طريقه عمل سلطه الثومية الاصلى سلطه الثومية زى المطاعم

طريقه عمل سلطه التوميه الاصلى ..سلطه التوميه زى المطاعم ..توميه المطاعم
سلطة الثومية السورية بالزبادي سلطة الثومية السورية بالزبادي سلطة الثومية السورية بالزبادي
....
حبيباتى هقدم النهارده واحده من اشهر السلطات اللى بتتقدم
فى المطاعم وهى سلطه التوميه الاصليه واخده الوصفه من
الشيف بنفسه اللى فى مطاعم تكا المعروفه
نبتدى باسم الله.

مقاديرالتوميه
2بطاطس متوسطه مسلوقه ومهروسه
2بياض بيض
2معلقه توم مهروس مع معلقتين زيت
كوب زيت
كوب لبن او اكتر
ملح حسب الطلب

طريقه سلطه التوميه الاصلى
لازم اول حاجه البطاطس المسلوقه نضربها فى الكبه
او الخلاط دى خطوه مهمه متهرسيهاش بايدك




لازم تطحن تماما ونسيبها تبرد خالص ممكن تحطيها
فى التلاجه لو مستعجله وبعدين التوم لازم برضه
يكون مهروس اوى انا اصلا بخزنه مهروس بس اللى
استخدمته ضربته تانى فى الخلاط مع معلقتين
زيت علشان يكون مهروس اووى نضرب بياض البيضتين
جامد جدا بالمضرب الكهرباء لازم لغايه ما يبيض ويبقى زى المارينج
كده بعدين نضيف عليه التوم المطحون ونضربه تانى ونبتدى نزود
زيت مره اولبن ومعلقه بطاطس مره تانيه يعنى مش نضيف كميه
الزيت مره واحده ولا البطاطس لازم بالراحه مع التقليب وطبعا
الاحسن استخدام الكبه او الخلاط حتى ولما تخلصى كميه البطاطس
تشوفى القوام لو عاوزه اخف زودى شويه لبن كمان برضه
بالراحه انا كنت بضيف فى الكبه وهى شغاله من الفتحه بتاعتها
الافضل تخليها شغاله وملحى بالملح براحتك وكده يكون عندك التوميه
الاصلى من وصفه الشيف بالظبط وطلعت فعلا نفس طعم توميه
المطاعم تحديدا كانت روعه خراااافه ومشاء الله المقادير
دى عملت الحله بتاعه الكبه الكبيره
كلهاحطيتها فى علبه بلاستيك كبيره

نشوف كده الخطوات بالصور مع بعض
1
.........

2
.....

3
......

4
...

5
....

6
.....

7
..

8
....

9
....
الصوره دى كنت مقدمه سلطه التوميه مع سلطه البطاطس بالمايونيز
والعيش المحمص
..........


بالهنا والشفا حبيباتى
وده طريقه عمل سلطه البطاطس

والعيش المحمص

https://adlat.net/showthread.php?t=219837
https://adlat.net/showthread.php?t=219842

......