عبارات عراقية شائعة ادخلو وشوفو!!!!!!!!!!!

هاااي اليوم انضحكم شويه

عبارات عراقية شائعة...... تعالوا شوفوا معناها

احبابي حبيت اشاركم بهايه العبارات العراقيه الجميله بس بأسلوب شويه يثير الابتسامه بعد ان عزت عن شفايفنه الابتسامه بهل الايام ويارب تعجبكم العبارات وتعجبكم وياهه التعريفات...ويلله خلونه ندخل ونشوف
تريد الصدك لو ابن عمه =مقدمة لكذبة من الحجم العائلي
مااطول عليك السالفة = جملة محشورة داخل قصة يزيد عدد كلماتها عن 100000000كلمة
مانشوفلك إلا =يعني موسيقى تصويرية قوتها 7.9 على مقياس ريختر لقصة سخيفة
ما كذبت خبر =عبارة لنفش العضلات وبداية لكذبة ورسم بطولات ما حصلت إلابالخيال
انت بعدك متعرفني زين =تقال عندما يشعرالمتكلم انه تبهذل وانمسحت كرامته بالكاع
الله يستر عليها = تقال بعد نهاية كل قصة تم فيها نشر جميع بنات المنطقة وصديقات بنات المنطقة عالحبل




والله مكانك خالي وتمنينا تكون ويانه =تقال لحرق أعصاب المستمع وتدمير نفسيته
بس انت بصراحة يعني لاتزعل مني = مصطلح يهيئك نفسيا لسماع مسبة ولكن بطريقة مؤدبة
أني والله ميهمني =تدل على اهتمام المتكلم حتى الموت بالموضوع
هسه شعلينه احنه =نهاية الحديث البايخ الذي كان يتكلم فيه على غيره بما لايخصه
الله كريم و ان شاء الله مااقصر وياك =بعبارة أخرى.. انسى الموضوع
بس لا يروح فكرك بعيد =يعني سوي نفسك مسمعت كل البلاوي الي سولفتهه الك
والله لو ادري ولااعوفك =عبارة لتحميل المقابل منية ببلاش فوق الهم الي يمر بيهه
خلصت وما بقه شي بس تعليقاتكم الي انتظرهه منكم...