أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

زوجى ولا أهلى

إضافة رد  أضف للمفضلة
https://3dlat.com/showthread.php?t=137834
6399 15
#1

زوجى ولا أهلى

[FONT=""][COLOR=""][SIZE=""]انا زوجى مسافر وكان كل اسبوع يكلمنى كنا بنبقى مستنين نشوف بعض على النت . وعلى سؤال بسيط هب فيا وقالى انتى تسمعى اللى بقولك عليه قولتله طيب مش افهم قالى مالكيش فيه اعملى اللى بقولك عليه وبس .

المهم بقلنا دلوقتى حوالى اسبوعين مش بيكلمنى خالص ولاتليفون ولا نت وهو عارف ان تليفونى عطلان عشان ماحدش يقولى ما اتصلتيش انتى ليه وكل يوم كنت بفتح النت واستناه مع العلم ان اخوى معاه وللاسف زوجى اللى بين اننا زعلانين مع بعض امام اخى يعنى مش بيروح معاه السايبر يكلمنى زى الاول وكمان قالب وشه مع اخوى فقلتله معلش طول بالك وخليكوا كويسين مع بعض
على فكرة ده طبع زوجى ماشاء الله طبع اسود ومنيل على الهايفة يلوى بوزه ويخاصمنى ولو ايام وشهور عادى ولا يسأل ده واحنا كنا مع بعض قبل السفر يعنى مابالكم لما يكون بعيد اديكوا شايفين مش عارفة اعمل معاه ايه
دلوقتى جبت تليفون جديد وبرن عليه مش بيرد عليا اخوى بيكلمنى انا وامى وهو مش بيكلمنا خالص امى لاحظت عدم كلامه واتصاله بيا زى الاول طبعا زعلت جدا مش معقول واحد بعيد عن مراته ويخاصمها على ايه شئ تافه مايستحقش والله كل ده يلا تلكيك
مش عارفة اعمل ايه تنصحونى بايه ياعدولات افيدونى اسيبه براحته وده ممكن يطول جدددددددددا ولا اكلمه







المهم عملت بنصايحكم وبعتله رسايل لحد ماإتصل بيا بعد ماقلتله انى لوحدى وناقصنى صوتك وكدة فإتصل بيا . عتاب وقلب الغلط عليا أنا وقالى أهم حاجة عندك أهلك أنا مش مهم عندك أنا عندك ولاشئ . وقولتله كلمنى زى الأول على النت قالى مش مكلمك تانى دى آخر مرة

وكمان أخوكى متغير معايا قولتله زعلان منك عشان مخاصمنى انت اللى بينتله انك زعلان معايا . وقولتله مفيش حاجة مستاهلة كل ده قالى انتى مشفتيش كنت بتكلمينى ازاى والله والله أنا ماقصدت احاسبه بس كنت بسأله الحاجة دى (كانت لزوجى وأخويا معا ) اللى عملها اخوك بكام بس فهمها انى بحاسبه او مش واثقة فى كلامه وانى عاملة على اخويا عشان مايدفعش أكتر . أخويا ده ياما وقف جنبة وساعده


وقالى اخوكى عندك أحسن منى أنا عملتلك كل حاجة واتغربت عشانك وقعد يرصلى بقى وأن كان حد وقف جنب التانى يبقى أنا وربنا شاهد انى واهلى ساعدناه بما يكفى والله مفيش حد وقف مع زوج بنتهم زى أهلى وعشان خلاف على شراكة بينهم فى شغل حصل كل البعد ده بينه وبين أهلى ونسى كل شئ

ومن وقتها مش طايقهم ولا عايزنى أروح عندهم هما بيجولى يعنى أقاطعهم يعنى عشان يرتاح ولا اعمل ايه

الدين دايما بيحث الزوجة انها تخلص لزوجها وتحبه عن اى حد تانى انتو فاهمنى طبعا مش من السهل خالص انى ابعد عن زوجى

المهم دلوقتى أنا مش عايزة أبعد عن زوجى وخصوصا لينا 6 سنوات زواج صحيح مفيش أولاد لكن الحياة ماشية أنا الكلمة الحلوة والسعادة بالنسبة لى زى المياه بالنسبة للنبات الحزن والكآبة بيعملوا فيا عمايل ونفسيتى تعبانة اوى وزوجى عارف كده كويس ورغم كده مصر على خصامه ومش بيرد عليا ببعتله ببعتله رسايل مش راضى يرد برده


أعمل ايه انا زهقانة جدا ومش عارفة أنام ولا أعمل أى حاجة تنصحونى بإيه أنا بثق جدا فى آرأكم ونصايحكم وربنا يفك ضيقة كل متضايق ياأرحم الأرحمين


وشكرا ليكم ياعدولات[/SIZE][/COLOR][/FONT]


#2

افتراضي رد: زوجى ولا أهلى

ربنا يهديهولك حبيبتي الغربه ياما فيها يمكن في حاجه مضايقاه ربنا يهديه
حاولي تصلحي بين اهلك وبينه وان شاء الله خير
وهو طبعا مافيش حد يقدر يستغنا عن اهله ولا عن جوزه
وان شاء الله الموضوع مش يوصل لحد الاختيار لانه صعب جدا
إظهار التوقيع
توقيع : بطه
#3

افتراضي رد: زوجى ولا أهلى

الدين دايما بيحث الزوجة انها تخلص لزوجها وتحبه عن اى حد تانى
بالعكس ربنا يحاسبه لو أجبرك على قطع رحمك وبعدين حب الزوج مختلف عن حب الأهل ده حاجة وده حاجة
اسمعي جوزك علاجه الوحيد هو الإهمال طنشية شوية ومتسأليش فيه ولا تكتبيلوا ولا تتلفنيلوا وحتستغربي على النتيجة
هو فاهم انك مش بتطيقي خصامو عشان كده بيزيد فيها جربي تهمليه واصبري شوية

إظهار التوقيع
توقيع : نيڨين
#4

افتراضي رد: زوجى ولا أهلى

اممممم

بجد مش عارفه اقولك ايه

الموضوع اطور اوى وزاد عن حده وانتى فهمانى
يعنى مش كفايه كل اللى حصل قبل كده ودلوقتى حتى وهو بعيد بيرجع لعمايله دى معاكى
ربنا يهديه بس

حاولى تنفذى كلام نفين وتسيبيه فتره كده لحد ماهو يتصل بك
وربنا يهديه لك
إظهار التوقيع
توقيع : ريموووو
#5

افتراضي رد: زوجى ولا أهلى

بصى حبيبتى انا من راى نيفين

وفى نفس الوقت اشغلى نفسك بحاجات تانية عشان متتعبيش واستغفرى وادعى
#6

افتراضي رد: زوجى ولا أهلى

ادعى دايما وقولى اللهم سخر لى قلب من أحوجتنى اليه ويارب يهديكم لبعض وطمنينا عليكم لما تتصلحواوربنا يرزقكم الزرية الصالحة
#7

افتراضي رد: زوجى ولا أهلى

انا رائي من رائي البنات وربنا يهديلك الحال يارب
إظهار التوقيع
توقيع : عابده الرحمن
#8

افتراضي رد: زوجى ولا أهلى

بصى حبيبتى الموضوع فى كذا نقطة
1- الهايفة يلوى بوزه ويخاصمنى ولو ايام وشهور عادى
انتى اسبب فى النقطة دى ليه؟
لانك من الاول مش خدتى موقف زعل وخصمك صلحيه مرة اتنين تلاتة بس واستوب
وبعد كده ميكلمكش ومتكلمهوش عمليه بنفس الاسلوب وطبعا دلوقتى هو عارف انك كده كده هتجرى وراه
2- الدين دايما بيحث الزوجة انها تخلص لزوجها وتحبه عن اى حد تانى انتو فاهمنى طبعا مش من السهل خالص انى ابعد عن زوجى
ايوه صح لكن مش معنى كده انه يهملك وتجرى انتى وراه عمليه بالحسنة بس مش تتنزلى وتدلئ فى فن تعامل وبعدين اتقلى التقل صنعة زى ما بيقولوا وبعدين حبيه اكتر من اى حد بس الحب انواع حب الاهل غير حب الزوج غير حب الاولاد فرقى فى تعاملاتك
3- امى لاحظت عدم كلامه واتصاله بيا زى الاول طبعا زعلت جدا ،وكمان أخوكى متغير معايا قولتله زعلان منك عشان مخاصمنى انت اللى بينتله انك زعلان معايا
سورى يعنى هما ملهم ليه تدخلى اهلك بينك وبين زوجك المفروض اخوكى ميزعلش ويتعامل عادى حبيبتى دى علاقتكوا الزوجية وممتك المفروض تكون حمامة سلام تهديكى وتصبرك وتدعيلك انتى وزوجك ولو زعلت مش تبين وانا مش بقولك متحكيش بس مش لاهلك عشان ميبقاش فى حساسية بينهم وبين زوجك
4- و الاخيرة وربنا شاهد انى واهلى ساعدناه بما يكفى والله مفيش حد وقف مع زوج بنتهم زى أهلى
ده بقى المصيبة الكبرى لو هو حاسس بأنك بتمنى عليه انتى واهلك
اهلك ساعده اه بس ساعده بنتهم الاول يعنى لو هو مش كان هيتجوزك كانوا ساعده ؟؟؟؟؟؟؟!!!!!!!!!!!!!!!!!!!!!!!!!!!!!!!!!
وبعدين اوعى تعتقدى ان مفيش حد بيعمل اللى انتى واهلك عملته لا فى كتيرررر بس مش كل الناس بتحكى وكمان لو مش كل الناس تساعد كانت بناتهم قاعدوا جمبيهم
حسن الختام فكرى فى النقط دى وحولى تحليها اتقلى شوية متكلمهوش قبل ما يكلمك وادلعى عليه ومتدخليش اهلك وجمدى قلبك وهتعدى
#9

افتراضي رد: زوجى ولا أهلى

ربنا يهديهولك يا حبيبتى ويهدى سرك
إظهار التوقيع
توقيع : Frawla
#10

افتراضي رد: زوجى ولا أهلى

معهلش تحملى شوية يمكن تعبان فى شغلة ورينايهدية
#11

افتراضي رد: زوجى ولا أهلى

ربنا يهديهولك
#12

افتراضي رد: زوجى ولا أهلى

ربنا يصلحلك الحال
#13

افتراضي رد: زوجى ولا أهلى

هلا حبيبتى مشكلتك اثرت فيا جدا وحلها الصبر والدعاء المستمر وادخلى انقلى الدعاء المهم من موضوع كيف تملكين قلب زوجك هو موضوعى والدعاء مهم جدا ده اولا. ثانيا اوعى تملى وللاخر استميلى عطفه لكن اوعى تبينى له انك بتموتى من غيره بس كفاية تعبرى له عن شوقك لوجوده ولصوته . ثالثا بطريقة لطيفة اعملى توازن بين الطرفين اهلك وزوجك لكن داخليا طبعا انتى ميالة لجهة زوجك ده جوزك يابنتى صعب انا عارفة حسسيه هو انك ميالة لجانبه مع عدم الغلط ف حق اهلك وان الموضوع وصل لحدود الله يبقى لازم تقفى بس لازم ده يكون بسنس عالى يعنى حس عالى 6 سنين كافيين اوعى انك تعرفى طباع الراجل ده ومداخله عيوبه ومميزاته يبقى نصبر ونروق ولانمل من استمالة الاخرلصفنا بل اكتر من كده مثلى على اهلك انه كويس معاكى وبيكلمك ومش مقصر لحد ما نعرف اخرتها ايه معاه بس لازم تكونى انتى للاخر الطرف اللى مغلطش ومقطعش وحاول كتيير وصبرودايما قولى حسبنا الله ونعم الوكيل امورك حترجع لمجاريهاصدقينى
إظهار التوقيع
توقيع : نسرين جابر
#14

افتراضي رد: زوجى ولا أهلى

شوفى يا قمر وانتى بتتكلمى كانك بتتكلمى عنى بالظبط بس الفرق انى بقالى 12 سنه متجوزه
على اهيف حاجه يزعل واجررررى وراه اصالحه واحايله حتى ولو مش غلطانه
وبعدين فجأه حسيت انى زهقت انا معملتش حاجه تزعله بجد
أخدت جنب وطنشت بعد شويه لقيته هوة اللى جاى يكلمنى لوحده ويقولى ايه اللى زعلك قوى كدة المرة دى ومكلمتينيش خالص
عرفت من ساعتها ان التطنيش علاج لطبعه دة
وتصدقى جاب نتيجه
بس خليكى ناصحه ومتحاوليش تخليه يفكر ان اهلك مقويينك عليه
#15

افتراضي رد: زوجى ولا أهلى

لا حول و لا قوة الا بالله كما قالو عدولات طنشيه و اصبري ولاهي روحك باش ماتبقايش تخمي فيه ولازم اهلك مادخليهمش فى مشاكلك و كل واحد فى مكانه طيعى زوجك الا فى معصية الخالق ربي يفرج عليك
#16

افتراضي رد: زوجى ولا أهلى

ربنا ييسرلك امورك ويهديهولك وربنا معاكى
إظهار التوقيع
توقيع : نجوم الليل


قد تكوني مهتمة بالمواضيع التالية ايضاً
الموضوع كاتب الموضوع المنتدى
لماذا اعتنقنا الاسلام واحببناااااااااااااا اااااااه sho_sho المنتدي الاسلامي العام
ادعيه من السنه النبويه , بعض الادعيه من السنه النبويه الشريفه محبه لله السنة النبوية الشريفة
المواعظ الغالية راجين الهدي المنتدي الاسلامي العام
الصلاة الصحيحة’تعلمى اختى الصلاة الصحيحة شقاوة آنثى الحملات الدعوية
تعالوا ورايا يا رجاله عمرحبيب مامي فرفشة عدلات


الساعة الآن 07:55 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل