تخيل لو اجزاء الكمبيوتر بتاعك بتتكلم
تخيل لو اجزاء الكمبيوتر بتاعك بتتكلم
.
.
.
... ... .
الرامات: إلحقنا يامعلم بروسيسور هانفطس م الحر والواد مش بيرحم
البروسيسور: الله يحرق الفيس واللي إخترع الفيس
ماهو طول ماهو قاعد هيء وميء مع دي ودي عمره ماهيزهق
الكيبورد: كسر جسمي بصوابعه منه لله
الماوس: أومال أنا أقول إيه؟؟
بس أنا كاماوس؟ ببقى مبسوط
الشاشة: شكلك وحش أوي يا ماوس هههههههه
الماوس: خليكي إنتي على جنب دا كل ماتيجي أودامه صورة بنت حلوة يتنحلك انتي ولا بتفتحي بوئك
لو تكهربيه ونستريح؟ أو تفرقعي ف وشه يروح يجيب لاب ويعتقنا؟
الويب كام: أنا بقى اللي مكتوب عليا أبص ف الخلقة دي كل شوية
دا كل مابيفتح فيديو كول ببقى عايزة ألف وشي الناحية التانية
المايك: ولا صوته يا أختي.. دا بيصدع اللي خلفوني وفاكرلي نفسه عبدالحليم حافظ
المازر بورد: محدش سامع صوتك يعني يا هارد؟! دا انت أس البلاوي كلها
الهارد: بس سبوني ف حالي أنا فيا اللي مكفيني
تدخلوا برتيشن فيا تحسوا انكو ف روتانا سينما
وبرتيشن تحسوا انكوا ف جامع
وبرتيشن تحسوا انكو ف ستاد
ولو دورتو ف الملفات المخفية قلبكوا هايتقطع ع البنات المساكين اللي مش لاقين لبس
السي دي روم: ماتلومش اللي نفسك ياهارد
الهارد: وانا أعمل ايه؟؟ أنا اللي بقدر عليه إني أعمله باد سيكتور كل فترة عشان أسقطله ويندوز
بتيجي على دماغك إنت ويحط فيك السديهاية ويسطبها تاني، وماينوبناش غير إعادة التعريفات
الشاشة: يلا ندعي كلنا ع الروتر يولع
ساعتها مش هيبقى في نت ويرحمنا بقى
الكيسة: بس بس حرام عليكي
لو الراوتر باظ هايروح يجيب يو إس بي مودم ويرقفي. بس خليني شايلة الهم وساكتة
كفاية
الصب: قلبي عندك يا أختي هههههههههههه
الكيسة: خليك إنت ف الأغاني الهابطة اللي بيخليك تغنيها وانت ذي الجزمة
الصب: أوباااااااااااا.. ليه الغلط بقى؟!
الشاشة: بس إسكتوا إنتوا هتتخانقوا؟!
إستنوا أمه جاية يمكن تخليه يقوم يذاكر ويرحمنــــــــــا.... ياااااااا رب تشد الفيشه بقاااااااااا
إظهار التوقيع
توقيع : ام جنى وبس
التوقيع لا يظهر للزوار ..
رد: تخيل لو اجزاء الكمبيوتر بتاعك بتتكلم
إظهار التوقيع
توقيع : أميرة بهدوئى
التوقيع لا يظهر للزوار ..
رد: تخيل لو اجزاء الكمبيوتر بتاعك بتتكلم
إظهار التوقيع
توقيع : Milla William
التوقيع لا يظهر للزوار ..
رد: تخيل لو اجزاء الكمبيوتر بتاعك بتتكلم
إظهار التوقيع
توقيع : bassouma
التوقيع لا يظهر للزوار ..
رد: تخيل لو اجزاء الكمبيوتر بتاعك بتتكلم
إظهار التوقيع
توقيع : هبه شلبي
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| اضرار وضع اللاب في الحضن | ملكة الورد | الكمبيوتر والانترنت | ||
| توظيف التكنولوجيا في خدمة ذوى الاحتياجات الخاصة | حياه الروح 5 | ذوي الاحتياجات الخاصة | ||
| لا تضع (ي) الكمبيوتر في حضنك! | فلسطين | منوعات x منوعات - مواضيع مختلفة | ||
| الحاسوب ضرتنا الجديدة | الاعلامية لينا | الثقافة والتوجيهات الزوجية | ||
| كيف نقي انفسنا من اخطار الكمبيوتر | ام هنا | الكمبيوتر والانترنت | ||
الساعة الآن 08:19 AM
جميع المشاركات تمثل وجهة نظر كاتبها وليس بالضرورة وجهة نظر الموقع