ازيكم يا قمرات
انا لقيت ف كتير من المواضيع
مشاكل كتيره للامهات ف تربيه
اولادها وتعاملها معاهم
ممكن تكونى انتى بتتعاملى بطريقه شايفاها صح
بس ممكن تكون غلط ومش بتجيب نتيجه مع ابنك
انا يا جماعه بدرس علم نفس
يعنى الكلام اللى هقوله ده مش عندى
ده كلام دكاتره وكتب ودراسه انا درستها
هتكلم عن كل ما يهمك ابنك وتربيته
من وهو جنين لحد سن المراهقه
هتكلم عن كل حاجه تخص ابنك
وازاى تعلميه انه يعمل كل حاجه بنفسه
من وهو صغير خالص
وكمان لو عندك مشكله مع ابنك ومش عارفه
تحليها اكتبيها وان شاء الله
اقدر افيدك
عاوزه اقولكم ع حاجه يا جماعه
طفلك من وهو جنين بيعرف انه انتى عاوزاه
وبتحبيه ولا لاء اه والله
يعنى لو انتى مش راضيه عن الحمل بيوصله
انك مش عاوزاه وانه غير مرغوب فيه
ولما بتبقى فرحانه بيه
بيعرف انك عاوزاه ومرغوب ف وجوده
لانه بتوصل ليه رسائل فسيولوجيه لخلايا مخه
بتقوله اذاكان مرغوب فيه ولا لاء
ولما بيعرف ان مش مرغوب ف وجوده
لما بيتولد بيبقى طفل عدوانى وبيكرهه
اللى حواليه ودايما انطوائى مع نفسه
لانه اتولد وعارف انه محدش عاوزه
وحتى لو الام بدلت مشاعرها من كرهها للحمل ده
لحبها فيه جنينك مشاعره مبتتغيرش
بتثبت فيه المشاعر الاولى اللى وصلته انها مش عاوزاه
دى كانت نقطه مهمه حبيت اتكلم فيها
اول حاجه هتكلم عليها زى ما قولت من وابنك لسه بيبى
ابنك اول ما بيتولد بيبقى عارفك وبيحس بيكى
وده بيعرفك من نفسك وريحتك
لانه كان بيتنفس منك اول ما بتشيلى مش بتلاقيه بيسكت معاكى
ده لانه عارف انك امه وبترجعيله احساسه بالامان تانى
كمان حاجه ابنك لما بيجى يرضع لو تلاحظى انه بيبصلك
بس طبعا بعدولادته بكام شهر
لانه بيتعرف عليكى اكتر وبيحفظ ملامح وشك
ولحد ما يكبر شهر بشهر بتلاقيه انه متعلق بيكى انتى
لانه خلاص عرفك انك انتى امه اللى بتديه الحنان
وكمان وانتى حامل فيه لو قرتى قرأن كل يوم
لما تيجى تحفظيه هتلاقيه بيحفظ بسرعه
لانه بيرجع بذاكرته وبيحس انه سمع الكلام ده قبل كده
عاوزه اكلمك عن نوم ابنك
اول شىء ملاحظه علامات نوم ابنك
وهتلاقيه بيعمل حاجه او اتنين من دول تفهمي منها
انه عاوز ينام
تلاقيه بيدعك ف عنيه _بيشد ف ودانه او شعره
تلاقى بيعيط
طبعا مش تتعصبى عليه تحاولى ع قدر الامكان انك تنيميه ع طول طبعا هيزن ويعيط متتعصبيش عليه وتقولى اعملك انا طيب متنام بقى لانه مش فهمك
وهتلاقيهمن سن 3شهور بينام غاليا من8ل8ساعات بيليل
متحاوليش لو ابنك قلق من نومه انك تشيايه او تولعى نور الاوضه
لانه لسه هيكمل نوم لاء لما تلاقيه قلق طبطبى ع صدره
او قولي هش هش بصوت واطى
يعنى مش اول مره يعيط تشيليه
طيب ازاى تعلمى ابنك يقعد ع البوتى من وهو عنده 4شهور
يعنى تفطميه بدرى ع قعاده ع البوتى
وطبعا اول ما تلاقيه بيحذء وش احمر اعرفى انه بيعمل بيبى
متستنيش اقعديه عليها ع طول عشان يتعود
هيعيط مره واتنين وتلاته بس صدقينى هيستجيب ليها ومش هيعيط ونحنحيه كده بعبارات تدل انه بيعمل عشان يفهم
اشارتك دى كل مره بيعمل فيها
وطبعا ف امهات بتعانى ان ابنها كبير وبيعمل ع نفسه
ياريت متزعقيش ولا تضربى ولا ترشى ميه عليه وهو نايم
لان ف امهات بتعمل كده وده اكبر غلط لان ابنك ممكن يكون
عنده مشكله نفسيه ولو عملتى كده هتزودى المشكله اللى عنده تحاولى معاه بكل الطرف وكمان تحاولى تعرفى اى حاجه
بيضايق منها لان دى ممكن تكون سبب المشكله
طيب بكاء ابنك
عاوزه اقولك ع حاجه الطفل بيفهم من وهو عنده شهور
يعنى وسياه الوحيد عشان تستجيبى ليه هو العياط
فبيعيط ويصرخ كمان انتى من اول مره هيلاقيكى نفذتى اللى هو عاوزه هيستغل ان العياط بيجيب نتيجه
فكل مره هيفضل يعيط
لما تلاقيه كده تجاهلى عياطه خالص ولا كأنك سمعاه هيفضل
يعيط وممكن يزود كمان عياط وصريخه بس لما هيلاقيكى مش مهتمه هيبطل يعيط تانى
تابعونى يا قمرات ف باقى اساليب التربيه لطفلك
ولو عجبكم الموضوع قيموه
كل ما يهمك ف تربيه ابنك من وهو بيبى حتى سن المراهقه عندى هنااااا يلا ت
قد تكوني مهتمة بالمواضيع التالية ايضاً