أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

نفسي اشوف فيها يوم

إضافة رد  أضف للمفضلة
https://3dlat.com/showthread.php?t=79178
5477 13
#1

افتراضي نفسي اشوف فيها يوم

[FONT=""][COLOR=""][SIZE=""]بسم الله الرحمن الرحيم
عزيزاتي كل زوجة وام وربة منزل وكل عضوة تشوف وتقرا مشكلتي وحكايتي
عاوزة منكم بس تدعولي بان ربنا ينتقملي من الانسانة اللي ظلمتني وظلمت عيالي
سبحان الله طول عمري كنت فاكرة ان قلبي طيب وبسامح كل الناس اللي بيسيئولي ويغلطو فيا بس فعلا الانسانة دي مش بتمنالها غير انها تدوق من نفس الكاس اللي شربتني منه انا وعيالي وكمان بدعي ربنا فكل سجود حتى واحنا في الايام المباركة دي ان يكون جزائها من نفس جنس عملها وتشوف اللي انا شفته بسببها وتعيش الذل اللي عيشتهولي انا وعيالي
الحكاية يا عزيزاتي اني زوجة وأم لولدين لسة في مراحل التعليم الابتدائي متزوجة من 10سنين ولكن ربنا رزقني من 3 سنين بواحدة حسبي الله ونعم الوكيل فيها اتعرفت على جوزي وطبعا اتفقوا علي الجواز عمري ما شفتها ولا اعرفها قبل كدة ولكن قبل ما توافق على جوازها من البيه اصرت على طلاقي وفعلا لأن جوزي كان ملهوف عليها وافق على شرطها واتخانق معايا خناقة لرب السما واصر على الخروج من بيتي وفعلا رماني بعيالي بدون طلاق يعني معلقة فترة ال3 سنين ولأني مليش مصدر رزق ولا لعيالي غيره عشت ايام سودة بدون مصاريف وطبعا عمري مافكرت اروح لمحكمة ولا ارفع قضية عليه ولا حتى اشتكي لحد من اهله لان كل واحد منهم فحاله ومحدش بيدي لحد اي حاجة فالزمن دة وكل دة علشان بفكر فعيالي ومصلحتهم ان ميعيشوش بين والدين منفصلين وصبرت لغاية ماربنا اراد وجوزي رجعني وصالحني ورضاني في كل شيء ودة طبعا بعد ما ربنا وراه الويل مع مراته الجديدة اللي بجوازته منها عرف قيمتي وقيمة صبري واصلي وطبعا رجوعي كان علشان مصلحة الاولاد وتربيتهم تربية سليمة وكمان حفاظا على سمعتي ووضعي ادام المجتمع كله علشان انتو عارفين كلمة مطلقة شكلها فحياتنا ازاي والحمد لله رجعنا تاني ولمينا نفسنا ولكن التانية على زمته بس هي في بلد وانا فبلد تانية وكل واحدة فحالها
المهم انا دلوقتي قدرت اصفي قلبي من ناحية جوزي ونسيت كل اللي عمله معايا ونيتي ليه بقت صافية ومش شايلة منه اي كره ليه بس مستحيل انسى اللي حصلي من مراته التانية وكل اللي عشته واللي حصلي بسببها بتمناهولها وبدعي ربي انه ينتقملي منها
انا دلوقتي مش عارفة دة صح ولا غلط بس والله مش عارفة اسامحها واقول عفا الله عما سلف نفسي ادعي عليها كل يوم بس برجع واقول حرام لحسن دعايا يتقلب عليا كل اللي بقوله ان ربنا يوريها اللي شفته بسببها





انا مش عارفة انا كدة وحشة وغلاوية ولا اللي انا فيه ده طبيعي بس والله العظيم يا حبايبي انا فعلا مرت عليا ايام بسبب الحاجة وان مش عارفة اصرف على عيالي كنت بعيط ليل ونهار وامي وابويا حزانا عليا وكانو على قد ما يقدروا بيهونو عليا ويساعدوني ويقفو جنبي
هل ممكن يحصلها نفس اللي حصلي هل ممكن اشوف فيها انتقام ربنا
دلوني يا جماعة الخير ايه الدعاء اللي ادعي بيه يخلي نفسيتي تهدا ومفكرش دايما فلأنتقام منها وسامحوني والله انا طيبة وصبورة بشهادة كل اللي يعرفوني وعمري ما بحسد حد ولا بحقد على حد وبتمنى الخير لكل الناس اللي اعرفهم واللي معرفهمش بس الا الانسانة دي بتنمالها كل العذاب
اعذروني بس دة من كثرة معاناتي
وشكرا لسعة صدوركم[/SIZE][/COLOR][/FONT]


#2

افتراضي رد: نفسي اشوف فيها يوم

الله المستعان
انتي صبرتي كتير والحمد لله ربنا كرمك ورجعتي لزوجك وسامحتيه ونسيتي يلي مضى
قولي الحمدلله وبس
ارجوكي لا تدعي على حدا غير بالهداية
قولي الله يهديها واجرك عند الله
إظهار التوقيع
توقيع : لؤلؤة الايمان
#3

افتراضي رد: نفسي اشوف فيها يوم

ادعي لنفسك ولأولادك وزوجك بصلاح الأحوال والستر والهداية وكل ما هو حسن
واتركي انتقام الله منها لله فهو لن يضيع حق المظلوم
ربنا يهدي سرك ويصلح لك الأحوال وييسر أمرك باذن الله
إظهار التوقيع
توقيع : رحيق
#4

افتراضي رد: نفسي اشوف فيها يوم

بصى حبيبتى دعوة المظلوم ليس بينها وبين الله حجاب فانتى يكفيكى فيها كلمة حسبى الله ونعم الوكيل وربنا شاهد ومتطلع مين فيكو الظالم ومين المظلوم ومتقلقيش حقك هيرجعلك ولو بعد حين بأمر الله عشان ربنا مبيرضاش بالظلم
حاولى بس تنسى اللى حصل واذا كنتى قدرتى تنسى اللى رماكى بعيالك 3 سنين وهو كمان غلطان انه يفرط فيكو بسهوله فعليه ذنب من ناحيتكو برضه ولكنك نسيتى عشان حياتك تتصلح والمركب تمشى واهو ربنا جزاكى خير والحال اتصلح والحمد لله
فاحسنلك تنسيها وتشيليها من دماغك خالص ومتفكريش فيها ولا فى اللى عملته وهيا ربنا هيجازيها من جنس عملها متخافيش
وربنا يصلحلك الحال يارب
#5

افتراضي رد: نفسي اشوف فيها يوم

معلش حبيبتى ربنا يصلح لك الاحوال يارب
وبعد ين الحمد لله ربنا نصرك عليها
انسيها ووكلى ربنا فيها وخليكى فى حياتك واولادك وربنا يباركلك فى اولادك ويسعدك يارب
إظهار التوقيع
توقيع : حسناء
#6

افتراضي رد: نفسي اشوف فيها يوم

الحمد لله علي هد ائه زوجك لكي ورجوعك بيتك يارب مايجيب شر بنكم تاني وعلي بالدعاء لصلاح الحال وحسبني عليها وربنا هو المنتقم الجبار من كل ظالم
إظهار التوقيع
توقيع : نوارا
#7

افتراضي رد: نفسي اشوف فيها يوم

والله يابنتي انتي الله يباركلك بعد ده كله ماشاء الله على قلبك سامحتيه ورجعتيله ماتقوليش على نفسك انك مش هتقدري تسامحيها هتقدري انتي شكل قلبك ابيض انتي بس ولادك هما اللي صعبانين عليكي يكفي حسبي الله ونعم الوكيل طب على الاقل ده اتجوزها اومال تعملي ايه في اللي بيجيولك لغايه بيتك يوم الصباحيه ويقولولك لو على موتي مش هنخليكي تكملي هنا حسبي الله ونعم الوكيل
اصبري ياحببتي واحستبي
إظهار التوقيع
توقيع : عمرحبيب مامي
#8

افتراضي رد: نفسي اشوف فيها يوم

لا حبيبتى انتى مش غلطانة واللى انتى فية دة من نارك وحرقتك على اللى حصلك ربنا ينتقم من اى واحدة تاخد راجل من عيالة ومراتة
#9

افتراضي رد: نفسي اشوف فيها يوم

قولى حسبنا الله ونعم الوكيل وقولى كتير الهم إجعلنى وأولادى قرة عين زوجى الوحيدة وهو رايح ليها استودعى كل جزء فيه الله وقولى اللهم اطمس على سمعه وبصره وفرجه وكل جزء فيه أن لا يرى من نساء الكون غيرى وكمانقولى الهم اجعلنى احب النسء لقلبه واجمل النساء فى عينه واعملى نيو لوك فكل شيء فيكى وإتجرأى معاه فى حجرة النوم واعملى تغير شامل وبعون الله هتدعى لى
#10

افتراضي رد: نفسي اشوف فيها يوم

طيب ليش مرته التانية لسه على زمته مانتي بتقولي انها مش منيحة معه !!!!!!!!!!!!!!!!؟؟؟؟؟؟؟؟؟ خليه يطلقها!!!!!!!!!!!!!! ويمكن لو انا محلك كان ما برجعلو لانو اتخلى عني!!!!!!!!!!!!
#11

افتراضي رد: نفسي اشوف فيها يوم

ربنا يهدي النفوس
إظهار التوقيع
توقيع : راوناالحديثي
#12

افتراضي رد: نفسي اشوف فيها يوم

لاتدعي عل احد عسي الدعوة ترد عليك او علي عيالك
#13

افتراضي رد: نفسي اشوف فيها يوم

الله يبارك عليك،راكي فوتي شيء هذا كامل و ما قدرتيش تنسايها.
ربي كاين هو يحاسب و يعاقب و يكفيها هم انو زوجك رجعك يعني تيتي تيتي مثل ما رحت مثل ما جيتي.
لوكان قدرت تغطي على وجودك في قلب زوجك كانت دارته بصح هو فهم بلي وحده ما تعوضك.
كملي صبرك اختي و خليك منها و كيما يقولو:يضحك بزاف لي يضحك اخيرا
إظهار التوقيع
توقيع : farcha
#14

افتراضي رد: نفسي اشوف فيها يوم

لو سامحتيها فى حقك مش من حقك تسامحيها فى حق ولادك الى اتبهدلوا و بعدين اسفه جدا انصحينى قدرتى ازاى تصفى قلبك من ناحيته ربنا يهدى الجميع و يوسع صدورنا للخير بس انا مصدقاكى الموضوع مؤلم جدا و عذاب ملوش اخر يا رب انص كل ست تعبت وشقيت و ناضلت مع جوزها واستحملت كل ظروفه هى وأولادها و بعدين يسيبها عشان يرتاح مع واحده تانيه يبدأمعاها حياه جديده اكن القديمه دى حاجه ملهاش لازمه و لازم يتزلع فيها واظهر للرجاله حقيقة التانيه الى عايزه تاخد على الجاهز و المثل الى قال ربى يا خايبه للغايبه صدق لأن الزوجه الى بتساعد جوزها دى بيبقالها ابن بتساعده وتواسيه وتقف جنبه يا رب انصف كل زوجه بالشكل ده يا رب ادعو معايا


قد تكوني مهتمة بالمواضيع التالية ايضاً
الموضوع كاتب الموضوع المنتدى
عشر ذي الحجة.. فضلها والعمل فيها Đāłāł المنتدي الاسلامي العام
عشر ذى الحجة فضائلها وما يستحب بها عـدلات المنتدي الاسلامي العام
نفسي نفسي ريناد المتولي الحملات الدعوية
اوقات تفتح فيها ابواب السماء هبه شلبي المنتدي الاسلامي العام
ياااااااااااااااااااااااا ارب ادهشنا بعطائك ليلة توزع فيها الأرزاق وتكت قوت القلوب 2 المنتدي الاسلامي العام


الساعة الآن 10:40 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل