عزومتى لمسابقة اكلينا على ذوقكى
بسم الله الرحمن الرحيم
ازيكم ياقمراتى انا النهاردة عاملة لكم اكل من عمايل ايدياوحياة عنيا انا هعزمكم على الى بعرف اعمله كله ياسلام هو انا عندى اغلى منكم ده انتم الى ليا والعين الجوانية
يلا بقه استعنا على الشقا بالله
اللهم عليك توكلنا
بسم الله الرحمن الرحيم
الفطار ؛لازم يكون دسم كدة عشان اما نساعد بعض فى الاصناف اومال ايه الايد البطالة نجسة (سورى)
وهعملكم فول بالبصل والطماطم تدميس بيتى يعنى مفيش انظف من كدة
يلانجهز الغداء بقه
ازيكم ياقمراتى انا النهاردة عاملة لكم اكل من عمايل ايدياوحياة عنيا انا هعزمكم على الى بعرف اعمله كله ياسلام هو انا عندى اغلى منكم ده انتم الى ليا والعين الجوانية
يلا بقه استعنا على الشقا بالله
اللهم عليك توكلنا
بسم الله الرحمن الرحيم
الفطار ؛لازم يكون دسم كدة عشان اما نساعد بعض فى الاصناف اومال ايه الايد البطالة نجسة (سورى)
وهعملكم فول بالبصل والطماطم تدميس بيتى يعنى مفيش انظف من كدة
- نيجى لتدميس الفول وبنجيبه من عند عطاركويس ونقله فول تدميس وننقيه كويس وننقعه فى مية من 3 ل6ساعات على الاقل وبعدين نحطه فى الدماسة ونحط له مية ومتغطيش الدماسة ياقمر عشان هتفور وكل شوية العين تطفى لاحطى براد شاى مايل بحيث يبقى فى منفس وتخليه ياخد غلوتين وبعدين توطى العين وكل شوية شقرى عليه ولو عاز مية زوديه من البراد ماهو بيبقى فيه مية وهتبقى سخنه واما يستوى ممكن تطحنيه او تسيبيه كدة حسب راحتكى
- نيجى بقه للعمايل هنقطع البصل ونشوحه ونحط معاه حبتين طماطم وقرنين فلفل وممكن فصين توم مفرومين كويس ونحط الفول ونسيبه يشكشك على نارهادية ونكسر على وشه بيضتين
- نيجى بقه للطعمية انا بعملها فى البيت وهقولكم سر نجاحها ايه انتى بتجيبى الفول المدشوش وتنقيه كويس وتنقعيه ياريت لو يوم كامل وبعدين تصفيه كويس من المية وتحطيه فى طبق وتقطعى عليه خضراءوشوية توم كتير وحزمة كرات وبصل بس متكتريش البصل عشان بينعمها اوى بيخليها زى المية وكمان رشة نعناع خفيفة اوى اوى وتوابل بقه شكلى ملح ورشة فلفل خفيفة وكمون وكزبرة مطحونة والسر بقه تحطى معلقة كربوناتو اوممكن بيكنج بودر
- وللريجيم هقرصها واحطها فى الفرن
والى مش ريجيم هنحشيها ونقليها والحشو بتجيبى بصل وتخرطيه وتشوحيه فى زيت بس مش كتير علشان مايتقلاش البصل منك وحطى شويه ملح ولما الميه تنشف زودى ميه شوية شويه لحد ماالبصلة تستوى
وتكونى جايبة طبق تعملى فيه الخلطة دى
شطة على حسب رغبتك
شويه بهار مش كتير يعنى اقل من الشطة
وشويه ميه يدوبك تدوبى بيهم
وبعدين تفضيهم على البصلة وتسبيها تكمل سوا ولو شايفاها محتاجة زيت حطى لها خليها ملعبكة كدة على بعضها وتحطى شوية كسبرة ناشفة مطحونة
- بابا غنوج وبنجيب البدنجان الرومى ونشويه ونقشره ونحطه فى الخلاط ومعاه دقة يعنى فصين توم وقرن فلفل شطة وشوية ملح وشوية شطة وطحينة ونحطه فى طبق ونحط عليه حبة خضرا ولو قرن فلفل اتقطع شرايح على الوش كدة يعنى تذويق عشان افتح نفسكم
- وبدنجان مخلل بس انا مش هقليه عشان الكوليسترول اناهسلقه بس نص سلقة وافتحه احشيه بالخلطة ام توم وقرن فلفل وليمون وخل واحطه فى برطمان فى مية وخل وليمون وملح وكلى احلى بدنجان مخلل بعديومين
- وكمان هسلق بيض
وهحمر بطاطس 
وهحط جبنة وعسل وقشطة للى مش ليه فى الاكل المصرى وههرك له بطاطس ودى سهلة اوى نقطع بطاطس مكعبات ونحطها تتسلق بشوية مية وبعدين نحط عليها شوية ملح وكمون ونقلى البيض ونحطه عليه بتبقى جميلة اوى
يلانجهز الغداء بقه
ورق عنب باللحم المفروم
المقادير
ربع كيلو ورق عنب
الخلطة :
كل ربع كيلو لحمة مفرومة يضاف اليه الاتى:
كوب متوسط ارز
بصلة متوسطة
ملعقة كبيرة عصير ليمون
3 ملاعق كبيرة زيت زيتون
ملح وفلفل
كوب ونصف مرقة لحم
ليمونة كبيرة مقطعة شرائح
وطبعا تقدرى تضاعفى المقادير حسب عدد افراد اسرتك
الطريقة
أسلقى ورق العنب فى ماء مغلى ( هذا بالنسبة للورق الأخضر اما اذا كنتى تستعملى ورق العنب المحفوظ فيجب عليكى غلى مقدار من الماء ثم تضعيه فيه لمدة دقيقتين حتى تتخلصى من الملح والمواد الحافظة )
أغسلى الأرز وانقعيه لمدة ربع ساعة
ابشرى البصلة ثم اضيفى لها اللحم المفروم وزيت الزيتون والملح والفلفل ثم الأرز
احشى ورق العنب سواء باليد أو بالماكينة المخصصة لذلك ورصيه فى وعاء الطهى حتى تنتهى الخلطة
على الوجه ووزعى شرائح الليمون وايضا اضيفى عصير الليمون
أغلى المرقة ثم اضيفيها للمحشى وارفعيه على نار متوسطة لمدة ربع ساعة ثم هدئى النار واتركيه حتى ينضج
- حمام محشي ارز المقادير جوزين حمام متنظفين حلووكبدهم وقوانصهم وكوب ونص ارز وشوية زين وسمنة اوممكن زبدة وبصلتين وملح وشوية بهارات على ذوقكم فلفل وشوية قرفة على روزميرى وورق لورا وحبهان وفص مستكة هنيجى بقه للعمايل
هنفرم بصلة واحدة بس ونحط معاه معلقتين سمنة فى طاسة ونشوحهم ونحط معاهم الكبد والقوانص بتاعة الحماموبعدين نحط الارز والتوابل والملح ونشوحهم كمان تشويحتين ونحشى الحمام بس خدوا بالكم اننا مش بنحشيه كله متنسوش ان الرز بينفش عشان الحمام ميطقش ونقفله بعيدان السنان ونحطه مية تغلى ونحط فيها البصلة التانية والملح والفلفل وفص المستكة والحبهان وورق اللورا وبعدين نحط الحمام يستوى والارز الى يفيض نسويه بالمية ونحط الحمام فى صينية ونحطه تحت الشواية ويتقدم مع الارز
- مكرونة بالبشاميل الاول نسلق المكرونة بس خلوا بالكم ياعدولات متتسلقش اوى وكمان متتشطفش بالمية ونيجى للحمة المفرومة نعصجها بالبصل نقطع البصل ونشوحه وبعدين نحط اللحمة تتشوح معاه ونحط قرنين فلفل متقعين صغير وطماطمية متقطعة مكعبات صغيرة اوى ونزودها كوبية مية ومعلقتين صلصة وملح وفلفل وتستوى على مانعمل البشاميل وده بنحط اللبن يدفى ونحط فى الخلاط شوية مية مع الدقيق يضربوا كويس ونحطهم بايد ونقلب بايد بسرعة واحنا بنحط عشان مايكلكعش ونحط شوية السمنة وكمان حطى واحدة حبها ن سليمة وورقة لورا ودول هتشيليهم بعد اما تخلصى وتظبطى القوام بشوربةوتحطى فلفل وملح ومرقة ماجى ونحط شوية بقسماط فى الصينية ونحط مكرونة وبعدين اللحمة وبعدين مكرونة والبشاميل وماتنسيش تحطى بشاميل على المكرونة قبل ماتحطيها فى الصينية وكترى عشان تطلع حلوة وتتحط فى الفرن حوالى 40دقيقة وتبرد وتتقطع
- ارز بالشعرية بنقى الارز ونغسلة ونسيبه منقوع شوية ونحط معلقة الزيت والسمنة ونحط الشعرية ونقلبها لغاية ماتبقى دهبى غامق بس مش اوى وبعدين نصفى الارز حلو ونحطه ونشوحه لغاية مانزهق ونسقيه ونحط الملح ونسيبه يستوى ونقدمه سخن
- ملوخية ناشفة بتنخليها كويس وتنعميها وتحطى الشوربة تغلى وتحطى فيها مرقة ماجى وتحطى الملوخية وتقلبيها كويس وبعدين تشيليها وتجيبى شوية توم حلوين وتفرميهم اوى وتحطيهم فى طاسة مع شوية زبدة اوسمنة بلدى وشوية كسبرة ناشفة وتحمريهم لغاية اما لونهم يبقى دهبى وتحطيهم فى الملوخية وتسمى بالله وانتى بتحطيها وتخليها تغلى غلوة وتطفى وصدقينى هتبقى زى الخضراء
- فراخ بننضفها كويس ونغسلها ونسلقها فى مية مغليه مع حبهان ومستكة وورق لورا وكمان مرقة ماجى ونطلعها نحطها فى الفرن وممكن نحمرها
- ولحمة هنسلقها كويس ونشيلها من الشوربة ونحمرها بس هنجيب شوية توم وشوية كسبرة ونحمرهم ونحط اللحمة تتحمر وبنحط معلقة شوربة عشان تاخدمن التوم
- وشوية مخللات حلوين عشان يفتحوا النفس
وبالف هنا يارب
-
استنوا استنوا رايحين فين تعالوا هنا انتم لسة ماخدتوش حلويات - جلاش نجيب لفة جلاش ونجيب صينية وندهنها سمنة ونفرد الجلاش ونحط الحشوة بتبقى جوز الهندوسودانى وعين جمل ونرشها كويس ونحط سمنة معاهم بس حتت صغيرة او لوسايحة نرشرش بالمعلقة ونكمل فرد وندهن وشها بالسمنة ونحطها فى الفرن واماتطلع نحط لها الشربات وبيتعمل بكوباية مية وكوبايتين سكر ونص ليمونة ورشة فانيليا
- بسبوسة بنجيب كيس بسبوسة وكوباية لبن وكوبايتين زبادى وسط ومعلقتين سمنة كبار ونقلبهم مع بعض ونحط جوز الهندولومفيش فانيليا وبيكنج بودر فى االكيس نحط حاجت بسيطة ونصبها فى صينية مدهونة سمنة ونحط على وشها السودانى او البندق اوفيها ونحطها فى الفرن واماتخرج يبقى عندنا شربات بدرجة المطبخ ونسقيها على طول
- وطبعا مننساش الشاى والقهوة والنسكافيه
- اه نتمشي شوية عشان نهضم ونحضر العشاء وده هيبقى جبنة بيضاء وجبنة رومى وبيض وخيار وزبادى
- ونورتونى كلكم ويارب مشاركتى تعجبكم ومعلش انى بكتب بالعامية بس لانها بتتفهم بسرعة واناسعيدة بتواجدى معاكم واحبكم كلكم فى الله وبحبكى يارورو ودى مشاركتى فى مسابقة اكلينا على ذوقكى حاجة بسيطة عشان ترويق العيد بقه كل سنة وانتم طيبين وبصحة وسعادة نورا
-
إظهار التوقيع
توقيع : شقاوة آنثى
التوقيع لا يظهر للزوار ..
رد: عزومتى لمسابقة اكلينا على ذوقكى
إظهار التوقيع
توقيع : dodo modo
التوقيع لا يظهر للزوار ..
رد: عزومتى لمسابقة اكلينا على ذوقكى
إظهار التوقيع
توقيع : شقاوة آنثى
التوقيع لا يظهر للزوار ..
رد: عزومتى لمسابقة اكلينا على ذوقكى
إظهار التوقيع
توقيع : sweet flower
التوقيع لا يظهر للزوار ..
رد: عزومتى لمسابقة اكلينا على ذوقكى
إظهار التوقيع
توقيع : شقاوة آنثى
التوقيع لا يظهر للزوار ..
رد: عزومتى لمسابقة اكلينا على ذوقكى
رد: عزومتى لمسابقة اكلينا على ذوقكى
إظهار التوقيع
توقيع : ريموووو
التوقيع لا يظهر للزوار ..
رد: عزومتى لمسابقة اكلينا على ذوقكى
رد: عزومتى لمسابقة اكلينا على ذوقكى
إظهار التوقيع
توقيع : شقاوة آنثى
التوقيع لا يظهر للزوار ..
رد: عزومتى لمسابقة اكلينا على ذوقكى
إظهار التوقيع
توقيع : حفيدة عائشة
التوقيع لا يظهر للزوار ..
رد: عزومتى لمسابقة اكلينا على ذوقكى
إظهار التوقيع
توقيع : شقاوة آنثى
التوقيع لا يظهر للزوار ..
تنبيه اداري
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| رمضان كريم قرب وهل هلاله ( تابعا لمسابقة قسم حوارات ) | الاميرة النائمه | حوارات اجتماعية مفتوحة | ||
| التصويت لمسابقة حول العالم في اسبوع مسابقة مطبخ عدلات | لولو حبيب روحي | مسابقات الاقسام | ||
| الستطلاع النانى لمسابقة قسم الديكور | رتوجى | تأثيث المنزل | ||
| الاستطلاع الثاني لمسابقة قسم الفرفشة احلي موضوع | لولو حبيب روحي | فرفشة عدلات | ||
| الاستطلاع الاول لمسابقة احلي موضوع في قسم الفرفشة | لولو حبيب روحي | مسابقات الاقسام | ||
الساعة الآن 08:45 AM
جميع المشاركات تمثل وجهة نظر كاتبها وليس بالضرورة وجهة نظر الموقع