مسابقه الفنوس السحري طريقه عمل كيكه الهوهوز بلخطوات ولا اسهل

محدش عجبتو وصفتي انا زعلانه

المكونات
1- كوب لبن
2 3 بيضات
3- نصف كوب زيت
4 - 1/3 كوب كاكاو خام
5 - كوب دقيق منخول
6- معلقه فانليا ومعلقتين صغيره بودر
الطريقه
اول حاجه نسخن الفرن علي درجه حراره 180
وبعدين نجيب الخلاط ونحط فيه كوب اللبن مع الكاكاو
والزيت والفانليا ونضربهم في الخلاط كويس خالص لغايت ميكون
معانا خليط سميك نوعاما
وبعدين ناخد من الخليط ده كوب ونحطه في الثلاجه
وبعدين نضع 3 بيضات علي باقي الخليط في الخلاط ونضرب شويه
وبعدين نصب الخليط ده في طبق غويط ونجيب الدقيق ونخلط علبه
البودر ونضعه ع الخليط وبعدين نقلب في اتجاه واحد
وبعدين نصب الخليط في اصغر صنيه في الطقم عندك ونحطها في الفرن
ونهدي النار حاجه بسيطه وبعدين نستني من نصف ساعه لساعه الاربع
او حتي تنضج تماما وبعدين نخرجها من الفرن ونسيبها تبرد
التزيين
نفتح الكيكه نصفين ونجيب الكوب اللي حطيناه في الثلاجه اللي اخذنا من الخليط ونوزع ربع الكوب في وسط الكيكه ولو عندك كريم شانتيه
حطي حبه وافرديها في النص وبعدين نحط نصف الكيكه الثاني
ونحط باقي الخليط من فوق ونسيب الكيكه في الثلاجه لحد ماالصوص اللي حطيناه ع الوش يتشد وبعدين نقطع الكيكه ولو عاوزه تزينيه ممكن تحطيلها ورد بلكريمه لكل قطه علي حده ودوقي وادعيلي طعمها تحفه وولادي
وزوجي بيموتو فيها وبلهنا والشفه
ملحوظه سمك العجينه بيكون اخف من الكيكه العاديه اللي بنعملها علشان كده كيكه الهوهوز بتيقي مسامها واسعه