أو

الدخول بواسطة حسابك بمواقع التواصل

#1

افتراضي لسة مصممة تنتخبى شفيق ...( طب تعالى )

لسة مصممة تنتخبى شفيق ... ( طب تعالى )





بصى وبكل اختصار حاقولك خمس اشياء خطيرة شفيق مسئول عنها وانتى حكمى ضميرك :
1- مسئول فى فترة رئاسته للوزارة عن حرق وطمس كل الادلة عن الداخلية اللى تثبت قتلها للمتظاهرين يعنى ساهم فى خروج مساعدى الداخلية براءة ودم كل الشهداء الشباب اللى زى الورد راح هدر ولاعزاء للامهات .
2- مسئول عن هروب بطرس غالى وزير المالية فى نظام مبارك واللى سرق المليارات من فلوس الشعب الغلبان وهرب بيها للندن ... مين اللى سمح له بالخروج من المطار اصلا طبعا شفيق باشا لان غالى هرب برة مصر فى فترة تولى شفيق لرئاسة الوزارة .
3- مسئول عن موقعة الجمل اللى راح ضحيتها شهداء من خيرة شباب مصر

.
4- كمان هو ناوى لو مسك الحكم انه يقلل من الايات القرأنية فى المناهج ويحط بدالها اجزاء من الانجيل
وطبعا بغض النظر عن ان الانجيل متحرف ومش هو الانجيل الحقيقى فهو لايخص اغلبية الشعب المنتمى لبلد اسلامى ... هى الدول الاوربية وامريكا المسيحية سمحت بادخال القرأن لمناهجها وتدريسه لاولادهم ؟؟؟!!!! خلاص يبقى المعاملة بالمثل .
ولا نستنى لغاية لما نفاجأ بولادنا يرجعوا لنا من المدارس معلقين صلبان واللى ابنه اسمه محمد يسميه شنودة ولا جرجس وبدال ماولادنا يروحوا المسجد يحفظوا القرأن نلاقيهم رايحين الكنيسة ؟؟
هو علشان يكسب صوت المسيحيين يبيع دينه واللى يبيع دينه علشان كرسى ممكن يبيع شعبه بكل سهولة علشان هواه .
اى نعم المسيحيون جزء من شعب مصر وكلنا المسلمين عشنا ازمان ومازلنا عايشين معاهم كاننا عيلة واحدة والاخوان والاسلاميين كلهم أكدوا الاف المرات ان شريعتنا الاسلامية من مبادئها حسن معاملة غير المسلمين وخاصة النصارى وطبعا هم حريصون على تطبيق تعاليم الله تعالى بحسن معاملة الاقباط ... لكن مش لدرجة اننا نحط الانجيل فى مناهجنا وندرسه لولادنا ... ماكنا عايشين من غير ده وكنا زى الفل لكن شفيق مصمم يقلبها فتنة طائفية ... يعنى شيطان بيولع البلد .
5- كمان هو اعترف وقال ان مبارك عمه وتاج راسه ومثله الاعلى ... يعنى لازم لما يمسك الحكم حيحاول انه يرد الجميل لعمه وتاج راسه وشوفى ممكن يعمل ايه لجمال وعلاء وسوزان ومبارك علشان يردلهم الجميل حاسيبك انتى تتخيلى ايه هو رد الجميل ده .
اما مسألة ان مبارك مثله الاعلى حطى تحتها مليون خط احمر وافهمى معناها ... يعنى طريقته فى الحكم ممكن جدا تكون هى نفس طريقة مبارك ووداع ياثورة ويادم الشهداء .
كمان حاقولك نص فتوى الشيخ الشهيد عماد عفت ( رحمه الله )أمين عام لجنة الفتوى بدار الافتاء المصرية بتحريم انتخاب الفلول :
" ان التصويت للفلول او من كانوا ينتمون لعضوية الحزب المنحل هو حرام شرعا ... باعتبار انهم ساهموا فى الفساد .. ان ذلك الحكم مبنى على ان فلول الوطنى يرغبون فى تدمير مستقبل مصر بنشر الرشاوى والمحسوبيات ثانية بعدما قضت الثورة على تلك الاصول ... ومن يمنحهم صوته يساعدهم على الوصول الى المنصة التشريعية " .
بعد كل الكلام دة لسة مصممة تنتخبى شفيق ؟؟


إظهار التوقيع
توقيع : دفء الجنوب
#2

افتراضي رد: لسة مصممة تنتخبى شفيق ...( طب تعالى )

ربي يجيب لي فيها الخير
إظهار التوقيع
توقيع : mahee
#3

افتراضي رد: لسة مصممة تنتخبى شفيق ...( طب تعالى )

بالتوفيق للاصلح
إظهار التوقيع
توقيع : ريموووو
#4

افتراضي رد: لسة مصممة تنتخبى شفيق ...( طب تعالى )


المشاركة الأصلية كتبت بواسطة mahee
ربي يجيب لي فيها الخير
أمييين ماهى مرورك اضاء صفحتى

إظهار التوقيع
توقيع : دفء الجنوب
#5

افتراضي رد: لسة مصممة تنتخبى شفيق ...( طب تعالى )


المشاركة الأصلية كتبت بواسطة ريموووو
بالتوفيق للاصلح
أميييين ريمووو اسعدنى مرورك الكريم
إظهار التوقيع
توقيع : دفء الجنوب
#6

افتراضي رد: لسة مصممة تنتخبى شفيق ...( طب تعالى )

شكرا
#7

افتراضي رد: لسة مصممة تنتخبى شفيق ...( طب تعالى )

مع احترامى الشديد ليكى كاخت ليه مين قال لحضرتك ان شفيق مسئول عن هروب وزير الماليه ومن فضلك واجاهينى بمستندات وبالنسبه لموضوع ادخال الانجيل لكتب عيالنا ازااااى من امتى المسحيين كانو بيدرسو دينا علشان ندرس دينهم الموضوع ده غلط تماما وانتى فهمتى غلط والمسحيين طول عمرهم عايشين معانا فى البلد دى ومن حقهم ترشيح اللى شايفينه مناسب اما بالنسبه لاحترامه لصداقته مع مبارك ده لانه غير ناكر للجميل ومع ذلك رفض النسب بينهم وعلى فكره احنا بقالنا كتييييييييييير حاكمنا علاء وسوزان وريس مكنش يعرف اى حاجه وعلى فكره شفيق متدين جدا وعارف ربنا قوى ومبينمش الا بعد قراءه القران والاذكار اللى انتى بتقولى انه باعو حرام عليكى ترمى الناس بالباطل وساعة موقعه الجمل دى كانت اصعب لحظات حياته لان زوجته كانت تصارع الموت لحظتها وكان يترجى الله ان يرحمها من عذابها
#8

افتراضي رد: لسة مصممة تنتخبى شفيق ...( طب تعالى )

اسمحيلى om ody بنفس الاحترام الشديد المتبادل ليكى كاخت لو كنت اعمل فى المطار كنت جبتلك مستندات سفر بطرس غالى فى فترة تولى شفيق رئاسة الوزارة لكن التصريح ده من شخص يعمل فى المطار واكيد هو بحكم موقع عمله مش حيعرض
نفسه للمساءلة القانونية عن تصريحات كاذبة هو مسئول عنها .
اما بالنسبة لنقطة ادخال الانجيل للمناهج فدى تصريحات لشفيق اذيعت فى القنوات ولو سمح المنتدى انا مستعدة انزل الفيديو اللى بيؤكد كلامى واللى فيه تصريح شفيق الواضح والصريح بكدة فى قناة مسيحية وغيرها ده غير تصريحات له بكده للمسيحيين فى لقائاته معاهم فى الكنائس لكسب اصواتهم وتم نشرها فى الصحف .
اما بالنسبة لقولك ان المسيحيين من حقهم ترشيح اللى شايفينه مناسب طبعا ده من حقهم وانا لم اشير الى هذه النقطة اطلاقا .
اما عن مسألة عدم نكرانه لجميل عيلة مبارك فاكيد جميلهم لايمكن نكرانه من شدة قوته ... اما رفضه النسب معاهم فدى امور لايعلم سبب الرفض فيها الا الله وليس لنا التدخل فيها .
اما عن قولك ان شفيق متدين جدا وعارف ربنا قوى فطبعا غير صحيح اطلاقا لانه اثناء لقاء تليفزيونى سأله المذيع هل كلمت بناتك عن الحجاب فرد بقوله انا لا افرض الحجاب على بناتى ... وفى لقاء اخر اعلنها صراحة انا لن اطبق الشريعة لادلوقتى ولا قدام ... ومستعدة انزل الفيديو دة لو سمح المنتدى علشان ااكد كلامى ... يبقى فين التدين دة ؟؟؟؟؟؟!!!!!!!!!
يبقى كدة انا اثبت لك انى لا ارمى الناس بالباطل كما اتهمتينى بل بالعكس انتى هنا اللى رميتينى بالباطل رغم وجود ادلة معايا .
اما عن ان زوجته كانت تعانى اشد المرض ومشغول بيها فى فترة توليه رئاسة الوزارة طب ليه لم يتنحى ويطلب من الرئيس
ان يعفيه من المنصب لظروفه الصعبة دى ناس كتير وقتها رفضت المنصب بشجاعة لانهم شعروا انهم مش قد المسئولية وقتها
وانهم سيسألوا عنها .
ارجو ياأخت om ody انى اكون وفيت الرد كما طلبتى منى فى ردك على موضوع ( لسة مصممة تنتخبى محمد مرسى طب تعالى )
واكرر لكى ان الاختلاف فى الرأى لايفسد للود قضية .

حبيبتى ياريت تتكرمى بالتفضل بقراءة موضوعى فى قسم الاخبار واهم القضايا ( اقباط فى حب مصر
يعلنون " نار مرسى ولا جنة شفيق " ) وهو منقول عن جريدة اليوم السابع ويؤكد صحة اتهامى لشفيق انه مسئول عن تهريب بطرس غالى بالمليارات المسروقة ودة كلام جريدة اليوم السابع .
إظهار التوقيع
توقيع : دفء الجنوب
#9

افتراضي رد: لسة مصممة تنتخبى شفيق ...( طب تعالى )

صدقت يارسول الله عليك افضل الصلاة والسلام حين قلت ( سيأتى زمن القابض فيه على دينه كالقابض على الجمر )

إظهار التوقيع
توقيع : دفء الجنوب
#10

افتراضي رد: لسة مصممة تنتخبى شفيق ...( طب تعالى )

يارب ولي من يصلح ومن يصلح
إظهار التوقيع
توقيع : amira ali
#11

افتراضي رد: لسة مصممة تنتخبى شفيق ...( طب تعالى )

أميييييين أميرة نورتى صفحتى بمرورك الطيب
إظهار التوقيع
توقيع : دفء الجنوب
#12

افتراضي رد: لسة مصممة تنتخبى شفيق ...( طب تعالى )

جزاكِ الله خيرا يا دفء على كلامك وأنا معاكي فيه
عندنا إختيارين مفيش مفر لاما مرسى لاما شفيق واهون المصائب مرسى على الاقل ملوش سبقة في النظام السابق
ليه مندلهوش فرصة وبعدها نحكم أنا مش مقتنعه بيه اقتناع تام ولا مع الاخوان لكن واحد بيقول الشريعة وهطبق واعمل وواحد تانى ملوش في الشريعة والكلام ده
على الأقل هنبرء ذمتنا ادام ربنا فى اننا اخترنا واحد بيقول قال الله وقال الرسول حتى ولو منفذش حاجة دى مش قضيتي
وهى كلها أربع سنين لو منفذش حاجة من ال بيقلها هتتمحى صفحة الاخوان من التاريخ


وفى الاخر ربنا يولى علينا الأصلح وان تولى علينا واحد وما راعى الله فينا فده والله ما الا بسببنا وبسبب ذنوبنا وما نستاهل فعلا غير واحد أسوا من ال فات
نسال الله السلامة والعافية
إظهار التوقيع
توقيع : سمسم*
#13

افتراضي رد: لسة مصممة تنتخبى شفيق ...( طب تعالى )

وان تولى علينا واحد وما راعى الله فينا فده والله ما الا بسببنا وبسبب ذنوبنا وما نستاهل فعلا غير واحد أسوا من ال فات
صدقتى والله وهذا ماأقوله ( من أعمالكم سلط عليكم ) ... و ( ظهر الفساد فى البر والبحر بما كسبت ايدى الناس )
شرفنى مرورك الطيب سمسم
إظهار التوقيع
توقيع : دفء الجنوب
#14

افتراضي رد: لسة مصممة تنتخبى شفيق ...( طب تعالى )


المشاركة الأصلية كتبت بواسطة دفء الجنوب
اسمحيلى om ody بنفس الاحترام الشديد المتبادل ليكى كاخت لو كنت اعمل فى المطار كنت جبتلك مستندات سفر بطرس غالى فى فترة تولى شفيق رئاسة الوزارة لكن التصريح ده من شخص يعمل فى المطار واكيد هو بحكم موقع عمله مش حيعرض
نفسه للمساءلة القانونية عن تصريحات كاذبة هو مسئول عنها .
اما بالنسبة لنقطة ادخال الانجيل للمناهج فدى تصريحات لشفيق اذيعت فى القنوات ولو سمح المنتدى انا مستعدة انزل الفيديو اللى بيؤكد كلامى واللى فيه تصريح شفيق الواضح والصريح بكدة فى قناة مسيحية وغيرها ده غير تصريحات له بكده للمسيحيين فى لقائاته معاهم فى الكنائس لكسب اصواتهم وتم نشرها فى الصحف .
اما بالنسبة لقولك ان المسيحيين من حقهم ترشيح اللى شايفينه مناسب طبعا ده من حقهم وانا لم اشير الى هذه النقطة اطلاقا .
اما عن مسألة عدم نكرانه لجميل عيلة مبارك فاكيد جميلهم لايمكن نكرانه من شدة قوته ... اما رفضه النسب معاهم فدى امور لايعلم سبب الرفض فيها الا الله وليس لنا التدخل فيها .
اما عن قولك ان شفيق متدين جدا وعارف ربنا قوى فطبعا غير صحيح اطلاقا لانه اثناء لقاء تليفزيونى سأله المذيع هل كلمت بناتك عن الحجاب فرد بقوله انا لا افرض الحجاب على بناتى ... وفى لقاء اخر اعلنها صراحة انا لن اطبق الشريعة لادلوقتى ولا قدام ... ومستعدة انزل الفيديو دة لو سمح المنتدى علشان ااكد كلامى ... يبقى فين التدين دة ؟؟؟؟؟؟!!!!!!!!!
يبقى كدة انا اثبت لك انى لا ارمى الناس بالباطل كما اتهمتينى بل بالعكس انتى هنا اللى رميتينى بالباطل رغم وجود ادلة معايا .
اما عن ان زوجته كانت تعانى اشد المرض ومشغول بيها فى فترة توليه رئاسة الوزارة طب ليه لم يتنحى ويطلب من الرئيس
ان يعفيه من المنصب لظروفه الصعبة دى ناس كتير وقتها رفضت المنصب بشجاعة لانهم شعروا انهم مش قد المسئولية وقتها
وانهم سيسألوا عنها .
ارجو ياأخت om ody انى اكون وفيت الرد كما طلبتى منى فى ردك على موضوع ( لسة مصممة تنتخبى محمد مرسى طب تعالى )
واكرر لكى ان الاختلاف فى الرأى لايفسد للود قضية .

حبيبتى ياريت تتكرمى بالتفضل بقراءة موضوعى فى قسم الاخبار واهم القضايا ( اقباط فى حب مصر
يعلنون " نار مرسى ولا جنة شفيق " ) وهو منقول عن جريدة اليوم السابع ويؤكد صحة اتهامى لشفيق انه مسئول عن تهريب بطرس غالى بالمليارات المسروقة ودة كلام جريدة اليوم السابع .
مع احترامى الشديد ليكى طبعاً واحنا مؤمنين ان الاختلاف فى الرأى لايفسد للود قضية

اولاً انا ضد شفيق مش عشان اللى انتى بتقوليه لآ ده كلام كل المواقع والفيس
مش عشان كده خالص الله اعلم يمكن تكون افتراءات
لكن معلش لحظة حتى لو شفيق حرامى
محمد مرسى داخل يقتل الناس
معلش انتى شكلك متشدده جامد

لو خيروكى بين اللى يسرقك واللى يقتلك تختارى مين ؟

الاتنين اسوء من بعض
بس قضا اخف من قضا

وفى النهاية الحكم ليكى انتى اللى شايفة

او يمكن انتى مش حابة حد من الفلول وضدهم
يه دايماً شعب مصر بياخد الكل مع بعض وماشى بان الحسنة تخص والسيئة تعم
انتى كنتى مع شفيق كنتى تعرفى عنه حاجة لما كان مع مبارك
اعترض كتير ورفض م شاريع كتير
فضل يبقى فى الوزارة عشان يمنع حتى ولو 1% من اللى بيحصل
بتواريخ ومستندات تثبت ده
وربنا يقدملنا اللى فيه الخير
إظهار التوقيع
توقيع : dodo modo
#15

افتراضي رد: لسة مصممة تنتخبى شفيق ...( طب تعالى )


معلش انتى شكلك متشدده جامد
اسمحيلى دودو بنفس الاحترام المتبادل ... علشان اثبت لك انتى المتشددة جامد ارجعى لموضوعك ( لسة مصممة تنتخبى محمد مرسى طب تعالى ) واللى انتى بدأتى بيه الحوارات دى وشوفى االاتهامات الفظيعة جدا اللى كتبتيها عن الاخوان وبدون مصدر وبدون ادلة وموضوعك يدل على قمة التشدد منك ضد الاخوان يعنى ( أتامرون الناس بالبر وتنسون أنفسكم ) .
وأكرر انك اللى بدأتى بموضوعك واتهاماتك المتعنتة ضد للاخوان وموضوعى جاء بعد موضوعك يبقى مين المتشددة فينا ؟؟؟!!!!
لكن معلش لحظة حتى لو شفيق حرامى
محمد مرسى داخل يقتل الناس
[SIZE="6"][COLOR="Blue"]دودو انا لم اذكر اطلاقا ان شفيق حرامى ودة معناه انك مقريتيش موضوعى اصلا لكن انا ذكرت اتهامات تانية مؤكدة عنه بشهادة الادلة والمصادر فى مواضيعى وخاصة بيان أقباط من أجل مصر ( ارجو الرجوع اليه فى موضوعى فى قسم الاخبار ( أقباط من أجل مصر فى بيانهم " نار مرسى ولا جنة شفيق " )
ثانيا انا ذكرت وقائع لشفيق حصلت فعلا بالادلة كما ذكرت لكن انتى بتتكلمى عن اتهام لمرسى لم يحدث يعنى ممكن نعتبره سوء ظن مش اكتر .
انتى كنتى مع شفيق كنتى تعرفى عنه حاجة لما كان مع مبارك
فضل يبقى فى الوزارة عشان يمنع حتى ولو 1% من اللى بيحصل

فعلا هو منع ولو 1% من اللى بيحصل بدليل حرق مستندات الداخلية الدالة على قتل المتظاهرين --- هرب بطرس غالى بمليارات الشعب المسروقة --- موقعة الجمل --- قوله عن الثورة ( للاسف الثورة نجحت ) .
إظهار التوقيع
توقيع : دفء الجنوب
#16

افتراضي رد: لسة مصممة تنتخبى شفيق ...( طب تعالى )

ربنا يولي الصالح
إظهار التوقيع
توقيع : فلسطين
#17

افتراضي رد: لسة مصممة تنتخبى شفيق ...( طب تعالى )


المشاركة الأصلية كتبت بواسطة فلسطين
ربنا يولي الصالح
أميييييييييين شرفنى مرورك الطيب فلسطين
إظهار التوقيع
توقيع : دفء الجنوب
#18

افتراضي رد: لسة مصممة تنتخبى شفيق ...( طب تعالى )

على فكره يادفء انتى واخدانى على الحامى على الاخر وعموما من منا اهله فردوا عليه الحجاب اناكل عيلتىلبست الحجاببمزاجها والنقاب ولااهلنا كلمونا على الحجاب اصلا ثانيا على فرض زى مابتقولى على موضوع الانجيل فى كتبنا ازاى مسلمين هيدرسوه وهو راجل مثقف عارف انن دوله اغلبيتها مسلمين ولو احنا صدقنا المعلومه دى مش هننتخبه
#19

افتراضي رد: لسة مصممة تنتخبى شفيق ...( طب تعالى )

[COLOR="RoyalBlue"][SIZE="5"]
المشاركة الأصلية كتبت بواسطة دفء الجنوب

معلش انتى شكلك متشدده جامد
اسمحيلى دودو بنفس الاحترام المتبادل ... علشان اثبت لك انتى المتشددة جامد ارجعى لموضوعك ( لسة مصممة تنتخبى محمد مرسى طب تعالى ) واللى انتى بدأتى بيه الحوارات دى وشوفى االاتهامات الفظيعة جدا اللى كتبتيها عن الاخوان وبدون مصدر وبدون ادلة وموضوعك يدل على قمة التشدد منك ضد الاخوان يعنى ( أتامرون الناس بالبر وتنسون أنفسكم ) .
وأكرر انك اللى بدأتى بموضوعك واتهاماتك المتعنتة ضد للاخوان وموضوعى جاء بعد موضوعك يبقى مين المتشددة فينا ؟؟؟!!!!
لكن معلش لحظة حتى لو شفيق حرامى
محمد مرسى داخل يقتل الناس
دودو انا لم اذكر اطلاقا ان شفيق حرامى ودة معناه انك مقريتيش موضوعى اصلا لكن انا ذكرت اتهامات تانية مؤكدة عنه بشهادة الادلة والمصادر فى مواضيعى وخاصة بيان أقباط من أجل مصر ( ارجو الرجوع اليه فى موضوعى فى قسم الاخبار ( أقباط من أجل مصر فى بيانهم " نار مرسى ولا جنة شفيق " )
ثانيا انا ذكرت وقائع لشفيق حصلت فعلا بالادلة كما ذكرت لكن انتى بتتكلمى عن اتهام لمرسى لم يحدث يعنى ممكن نعتبره سوء ظن مش اكتر .
انتى كنتى مع شفيق كنتى تعرفى عنه حاجة لما كان مع مبارك
فضل يبقى فى الوزارة عشان يمنع حتى ولو 1% من اللى بيحصل


فعلا هو منع ولو 1% من اللى بيحصل بدليل حرق مستندات الداخلية الدالة على قتل المتظاهرين --- هرب بطرس غالى بمليارات الشعب المسروقة --- موقعة الجمل --- قوله عن الثورة ( للاسف الثورة نجحت ) .


حبيبتى انا مش متشدده خالص
وبالعكس والله بتمنى من قلبى مرسى يبقى انسان محترم وكويس ويصون الشعب
على فكرة انا منتقبة والحمدلله عارفة فى دينى كويس
بس والله كلامى عن الاخوان كلهم مش محمد مرسى بس
اولاً حسيت من طريقتك العصبية
انا مش بتكلم بعصبية خالص
ولو زعلتى لآ ما تزعليش
ماحبش يكون بينا اختلاف واهو ياستى مرسى كسب يالا عشان البلد تفرح
بس هكررها تانى
بتمنى من قلبى مرسى يكون انسان صالح
إظهار التوقيع
توقيع : dodo modo
#20

افتراضي رد: لسة مصممة تنتخبى شفيق ...( طب تعالى )

ربنا يولى الاصلح
يارب لا تسلط علينا من لايخافك ولا يرحمنا
اللهم امين
إظهار التوقيع
توقيع : dodo modo
#21

افتراضي رد: لسة مصممة تنتخبى شفيق ...( طب تعالى )


المشاركة الأصلية كتبت بواسطة om ody
على فكره يادفء انتى واخدانى على الحامى على الاخر وعموما من منا اهله فردوا عليه الحجاب اناكل عيلتىلبست الحجاببمزاجها والنقاب ولااهلنا كلمونا على الحجاب اصلا ثانيا على فرض زى مابتقولى على موضوع الانجيل فى كتبنا ازاى مسلمين هيدرسوه وهو راجل مثقف عارف انن دوله اغلبيتها مسلمين ولو احنا صدقنا المعلومه دى مش هننتخبه
حبيبتى انا لم اخدك على الحامى انا واحدة عملت موضوع بتقول رأيها فى مرشح وبالادلة وبطريقة منطقية لعرض موضوع وانتى دخلتى على الموضوع بهجوم شديد عليا وانا برضه رديت بالادلة وبالمنطق يعنى انا بعبر عن وجهة نظرى بهدوء لكن رد فعلك انتى ودودو كان شديد وبعصبية .
ثانيا ازاى أب لايفرض الحجاب على بناته هل سمعتى عن حديث رسولنا الكريم ( كلكم راع وكلكم مسئول عن رعيته ) ؟؟ فاذا كان شفيق غير قادر على تقويم رعيته اللى هى بناته فازاى حيقدر يقوم رعيته اللى هى شعبه يعنى الفساد والسرقة والرشوة والمحسوبية حيفضلوا محلك سر من ايام مبارك
اما عن تصريحه بادخال الانجيل فاكرر ان المنتدى لو سمح انا على اتم الاستعداد بانزال الفيديو اللى بيصرح فيه بالكلام ده علشان يبقى اثبات بالصوت والصورة مش مجرد اتهام جزافى .
إظهار التوقيع
توقيع : دفء الجنوب
#22

افتراضي رد: لسة مصممة تنتخبى شفيق ...( طب تعالى )


المشاركة الأصلية كتبت بواسطة دفء الجنوب
حبيبتى انا لم اخدك على الحامى انا واحدة عملت موضوع بتقول رأيها فى مرشح وبالادلة وبطريقة منطقية لعرض موضوع وانتى دخلتى على الموضوع بهجوم شديد عليا وانا برضه رديت بالادلة وبالمنطق يعنى انا بعبر عن وجهة نظرى بهدوء لكن رد فعلك انتى ودودو كان شديد وبعصبية .

ثانيا ازاى أب لايفرض الحجاب على بناته هل سمعتى عن حديث رسولنا الكريم ( كلكم راع وكلكم مسئول عن رعيته ) ؟؟ فاذا كان شفيق غير قادر على تقويم رعيته اللى هى بناته فازاى حيقدر يقوم رعيته اللى هى شعبه يعنى الفساد والسرقة والرشوة والمحسوبية حيفضلوا محلك سر من ايام مبارك
اما عن تصريحه بادخال الانجيل فاكرر ان المنتدى لو سمح انا على اتم الاستعداد بانزال الفيديو اللى بيصرح فيه بالكلام ده علشان يبقى اثبات بالصوت والصورة مش مجرد اتهام جزافى .
تانى دودو
إظهار التوقيع
توقيع : dodo modo
#23

افتراضي رد: لسة مصممة تنتخبى شفيق ...( طب تعالى )

نقاش هادئ حفظكم الله!
إظهار التوقيع
توقيع : الـمـتـألـقـة
#24

افتراضي رد: لسة مصممة تنتخبى شفيق ...( طب تعالى )


المشاركة الأصلية كتبت بواسطة دودو مودو

حبيبتى انا مش متشدده خالص
وبالعكس والله بتمنى من قلبى مرسى يبقى انسان محترم وكويس ويصون الشعب
على فكرة انا منتقبة والحمدلله عارفة فى دينى كويس
بس والله كلامى عن الاخوان كلهم مش محمد مرسى بس
اولاً حسيت من طريقتك العصبية
انا مش بتكلم بعصبية خالص
ولو زعلتى لآ ما تزعليش
ماحبش يكون بينا اختلاف واهو ياستى مرسى كسب يالا عشان البلد تفرح
بس هكررها تانى
بتمنى من قلبى مرسى يكون انسان صالح
حبيبتى ارجعى لموضوعك ( لسة مصممة تنتخبى محمد مرسى طب تعالى ) واقريه تانى هتلاقى انك كنتى فى قمة التشدد والعصبية والهجوم الفظيع على الاخوان .
ثانيا انتى بتقولى انك لا تحبى شفيق ومع ذلك انفردتى بهجومك الفظيع واللى بيدل على قمة تشددك وعصبيتك ضد الاخوان بس طب ليه لم تهاجمى شفيق كمان ؟؟
كمان انتى كنتى بتردى على العضوة اللى عارضتك فى موضوعك بانها مش مفتحة ومش ذكية ومش فاهمة حاجة يبقى مين اللى عصبية فى ردودها ؟؟ وانا عارضتك فى طريقة ردودك الجامدة .
وياريت متحكميش على مرسى بالظلم قبل ماتشوفى حيعمل ايه فى فترة حكمه والا دة يبقى تسرع فى الحكم على الناس بدون بينة او ادلة وعلى فكرة دة حرام شرعا والدين مش نقاب لكن التعامل باحكامه وتعليماته ومن ضمنها عدم سوء الظن بالناس وياريت ندى لمرسى فرصة وبعدين نحكم عليه رغم انه حيمسك البلد وهى مهلهلة وربنا يكون فى عونه .
على فكرة انا اللى حسيت عصبيتك الشديدة جدا وتشددك من هجومك الفظيع على الاخوان فى موضوعك لكن انا اتكلمت عن شفيق فى موضوعى بهدوء ومنطق وموضوعية وممكن اللى يحب يحكم بينا يقرا الموضوعين .
حبيبتى دودو فعلا دة اللى كنت اتمناه منك من الاول بدل توقع الشر من مرسى مسبقا واللى يقع فى دائرة سوء الظن انك كنتى تدعيله انه يكون انسان صالح يبقى اخدتى اجر الدعاء بدال ذنب سوء الظن ... ندعو الله ان يولى علينا من فيه صلاح ديننا قبل دنيانا .
وعلى فكرة انتى اللى زعلتى انا مزعلتش لانى أومن بالرأى والرأى الاخر وان الاختلاف فى الراى لايفسد للود قضية .
إظهار التوقيع
توقيع : دفء الجنوب
#25

افتراضي رد: لسة مصممة تنتخبى شفيق ...( طب تعالى )


المشاركة الأصلية كتبت بواسطة دفء الجنوب
حبيبتى ارجعى لموضوعك ( لسة مصممة تنتخبى محمد مرسى طب تعالى ) واقريه تانى هتلاقى انك كنتى فى قمة التشدد والعصبية والهجوم الفظيع على الاخوان .
ثانيا انتى بتقولى انك لا تحبى شفيق ومع ذلك انفردتى بهجومك الفظيع واللى بيدل على قمة تشددك وعصبيتك ضد الاخوان بس طب ليه لم تهاجمى شفيق كمان ؟؟
كمان انتى كنتى بتردى على العضوة اللى عارضتك فى موضوعك بانها مش مفتحة ومش ذكية ومش فاهمة حاجة يبقى مين اللى عصبية فى ردودها ؟؟ وانا عارضتك فى طريقة ردودك الجامدة .
وياريت متحكميش على مرسى بالظلم قبل ماتشوفى حيعمل ايه فى فترة حكمه والا دة يبقى تسرع فى الحكم على الناس بدون بينة او ادلة وعلى فكرة دة حرام شرعا والدين مش نقاب لكن التعامل باحكامه وتعليماته ومن ضمنها عدم سوء الظن بالناس وياريت ندى لمرسى فرصة وبعدين نحكم عليه رغم انه حيمسك البلد وهى مهلهلة وربنا يكون فى عونه .
على فكرة انا اللى حسيت عصبيتك الشديدة جدا وتشددك من هجومك الفظيع على الاخوان فى موضوعك لكن انا اتكلمت عن شفيق فى موضوعى بهدوء ومنطق وموضوعية وممكن اللى يحب يحكم بينا يقرا الموضوعين .
حبيبتى دودو فعلا دة اللى كنت اتمناه منك من الاول بدل توقع الشر من مرسى مسبقا واللى يقع فى دائرة سوء الظن انك كنتى تدعيله انه يكون انسان صالح يبقى اخدتى اجر الدعاء بدال ذنب سوء الظن ... ندعو الله ان يولى علينا من فيه صلاح ديننا قبل دنيانا .
وعلى فكرة انتى اللى زعلتى انا مزعلتش لانى أومن بالرأى والرأى الاخر وان الاختلاف فى الراى لايفسد للود قضية .
مش عارفة ليه حاسه انك مش عايزة الموضوع يهدى وخلاص وينتهى
وعلى فكرة دة حرام شرعا والدين مش نقاب لكن التعامل باحكامه وتعليماته
معلش سورى هو انا قولت غير كده او حتى شوفتى منى غير كده
انا لما رديت قولت ياريت الشعب كله يبقى فاهم الاخوان
ومايبقاش مغمض عينيه
انا مش بحك على حد انا قولت الاخوان عمتاً ومرسى ده ايه مش من الاخوان
بصى فى النهاية انا مش عايزة اكمل كلام
لانى زهقت من كتر الكلام والله
وعلى فكرة انا مازعلتش خالص وعمرى مابزعل لانى مؤمنة بردوا انى لازم يكون فيه معارضين من الناحيتين
اولاً انا مش بحب الاخوان لانهم مش كويسين هتقوليلى شوفتى منهم ايه
هقولك كتير يالا ربنا يسامحهم مبهدلين البلد وهمهم يوصولوا للحكم وبس
واظن انتى عارفة ده بس مش عارفة بتحاولى ليه مش تبينيه
عموماً لو انتى رأيك فيهم كويس خلاص كل واحدة مننا ليها رأيها
بس انتى ماتعرفيش انا كنت هكتب ايه عن شفيق
وكنت بردوا هقول عنه انه مش كويس خالص
بس انتى ماادتنيش فرصة وسبقتينى لمجرد ان الموضوع استفزك
فى النهاية احنا اخوات
واللى رايده ربنا هيكون


إظهار التوقيع
توقيع : dodo modo
#26

افتراضي رد: لسة مصممة تنتخبى شفيق ...( طب تعالى )

أنا من رأي دودو مودو و om ody
وأنا غير ندمانة على انتخاب شفيق
بالعكس بعد اللي عاملينه الاخوان اليومين دول
أنا فخورة بانتخابي لشفيق
على الأقل ظهر مين متحضر ومين همجي
مين عايز يولع البلد ومين عايز يهدي
وحسبي الله ونعم الوكيل في اللي عايزينها والعة على طول


قد تكوني مهتمة بالمواضيع التالية ايضاً
الموضوع كاتب الموضوع المنتدى
مصممة جرافيك محترمة خبرة 3 سنوات اطلب عمل , مطلوب مصممة 2025 , مصممة جرافيك 2025 نسمة للتصميم وظائف نسائية شاغرة
احدث نتائج الانتخابات حتى الآن لافالانتينا اخبار الانتخابات السياسية
شفيق يدخل لجنة الانتخابات من الباب الجانبي للإدلاء بصوته وسط هتافات ب سمسم20 اهم الاخبار - اخبار يومية
قيادي صوفي: أحمد شفيق الأقدر على قيادة مصر شمس لا تغيب اخبار الانتخابات السياسية
بالصور.. مؤتمر لقبائل قنا لدعم شفيق.. والغول: أنا أبو الفلول بمصر نسائم الرحمة اخبار الانتخابات السياسية


الساعة الآن 02:18 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل