بان كيك البطاطس بالمشروم والسوسيس

ازيكم حبيباتى




النهارده جيبالكم وصفه جميله جدا
بان كيك البطاطس المحشى مشروم وسوسيس
المقادير
لخليط البطاطس
3بطاطس كبيره
بيضه
ربع كوب دقيق
ملح وفلفل اسمر
توم بودر
بصل بودر
ربع كوب لبن
زيت للتحمير
لحشوه البان كيك
ممكن تحشيه اى خلطه تعجبكانا هكتب الخلطه اللى استخدمتها
سوسيس مقطع شرايح
مشروم شرايح
فلفل الوان
بصل مقطع
نصف معلقه زبده
نصف معلقه من كل من
توم بودر
بصل بودر
بابريكا
اوريجانو بودر
ريحان بودر
ملح وفلفل اسمر
طريقه بان كيك البطاطس
اول حاجه نقطع الفلفل الالوان والبصل والسوسيس
ونجهز كل المكونات بتاعتنانحط نصف معلقه الزبده
فى حله اوطاسه ونشوح البصل دقايق على مايدبل
ونحط عليه المشروم يتشوح معاه شويه10 دقايق كده
وبعدين نضيف الفلفل الالوان والتوابل بتاعتناكلها ونقلب كويس
5دقايق كده ونطفى النار وكده الحشوه بتاعتنا جهزت
بالنسبه للبطاطس بتاعتنا نقشرها ونغسلها كويس ونبشرها
بالمبشره او لو عندنا الكبه بيبقى فيها قرص للبشر
كويس اووى وبعدين نحطها فى مصفاه ونعصرها
بايدنا جامد ننزل الميه اللى فيها كلهاالخطوه دى مهمه
اوى فى البان كيك علشان يبقى هش معاكى
وتخلطى على البطاطس الدقيق واللبن
والتوم البودر والبيضه وتقلبيهم كويس وممكن
تضاعفى الكميه لو حبيتى براحتك طبعا ونتبل
بالملح والفلفل اناجبت القطاعات الكبيره اللى عندى
القلب والورده وقطاعه على شكل نصف دايره
وحطيت الزيت فى الطاسه ميكونش كتير يعنى
حوالى سم واحد زيت فى الطاسه كفايه
وجبت القطاعه حطيتها فى الزيت وحطيت فيها
بالمعلقه جزء من خليط البطاطس ولما نشف شويه
حطيت معلقه من الحشو وبعدين جزء تانى من البطاطس
ولازم تهدى النار علشان البطاطس تستوى كويس
ولما تتحمر تقلبيها على الناحيه التانيه
والصور هتوضح كلامى كويس ان شاء الله
1

2

3

4

5

6

7

8

9

10

11

كده انا خلصت الحمد لله يارب الوصفه تعجبكم
متنسووووووووووش التقيييييييم
والموضوع ده ان شاء الله هشترك بيه فى مسابقه الابداع
فى امان الله حبيباتى