تعالي احكيلنا يوم ولادتك كان .ااازاي

ازيكم الاول انا الحمدلله ربنا رزقني ببنتي الاولي ويوم ولادتها ماكنشي متوقع لان المفروض كنت اولدمتاخر شوية بس انا كنت تعبانة كتير وماقدرتش استحمل وولدتني الدكتورة وربنا رزقني ببنوتة جميلة الصراحة اليوم ده كان فيه ناس كتيرة معايا وزوجي كان موجودكمان وكان قلقان كتير لدرجة انهم طلعوا بنتي الاول طبعا انا ولدت قيصري ووضعوها بالغرفة واذن في اذنها طبعا ووضعها وخرج يستناني مع امي وهما قلقانين عليا قوى والحمد لله خرجت بس اول ماابتدي تاثير الحقة يروح طبعا كانت بنج نصفي لان قلبى كان تعبان الالام ابتدت تهاجمني غير ان ظهرى اتاثر كتير وقعدت 10 ايام مش عارفة امشي اما الولادة التانية كانت صعبة جدا جدا ربنا مايوريكومش اللى انا شفته انا تعبت جدا في العيد اللي فات وجاني طلق مبكر انا كنت في نهاية السابع وتابعت مع الدكتورة في التليفون وزوديتلي دواء اسمه ريتو بار وده طبعا كان بيتعبلي قلبي جدا وكمان بيسبب رعشة شديدة لدرجة ان اللى كان بيجي يسلم عليا كان بيحس برجفة شديدة في جسمي وبعد مانتهي اسبوع العيد قمت في يوم وانا وشي متورم جدا طبعا رجلي كانت متورمة قبله ووجود زلال فى التحليل عندى طبعا رحت للدكتورة وفوجئت بمنظري وقاست الضغط طلع160\100 وطبعا ديه كانت اعراض تسمم حمل وقالت لازم ادخل المستشفي تحت الملاحظة وحاولت اهدى من نفسي لكن كان في شئ بيقوللى خلاص مافيش فايدة وادتي كانت تعبانة ومش بتخرج من البيت وزوجى كان في شغله مسافر ومايقدرش ييجي واللي راحت معايا مرات خال لاني ماعنديش اخوات خالص وقعدت معايا طول فترة المستشفي الله يباركلها هي من سني علي فكرة وعندها بنوتين وسابتهم مع خالو المهم ماستجابتش للادوية وابتدى يحصل في وجهي تشنجات الدكتورة جات وقالت لازم تولدى الصبح بسرعة وقضيت ليلة طويلة جدا ربنا مايعودها وطول الليل محاليل وحقن عشانالحالة ماتتطورش وجه اهلي الساعة7 صباحا وبعدها الدكتورة ودخلت بسرعة غرفة العمليات وولدتني وطبعا دخلت بنتي الحضان وانا كانت حالتي النفسية متدهورة جدا وروحت تاني يوم بعد ماشوفتها 3 مرات ويه كانت اخر مرة اشوفها الله يرحمها بالمناسبة هي اسمها مايا ادعولها بالرحمة استئذنكم لانى مش قادرة اكمل مع السلامة