تعاولي حلوين اعرفوا الفرق بين النقد والنقد..؟؟!!

أولاً النقد الهدام:
ده زي ايه مثلاً يا عدولة
اكون انا عارضة تصميم او موضوع او...او...إلخ
تقوم جاية عضوة كده تقولي:
"إيه الموضوع البايخ ده"
شوفي 4 كلمات اهم والعضوة قالتهم في ثواني زي الصاروخ
بس شوفي اثرهم عليا عامل ازاي
ممكن اقعد اسبوع متأثرة بالكلمتين دول وبدل ما أتشاور معاها واشوف ايه الوحش
عشان اغيره بعد كده لأ أخد الموضوع تحدي وأكره العضوة دي واعمل كل مواضيعي بالطريقة دي
لإنها ما أفادتنيش بل ضرتني وجرحت مشاعري وممكن تنشأ عداوة كمان بيني وبينها بسبب كام كلمة..!!

ثانياً النقد البناء:
وده طبعاً أحلى نوع من أنواع النقد
لإنه ما يعتبرش نقد أد ما يعتبر نصيحة
لإنك بدل ما العضوة التانية قالتلي
"إيه الموضوع البايخ ده"
هتقوليلي انت:
"الموضوع جميل بس هيبقى أحلى لو شيلتي الكلمة الفلانية او لو غيرتي الخط
او لو كتبتيه بطريقة تانية...وهكذا بقن"
ويفضل كمان لو هتنتقدي اللي قدامك في حاجة شخصية أوي
تنتقديه ما بينك وبينه مش قدام الناس كلها عشان لو عملتي كده
تبقى دي اسمها "فضيحة"أو"نقد هدام"

وياريت ياعدولةقبل ما تنتقدي حد تفكري في الكلام كويس جداً قبل ما تقوليه
عشان كلامك مايكونش قاسي عليه وكما يستفيد منه
وحطي نفسك مكانه وشوفي هتزعلي ولا لأ
وفي الأخر نورتيني
ومستعدة للنقاش مع اي عدولةفي أي نقطة في الموضوع
مع السلامة

للنقدد ظروف واسس
فنحن لا نستطيع نقد شخص
بدون معرفة مشاكله
هنا يسمى ظلم وليس نقد
تحيتي لموضوعك الجميل
قلوب خضراء..