ولا هو كمان عرف يتعامل دورى فى العلاقه اللى مابينكم يا نجوم ممكن تكون هى السبب الاساسى معلش انى بقول لك كده بس صدقينى العلاقه ديه سموها علاقه حميميه عشان بتقرب مابين اتنين ممكن يكونو مختلفين فى كل حاجه وهى علاقه موده ورحمه وهى اللى بتخلق الحنيه مابين الراجل والست
وهوه ده المشكله الاساسيه اللى البنت اللى حكيتلك عنها عرفت انها السبب الرئيسى فى مشاكلها ولما صلحت العلاقه ديه وقدرت انها تقدر احتياجاته بقى انسان تانى خاااااالص بقى حنين وبقى رب بيت بمعنى الكلمه وعيالهم بقو مبسوطين وكويسين وبقى شايل اهلها على راسه من فوق ولما بيزعلو من بعض بقى بيعرف ازاى يحل مشاكله من غير مايدخل حد مابينهم حتى اهله بقو بيعاملوها زى بنتهم بالضبط وبقو يتمنولها الرضى ترضى وبقيت حماتها تعاملها زى بناتها لدرجة انها مش بتستريح فى بيت حد غير بيتها
(((على فكره يا نجوم الحكاية ديه كانت حكايتى سابقا والحمد لله ربنا هدانى للطريق الصحيح وهدى جوزى جدااا ورجع الحب اللى مابينا قبل الجواز والحمد لله وانا دلوقتى معايا مريم ومصطفى والحمد لله جوزى بقو الناس يحسدونى عليه دلوقتى بعد ماكانو بيشفقو عليه الاول)))
عقبالك انتى وجوزك ولو عوزتى حاجه ابعتى لى وانا هرد عليكى زى مااحنا متعودين مع بعض
إظهار التوقيع
توقيع : طافى
#15

افتراضي رد: ربنا يسامحه

يعني المفروض أنا اللي جري عشان أصالحه ولا هو اللي يحفا عشان يصالحني هو إتعود إن لاز م أنا اللي أصالح وأجيب خلق ربنا عشان يتصالح بردوا لأ بمزاجه ياجماعة أنا شايفة إنه لازم يتساب فترة يحس إنه إفتقدني أنا وبنته
#16

افتراضي رد: ربنا يسامحه

حبيبتي طافي أنا إتغيرت وبطلت أتكسف وإستجبت معاه بس بردوا الجفاء موجود ع أتفه الأشياء ما فيش مجاملة حلوة كل فين وفين
ربنا يهديلك الحال وما أشوف أي حاجة وحشة فيكي أبدا أو في واحدة في المنتدي
#17

افتراضي رد: ربنا يسامحه

ريمو شكرا ع مرورك بصراحة الكلام بتاعك مش واضح خالص
شكرا لكل عدولة دخلت وقالت رأيها
#18

افتراضي رد: ربنا يسامحه

نجوم محدش بيقولك تروحى له انا بردوا شا يفه انك تسيبيه شويه بس الفتره ديه سيبيه يفكر مع نفسه وهو هيفتقدك صدقينى وانتى كمان فكرى شويه مع نفسك انتى ممكن تعملى ايه عشان حياتكم مع بعض وعشان خاطر بنتك
إظهار التوقيع
توقيع : طافى
#19

افتراضي رد: ربنا يسامحه

طافي أنا عنيدة جدا وهو زي بالظبط يعني لو بنموت في بعض محدش فينا هيتنازل ويصالح التاني و علي رغم كدة إتنازلت وأنا اللي بدءت بالصلح وهو رفض ويقول أنا لما أعوذها هقولها إرجعي ياجماعة أنا مش جارية وقولتلهم كدة وعرفوه إني مش طايقة أسمع صوته وإتهبل لما عرف إني غيرت الخط أنا متأكدة إنه هيسافر والوضع زي ما هو عشان كدة أنا فكرت في البعد الطويل
#20

افتراضي رد: ربنا يسامحه

يسعدني ويشرفني انك تنوريني في فصلي المتواضع
دي سلسله انا عملاها ودول اول موضوعين فيها
1 رد: ربنا يسامحه من اين تهدم البيوت؟؟
رد: ربنا يسامحه رد: ربنا يسامحهpart(1 موجود في رقم ( 1 ) دوسي عليه
part(2 موجود في رقم( 40 )
الموضوع التاني اهو رد: ربنا يسامحه رد: ربنا يسامحه 2-الخلافات الزوجيه
part(1 موجود في رقم( 1 )
part(2موجود في رقم( 16 )
part(3موجود في رقم ( 48 )

هكون فرحانه جدا لو نورتيني وتابعتيني وباذن الله تلاقي حل لكل مشاكلك مع زوجك
بجد انا مش بعمل دعايه والله بس المواضيع دي تقريبا فيها مشكلتك بالتفصيل وحلها باذن الله واي استفسار انا تحت امرك
إظهار التوقيع
توقيع : عمرحبيب مامي
#21

افتراضي رد: ربنا يسامحه

حبيبتي الغالية نجوم الليل ،البحث عن الحب و الحنان الابوي عند الزوج هو ضرب من الخيال لانه لا يوجد حب صافي بلا مقابل و بدون مصلحة مثل حب الابوين لاولادهما لذلك كوني عقلانية،انا اظن ان سبب مشاكلكما هو البعد فكما يقول المثل "البعيد عن العين بعيد عن القلب" و انا عن نفسي لا اخفيك اني افضل حياة زوجية مستمرة غير مبتورة بسفر العمل مع قلة دات اليد للزوج احسن من مال يغلفه الجفاء،يعني اذا في الامكان تذهبون اليه مهما كانت العوائق او ياتي هو الى بلده،عندما ياتيكم ينتظر منك اشياء و اشياء و انت بالمقابل تنتظرين منه الحب و الامان و الحنان فهو ات من سفر و انت محتاجة اليه عاطفيا و جسديا لكنه يخرج الى اصحابه و يهملك ،اظنه يريد استغلال الوقت و رؤية احبابه في بلده و هذا حقه المشروع لكنه ياتي على حساب وقته معك انت و الطفلة،يمكن تعود على الحرية و عدم التقييد فلا يحتمل منك كلمة او توجيه ،تحقيق الاستقرار الزوجي يحتاج البذل المتواصل و هذا ما لا يتحقق في حالتكما لان بينكما آلاف الاميال و ذهابك الى اهلك لن يحس بمرارته لانكما بعيدان اصلا فماالذي كان لديه و فقده،اختي ارى ان التحاقك به سيراب الصدع و يلم الشمل مجددا مهما كانت الصعوبات لان من مقاصد الزواج الشرعية هو تحقيق السكن عن طريق الالفة و العلاقة الحميمة فاين هو السكن في حالتكما و انت ببلد و هو ببلد الا يجب بالمراة ان تكون كيسة فطنة و تتعظ بغيرها،ربي يحسن الاحوال و نسمع اخبار طيبة عنك
إظهار التوقيع
توقيع : farcha
#22

افتراضي رد: ربنا يسامحه

شكرا لمروركم مش حصل أي جديد هو مش بيخرج كل يوم بس حتي المشكلة إنه قاعد معايا بس كأنه مش قاعد يعني بنتعشي وبنتفرج اللي مضايقني دايما يحبني أغلط وأنا قولتهالوا وابتسم نفسي أعرف اللي بينا دة حب ولا إيه
حاضر هدخل الفصل وأرد ع حضرتك
#23

افتراضي رد: ربنا يسامحه

حبيبتي انتو ملحقتوش تقعدوا مع بعض وقت كفاية عشان تتعودوا على طبع بعض
الفترة الأولى في الزواج بتكون كده لحد الأمور ما تستقر وبعد كده المركب هتمشي بسلام حبيبتي
انت محتاجة تكونوا مع بعض عشان تتأقلموا على طباع بعض
ربنا يقرب البعيد ان شاء الله
إظهار التوقيع
توقيع : رحيق
#24

افتراضي رد: ربنا يسامحه

يا حبيبتى ربنا يهديكى ويعوض صبرك خير سيبك من الافكار الوحشة دى واستهدى بالله
إظهار التوقيع
توقيع : أم التوائم
#25

افتراضي رد: ربنا يسامحه

حبيبتى ربنا يهديكم لبعض

بس انتى حساسة و واضح جدا ارتباطك بأهلك و دا مأثر عليه

شايفة انك مهمشة دور أهله خالص و دا ممكن يكون مزعله

فى رأيى اسكتى لحد ما يتصل وربنا ييسر حالك يارب
#26

افتراضي رد: ربنا يسامحه

حبيبتي انتي يلي مزوداها وراكبه دماغك متكبريش المواضيع وسايريه واضحكي بوشه حتلاقيه متل النونو بين اديكي
إظهار التوقيع
توقيع : نسيم البحر
#27

افتراضي رد: ربنا يسامحه

معلش يا حبيبتى استحملى شوية علشان بنتك
ربنا يهديلك الحال
#28

افتراضي رد: ربنا يسامحه

شكرا لمروركم صدقوني الإنفصال ده مؤلم بس الحل اللي قدامي كلوا قالي عايزة تعيشي ما تغلطي ولا غلطة الكمال لله وحده بس أنا مش هبقي تحت رحمة واحد وحاسة إن السيف ع رقبتي دي مش عيشة
#29

افتراضي رد: ربنا يسامحه

حبيبتي واخدين بعض عن حب جامد بس الغربة مش ع حسابي أنا القسوة والجفاء بالنسبة لأهله لما كلموني أنا عملتهم خاطر وروحت وهو قفل الباب وكل إسبوع وهو مسافر لازم أروحلهم يوم أنا شخصية مبتسمة لما بزعل أكيد مش هضحك
#30

افتراضي رد: ربنا يسامحه

حبيبتى انتى لازم تحطى فى بالك بنتك وكمان لازم تعرفى ان الطلاق مش هو الحل انتى حاولى لما يكون فية وقت صفة بينك وبينه انك تكلمى معه وتعرفيه اية اللى بيزعلك وكمان عرفية انك بتعملى كدة علشان تحفظى علية وعلى البيت وعلى حيتكم وربنا يصلح حله ويهديه
#31

افتراضي رد: ربنا يسامحه

اللهم فرج كربها
#32

افتراضي رد: ربنا يسامحه

الله يهيديه
#33

افتراضي رد: ربنا يسامحه

وحشتونى شكرا لكل من شاركنى فى موضوعى فعلا حسستونى انى ليا اخوات كتير
انا الحمد لله رجعت بيتى تانى
فعلا الدرس اللى اتعلمته
الطلاق مش كل حاجة
مش كل حاجة امسك فيها
ابطل الرد الجاهز
الحمد لله انا اغيرت وهو كمان اتغير معايا للاحسن ربنا يهدينا ويهدى الجميع
ما فى اى حد يشوف اى حاجة وحشة
إظهار التوقيع
توقيع : نجوم الليل


قد تكوني مهتمة بالمواضيع التالية ايضاً
الموضوع كاتب الموضوع المنتدى
مريم ..أنا بنتكس ☼☼ مسلسل جديد تابعونا خديجة فى قلبى قصص - حكايات - روايات
قربى من ربنا يـ جميله .♥♪♫☼ Naksha فتيات تحت العشرين
كورسات ممارسة الانجليزى اونلاين للبنات + تجربة بعض المشتركات مع هبه عوض أمــانــدا مشاريع وافكار تجاريه
اإابتلاء نعمه .. ايوه ... وأكيييد ربنا بيحبنى SHARMOON الحملات الدعوية
الحلقة الثالثة من يوميات كان نفسي اتجوزها ياسر : حاضر يا ماما هستخير ربنا في ب ام اروي قصص - حكايات - روايات


الساعة الآن 04:48 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل