أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

بفضفض معاكم

إضافة رد  أضف للمفضلة
https://3dlat.com/showthread.php?t=93233
3732 14
#1

افتراضي بفضفض معاكم

السلام عليكم ورحمة الله وبركاته
طبعا انتوا حفظتونى دلوقتى ابنى حبيبى دخل المدرسة وابوه من ساعة لما ضربته يوم 13/7 اللى فات ما سألش عليه ولا حتى فى العيد مجرد كل سنة وانت طيب دلوقتى لما دخل المدرسة اتصل بالمدرسة وطبعا هى ازهرى خاص لغات وهو حضرته بيدفعلوا شهرية 250 جنية بيجمعهم كل كام شهر ويجيبهم اتصل بالمدرسة وقالهم انا جاى ادفع للولد المصاريف طبعا المرسه افتكرته هايدفع مصاريف المدرسة قالهم لأ انا بدفع مصاريفه الشخصيه (يعنى ال250جنيه ) وأمه هى اللى بتدفع مصاريف المرسه والمدرسه كلمتنى وقالت لى ان ابوه عايز يأخذه يوم الخميس ويبات معاه وانتو عارفين انى بشتغل وان مش هاينفع اتابعه غير فى الاجازة ده بالاضافة انه قال لأختى خليها تصرف عليه زى ما هى عايزة فى الاخر الولد هايجيلى وطبعا لما بياخده بيدلعه ويفسحه وانا بضرب واربى وازعق لدرجة ان الولد وانا بحفظه عملت نفسى تعبت وعملت نفسى ميته قالى موتى بقى خلينى اروح لبابا لوحدى بالرغم انى باعمله بحنان وبفسحه طبعا قعدت اعيط قدامه اعمل ايه بالله عليكم


إظهار التوقيع
توقيع : سكاسك
#2

افتراضي رد: بفضفض معاكم

لا حبيبتي كده الولد عمل مقارنه بينكم جواه وفي المقارنه دى طلع ابوه هو الكسبان يفسحوا ويدلعه والطفل مش عايز
غير كده لكن كلام زى اللى قاله (موتى بقى خلينى اروح عند بابا) ده كلام خطير جدا بصي انا عارفه انك بتتعبي
علشانه وفي ضغوط كتير في حياتك بس حولى تعمى للولد ده ضعف اللي باباه بيعملهوله اتنزلى عن العصبيه شويه
حتى لو ابنك غلط كلميه براحة وحولى تصحبيه عارفه ان لسه صغير على انك تصحبيه لكن مفيش حل تانى واصبري
واحتسبي حبيبتي انتى تعبتى كتير وربنا هيعوضك خير خدي ابنك كده فسحه حلوة ولابي له كل طلباته وعايزة الفترة
الجاية تتكلمى معاه في انك ازاى بتتعبي علشانه علشان ميبقاش سطحي كل اللي يهمه مين اللي يدلع ويفسح اكتر
شيليه المسؤليه معاكى حتى لو بالحوار
#3

افتراضي رد: بفضفض معاكم

انتى بتقومى بواجبك كأم وهو طفل صغير مش فاهم بس بكرة يفهم ولو على ابوه استحاله حيقوم بنص اللى بتقومى بيه ده اخره 250 جنيه بيدفعهم لما نفسه تجيبه
يبنتى احتسبى عند الله كل شىء وانسى الراجل ده خالص امحيه من حياتك ولو جتلك فرصه تبنى حياتك من جديد ابنيها وابنك انتى كده كده امه لاخر يوم فى العمر وربنا مبيسيبش حق حد
#4

افتراضي رد: بفضفض معاكم

على فكره كل الاطفال كده حت لو الاب والام مش منفصلين شايفين الام دايما بتزعق والاب بييجى ضيف ويمشى ملوش ضلع فى الربايه انا ابنى كده طبعا انا اللى بزعق طول النهار والبيه بييجى ياكل وينام كل الاطفال كده وكل الابهات كده وكل الامهات زيى وزيك احنا عاوزين نربى ونعلم وهما مرتاحين ع الاخر
#5

افتراضي رد: بفضفض معاكم

ربنا يصلحلك الاحوال يارب ويهديهولك
وربنا يسعدكوا جميعا ويعوضكوا كل خير ان شاء الله
الجنة تحت اقدام الامهات
إظهار التوقيع
توقيع : حسناء
#6

افتراضي رد: بفضفض معاكم

ربنا يفك كربك
ويهديلك ابنك
إظهار التوقيع
توقيع : قطر الندا
#7

افتراضي رد: بفضفض معاكم

انا متشكرة ليكم جدا جزاكم الله خيرا بس يا ريت تدعولى انا فعلا بخرجه وافسحه ربنا يهديه
إظهار التوقيع
توقيع : سكاسك
#8

افتراضي رد: بفضفض معاكم

ربنا يهديلك ابنك ويخليه دايما فى حضنك ويبعد عنكو الاذى
#9

افتراضي رد: بفضفض معاكم

ولو جتلك فرصه تبنى حياتك من جديد ابنيها

الله عليكي يارونا فعلا لازم تنسي بقى الأنسان ده وتفتحى صفحه جديده لحياتك مع انسان تاني بس
دققي في اختيارك ياريت تشيلى ابو 250 جنيه ده من دماغك لأنه ميستهلش تفكري فيه
وابنك ربنا يهديهلك وطلما بتفسحيه ومش مقصره معاه يبقى كلام عيال ويعدي
بس بالله عليكي برضوا لو عصبيه معاه حولى تكونى هاديه شويه وربنا يصلح حالك يارب
#10

افتراضي رد: بفضفض معاكم

ربنا يصلحلك احوالك
#11

افتراضي رد: بفضفض معاكم

انا اول مرة اتعرف على حضرتك وتأثرت جدا كان الله فى عونك
#12

افتراضي رد: بفضفض معاكم

حبيبتى خلى الضرب دا اخر لغة ممكن تتعاملى مع طفلك بيها وحاولى تشوفى حاجة تانية ممكن تخلية يسمع الكلام
إظهار التوقيع
توقيع : om samaa
#13

افتراضي رد: بفضفض معاكم

ربنا يهدي ابنك ويعوضك فيه خير ويعينك على تربيته ياااااااااارب
#14

افتراضي رد: بفضفض معاكم

ربي يعوضك بالاحسن منو
بحكم الانفصال فليس له شيء يحزنك به الا الولد بينكما.حبيبتي انا ما شفت
في حياتي ام ما تتعصب مع اولادها لانه القرب اليهم و الاحن عليهم،يعني لا تحسي بالذنب خاصة و انت موظفة،يعني ضغوط من كل جانب
يا ام الولد هذا الابن يقول هذا الكلام لانه صغير و لا تغريه من الدنيا الا فسحة
او حلوى يستمتع بذوقها..سيكبر يوما و يفتح عينيه على حقيقة جهدك في سبيل تربيته و لا مجال ليقارن بين ام ضحت و ربت و بين اب انجبه فقط
اجرك على الله
إظهار التوقيع
توقيع : farcha
#15

افتراضي رد: بفضفض معاكم


المشاركة الأصلية كتبت بواسطة farcha
ربي يعوضك بالاحسن منو
بحكم الانفصال فليس له شيء يحزنك به الا الولد بينكما.حبيبتي انا ما شفت
في حياتي ام ما تتعصب مع اولادها لانه القرب اليهم و الاحن عليهم،يعني لا تحسي بالذنب خاصة و انت موظفة،يعني ضغوط من كل جانب
يا ام الولد هذا الابن يقول هذا الكلام لانه صغير و لا تغريه من الدنيا الا فسحة
او حلوى يستمتع بذوقها..سيكبر يوما و يفتح عينيه على حقيقة جهدك في سبيل تربيته و لا مجال ليقارن بين ام ضحت و ربت و بين اب انجبه فقط
اجرك على الله
جزاك الله خيرا
إظهار التوقيع
توقيع : سكاسك


قد تكوني مهتمة بالمواضيع التالية ايضاً
الموضوع كاتب الموضوع المنتدى
صور صباح الخير 2025,بطاقات صباح الخير 2025,أحلي صباح معاكم ,صباحكم ملئ بالندي حياه الروح 5 صور صباح ومساء
انا جديدة معاكم رحبو بيا ليالى مصرية مضيفة عدلات
انا بنوته جديده معاكم وعاوزة اقولكم على حجات جديده هتفرحكم كراميل سوق عدلات النسائي العام
اتمني اني اكون معاكم نوون مضيفة عدلات
بفضفض معاكم سكاسك فضفضة وحل المشاكل


الساعة الآن 08:33 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل