اسمع كلام جوزى وانزل مصر اولد والا لا

هدي نفسك الاول واستغفري ربنا
مينفعش تتمني الموت حرام عليكي وكمان للطفل الي لسة متولدش لازم تفكري فيه ده هو الي هيسعدك ويخفف عنك اي حاجة مزعلاكي
بصي صلي استخارة وشوفي انتي هترتاحي لاي
الموضوع مش مستاهل زعل وعياط حرام صحتك وصحة الطفل
طيب حاولي تكلمي مامتك قوليلها انا عاوزة انزل اولد فمصر ينفع اجيلك لو قالتلك لا قوليها ماشي بس يا ماما هنزل عند حماتي لانه صعب اولد لوحدي وشوفي رد فعلها اي
وبعدين يا حبيبتي الام مهما عملت هتفضل امك اكيد هي اكتر واحدة بتحبك في الناس دي كلها متشيليش منها اوي كده
استهدي بالله عليكي يا حبيبتي بقيام الليل والدعاء لانه ربنا اقرب لينا من اي حد واهدي وتفائلي كده

وبعدين اي راجل بيكره الست الي بتعيط على طول
يا حبيبتي متخربيش بيتك وتنكدي على نفسك اضحكي كده وانسي الي فات خلاص انتي اتجوزتي الي فات مات عيشي حياتك انتي وجوزك يا قمر يعني واخرة الزعل والخنقة اي يعني احنا هنعيش كام كرة بالعكس انيت المفروض تعوضي الي فاتك وتنبسطي مع جوزك حاولي تحبيه اكتر وتتقربي منه بلاش تشاؤم يا قمر

بصى ياقمر اولا انا لو منك هعتمد على نفسى وهولد لوحدى طبعا هتستغربى وهتقولى ازاى ؟
هقولك ان محدش بينفع حد فى الوقت ده غير نفسه انا عارفه ان الولاده متعبه وانك هتكونى تعبانه ومش هتقدرى على رعاية نفسك والبيبى بس هقولك حاجه ربنا مبينساش حد انتى بس توكلى عليه كويس واعملى اللى عليكى وسيبك بقى من امك ومن جوزك ومن حماتك ومن الهم ده كله بقى هو عايزك تروحى تولدى عند حماتك؟ طب ازاى وهيا كانت بتقولك متتصليش بيه عشان هو قاعد معاكى طول السنه بقى ده منظر واحده هتخدمك وتشيلك ده غير انهم ممكن يسمعوكى كلام متقدريش تتحمليه وانتى لسه والده وتتعبى نفسيا اكتر واكتر هنا بقى هيبقى تعبك نفسيا اصعب كتير من تعبك جسمانيا لو ولدتى لوحدك
عايزه اقولك ان فيه ستات كتير بتولد ومن غير الام او الزوج او الحماه او اى حد خالص لظروف خارجه عن الاراده مثلا
اعتبرى نفسك انتى من دول بس فى حاجه عايزه الفت نظرك ليها مينفعش ابدا انك تنزلى مصر عند امك شويه وعند اختك شويه لأ ياحبيبتى انتى لازم يكون ليكى سكن خاص بيكى فى مصر حتى لو اوضه وصاله اهو اى حاجه تقضى الغرض ولو مش هينفع يبقى تشترطى عليه ياخدلك حاجه مفروش تقضى فيها الاجازه كل سنه اما كده او متنزليش معاه مصر بعد كده عشان متطمرمطيش المرمطه دى تانى وتحسى انك عبء على حد هو ملزم يجيبلك مكان تقعدى فيه معلش اعذرينى مامتك عندها حق فى الموضوع ده
وفى الاخر عايزه اقولك توكلى على الله واحتسبى وان شاء الله ربنا هيعوض صبرك خير ويرزقك كل خير

[font=""][color=""][size=""][font=""][color=""][size=""]
شكرا لردك عليا انا عاوزة اقول حاجة كمان جوزى عاوزنى اولد فى مصر عشان كمان اخلص اجراءات واوراق المولود يعنى اروح اعمل شهادة الميلاد واروح اعمل جواز السفر وكمان اعمل اجازتى عشان انا واخدة اجازة من الشغل عشان السفر
هو قالى انه ممكن يأجر لى شقة فى مصر لو مش عاوزة اقعد عند امه واولد وانا مش عارفة الكلام ده ممكن يتعمل ولا لا خصوصا ان ممكن حد من اخواته يقوله وتأجر شقة ليه وتدفع فلوس ما تخليها تقعد عند امك وكمان هقعد فى الشقة لوحدى واولد لوحدى برضو
واللى مزعله انى بقول له لو ولدت تقطع اجازتك وتيجى زعلان على الغرامة اللى هيدفعها لشركة الطيران لما يأجل ميعاد السفر بتاعه[/size][/color][/font][/size][/color][/font]