اتيكيت المرأة,موسوعة لكل اتيكيت المرأة,تعرفى على اتيكيت المرأة
- نبذه عن فن الاتيكيت :-
الاتيكيت ببساطه هو اسلوب تعاملنا مع الاخرين وهو القواعد والاداب اللى بتحكم السلوك الاجتماعى بتاعنا بينا وبين الاخرين
واهم حاجه حابه الفت نظركم ليها فى البدايه ان الاتيكيت اساسه فى الاسلام عشان فيه ناس فاكره ان الاتيكيت جديد علينا
او شئ مستورد من الثقافات الاجنبيه .
- الاتيكيت فى الاسلام :-
طبعا الاتيكيت فى الاسلام كبير وشامل انا بس هاخد امثله بسيطه
1- من إتيكيت الطعام حديث ( يَا غُلَامُ سَمِّ اللَّهَ وَكُلْ بِيَمِينِكَ وَكُلْ مِمَّا يَلِيكَ ).
2- من إتيكيت المقابلات والمحادثات حديث ( تَبَسُّمُك فِي وَجْهِ أَخِيك صَدَقَةٌ ).
3- من إتيكيت العلاقات الزوجيه كافة الأحاديث التي توجه بحسن معاملة الزوجة والإحسان إليها ( رِفْقًا بِالْقَوَارِيرِ)
وحديث النهي عن معاشرة الزوجه دون ملاعبة .
أولا : اتيكيت وضع المكياج :-
طبعا اولا وقبل اى شئ لازم اذكركم حبيباتى
ان المكياج للزوج والمحارم فقط .
* الاخطاء فى اتيكيت المكياج :
1- من غير اللائق ابدا انك تظبطى مكياجك قدام حد سواء زوجك صحباتك اى حد لان ده حاجه من خصوصياتك لازم تعمليها فى اوضتك او الحمام .
2- ولا يصح ابدا انك تكونى مع ناس وتفضلى تبصى فى المرايه اوتعدلى مكياجك او تعدلى شعرك فكرة النظر فى المرايه قدام حد بتتنافى مع اتيكيت المرأه .
3- ماينفعش ابدا تحطى مكياج فى النهار يكون بتاع سهرات ولا العكس يعنى لو انتى فى البيت بالنهار يبئى تحطى مكياج هادى ورقيق بالوان بسيطه ولو فى مناسبه زى فرح او حفله وطبعا مافيهاش اختلاط يعنى هتكونى قدام نساء بس يبئى لازم تحطى مكياج قوى بالوان مبهجه ويبرز
جمالك .
كمان كل واحده تراعى لونها يعنى مش واحده بيضا تبيض نفسها اكتر لدرجة تبئى بلياتشو
ولا نشوف واحده سمرا وحاطه مكياج مش مناسب ليها مخلى وشها باهت ومبقع
اهم حاجه فى المكياج ان النتيجه يكون وشك صافى وطبيعى وتبرزى جمالك وتخفى عيوبك .
* نصائح هامه فى اتيكيت المكياج :
1- الاهتمام ببشرتك فى الاساس على حسب نوعها لان ده اللى هيخلى المكياج يطلع صافى وجميل
وطبعا ضرورى جدا الغسول المناسب والتونر او مية الورد وحمام كريم كل يوم بالليل لوشك .
2- استخدام ماركات طبيه وخصوصا للى متعوده تستخدم مكياج كتير لان للاسف الانواع التجاريه والرخيصه لو هتستخدميها كتيييييير يبئى بتقضى على بشرتك فى خلال 5 او 6 سنين .
3- لازم تراعى شكل ورسمة وشك لما تيجى تحطى مكياج لان مش كل المكياج بيليق مع اى وش
يعنى مثلا المكياج للوجه الطويل غير الوجه المدور
والوجه النحيف غير الممتلئ
كل دى حاجات لازم تراعيها وانتى بتستخدمى المكياج .
* تكات مهمه اوووووووى فى المكياج :
1- مهم جداااااااا استخدام البودره السائله بعد وضع الفاوندشن لانها بتثبته وبتصفى البشره وتقلل من اللمعه والدهون .
2- كمان قبل مانحط الايشادو بنحط البيس بتاع عينيا ونحط تحت العين كميه كبيره من البودره السائله وبعدين نرسم العين ونعمل كل حاجه وفى الاخر ننفض البودره بالفرشه
والسبب ان البودره دى بتحمى تحت العين من انه يسود او يتبهدل اثناء وضع الايشادو والكحل .
3- أللى انفها طويل وعايزه تقصرها بتحط بلاشر على ارنبة الانف يكون لونه شويه داكن
واللى انفها عريض وعايزه ترفعها بتحط بلاشر داكن فى جوانب الانف
وتيجى على منتصف الانف وتحط شيمر او بودره مضيئه .
4- لازم تهتمى برقتبك زى وشك بالظبط عشان ابشع حاجه ان رقبتك تبئى لون ووشك لون وبتبان اكتر لما تحطى مكياج
يبئى قبل المكياج هتعمليها معاها زى ماتبعملى مع وشك
واثناء وضع المكياج بردوا هتهتمى بيها من كريم لبودره وممكن بودره مضيئه على خفيف .
ثانيا : اتيكيت الملابس :-
1- فى النهار يفضل ارتداء الملابس المكونه من قطعتين او تلاته زى تايير وتحته بلوزه او تونيك ويفضل كمان الالوان الهاديه .
2- فى الليل ممكن تلبسى الفساتين والالوان الداكنه وممكن لو فى الشتا تلبسى معاه كاب او بالطو .
3- فى المناسبات وطبعا الغير مختلطه يعنى ستات بس البسى الفستان اللى يناسب شكل ولون جسمك
وكمان لازم تراعى طولك لان الطول بيحدد الموديل اللى هيليق عليكى .
ثالثا : اتيكيت التعامل مع الاخرين :-
لازم فى البدايه تعرفى ان اسلوبك فى التعامل مع الاخرين هو سر نجاحك فى حياتك وحب واحترام الاخرين ليكى .
1- مهم جدا انك تستخدمى كلمات زى ( من فضلك ) , ( شكرا ) , ( اتفضلى ) وده مع كل اللى بتتعاملى معاهم يعنى لو بائع فى محل او سائق ركبتى معاها او مضيفه فى طياره او اى حد بتتعاملى معاه .
2- لما تكونى معزومه فى حفله او اى مناسبه قربى من الناس وكونى ودوده معاهم واوعى تهتمى بالاكل والشرب وتنسى الناس
لازم تكونى بشوشه ومتكلمه مع الناس .
3- خلى دايما ايدك اليمين فاضيه يعنى لو ماسكه موبايل او اى حاجه خليه فى ايدك الشمال عشان تكونى دايما مستعده للسلام على الناس
وطبعا السلام على الستات بس مش هنهزر يافتوكات ههههههه.
4- وانتى واقفه تتكلمى مع حد خلى عينك مركزه معاها والابتسامه على وشك باستمرار .
5- خليكى دايما انسانه عميقة التفكير وموضوعيه ماتحكميش على اى شئ من المظاهر بس .
6- من غير اللائق انك تهمسى فى اذن صديقتك اثناء وجود حد معاكم وكمان ده شرعا لا يجوز .
7- ماتكونيش انسانه فضوليه ومصره تعرفى اخبار الناس لان فيه بعض الناس بتحب تحتفظ باسرار لنفسها فانتى اديها المساحه والحريه لده .
8- لا يصح ابدا انك يبالغى فى اظهار حبك لزوجك قدام الناس ولا تعملى اى تصرف مفاجئ ماتكونوش متفقين عليه
علاقتك بجوزك قدام الناس لازم يكون اساسها الاحترام والاتزان
ابوس ايديكم بلاش يابيبى ويامودى والحاجات اللى تفقع ديه ههههههه
فى بيتك اعملى اللى انتى عايزاه .
9- لما تيجى تعطسى او تكحى او حتى تتاوبى لازم تحطى منديل على فمك لانه عيب جداااااا الناس تشوفك بالمنظر ده .
رابعا :اتيكيت التقديم للعزومات :-
الاول لازم نفهم اساس فن ترتيب المائده عشان فى العزومات السفره بتاعتنا تكون ذوق وشيك .
* فن ترتيب المائده :
1- الطبق الرئيسى: وده اللى بنجط فيه اللحوم او الطيور او اهم وجبه
وده بيكون طبق مسطح او مستوى كبير .
2- طبق السلطه : وده بيكون طبق مسطح صغير وبيستخدم للسلطه وللمخللات .
3- السلطانيه : ودى بتستخدم للشربه والملوخيه وكل الحساء وطبعا بتستغنى عنها لو الصنف مش موجود فى قائمة الاكل بتاعتك .
4- السكاكين : بتتحط على يمين الطبق وبتكون احجام سكين للسلطه وسكين الماكولات البحريه وسكين اللحوم والدجاج
وطبعا ممكن تكتفى بواحده بس .
5- الملاعق : بتتحط بردوا على يمين الطبق بعد السكاكين وبتكون معلقتين واحده للشوربه وواحده عاديه .
6- الشوك : بتكون على يسار الطبق وممكن تحطى احجام او واحده بس .
7- للحلوى : بتحطى معلقه صغيره وشوكه صغيره .
8- الكوبيات : بتحطى الكوبايه الكبيره للميه والمتوسطة الحجم للعصير .
اتيكيت التعامل مع الضيف فى العزومات :
فى اداب واصول مهمه جداااااا فى التعامل مع الضيوف .
1- لازم دايما نفتكر ان الضيف جاى يقضى وقت ممتع ومريح فى بيتنا
عشان كده ماتقيش الوقت واقفه فى المطبخ وتهملى الضيوف
لازم تكونى مجهزه حاجتك مسبقا .
2- طول ما انتى قاعده افتحى فى مواضيع شيقه وكلام لذيذ وقصص مضحكه او مفرحه وابعدى خالص عن الموضوعات اللى فيها جدل واختلافات فى الاراء .
3- وانتى بترتبى المائده لازم تراعى ان الضيف يكون شايف السفره كلها
يعنى ماتمليهاش فازات ولا شموع وتخليه مش شايف الاكل
كل ده لازم يتشال قبل ما تبدأى ترصى السفره .
4- لازم تخلى الضيف يبدأ الاول فى الاكل وبعدين انتى تبدأى .
5- طبعا لازم تعزمى على الضيف انه ياكل بس ماتلحيش عليها اكتر من طاقته .
6- لو عايزه تحطى على السفره الفاكهه او الحلويات ممكن تحطيها بس تكونى منضفاها ومنسقاها من قبل كده .
خامسا : اتيكيت الخروج :-
هتكلم على اتيكيت خروجك سواء للسوق , للسوبر ماركت , للمول , للشارع ...... الخ
1- لما تكونى فى السوبر ماركت راعى انك ماتحطيش العربيه فى الممر وتقفلى الطريق على الناس كذلك لو فى مول بتشترى ملابس وخلافه .
2- ماتدخليش ابدا اى محل وطفلك معاه اكل او شرب عشان ماتبقعيش المعروضات وتتسببى فى احراج لنفسك وليهم .
3- لما تكونى رايحه تدفعى الحساب للكاشير لازم تراعى الدور ولو مستعجله او مريضه استأذنى لو اللى قدامك رفض خلاص التزمى بدورك .
4- جميل جدااااااااا انك تساعدى غيرك فى اى مكان تروحيله يعنى مثلا ست عجوزه محتاجه تشيلى معاها حاجه او تجيبيلها حاجه بعيد عنها كمان لو ست معاها طفل ومحتاجه نساعدها او طفل صغير جرى من مامته لو نقدر نوصله ليها .
5- لما نكون فى مول او مطعم عيب اوووووووى نقعد نبص جامد على الناس وخاصة لو اتنين متجوزين وطبعا غض البصر للست زى الراجل يعنى اوعى تفتكرى انك عشان ست تبصى براحتك لا طبعا حرام
حتى لو انتى منتقبه ربنا شايفك ومطلع عليكى .
6- طبعا مهم جدااااااااا نلقى على الناس التحيه وهى طبعا السلام عليكم اول ماندخل اى محل وقبل مانمشى لازم نشكرهم .
7- طبعا مايصحش نهائى انك توقعى الهدوم من على رف او شماعه وتسيبيها مبهدله وتمشى
لازم ترجعى كل حاجه مكانها .
8- النظافه الشخصيه مهمه جدااااا وخاصه لو دخلتى تقيسى هدوم اوعى تنزلى من بيتك وريحتك مش نظيفه وتدخلى بروفا وتخلى ريحتها منفره
ده طبعا بيتنافى تماما مع خلق المرأه المسلمه
وطبعا اكيد مش هتحطى برفان بس فيه وسائل كتير للنظافه من غير ماتحطى برفان .
9- طبعا ممنوع نهاااااااائى الكلام او الضحك بصوت عالى بره بيتك .
منقوول
إظهار التوقيع
توقيع : ربي رضاك والجنة
التوقيع لا يظهر للزوار ..
رد: اتيكيت المرأة,موسوعة لكل اتيكيت المرأة,تعرفى على اتيكيت المرأة
30:
رد: اتيكيت المرأة,موسوعة لكل اتيكيت المرأة,تعرفى على اتيكيت المرأة
.gif)
رد: اتيكيت المرأة,موسوعة لكل اتيكيت المرأة,تعرفى على اتيكيت المرأة
المراه هى التى تزوجت وانجبت وولدت وتحملت الالام وسهرت الليالى وهى التى تنظف وتشتغل كى ياكل اولادها ويعيشون وهى تهم بنظافتها ونظافه بيتها هكذا ه
ى المراه
ى المراه
رد: اتيكيت المرأة,موسوعة لكل اتيكيت المرأة,تعرفى على اتيكيت المرأة
رد: اتيكيت المرأة,موسوعة لكل اتيكيت المرأة,تعرفى على اتيكيت المرأة
إظهار التوقيع
توقيع : فتاة بالحياء تجملت
التوقيع لا يظهر للزوار ..
رد: اتيكيت المرأة,موسوعة لكل اتيكيت المرأة,تعرفى على اتيكيت المرأة
إظهار التوقيع
توقيع : هبه شلبي
التوقيع لا يظهر للزوار ..
رد: اتيكيت المرأة,موسوعة لكل اتيكيت المرأة,تعرفى على اتيكيت المرأة
رد: اتيكيت المرأة,موسوعة لكل اتيكيت المرأة,تعرفى على اتيكيت المرأة
إظهار التوقيع
توقيع : ಇESRAAಇ
التوقيع لا يظهر للزوار ..
رد: اتيكيت المرأة,موسوعة لكل اتيكيت المرأة,تعرفى على اتيكيت المرأة
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| مكانة المرأة بين اليهودية والمسيحية والإسلام | Aziza_Algérie | فتاوي وفقه المرأة المسلمة | ||
| صفات جمال بنات العرب - انواع الجمال عند فتيات العرب | رانيا الزناتى | منوعات x منوعات - مواضيع مختلفة | ||
| 70 اسم للمرأة | ام نونا | عالم المعرفة | ||
| القاب النساء في اللغة العربية | dodo modo | عالم المعرفة | ||
| اختارى لكى اسم | ام القمرات | فرفشة عدلات | ||
الساعة الآن 11:01 PM
جميع المشاركات تمثل وجهة نظر كاتبها وليس بالضرورة وجهة نظر الموقع