بتمنى ان الموضوع ده يتثبت ولو حتى يوم لأنه هام جدا ونفسي الكل يقرأوه
حبيت اتكلم معاكوا في موضوع هام جدا
بخصوص اللي المسلمين بيعملوه دلوقتي
مش قصدي ع السياسة والكلام الفاضي ده
أنا بتكلم على حال الناس دلوقتي
مين عاجبه الست اللي ماشية ملزق ومحزق وعريان وعاملة وشها قوس قزح ومنزلة القصة
واللي الاسترتش اللي بنلبسه تحت الجيبات بقى هو مكان الجيبة والبنطلون وكل حاجة
وفوق كل ده ماسك جدا على الرجلين وقصير مووت
وقال ايه لابسة بوت طويل يداري
ولا البنت اللي ماشية متأنتكة ومشيتها مشية مايصين ومتدلعين وفاكرة تبسمك في وجه اخيك صدقة انك تبتسم لأخيك مش تبتسم لأختك
ولا البنت اللي صوتها يسمع الشارع من أول مطب لزق لأخر حجر فيها
وما أقولكوش بقى ع المياصة دي مافيهاش خلاف
ولا الراجل اللي كانوا زمان بيقولوا انه شهم وشجاع دلوقتي فاتحلنا زراير القميص وكأنها مقطوعة
ومجلجل لنا شعره ولابسلك ساعة ع الموضة والحزام مايل
وطبعا ما ننساش النظارة الشمسية في عز البرد !!!!!!!!!!!!
ولا الراجل اللي لما يلاقي حد بيموت قدامه وبيغرق ويقول
وانا مالي وانقذهم ليه هو انا اعرفهم ؟؟؟؟؟؟!!!!!!!!!
وبعدين يعني الأعمار بيد الله
يا عيني صعبت عليا ، عارف يعني ايه الله قبل ما تتكلم لو سمحت ، أصلي دماغي قفلت من كلامك
ولا الراجل اللي كانوا بيقولوا عليه راجل زمان وقد المسئولية يغيب من الشغل عشان ينزل الشارع يدورله على اللي بيسموها موزة ولا لوزة
لا لا بيسموها مزة ( حسبي الله ونعم الوكيل )
ويقعد يعاكس فيها براحته ومش مراعي سمعتها
واللي غايظني اكتر ان فيه ناس كل ده بيبقى في مرئ الأب والأم وسمعهم وهما عارفين كل ده وبيسيبوا ابنهم يخرج ويدخل على مزاجه وبنت تحط مكياج وتلبس محزق عادي جدا
ماهي لسة بنت وفي عز شبابها وما ينفعش نقيد حريتها اوي كده
وتلاقيها عندها ييجي 35 سنة أو
ايه اللي حصل عشان نبقى كده ؟
خلاص ما بقيناش من أمة محمد ؟
ولا القرآن اللي تلاقي واحدة عندها 30 سنة ومش حافظة الا قل هو الله أحد وسور صغيرة ومش حافظة مثلا غير حديث تبسمك في وجه أخيك صدقة عشان قال ايه بتعمل بيه ..
ده سيدنا محمد بيقول : تركت فيكم ما ان تمسكتم به لن تضلوا بعدي أبدا كتاب الله وسنتي
والحديث صحيح أكيد عارفينه
رسولنا الصادق الأمين العفيف معقولة مش مثلنا الأعلى ؟
هتقولي ما هو راجل وأنا بنت ازاي يبقى مثلي الأعلى ؟؟؟
الرسول بُعث لكل الناس ولاد وبنات
كل المسلمين المفروض يتمسكوا بدين محمد
مش شريف وحسني والسيد وسامي حبايبهم
واسمع واحدة بتقول ااااااااااااااه بموت في جمالهم
لا يا روح قلبي الرسول اجمل واحلى واطيب انسان في الدنيا دي كلها
ربنا شال من قلبه الكراهية والعدوان اللي بيبقوا في قلوب الناس
عايزة تساوي حبيبك بحبيبي انا
أيوة الرسول ده حبيبي بحبه اوووووووي ونفسي احلم بيه وابقى معاه في الجنة
عايزة تساوي حبيبك شريف أو محمد أو محمود أو كريم بحبيبي أنا رسولي صلى الله عليه وسلم ؟
بتهتمي بجمالك في الدنيا قدام الناس ؟؟
معلشي يارب اصلي كان نفسي أتعاااااااااااكس ؟؟؟؟؟؟؟!!!!!!!!!!!!!
طب تردوا عليها وتقولولها ايه يا جماعة
باباكي ومامتك عارفين انك بتحبي وبتخرجي مع واحد وبتغمزيله والحاجات الهم دي ويمسك ايديكي وتمسكي ايديه ؟؟؟؟؟؟؟
......... لا تعليق .........
واحدة صاحبتي من العاقلين ما شاء الله عليها
واحد كان بيحبها وهي ما عبرتهوش
فهي ما رضيتش وقالت حرام اصلا اني اتكلم معاك لأنك ما تقربليش حاجة
قام قايلها بس احنا اخوات مش كده ؟
والمفروض الأخ يفسح اخته
( شيلتي الشبشب من جنبي ليه يا بت يا فتحية )
روح فسح اخواتك احسن من الهم التقيل ده
والبنت ما اتكلمتش ولا ردت
لو أختك يا أستاذ يا بيه هتعمل كده ؟
......... لا تعليق .........
لو أمها مااتت م الحسرة عليها هتعمل ايه
يا بنتي سيبيني اعيش حياتي مين عارف امتى هيموت
الله عليك صقفة كبيرة يا جماعة
يا بت يا فتحية هاتي الشبشب
وهاتي معاه شوية بنزين ولا اقولك بلاش عشان الأزمة اللي في البلد هاتي الجاز وعلبة كبريت أولع فيه وأخلص منه
موت ايه .. والاا وكبرت وعرفت انك ممكن تموت في يوم من الأيام يا حصبالة
اه صحيح ما انت بتجهز دلوقتي
للدرجادي عاجباك النار ؟؟؟
خلاص يا استاذ هي مش هتمانع لأنها معمولة لأمثالك
وانتي يا حبيبتي يالي عايزة تتعاكسي
ها لقيتي ابن الحلال اللي يبص عليكي ويشم ريحة برفانك عشان تبقي زااااااانية !!!
قال الشيخ الألباني في صحيح النسائي : (( أيما امرأة استعطرت فمرت على قوم ليجدوا من ريحها فهي زانية )) حديث حسن
أه ولقيتي الفرحة اللي كنتي بتحلمي بيها لما تلاقيه جايبلك ورد وتلاقيه بـبريزة من أسوأ محل عشان يا حبيبتي ما تكلفيهوش
أصل بعدك هيحب تاني وهيضحي ببريزة تانية فلازم يقتصد شوية ده مستقبل أجيال
أقول ايه اكتر من كده يعني
الموضوع ده واخد 5 صفحات على الـword
صوابعي ورمت وانتوا زمانكوا دماغكوا قفلت
بس ياريت صوابعي اللي بتصوت من كتر الكتابة دي تراضوها بإنكوا تتغيروا بجد
وتبقوا زي البنات العفيفة اللي لابسة لبس محترم
الناس دي بحترمها جدااا لانهم بقو قليلين اووى فى الزمن دة
غلط فظيع يا زهرتي بجد .. ادخلي يمكن تفهمي قصدي ايه
رد: غلط فظيع يا زهرتي بجد .. ادخلي يمكن تفهمي قصدي ايه
قد تكوني مهتمة بالمواضيع التالية ايضاً