أو

الدخول بواسطة حسابك بمواقع التواصل

#1

افتراضي [نظافة] لوعندك دم بعد اللى هتسمعيه عمرك ما هتسيبى بيتك مش نضيف ابدا

بصوا يا بنات انا اترددت كتير انى اكتب الحكاية دى لانها بصراحة حاجة تكسف ولانى ليا اصحاب كتير فى المنتدى ومش عايزاهم ياخدوا فكرة وحشة عنى بس والله انا قلت لازم احكيلكم الحكاية دى علشان اى واحدة زى حلاتى نضافتها فى بيتها على ادها تاخد بالها ........ومن غير رغى كتير صلوا على النبى الاول ......عليه الصلاة والسلام
انا من اقل من شهر كنت رايحة مشوار برة البيت طبعا وانا نازلة كانت الشقة متبهدلة خالص ومش منظمة والمطبخ شرحوا المواعين مش مغسولة والبوتجاز مش نضيف والارضية تقرف المهم طبعا زى اى ست شاطرة المفروض تخلص شغل بيتها الاول وبعد كدا تروح مطرح ماهى عايزة لكن انا لا قلت خليه لما ارجع واروق براحتى
المهم مكترش عليكم رحت مشوارى وفى المشوار دا وقعت وايدى اتكسرت وبعيد عنكم الدكتور جبسهالى وطبعا روحت البيت بموت من كتر الالم وطبعا مفيش ساعة زمن والبيت اتملا ناس اهلى واهل جوزى وطبعا الشقة على الوضع اللى انا شرحتهولكم تضرب تقلب عارفين ساعتها اتمنيت انى كنت مت ولا انى الناس تشوف شقتى بالبهدلة دى
المهم طبعا بما انى دراعى متجبسة الكل عايز يخدمنى مرات اخويا واخوات جوزى وانا فى نص هدومى وخصوصا من مرات اخويا دى هى بنت كويسة جدا وعلاقتى بيها ممتازة بس البنت الله اكبر سوسة نضافة والله عمرى ما شفت شقتها الاوهى على سنجة عشرة تخيلو لما وحدة زى دى تنضف شقتى ولا خوات جوزى بقيت هموت من الكسوف منهم واقول يا ترى بيقولو عليا ايه فى سرهم
معلش انا طولت عليكم بس والله انا قلت اقولكم الحكاية دى علشان لو اى واحدة زى مقصرة فى حق بيتها تاخد بالها انتى متعرفيش مين هيدخل بيتك بعد شوية هل يرضيكى ان الناس تقول عليكى دى ست مش نضيفة اعتقد دا وصف صعب جدا على اى ست





يارب كل واحدة تستفيد من حكايتى وخفوا عليا فى التعليق لانى اتعلمت خلاص ويا ريت تقيمو الموضوع علشان الكل يستفيد وبالمرة فضيحتى تبقى بجلاجل هههه .


#2

افتراضي رد: [نظافة] لوعندك دم بعد اللى هتسمعيه عمرك ما هتسيبى بيتك مش نضيف ابدا

يسلمووووو ياقمر علي النصيحة وعندك حق في كلمة
إظهار التوقيع
توقيع : لولو حبيب روحي
#3

افتراضي رد: [نظافة] لوعندك دم بعد اللى هتسمعيه عمرك ما هتسيبى بيتك مش نضيف ابدا

ربنا يعزك ويحفظك يالولو
#4

افتراضي رد: [نظافة] لوعندك دم بعد اللى هتسمعيه عمرك ما هتسيبى بيتك مش نضيف ابدا

هههههههههههه

عادى ياقمر

بتحصل فى كل البيوت والله

يوم ما اكسل او اكون مش رايقه للشغل هب الاقى الزوار ورى بعض ويوم ما يكون البيت زى الفل ماتلاقيش ولا طفطوفه جايه حتى تدق الباب

هههههههههههه

ربنا يديك الصحه والف الف سلامه عليك

وشكرا للنصيحه الذهب دى
إظهار التوقيع
توقيع : ريموووو
#5

افتراضي رد: [نظافة] لوعندك دم بعد اللى هتسمعيه عمرك ما هتسيبى بيتك مش نضيف ابدا

كان تيته الله يرحمها دايما تقول مثل بخصوص الموضوع ده
بيقول ايه بقى المثل ده
اكنس بيتك ورشه ما تعرف مين يخشه
ههههههههههههه
الف سلامه عليكى حبيبتى
معلش بتحصل فى احسن العائلات
#6

افتراضي رد: [نظافة] لوعندك دم بعد اللى هتسمعيه عمرك ما هتسيبى بيتك مش نضيف ابدا

ااولا الف سلامة عليكى ثانيا شكرا على النصيحة بجد مفيدة
#7

افتراضي رد: [نظافة] لوعندك دم بعد اللى هتسمعيه عمرك ما هتسيبى بيتك مش نضيف ابدا

.
الف سلامه عليك

وان شاء الله نكون كلنا نظاااااااااااف

زى ما النبى وصانا
إظهار التوقيع
توقيع : sendrela


قد تكوني مهتمة بالمواضيع التالية ايضاً
الموضوع كاتب الموضوع المنتدى
جيرانك فى شارع عدلات تعالى عرفينا عليهم سوبر مامى حوارات اجتماعية مفتوحة
طريقة عمل شال كروشية مستطيل بالخطوات sho_sho الخياطة والكروشية والتريكو
وحصل كل دا غصب عنى khi] فضفضة وحل المشاكل
تاريخ مصر الخرافي اماني 2011 شخصيات وأحداث تاريخية
لعبة الاختلافات لافالانتينا فرفشة عدلات


الساعة الآن 07:13 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل