كلمينا عن ذكرياتك في رمضان

تسلمى يارحيق يارب موضوع جميل يرجع بنا إلى أحلى الذكريات

1- تفتكري أول مرة صمتي كان عندك كام سنة وصمتي كام يوم في الشهر كله؟


كنت صغيرة أظن فى اولى ابتدائى مش فاكرة والله صمت أد إيه


2- أول فانوس جالك كان شكله ايه؟ بالشمعة وللا لمبة وللا ايه؟


كان بالشمعة كان عندى فانوس أحمر جميل وهى سنة واحدة وبعدين جالى باللمبة هههههههه


3- كنتي بتعملي ايه في نهار رمضان وانت طفلة ودلوقت بتعملي ايه؟


كان رمضان فيه مدرسة كنت بذهب المدرسة وكنت بحب أقضى وقتى مع جدتى حبيبتى وأشوفها وهى بتعمل الفطار وريحة أكلها كانت رووووعة وكان دائما إذاعة القرآن الكريم مفتوحة عندها فأتذكر الأذان للشيخ محمد رفعت ولحد الوقتى يذكرنى برمضان
دلوقتى رمضان جميل أيضا أحب أوقاته ودائمة الحنين له


4- شكل الشارع عندكم كان ايه في رمضان ودلوقت بيبقى ازاي في رمضان؟


كان الشارع قبل كده مليان ههههه بالأطفال وكنا بنحب اللعب جداااا
الوقتى الشارع الأنوار فيه كثيرة وشكلها رائع وأصوات المساجد رائعة


5- كنتي بتاخدي فانوسك وتنزلي تلعبي في الشارع؟ وأولادك بيعملوا كده دلوقت؟


أيوا كنت بحب ألعب بالفانوس فى الشارع كانت ماما حبيبتى بتسمح لى هههههه


6- عندكم مسحراتي؟ وبيقول ايه وبيصحيكوا ازاي؟

أيوا طبعا عندنا مسحراتى مش بيقول حاجة بيصحينا بصوت الطبلة اللى معاه
بس أحب اسمعه جدااا وبكون فرحانة لما اسمعه


7- بتعزموا وتتعزموا كتير وللا الأمور عندكم ماشية عادي زي قبل رمضان؟


أيوا طبعا لمة رمضان رااائعة


8- برامج تلفيزيونية مرتبطة في ذهنك قوي بشهر رمضان وليها ذكريات حلوة معاكي للشهر؟


كان على القناة الأولى الشيخ الشعراوى بيجى كل يوم قبل الفطار ولما كبرت شوية كان عمرو خالد ابتدى يجى على قناة إقرأ فى ونلقى الأحبة كنت بحب هذا البرنامج جداااا وأتأثر بيه جداااا


9- بتعملوا كحك العيد؟ وفي البيت وللا فين؟


كنا بنعمل وإحنا صغيرين كنت بساعد ماما وبنقش الكحك وأحب أحط عليه السكر وكان بيكون يوم جميل جدااا لكن الوقتى بنشترى جاهز


10- كنتي بتعملي ايه بعد الفطار ودلوقت بتعملي ايه؟


وأنا صغيرة كنت بنام بعد الفطار من كتر اللعب
الوقتى الحمد لله بروح أصلى التراويح


11- كنتوا بتخرجوا تفطروا برة احيانا يعني في مطعم أو مكان مفتوح ؟ودلوقت ايه الوضع؟


خاصة رمضان ماأفتكرش إننا فطرنا بره غير عزومات لكن مطاعم لأ ولا الوقتى إلا وأنا كنت فى الكلية كانت عملى وكنا بنخلص متأخر ففطرت قبل كده برة مع أصدقائى وفى البيت كانوا متفهمين طبيعة الكلية والمواصلات


12- عندكم موائد للرحمن ؟و بتكون فين؟

أيوا طبعا فيه جمعيات معينة بتهتم بهذا الموضوع

13- أطباق ومشروبات أساسية على الفطار؟


التمر والماء والعصير خاصة المانجة هههههه


14- أطباق ومشروبات أساسية على السحور


الفاكهة والماء أهم حاجة


15- وأخيرا رمضان كنتي بتستمتعي بيه أكتر زمان وانت طفلة وللا دلوقت أحلى؟.


والله زمان والوقتى راااااااائع صلاة التراويح روووووووووعة وإنك فاهمة فضل هذا الشهر الجميل بيخليكى عايزة طول الشهر يكون رمضان


شكرا حبيبتى على إختيارك لى موضوع جميل مثلك حبيبتى
وأختار رحيق بعدى إن شاء الله هههههه
__________________

تسلميلى يا "أحبك ربى " لأنك أخترتينى يا قمر أنت
وتسلمى يا رحيق على الموضووع الكميل ده

1- تفتكري أول مرة صمتي كان عندك كام سنة وصمتي كام يوم في الشهر كله؟
أنا أول مرة صومت فيها وانا عندى 6 سنين وصومت الشهر كله كامل وكنت بصوم كل يوم لحد المغرب
وانا الوحيدة اللى فى اخواتى اللى صومت الشهر كله وانا فى السن ده


2- أول فانوس جالك كان شكله ايه؟ بالشمعة وللا لمبة وللا ايه؟
أبو لمبة وكان لونة "بمبى"

3- كنتي بتعملي ايه في نهار رمضان وانت طفلة ودلوقت بتعملي ايه؟
وانا طفلة طبعا لعب فى الشارع مع أصحابى اللى فى شارعنا
دلوقتى قاعدة فى البيت ياأختشى طبخ وكنس ومسح وترويق فينك يا ام الطفولة


4- شكل الشارع عندكم كان ايه في رمضان ودلوقت بيبقى ازاي في رمضان؟

كان بيبقى كله زينة من اولة لاخرة وكنا بنسهر نعمل الزينة لحد بعد الفجر
لكن دلوقتى بعد ما عزلنا منه بقيت اروح أزور جيرنا الاقى الشارع ساكت ومش زى الاول وكل الجيران يقولو انتو مشيتو وأخدتو فرحة الشارع معاكم لاننا كنا أول يتبنى فى الحتة بتاعتنا كلها يعنى عمرت على حسنا
5- كنتي بتاخدي فانوسك وتنزلي تلعبي في الشارع؟ وأولادك بيعملوا كده دلوقت؟

أه طبعا وكنت بستنى المسحراتى وأمشى وراه انا وأصحابى
لكن انا دلوقتى لسة ربنا مش رزقنى بالاولاد لان الزوج مسافر
لكن أن شاء الله بأذن الله فى المستقبل لو حبو يعملو كدة مش همنعهم
6- عندكم مسحراتي؟ وبيقول ايه وبيصحيكوا ازاي؟

كان عندنا انما حاليا لاء لان أهلى نقلو فى حتة شبة الصحرا
لكن عند شقتى انا فى لانى متزوجة قرب الشارع اللى اتربيت فيه
وكان بيجى يخبط على الطلبة اللى كانت فى ايدة بالجلدة ويقول أصحى يانايم واحد الدايم
7- بتعزموا وتتعزموا كتير وللا الأمور عندكم ماشية عادي زي قبل رمضان؟

مش كتير أوى
يعنى فى الوسط اقاربنا واحبابنا وبس
8- برامج تلفيزيون أو راديو مرتبطة في ذهنك قوي بشهر رمضان وليها ذكريات حلوة معاكي للشهر؟

بوجى وطمطم , وبكار
أنما حاليا مقاطعو كل المسلسلات
لان التليفزيون اليومين دول بقى يفسد الاخلاق مش يصلحها
9- بتعملوا كحك العيد؟ وفي البيت وللا فين؟
بردو كنا بنعمل وأحنا فى بيتنا القديم
أنما هنا لاء أوقات كتير ماما بتجيب جاهز وأوقات بنقعد نعمل فى البيت
لكن فى بيتى أن شاء الله لما جوزى يرجع بالسلامة انا اللى هعمل الكعك فى البيت وأروح أسوية فى الفرن وانا شايلة الصاج على راسى ياختى كميلة قمر وانا شيلاة

10- كنتي بتعملي ايه بعد الفطار ودلوقت بتعملي ايه؟

وانا صغيرة أكيد كنت بجرى على الشارع العب
انام بعد لما بقيت شحطة بقيت بغسل المواعين
11- كنتوا بتخرجوا تفطروا برة احيانا يعني في مطعم أو مكان مفتوح ؟ودلوقت ايه الوضع؟

لاء لاننا كنا بيت عيلة والفطار فى شقة واحدة بس
وبصراحة لو روحت فطرت برة مش هحس بلذة الاكل لان الاكل بيكون ليه طعم مختلف فى رمضان
12- عندكم موائد للرحمن ؟و بتكون فين؟

اه طبعا ,موجودة فى أماكن كتير أوى
13- أطباق ومشروبات أساسية على الفطار؟

الخشاف ,العرقسوس دول الاساسين عندنا
14- أطباق ومشروبات أساسية على السحور
زبادى ,جبنة بردو ده اساسى
لانه اغلب سحورنا جبنة وزبادى بس

15- وأخيرا رمضان كنتي بتستمتعي بيه أكتر زمان وانت طفلة وللا دلوقت أحلى؟.

وأنا طفلة أكتر كتير
لكن لسة هحكم وانا فى سنى ده لما جوزى يرجع وأقضى معاه رمضان هقدر احكم

16- أختاري عضوة بعدك تجاوب على الاسئلة وابعتيلها الرابط
"هبة شلبى"
وتسلمى يا رحيق موضوعك حلو أوى
ومعلش بقى ياهوبتى دبستك سامحينى يا أختشى