أو

الدخول بواسطة حسابك بمواقع التواصل

#1

مميز تنصحونى اعمل ايه مع زوجى

[FONT=""][COLOR=""][SIZE=""]مشكلتى يا اخواتى ربنا يكرمكم مع زوجى هى انى مش بلاقى الاهتمام منه على الرغم اننا متجوزين من فترة بسيطة لسه مكملناش سنة واللى مكبر الموضوع عندى انى كنت فاكرة انه هيهتم بيا اوى وده حسب مانا كنت فاهمة قبل ما نتجوز وخصوصا انى انا كنت افتقد الاهتمام بشكل كبير فى بيت ابى وكانت دى مشكلة حياتى وكان نفسى اوى اتجوز واحد يهتم بيا بشكل كبير لكن اللى حصل انى اتصدمت اوى لما اتجوزت لان زوجى مش بيهتم بيا معظم الوقت اللى بيقضيه فى البيت على التلفزيون او الكمبيوتر او نايم طبعا وطبعا ممنوع الكلام قطعيا اثناء مشاهدته ماذا والا يزعق يتنرفز وطبعا مش بيتفرج ساعة ولا اتنين لا دى ساعات طويلة وكمان كل الخروجات بتاعتنا عند اهله وبس وده عشان احنا فى غربة وله اخت واخ موجودين بنفس البلد اللى احنا فيها مع اولادهم طبعا واخته متجوزة واحد مش مصرى عندها بنات واولاد كبار ودول بقى انا مبحبش قعدتهم ولا الكلام معاهم عشان طريقتهم فى الكلام مش بتعجبنى وفيها جرأة بوقاحة فى معظم الاوقات وكمان ليهم نظرة تعالى على اى جنسية اخرى بتعمل فى بلدهم وخصوصا المصريين بصراحة بقى انا مش بحبهم اما زوجى بقى بيدلعهم وبيهتم بيهم اهتمام غير عادى لو واحدة فيهم طلبت لبن العصفور يجيب لها ولو تعبان او بيموت مع ان كل واحدة لها زوج وكمان مستواهم المادى مرتفع واللى كمان مضايقنى اكتر انه بيهزر معاهم هزار مش محترم بالفاظ خارجة ومش كده وبس لا ده احيانا بيهزر هزار تريقة عليا معاهم وانا قاعدة ومشكلتى انى مبعرفش ارد وكمان مش عاوزة ارد عليهم عشان هو ميزعلش ويقول انى عاوزاه يخسر اهله وكلمته فى الموضوع ده اكتر من مرة بهدوء ومفيش فايدة كل اللى بيقوله متجيش معايا وبصراحة اتخانقت معاه عشان كده لانى زهقت وهو مش بيراعينى خالص قدام الناس وبيقول عادى جدا الهزار ده لو بتريقة طالما مفيش حد غريب هل كلامه ده صح ؟ لانه خلاص حسسنى انى من كوكب تانى وان كل الناس بتعمل كده وانا اللى مزوداها انا بصراحة لما يرزقنى ربنا باولاد مش عاوزاهم يختلطوا بيهم ولا بعيالهم لانهم مش مربيين عيالهم خالص يعنى مثلا لو جينا عندهم وقلعنا الحذاء قبل ما ندخل عشان السجاد هما بيقعدوا عليه عيالهم بقى ياخدوا الاحذية بتاعتنا ويضيعوها يرموها بعيد واحنا نقعد ندور عليها واحيانا مش بنلاقيها وخصوصا حذائى انا بالذات معرفش ليه وباخد منهم حذاء اروح بيه مع انى مفيش حد فيهم مقاسى بس احسن ما امشى حافية او برضو عيالهم بيلبسوا حذائى ويروحوا ويجوا بيه عادى جدا قدام امهاتهم وجدتهم ومحدش فيهم بيقول لهم عيب حتى ولا بيشخط فيهم وممكن يفتحوا الشنطة بتاعتى لو قمت اغسل ايدى او اروح الحمام مثلا
ومرة اخدوا مفتاح الشقة من الشنطة ولقوه بعد فترة وطبعا محدش فيهم زعق ولا عاقب العيل اللى عمل كده
حد يقولى يا جماعة هو ده عادى ؟
انا نفسى زوجى يهتم بيا يخرجنى نتمشى سوا او نتفرج على المحلات او حتى يودينى سينما لا ده مبيحصلش ابدا الا اذا كانوا هما معانا انما لوحدنا لا
ويقولى البلد دى مفهاش خروجات ولا فسح
وكمان عشان اطلب منه حاجة يجيبهالى بعد ما روحى تطلع خلاص وبعد ما اطلبها كذا مرة لغاية ما تعبت ومعرفش هو بيعمل كده عشان مطلبش منه حاجة وازهق وابطل طلبات مع انى الحاجات اللى بطلبها دى للبيت واحيانا كريم شعر او شامبو تصوروا انه قعد شهر كامل عشان يجيب لى شامبو

مع ان طلبات اى واحدة من بنات اخته مجابة علطول فى التو واللحظة ويقعد يدور عليها فى كل المحلات لغاية ما يلاقى عشان ميزعلوش منه ويقولوا انه مش عاوز يجيب

مع ان كل طلباته بيلاقيها قبل ما بيطلبها سواء كان فى ملابسه او اكله مبتأخرش عنه خالص فى اى حاجة وقبل ما يطلب الحاجة بيلاقيها قدامه ولما اقوله كده انه يعاملنى بالمثل وان الحكاية دى بتضايقنى يقلب الموضوع هزار مع انى بتكلم جد ومبخدش منه حق ولا باطل
انا خلاص تعبت مش عارفة اعمل ايه اتكلمت معاه بالراحة اكتر من مرة مفيش فايدة وبالخناق مفيش فايدة اخدت منه موقف وزعلت منه مفيش فايدة برضو يصالحنى ويرجع يعمل كل الحاجات دى تانى





اعمل ايه خصوصا اننا نازلين مصر قريب وانا هقعد عند اهلى وهو عند اهله عشان لسه مجبناش شقة فى مصر وطبعا هيقعد ما يسألش فيا ولو حتى بتليفون وانا خايفة يحرجنى قدام اهلى بالتصرفات دى لانه مش هيعبرنى وكمان هو مبيهموش رأى اهلى او موقفى قدامهم لانه واخد موقف منهم عشان انتقدوه كذا مرة فى كذا موقف وهو مبيحبش يطلع غلطان وشايف نفسه صح على طول الخط

قولوا لى اعمل ايه معاه واتصرف ازاى انا تعبت اوى من تصرفاته دى اوى وخلاص بقيت على اخرى وكمان انا عاوزة لما انزل مصر مكنش مضايقة عشان هيتجاهلنى اعمل ايه عشان كده

ارجوكوا حد يقولى عشان خلاص بدأت فعلا اكرهه ومبقتش طايقاه ومش مستمتعة بأى حاجة معاه حتى العلاقة الزوجية مش عاوزاها وبعدماكنت بطلبها منه بقت متهمنيش خالص يعملها ولا لا
والبيه ولا هو هنا ولا حاسس انى مليش نفس للموضوع ده ولا حاسس انى مبقتش اتفاعل معاه زى الاول المهم نفسه
عشان فى اول الجواز اول شهرين كان احيانا بينام فى غرفة تانية لوحده والموضوع ده كان بيضايقنى اوى لكن دلوقتى انا اللى عاوزاه ينام فى الغرفة التانية علطول بصراحة

معلش اعذرونى انى طولت عليكم بس انا والله العظيم متغاظة وهطق منه ومن اهله وهموت من الغيظ
يا ريت تدعولى ان ربنا يصبرنى ويجعلنى من الكاظمين الغيظ
وارجوكم يا اخوتى تقولوا لى هل انا معايا حق فى كل اللى انا قلته ولا انا مزوداها حبيتين وحساسة زيادة عن اللزوم وان ده العادى بتاع كل الناس
منتظرة ردكم ربنا يجعله فى ميزان حسناتكم ويجازيها كل خير اللى تدخل وترد عليا[/SIZE][/COLOR][/FONT]


#2

افتراضي رد: تنصحونى اعمل ايه مع زوجى

شوفى هو موضوع الاطفال ده مستفز طبعا يزعل بس رأيى انتى لسه عروسه وهو الجواز اول سنتين بيبقى صعب التفاهم فيه صعب الزوجين لسه مخدوش على طباع بعض والوضع غريب عليهم بس مع العشرة كل ده بيتغير
بس اصبرى وطولى بالك وان شاء الله مع الوقت كل اللى بتشتكى منه حيتغير عن تجربه بس فى موضوع الاولاد وزيارات اهله ممكن تتكلمى معاه بهدوء من غير عصبيه وتحاولى تفهميه وجهة نظرك او تبلعيها شويه لحد ما ربنا يحلها من عنده الصغير بيكبر بس اكيد جوزك لو اخد باله انك بتضايقى ممكن يكلمهم براحة ويفهمهم انك بتزعلى
#3

افتراضي رد: تنصحونى اعمل ايه مع زوجى

[FONT=""][COLOR=""][SIZE=""]
المشاركة الأصلية كتبت بواسطة لافالانتينا
شوفى هو موضوع الاطفال ده مستفز طبعا يزعل بس رأيى انتى لسه عروسه وهو الجواز اول سنتين بيبقى صعب التفاهم فيه صعب الزوجين لسه مخدوش على طباع بعض والوضع غريب عليهم بس مع العشرة كل ده بيتغير
بس اصبرى وطولى بالك وان شاء الله مع الوقت كل اللى بتشتكى منه حيتغير عن تجربه بس فى موضوع الاولاد وزيارات اهله ممكن تتكلمى معاه بهدوء من غير عصبيه وتحاولى تفهميه وجهة نظرك او تبلعيها شويه لحد ما ربنا يحلها من عنده الصغير بيكبر بس اكيد جوزك لو اخد باله انك بتضايقى ممكن يكلمهم براحة ويفهمهم انك بتزعلى

اشكرك جدا يا اختى على ردك بس احب اوضح لك حاجة مهمة ان موضوع الاطفال فى بيت اخته وكل التصرفات دى بتكون قدام عينه وشايفها ومن غير ما حتى الفت نظره ليها مبيتكلمش مع حد منهم عشان خاطرى ولا بيقولهم انى بزعل وبضايق لانه باختصار شديد جدا ميهمهوش انى ازعل وكمان مش عاوزهم يضايقوا منه ويقولوا انه بينتقد تصرفات اولادهم عشان مراته او بالادق ميحبش يبان قدامهم انه بيخاف على زعلى او بيشترى خاطرى[/SIZE][/COLOR][/FONT]
#4

افتراضي رد: تنصحونى اعمل ايه مع زوجى

اسمعى بقى من واحده بتحب واحد اوى وعانيت اكتر منك اوى واطلقت مرتين من الى بتحبه اوى وفى كل مره بتستحمل منه اوىىىىىىىىىىىى.... الجواز فى اوله فعلا صعب حتى لو كنتوا بتحبوا بعض وفاهمين بعض قبل الجواز يعنى قبل الجواز حاجه وبعده حاجه تانيه خااااااااااااالص.....انتى الوحيده الى حاتقررى انتى عايزه ايه ..لو مش عايزاه ومش حتقدرى تكملى معاه على كده يبقى تنفصلى وانا لا احبذ لك ذلك !!! لكن لو بتحبيه من جواكى او عايزه فعلا تعيشى حياه هادئه مع زوج يقدرك ويحبك ويفهمك ... يبقى سيبك من الكلام ده كله الى بتقوليه وحاولى تتقربيله وتفهميه اكتر ومعلش تعالى على نفسك كتيييييييير وشوفى هوه بيحب ايه واعمليه حتى مع اهله اصل هوه خلاص دخل معاكى فى دور عند فأنتى وريلو ان كل ده بتعمليه بمزاجك ومبسوطه معاه بالى هو بيعملو حتى لو انتى مثلا حاتروحى تشترى لاقاربه دول حاجات ليهم وخليكوا مبسوطه معاه بكده ...اصل خلاص ده جوزك يعنى لازم تلاقى طريقه تفهموا بيها بعض وانسى خلاص انو حايتغير . اسألى مجرب. فانتى بقى تبقى احسن منه واحتسبى كل ده عند ربنا وصدقينى مش حايضيع .وخليه ينبهر بتغيرك ده معاه كل حاجه عايزها اعمليها. ومعلش استحملى اهله اصل هما اهله حاوديهم فين يعنى هههههههه .. ماتخليهوش يلجأ لحد تانى يستريح معاه ويفهمه . حاولى تجاريه فى كل حاجه عشان يحس ان انتى الوحيده الى بيستريح معاهاوبتفهمه .. وربنا يهديهولك يارب ويصلح الحال ان شاء الله..وابقى ابعتيلى وقولىلى عملتى ايه..اوك..
إظهار التوقيع
توقيع : دينا سراج
#5

افتراضي رد: تنصحونى اعمل ايه مع زوجى

احرصى على زوجك وبيتك وعندما يجد زوجك منك الحب والحنان والاهتمام مع الايام سيتعلق بك ولايستطيع ان يستغى عنك
ولكن اذا وجد النكد والتذمر الدائم على كل شيئ سيمل
وكل عروس تعتقد ان زوجها لابد الا يشغله شيئ سواها ولكن الحياة ودوامتها غير ذلك اشغلى نفسك بإرضائه وعمل كل ما يحبه ومع الوقت ستلاحظى حبه واهتمامه بك
لاتضيعى بيتك ولازوجك هناك رجال لايعرفون كيف يعبروا عما بداخلهم
وهم داخلهم مشاعر كبيرة تجاه زوجاتهم
اما الاشياء الصغيرة كعبث الاطفال بمحتويات حقيبتك تستطيعى معالجتها بذكاء

وحبى أهل زوجك وتغاضى عن بعض الافعال ولاتقلقى سيحبوكى مع الايام

لكن حبيهم الاول وكونى متعاونه فى مناسباتهم


رد: تنصحونى اعمل ايه مع زوجى
#6

افتراضي رد: تنصحونى اعمل ايه مع زوجى


المشاركة الأصلية كتبت بواسطة غير مسجل
[font=""][color=""][size=""]


اشكرك جدا يا اختى على ردك بس احب اوضح لك حاجة مهمة ان موضوع الاطفال فى بيت اخته وكل التصرفات دى بتكون قدام عينه وشايفها ومن غير ما حتى الفت نظره ليها مبيتكلمش مع حد منهم عشان خاطرى ولا بيقولهم انى بزعل وبضايق لانه باختصار شديد جدا ميهمهوش انى ازعل وكمان مش عاوزهم يضايقوا منه ويقولوا انه بينتقد تصرفات اولادهم عشان مراته او بالادق ميحبش يبان قدامهم انه بيخاف على زعلى او بيشترى خاطرى

ايوة يا روحى بس انتى مشتكتيش يعنى مش زعلانه
على كل البنات كلامهم صح اصبرى عشان تحافظى على بيتك عارفه البناء دايما صعب ونتيجته تبان مع الايام وما اسهل الهدم لازم تتعبى زتصبرى وبعدين انتى فى الغربه ملكوش الا بعض ومع الوقت حتشوفى تغير ملموس حيتعود عليكى اكتر ويحتاجلك اكتر صدقينى كلنا مرينا باللى بتمرى بيه اول الجواز فعلا صعب بس كل ده بيتغير
#7

افتراضي رد: تنصحونى اعمل ايه مع زوجى

انا حبيبتى دخلت ادعيلك لان العدولات وفوا بصراحة والجواز فى اوله صعب لانكم طباعكم مختلفة والصبر مفتاح الفرج وربنا يجعلك من الصابرين والكاظمين الغيظ
إظهار التوقيع
توقيع : أم التوائم
#8

افتراضي رد: تنصحونى اعمل ايه مع زوجى

البنات كفوا ووفوا وزي ماقالوا مع الوقت حتتعودوا على طباع بعض . بس في نقطه مش عجباني وهى تريقته عليكي قدامهم , متسكتييييييش ردي عليه في الحال وقدامهم , وقوليلوا مسمحلكش , حتى لو اتخانق معاكي بعدها ,بس بعدها حيعمل حسابك وحيخاف من ردك واحراجك له قدامهم وحيفكر الف مره قبل مايقول كلمة تجرحك قدامهم مش خوف على شعورك لأ خوف على نفسو من لسانك , هى دي النقطه اللي بنصحك بيها واسأل مجرب
ربنا يوفقك يابنتي ويهديلك جوزك

إظهار التوقيع
توقيع : نيڨين
#9

افتراضي رد: تنصحونى اعمل ايه مع زوجى

و الله نيفين قالت ما كنت سانصحك به،السلبية مع الزوج او اي كان تدفعهم الى التمادي
ما ضاع حق وراءه طالب و انت لا تطلبين المستحيل تطلبين الاحترام المتبادل منو و من اهلو
ارى انك تقللي من زياراتك لهم علاش توجعي في راسك،حاولي تتعرفي على ناس جدد لتعويض الغربة
وفقك الله و حبيت نقولك البيوت كامل فيها مشاكل الموديل مختلف و فقط
توددي الى زوجك و اجعلى العلاقة الحميمة بينكما مفتاح تدخلين به الى قلبه لان التجاهل الدائم منك يؤدي الى تدهور الوضع اكثر
ارجوك كوني حكيمة و حكاية الاولاد لما تروحي عندهم ادخلي بحذائك لا تنزعيه و اذا انتقدوك على ذلك قولي احسن من البحث عليه في كل مرة فتضربين عصفورين بحجر:تنبهينهم الى قلة لباقتهم و تحافظين على اعصابك،فيم يخص الشنطة خدي معك حقيبة يد صغير ليسهل عليك حملها و حتى ادخالها الى الحمام.....كوني ذكية و لا توصلي لزوجك كل شيء عن اهله
إظهار التوقيع
توقيع : farcha
#10

افتراضي رد: تنصحونى اعمل ايه مع زوجى

اللهم فرج كربها
#11

افتراضي رد: تنصحونى اعمل ايه مع زوجى

مش عارفه اقول غير ربنا يصلح لك الاحوال
استخدمي ذكائك وخليكي صبوره عشان المركب تمشي ربنا يهدي سرك
#12

افتراضي رد: تنصحونى اعمل ايه مع زوجى

شوفى حبيبتى انا جوزى نفس نظام جوزك كدة بس الفرق عندى اننا قاعدين فى بيت اهله ولو زعلنا شوية مش بيخلينى اعمله حاجة لا اكل ولا شرب بس مستحملة وصابرة وكمان انا مجوزة من خمس سنين ومفيش اطفال ومحتسبة صبرى عند ربنا
فانت اصبرى شوية واستحملى وانشاء الله ربنا يهدى ويصلح الحال
#13

افتراضي رد: تنصحونى اعمل ايه مع زوجى

ربنا يجعلك من الصابرين والكاظمين الغيظ
إظهار التوقيع
توقيع : bassouma
#14

افتراضي رد: تنصحونى اعمل ايه مع زوجى

ربنا يصبرك حاولي تتكلمي معاه ، معلش تعالي على نفسك واستحملي شويه كمان ، وأنا بقول أن شاء الله أول ما ربنا يكرمك بطفل كل حاجه هتتغير ، بس في نفس الوقت مش عايزاكي تيجي على نفسك أكتر من كده عرفيه انك مش مبسوطه بالوضع ده . وربنا يصلح بينكم يا رب
#15

افتراضي رد: تنصحونى اعمل ايه مع زوجى

انتي متزوجته عن حب؟
#16

افتراضي رد: تنصحونى اعمل ايه مع زوجى

بصراحة البنات ووفوا وكفوا
ربنا يهديلك جوزك ويريح بالك
#17

افتراضي رد: تنصحونى اعمل ايه مع زوجى

بصى ياحبيبتى كتير من الازواج مش بيعرفوا يعبروا عن حبهم لزوجاتهم ديه نقطه كمان حاجه باين من كلامك ان كل واحد فيكم من مكان مختلف عن التانى بمعنى ان انتى اتربيتى على حاجات معينه وهو اتربى على حاجات تانيه خالص الاختلاف ما بينكم ده هو اللى عامل المشكله لانك عاوزاة يكون زيك وهو مبسوط بحاله من رايى انك تصبرى عليه الطبع ما بيتغيرش من يوم وليله اهم حاجه هو كونى ليكى اصحاب ما تخليهوش هو بس محور حياتك واهله انتى حاسه وياهم بغربه علشان مش منسجمه معاهم لانهم مش مقربين ليكى حاولى تعملى لهم حدود معاكى ما تخليش حد يقتحم خصوصياتك الطيبه حلوة بس اوقات لازم ناخد موقف من اللى بيزعلنا حاولى تعتمدى على نفسك واخرجى روحى المولات روحى انتى سينما لوحدك ايه المشكله اهم حاجه ما تتعصبيش وما تخليش جوزك ينام فى اوده تانيه
ربنا يبغد عنك الشيطان ويهدى سرك
#18

افتراضي رد: تنصحونى اعمل ايه مع زوجى

صراحه هو مش حيتغير هوه كده وحيفضل طول عمره كده انا بعاني من 4سنين ومش بيتغير بالعكس بيسوء كل مره اسيب البيت عن المره الاخره عيد زواجنا بينساه عيد ميلادي بيتساه لازم انا اعملوا مفاجاه والا بتعدي المناسبات شوفي انتي عاوزه اهلو حتقدري تستحملي كملي لو مش حتقدري يبقي انفصلي من دلوقتي احسن
#19

افتراضي رد: تنصحونى اعمل ايه مع زوجى

كل مايدخل عليكي كوني مديله با ستك وخليه يعربك وكوني قولي اح اح اح ثلاث مرات


قد تكوني مهتمة بالمواضيع التالية ايضاً
الموضوع كاتب الموضوع المنتدى
يوميات عدلات ومحروس كاملة هـــدوء قصص - حكايات - روايات
بالله عليكم حد يقولى اعمل ايه انا محتاره جدا Ana Abeer فضفضة وحل المشاكل
دلونى وقولولى اعمل ايه انا خلاص تعبت روبي كابتشينو فضفضة وحل المشاكل
محـــــتاجه مساعدتكم اعمل ايه مع ماما؟؟؟ بسكوته بالشوكولا فضفضة وحل المشاكل
اعمل ايه snowwhitevido فضفضة وحل المشاكل


الساعة الآن 03:55 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل