التبويض ودرجة الحراره الكشف عن التبويض بقياس درجة الحراره
اولا :
بتقيسي درجه الحراره كل يوم من بعد اخر يوم في الدوره وتبدأ تسجليها
وعشان تضمني درجه حراره مظبوطه لازم تقسيها في الصباح اول ما تصحي من النوم وقبل ما تقومي من السرير (دي المعلومه الوحيده الي قدرت اطلع بيها من المنتديات والمواقع العربي)
ثانيا :معرفه التبويض عن طريق درجه الحراره:
انتي طبعا كل يوم بتاخدي درجه الحراره هتلاقيها ثابته علي درجه معينه كل يوم( الا اذا لا قدر الله كان عندك حمي او زكام ) في يوم هتلاحظي درجه الحراره ارتفعت عن بقيت الايام التانيه الارتفاع ده بيكون من 3,الي 5, تقريبا او ممكن يكون درجه كامله علي حسب كل واحده بتختلف عن التانيه وقت ما تلاقي الارتفاع ده تعرفي ان فتره التبويض عندك عدت وان البويضه طلعت من قبل عشان كده لازم الجماع قبل اليوم ده ب 3 ايام او 5 يعني اليوم ده مش يوم التبويض لأ ده معناه ان التبويض خلص يعني الطريقه دي انتي بتقدري تعرفي منها ايام التبويض بتاعتك عشان الشهر اللي بعده تعملي حسابك يعني مثلا لو كانت درجه الحراره الشهر ده ارتفعت عندك يوم 16 من الدوره يبقي انتي فتره التبويض عندك 13 و 14 و15 من الدوره وب كده الشهر اللي بعده بأذن الله تقدري تركزي علي الايام دي
ثالثا :معرفه الحمل قبل الدوره عن طريق التغير في درجه الحراره :
علي حسب الموقع في نوعين من التغيرات نوع الاول حدوثه بيقي مش دليل قوي علي وجود حمل والنوع التاني حدوثه بيبقي دليل اقوي علي حدوث حمل اضمن من النوع الاول و طبعا في ناس مش بيحصلهم ولا اي نوع من التغييرين وبيكونوا حامل
النوع الاول اللي هو بيكون ممكن يكون اخره دوره:
بتكون درجه الحراره بعد الدوره ثابته كل يوم زي ما قلنا لحد اليوم اللي بيحصل فيه انها بترتفع (الارتفاع ده بيكون دليل علي التبويض انتهي ) بيحصل بعد كده ان درجه الحراره بتفضل مرتفعه في الايام اللي بعد يوم اول ارتفاع اذا حصل في الفتره دي انك في يوم لاحظتي هبوط في درجه الحراره وبعدها رجعت ارتفعت زي الاول ده ممكن ان شاء الله يكون دليل علي غرس البويضه في اليوم اللي حصل فيه انخفاض وتكوني حامل بمشيئه الله يعني النوع الاول بيتلخص في درجه حراره ثابته من بعد الدوره ثم ارتفاع اول مفاجئ بيستمرعده ايام ثم هبوط ثم ارتفاع مره تانيه
النوع التاني واللي ممكن يكون دليل حمل بنسبه كبيره :
درجه الحراره ثابته بعد الدوره كل يوم لحد يوم بيحصل في انها بترتفع (الارتفاع ده بيكون دليل علي التبويض انتهي ) وبعد اليوم ده اللي هواول ارتفاع بيحصل ان درجه الحراره بتنخفض (مش زي النوع الاول اللي بيكون الارتفاع مستمر ) اذا حصل ان درجه الحراره ارتفعت بعد الانخفاض ده من تاني يبقي ان شاء الله ده دليل انك حامل والنوع التاني بيتلخص في درجه حراره ثابته من بعد الدره ثم ارتفاع اول مفاجئ ثم انخفاض يليه ارتفاع ثاني
واخير ان حصل بعد كلا النوعين ان درجه حرارتك نزلت يبقي اعرفي اليوم ده ان الدوره هتشرف
طبعا زي ما قلت ان النوعين حدوثهم مش دليل قاطع علي الحمل وايضا عدم حدثهم مش دليل علي عدم وجود حمل كل واحده بتختلف عن التانيه بس الاغلبيه العظمي بيحصليهم تاني نوع وبيكون في حمل بعد مشيئه الله ونسبه اقل بيحصلهم النوع تاني وبيكون في حمل بعد مشيئه الله في الاول والاخير انا حبيت انقل المعلومه عشان حكايه الاعراض دي يا بنات مش اكيده ابد وتعب اعصاب اكتر دي طريقه علميه نسبتها احسن من نسبه الاعراض في الكشف عن الحمل
إظهار التوقيع
توقيع : هبه شلبي
التوقيع لا يظهر للزوار ..
رد: التبويض ودرجة الحراره الكشف عن التبويض بقياس درجة الحراره
إظهار التوقيع
توقيع : الملكة نفرتيتي
التوقيع لا يظهر للزوار ..
رد: التبويض ودرجة الحراره الكشف عن التبويض بقياس درجة الحراره
إظهار التوقيع
توقيع : ندى ام
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| جدول للاباضة و حدوث حمل.. | Nada Nodaa | مرحلة الحمل والولاده | ||
| امتحان علوم للصف الثانى اعدادى | ريموووو | المرحلة الاعدادية | ||
| أسعار قطارات الصعيد المكيفة من وإلى القاهرة (درجة أولى وثانية)، بعد قرار زيادة أسعاره | دكتورة مها | سوق عدلات النسائي العام | ||
| الحمى - السخونة - السخونيه - ارتفاع درجة حرارة الجسم Fever | وغارت الحوراء | العيادة الطبية | ||
| "الجمهورية" تنشر شروط القبول بالثانوي العام في المحافظات 225 درجة للثانوي العام بدميا | سارة سرسور | اهم الاخبار - اخبار يومية | ||
الساعة الآن 12:51 PM
جميع المشاركات تمثل وجهة نظر كاتبها وليس بالضرورة وجهة نظر الموقع