أو

الدخول بواسطة حسابك بمواقع التواصل

#1

افتراضي هى ليه العروسه لازم تبقى بيضه وبالعسل ؟؟؟؟

طبعاً استغربتوا من العنوان ايه العروسة اللى بالعسل دى عروسة المولد ولا ايه ؟ هههههههه


لأ مش عروسة المولد يا بت انتى وهى

انا قصدى عروسة بنى آدمة عاديه زينا
بس لاحظت أوى فى الفترة الأخيرة ان كل ما واحد ييجى يطلب عروسة

يقولك عايزها جميلة

جميلة ازاى يا سيدى ؟؟؟؟

يعنى تكون بيضا وياريت عنيها ملونة بس لو عسلى مش مشكلة ههههه
ويكون شعرها طويل وناعم ويا حبذا لو كان أصفر

فلقيت اللى ناقص انه يختار العروسة بالنكهة اللى بيحبها والله بالعسل ماشى بالسكر ماشى

لو مالوش فى الحلويات ممكن يطلبها بالملح مملحة يعنى هههههههههه
طيب ما تروح تفصلك واحده عند الخياطة أحسن

الموضوع غايظنى جداااااا كأن يا عينى اللى مفيهاش المواصفات دى

هتبقى حوله أو عمشة و لونها اسود مزرق وشعرها شايط على النار

؟؟؟؟؟؟؟؟؟؟ يقولك عايزها جميلة قال
هو طبعاً فى واحد بيبقى عايز واحده كده اعتقاداً ان مراته لو مش حلوة أوى يقولك بقى هبص لبره
والكلام الفارغ ده قال يعنى عايز يغض البصر

ماشى يا سيدى


بس بجد يا بنات ايه رأيكم فى الموضوع انا عن نفسى مش بيعجبنى خالص

أينعم من زماااان جداً والجمال إلى حد ما بيكون ليه عامل فى أوقات كتير فى زواج البنت

لكن الرسول صلى الله عليه وسلم قال فى زواج المرأة :

والحديث عن أبي هريرة رضي الله عنه عن النبي صلى الله عليه وسلم قال :

"تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك". رواه البخارى ومسلم


ولما حدد مواصفات الزوج الصالح قال :

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذى وغيره


***- ***- *

نفسى أوى لما اسأل واحد عايز العروسة مواصفاتها ايه

يقولى " تكون مؤمنة وبتتقى ربنا " زى مال الرسول عليه الصلاة والسلام قال : " فاظفر بذات الدين تربت يداك "


ولما اسأل واحده عايزه عريسك مواصفاته ايه

تقولى " يكون متدين وخُلقه جميل " زى ما الرسول عليه الصلاة والسلام قال : " من ترضون دينه وخُلقه "






***- ***- ***- *

يلا ربنا يصلح حال كل المسلمين والمسلمات ويرزقهم جميعاً الأزواج والزوجات الصالحين


متنسوش بقى لو واحده لاقتلى عريس بالسكر تبعتهولى على الخاص ههههههههه


كل واحده تقولى رأيها فى الكلام ده ليه العروسة لازم تبقى بالعسل ؟؟؟؟؟


ولو عجبكم الموضوع ياريت تقيموه يا بنوتاتى الحلوات


فى حفظ الله يا قمراتى




#2

افتراضي رد: هى ليه العروسه لازم تبقى بيضه وبالعسل ؟؟؟؟

والله عندك حق حاجه تنقط بس فيه رجاله بيبصو الاول للدين والاصل والخلاق هما صحيح مش كتير بس موجودين
#3

افتراضي رد: هى ليه العروسه لازم تبقى بيضه وبالعسل ؟؟؟؟

تم التقييم لعيونك
ينقل لقسم الحوارات
#4

افتراضي رد: هى ليه العروسه لازم تبقى بيضه وبالعسل ؟؟؟؟

فعلا والله
كلا للى بيدور دلوقتى ع عروسه عايزه موزه
حلوه وشقرا وبيضه وعندها ايه كمان ها تورثه
مش بييصوا دى ها تسعدك وتحافظ ع اسمك سمرا اه بس مريحه وحبوبه ودمها خفيف ترتاح معاها وهى دى اللى تكون ام للااولادك وهى اللى ها تحافظ ع اسمك ف وجودك وغيابك
للا اسف حال شباب الايام دى كده
إظهار التوقيع
توقيع : ♥ احبك ربى ♥
#5

افتراضي رد: هى ليه العروسه لازم تبقى بيضه وبالعسل ؟؟؟؟

ورغم كده ال مش حلوة هي الي بتتجوز والحلوة الي شايفة نفسها مش بتتجوز
والرجل الي بيطلب كل ده مش بيبص لنفسة الاول
ع اساس ان سيتة ملاك نازل من السما
ده رجالة عقلها ناقص
إظهار التوقيع
توقيع : الملكة نفرتيتي
#6

افتراضي رد: هى ليه العروسه لازم تبقى بيضه وبالعسل ؟؟؟؟

موضوع مهم فعلا ومنتشر مش عارفه ليه الجواز بقى مشروط بشروط ومواصفات معينه وايه يعنى لمانمشى على السنه فى الاختار بس الناس هى ال تحسيهابقت سطحيه وتافهه مع ان المظهر مش كل حاجه وحكاية غض البصر دى مالهاش علاقه عشان فيه ناس كتيره معاهاستات جميله ماشاء الله وبرده بيبصوا بره ولايملأ عين ابن ادم الا التراب دى حجججججججججججج فارغه يسلمو حبيبتى على الموضوع الجميل واحلى تقييم لعيونك
إظهار التوقيع
توقيع : زهره محمد
#7

افتراضي رد: هى ليه العروسه لازم تبقى بيضه وبالعسل ؟؟؟؟

موضوعك جميل ورائع
#8

افتراضي رد: هى ليه العروسه لازم تبقى بيضه وبالعسل ؟؟؟؟

هو الجمال جمال الروح وجمال الدين اجمل واحسن طبعا
إظهار التوقيع
توقيع : قوت القلوب 2
#9

افتراضي رد: هى ليه العروسه لازم تبقى بيضه وبالعسل ؟؟؟؟

هما عارفين ان البنات ياعينى زى الرز وقاعدين فى بيت اهاليهم لحد سن العنوسة وعندهم حق يتأمروا على دى السمرا والشقرا والبيضة والاهالى دلوقت بيتساهلوا والله فى حاجات كتييييييييير علشان بناتهم يتجوزا والشباب يرفض على اتفه الاسباب يعنى لو اتشددوا مايعجبش ولو اتساهلوا تترفض البنت ويقولك دى تخينة ودى طويلة ودى سمرا بقى الشكل وبس اهم حاجة وقليل من الشباب اللى بيفكر بذات الدين اللهم ارحمنا برحمتك
#10

افتراضي رد: هى ليه العروسه لازم تبقى بيضه وبالعسل ؟؟؟؟

حاجه شلل بجددددددولما البنت تقول عايزه ولد وسيم يقولوا ليها انت سطحيه موضوع جميل بجد
#11

افتراضي رد: هى ليه العروسه لازم تبقى بيضه وبالعسل ؟؟؟؟

يمكن عشان الجمال شيء ملموس واكيد , إنما التدين مش أكيد , ماهي ممكن محجبة ومش بتصلي , وممكن كلامها قال الله وقال الرسول وافعالها غير , انما الجمال واضح حتى لو معاه شوية رتوش , ,,, انا بقول يمكن يكون هو ده السبب والله أعلم
إظهار التوقيع
توقيع : نيڨين
#12

افتراضي رد: هى ليه العروسه لازم تبقى بيضه وبالعسل ؟؟؟؟

دى لازم تبقى شاطرة ومتفوقة وبتشتغل وتعرف تطبخ وتكنس وتبقى موزة وبنت ناس ومؤدبة وياريت لو تبقى بالشحن علشان تفصل شوية
#13

افتراضي رد: هى ليه العروسه لازم تبقى بيضه وبالعسل ؟؟؟؟

ممكن يكون بسبب الفضائيات والمنتشر فيها من حريم اعوذ بالله زى الهايفه
والمعجرمه والذى منه .. الراجل نفسه تروح ليها بقى يقولك واشمعنى انا ..
لكن يا رب الناس تبقى كدا ..

إقتباس
نفسى أوى لما اسأل واحد عايز العروسة مواصفاتها ايه

يقولى " تكون مؤمنة وبتتقى ربنا " زى مال الرسول عليه الصلاة والسلام قال : " فاظفر بذات الدين تربت يداك "


ولما اسأل واحده عايزه عريسك مواصفاته ايه

تقولى " يكون متدين وخُلقه جميل " زى ما الرسول عليه الصلاة والسلام قال : " من ترضون دينه وخُلقه "
بالرغم انه موجود ولكن بنسبه بسيطة .. ربنا يهدى الحال ..

#14

افتراضي رد: هى ليه العروسه لازم تبقى بيضه وبالعسل ؟؟؟؟

موضوعك رائع عزيزتي
أصبحت معايير اختيار الزوجة و الزوج المناسب سطحية
إظهار التوقيع
توقيع : mahee


قد تكوني مهتمة بالمواضيع التالية ايضاً
الموضوع كاتب الموضوع المنتدى
مدونتي ~إبتساامه~ تسنيم عادل مدونآت الاعضآء!
فوازير صعبة جدا وجديدة جدا 2025 واجابتها فوازير مضحكة جدا هتمووت م الضحك yasmen ali الغاز وفوازير
تيجي نبدأ صفحة جديدة مع ربنا ونحقق كل احلامنا نسمه الكون الحملات الدعوية
مش لازم,,,,,,,مش لازم فطوم والبسمه تدوم منوعات x منوعات - مواضيع مختلفة
غلاسه سكر زياده هبه شلبي فرفشة عدلات


الساعة الآن 08:45 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل