نتكلم ونتناقش بهدوء ف موضوع ثورة بكرة ان شاءالله
اولا انا بحاول ع اد مااقدر اتابع الموضوعات من غير مااشارك
لاني كنت ف حيره من امري ومش محدده موقفي بصراحه
بالنسبه لالمطالب فهي مشروعه وجميله
مين فينا ينكر ان كل الشعب المصري عاوز المطالب دي
اقتباس:
المطالب الأساسية التي يدعو إليها في هذا اليوم تتلخص في تسريع وتيرة محاكمات رموز النظام السابق
***- *
،علنية المحاكمات وفرض سيادة القانون علي الجميع
***- *
،اصدار قانون للفساد السياسي يسمح بمحاكمة رموز واعضاء الحزب الوطني ممن افسدوا الحياة السياسية
***- *
، إعادة النظر في حركة المحافظين ***- *
، وإقالة رؤساء الجامعات ***- *
،واستعادة الأمن في الشارع وتطهير جهاز الشرطة من القيادات الفاسدة ***- *
، ووقف اعمال البلطجة في اطار من سيادة القانون واحترام حقوق الانسان
.
طبعا كلنا بلا استثناء موافقين ع هذه المطالب المشروعه بل نتمني تحقيقها النهارده قبل بكرة
بس ال واضح هنا ف القسم ان حوالي 95 % رافض النزول بكرة
وياريت الامر ع كدا وبس
لا كمان بينبه وبيحذر وبيوعي وع كدا موضوعات كتيرررر بقالها يومين بخصوص عدم النزول يبقي ازاي الشعب ب اكمله عاوز المطالب دي وف نفس الوقت فئات كتير جدااا م الشعب ضد النزول غدااااا
يبقي اكيد ف حاجه غلط في شئ غامض
الاخوان والسلفيين وناس غيرررهم كتير رافضه النزول وبتحث كمان ع عدم النزول
ف ناس بيقولو الاخوان دورو ع مصلحتهم وخدو ال هما عاوزينه خلاص ومش هاممهم دم الشهداء ال نطوا ع اجسادهم
طب هو ايه ال هيضر الاخوان ف مظاهره بكرة او ثورة بكرة زي مابتقولو
الا اذا كان ف اهداف تانيه بقي وهي الالتفاف ع نتيجه الاستفتاء
وطلب عمل دستور وتاجيل الانتخابات البرلمانيه
بيقولو ان ال مستفيد من سرعه الانتخابات البرلمانيه هم الاخوان
طب طالما مش من المطالب تاجيل الانتخابات البرلمانيه ولا عمل دستور ولا الكلام دا
يبقي الاخوان دورو ع مصلحتهم ف ايه طالما مطالب بكرة مشروعه وكلنا عاوزينها تتحقق سواء اخوان او سلف او اي حد
طب و السلفيين هيستفادو ايه من منع ثورة بكرة طالما المطالب كدا بس وهم عاوزينها بردو تتحقق
ليه غالبيه عظمي م الشعب رافض النزول بكرة ع عكس اي جمعه تانيه
مش معقول الناس دي كلها خاينه ومش عاوزة رموز الفساد تتحاسب
ولا عاوزة حق الشهداء والمصابين
مش معقول كل دووول هيقفو ضد المطالب دي بل بالعكس المفروض يطالبو بيها
يبقي اكيد ف اسباب تانيه هي ال مانعه كل الفئات دي من النزول
والاسباب اكيد خطيره
مهو مفيش مبرر لعدم نزولهم او لتحريضهم ع عدم النزول
الا اذا كانت فعلا ف ناس نيتها خبيثه
وليها مطالب اخري ضد الجيش او ع الاقل ضد نتيجه الاستفتاء وعاوزة تعمل ال مقدروش عليه ف الاستفتاء
معلش سامحوني رغيت كتير لكن انا بفكر معاكم بصوت عالي
ولو انا غلطانه قولولي لاني بجد ببحث عن اجابه لعلي وعسي االقاها من احداكن
واتمني ان الحوار يمشي بشكل هادئ مش مشكله التقييم عندي خالص
المهم مالقيش حد بيشتم سواء مؤيد او معارض
جزاكم الله خيرااااا
قلولي بحياد ايه ريكوا ف ثوره الغضب 2
قد تكوني مهتمة بالمواضيع التالية ايضاً