كـوفـي كـب كيـك
كـوفـي كـب كيـك
الطريقه الاصليه عباره عن كيك بصينيه عاديه وخلطه فوقه بس صرت اعمله بقوالب الكب كيك وازينه بالكريمه احلى
مقادير الكيك :: 4 بيضات ../.. 1 ونصف كوب سكر ../.. نصف كوب زيت ../.. 2 كوب دقيق ../.. 1 م ك بيكنج باودر ../.. 2 م ك نسكافيه ../.. كوب حليب
الطريقه :: نخلط البيض والسكر لغاية ماتثقل وتبيض بعدين نضيف الزيت وقت الخلط
نخلط المواد الجافه لحال ونضيفها بالتناوب مع الحليب على خليط البيض
نلبس قوالب الكب كيك بالورق ونحط عليه شوي من الخليط وندخلهم الفرن مثل الكيك العادي
بعد ماتطلع نتركها شوي تبرد ونجهز الخلطه اللي فوق
المقادير :: علبة قشطة ../.. 2 م ك نسكافيه ../.. 1 دريم ويب ../.. ثلثين اصبع زبده مذوب
نخلط هالمقادير سوا زين حتى تتجانس بعدين نضيف عليهم سكر بودره مقداره حسب الرغبه
يعني حطي سكر بودره وذوقي لغاية ماتوصلين درجه الحلا اللي تبين ، بس حطي براسك بتحتاجين اكثر من كوب من السكر وخليها حاليه افضل
جيبي الكيك بعد مايبرد وجيبي مصاص العصير وسوي فيه فتحات بالكيك حتى تدخل الخلطه جوا
وشربيهم بالخلطه وكلما طلعت الفتحات ارجعي عبيها وبعدين دخليهم الثلاجه يبردون زين
اخفقي شوي من كريمة الخفق ولما تثقل حطي عليها من خلطة النسكافيه وقلبي شوي شوي بالملعقه
وبقمع التزيين صلحي الكيك من فوق ورشي شوي نسكافيه وقدمي اطلق كب كيك بالدنيا
اذا بتصلحينها بصينيه عاديه لازم تكبرين حجم الصينيه لانه مقدار الكيك كبير
وأول ماتطلعينها من الفرن وهي حاره سوي فيها فتحات بالسكين وصبي عليها الخلطه وهي حاره حتى تتشربها الكيكه ...
إظهار التوقيع
توقيع : الـمـتـألـقـة
التوقيع لا يظهر للزوار ..
رد: كـوفـي كـب كيـك
رد: كـوفـي كـب كيـك
رد: كـوفـي كـب كيـك
الساعة الآن 03:32 PM
جميع المشاركات تمثل وجهة نظر كاتبها وليس بالضرورة وجهة نظر الموقع