كل حاجه عاوزه تعرفيها عن حمام العروسة
عرايسنا الحلوين
عمالين تتكلموا على النيش والدولاب وغرفة النوم والصالون
وناسيين اهم حاجة
الحمام اعزكم الله
انا جمعتلك حاجات معظمكم بيغفل عنها نظرا لقلة الخبرة
لان حمام العيله
غير خالص حمام عروسه لسه جديدة في شهر العسل
ومش هطول عليكم انا ممكن متكلمش عن البديهيات اللي بتكون موجوده في اي حمام
هركز على اللي ممكن تنسوه
اولا : لازم يكون في فوط وبشاكير وصابون مقفول احتياطي في الحمام
يعني مش الفوطة تتبل وتتخط في بتسكيت الغسيل لازم العريس يقولك يا ..... هاتي فوطة
ولا يجيلك ضيف بيقرف يستخدم فوطة مستحدمة قبل كده او صابونة قربت تخلص
ده كله بيدي انطباع سيء غن تنظيمك للبيت
طيب الفوط تتحط ازاي ؟
مش ده المشكله خالص في كذا طريقه
في ناس بتجيب الادراج البلاستيك بتاعت الهلال والنجمة او اي ماركة
انا شخصيا افضل انها تكون في باسكيت خوص مكشوف علشان الناس تشوفه
ان شاء يكون محطوط تحت الحوض على الارض
والفوط مبرومة جواه وواقفة او مطبقة كده
ويا سلام لو عليهم وردة ولا شمعه على شكل قلب
ولو عندك رحامة جنب الخوض ممكن تحطيهم على صينيه
لعلمك شيك جدا وتحتاري فوط سادة وماشية مع بعضها ومع الوان الحمام وحجمها معقول متكونش كبيرة
وطبعا البشاكبر تتعلق ورا الباب او على التعليقه اللي بتيجي اكسسوارات الحمام بردو مش بشكير واحد على الاقل اتنين
غير طبعا البرنص بتاعك والعريس كمان
ثانيا : لازم يكون في اندر ويرز في الحمام بس في مكان مداري اكيد جدا جدا
ثالثا : لازم مناديل بس مش للدرجه ده هههههه
رابعا : لازم wipes للطوارئ مش هتلحقي تاخدي شاور او كده يعني اي نوع للاطفال
خامسا : كل ادوات العناية الشخصيه شاور جيل + سكرب للجسم + بدي لوشن + بودر نفس ريحة البودي لوشن + body mist مش تحطيهم في غرفة النوم لا على الاقل طقم من دول في الحمام علشان تطلعي فله
انا بحب جدا انشانتر وفيكتوريا سيكيريت
وممكن ترصيهم كده
هنا حاطين تل ابيض للتزيين
سادسا : سيلك ابيل او ماكينة الحلاقة لو بتستخدميها بردو علشان لو عايزة تظبطي حاجة هتقولي انا داحله الحمام وتظبطي مش لسه هتروحي غرفتك وتاخديهم وتتفضحي وبتكوني مكسوفه خالص خالص بصراحة وانت بتاخدي خاجة من الدولاب
سابعا : كريم مرطب لليدين والقدمين بعد كل غسل لليدين او وضوء تحطي كريم
بحب جدا كريم 21 بس كل واحد و اللي يحبه بس يفضل يكون باتوميزر علشان متكسليش زي جرجنز مثلا
ثامنا :لازم فوطة تخصصيها للقدمين بعد كل وضوء تنشفيهم وتحطي كريم مرطب لانك لما مش يتنشفيهم بيعملوا ريحة وفطريات بين الاصابع
تاسعا: افضل شيء طبعا يكون في سليبر مخصص للي داخل الحمام زي اللي بيجي مع البرنص او يكون بلاستيك يكون عند بابا الحمام واللي داحل يقلع السليبر بتاع البيت او الشوز ويلبسه لان كده هتحاقظي على نضافه الحمام بالذات لو المشايات فاتحة و قي نفس الوقت نضاقة الشقة اكيد فاهميني طبعا والحركة ده بتدي انطباع عنك حلو اوي لزوجك وضيوفك
عاشرا : طبق بلاستيك تقدري تتشطفي فيه بالغسول النسائي لانك هتختاجي تعملي كده كتييييير اكيد فاهميني طبعا مش لازم اوضح فاكيد مش هتطلعي تجيبي الطبق والقصص ده من الاول رتبي حمامك صح و مهم جدا تعملي زجاجة فيها الغسول النشائي مخفف بمية وتتشطفي بيه بعد كل حمام وتنشفي كويس
الحادي عشر : حطي احتياطي علبة تانيه من معجون الاسنان والحلاقة والصابون في الحمام علشان لو حاجة خلصت زوجك يلاقي غيرها على طول طبعا بيتحطوا في الاستاند المعروف الاستانليس ده او حسب ديكور حمامك وافضل يكون ورا ستارة البانيو
الاثنى عشر : ماسك سنفره لوشك هينعشك وينور وشك في دقايق زي st.ives ممتاز
الثالث عشر : سشوار خفيف بفرشته تكون بتركب فيه مهم جدا لكل عروسه بتنشفي شعرك على السريع ومعظم العرايس دلوقتي بتعمل كيراتين او بروتين ودول مع السشوار نتيجة تحفة ومع سيروم citre shine وتظبطي القصه بدل ما تطلعي تنقطي ميه
الرابع عشر : الفوط الصحيه (اولويز ) بردو في الحمام
واخيرا
الخامس عشر
الخامس عشر
ماكياج خفيف لو حتى كحل وبلاشر وليب جلوس او روج وبودر لو لازم تستعمليها علشان لو عايزة تظبطي نفسك في السريع الصبح قال يعني طالعه قمر من الحمام مجرد ما غسلت وشها
طبعا هتفرق معاك كتير لسه هتروحي الغرفه وتحطي قدامه مش منطقي خالص
يا ريت تكونوا استفدتوا من موضوعي الجميل ده
وهتدعووولي اكيد
وهترتبوا حمامكم من قبل الجواز زي ما شرحتلكم تعملوا حسابكم في الارفف والستاند و الخوص وشوفوا الحاجات الخاصه تتحط فين
منقول
إظهار التوقيع
توقيع : لؤلؤة الايمان
التوقيع لا يظهر للزوار ..
رد: حمام العروسة
إظهار التوقيع
توقيع : زهره التحرير
التوقيع لا يظهر للزوار ..
رد: حمام العروسة
إظهار التوقيع
توقيع : رومه
التوقيع لا يظهر للزوار ..
رد: حمام العروسة
إظهار التوقيع
توقيع : فلسطين
التوقيع لا يظهر للزوار ..
رد: حمام العروسة
إظهار التوقيع
توقيع : لؤلؤة الايمان
التوقيع لا يظهر للزوار ..
رد: حمام العروسة
إظهار التوقيع
توقيع : هبه شلبي
التوقيع لا يظهر للزوار ..
رد: حمام العروسة
إظهار التوقيع
توقيع : لؤلؤة الايمان
التوقيع لا يظهر للزوار ..
رد: حمام العروسة
إظهار التوقيع
توقيع : لولو حبيب روحي
التوقيع لا يظهر للزوار ..
رد: حمام العروسة
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| سان ستيفانو .. عالم من السحر الخاص | اماني 2011 | عدلات للسياحة والسفر والرحلات | ||
| فوائد حمام البخار للبشرة | ام طاطو | العناية بالبشرة | ||
| الفرق بين حمام الزيت وحمام الكريم | سألت الله فأعطانى | العناية بالشعر | ||
| حمام البخار تاريخه وفوائده واهم طرق استعماله Steam baths | احمر شفايف | العناية بالجسم | ||
| طريقة رائعة و حمام زيت ممتاز للعناية بالشعر | ريموووو | العناية بالشعر | ||
الساعة الآن 07:41 AM
جميع المشاركات تمثل وجهة نظر كاتبها وليس بالضرورة وجهة نظر الموقع