قصيدة مدح خال المؤمنين معاوية رضي الله عنه وأرضاه

بسم الله الرحمن الرحيم
قصيدة في مدح الخليفة معاوية بن أبي سفيان ــ
رضي الله عنه وأرضاه..
أبتوكل على ربً كريمً كافل الأيتام=
ولا خيب دعا عبدً شكى الدنيا وبلاويها
نبض في داخلي حب الصحابه والصحابه أعلام=
فخر فيهم..وأنا أشفق على منافق يعاديها
دعاني الشعر لبيته أبمدح صارمً ضرغام=
إذا شعري غدى الداعي أنا لبيت داعيها
صحابي كاتب الوحي المنزل بأمة الإسلام=
على خصاله قصيده حيل هي تبكي قوافيها
ابن سفيان هزبرها حكيمً عادلً مقدام=
ابن سفيان من غيره أنا بمدح معاويها
ابن سفيان من حبه تفتت من غلاه عظام=
لأنه زاهدً عالم حقوق الناس يعطيها
مخصص مال لآل البيت لآل البيت عز مقام=
معاهم دايمً يملي دراهم دوم بيديها
دهاءه حيل ما يوصف دهاءه روض الحكام=
أشوف الشام مشتاقه لشوفه في ضواحيها
دعاله سيد الأمه يقاه الله من الآلام=
ويهدي من على يده جموع يصير هاديها
عسى مزنً تجي قبره وترزم من رعدها رزام=
وتمطر ساقيه قبره زهور الأرض تحييها
أنا ما أوفيه في شعري ولا يوفي حبر الآقلام=
لأنه سيرةً عطره تبكي عين قاريها
على هرقل على كسرى على وجيه الكفر لطام=




غزى هرقل ومن غيره الآول كان غازيها
على أخير ملوك الأرض على أول ملوك الشام=
على مهلك جيوش الروم لا علًيت نواصيها
كثر ما رددوا ناسً بمكه يلبسون احرام=
لو آجيب القصايد في صفاته كيف بحصيها