~_~أنا اللى هروح معاها >>~_~لاء أنا اللى هروح ماليش دعوة .
النهاردة عاوزة اكلمكم عن توتو وميمي ..
توتو وميمي زهرتين 11 سنة و13 سنة ..
ماما عاوزة تخرج وقالت لميمى : تعالى معايا يا ميمى النهاردة ..
قامت توتو زعلت واعترضت وقالت ماليش دعوة اشمعنا هى ،،أنا اللى عاوزة اروح معاكى ..
قالت ماما: خلاص تعالى معايا انتى المرة دى وميمى المرة الجاية ..
قالت ميمى: لاء ماليش دعوة وليه ماتكونش هى المرة الجاية ،انتى قلتى لى أنا الأول..
ماما احتارت ومش عارفه تعمل ايه قامت قررت ماتاخدش حد فيهم لحد مايتفقوا ..
وراحت مشوارها وجت وطلبت منهم تقعد معاهم شوية ’’
’’ تعالوا هاحكيلكم على حاجة >>>>
ياترى تعرفوا خُلق او صفة اسمها الإيثار ؟؟
قالوا : لاء ..كلمينا عنها ياماما ’’
قالت : زمان ، أيام هجرة الرسول صلى الله عليه وسلم هاجروا كلهم من مكة للمدينة .
والمدينة كانت بلد بسيط ومالوش فى التجارة ولا كانت معروفة بالتجارة ولا كانت غنية
هى كانت مشهورة بالتمور ورعى الأغنام خلاف مكة .
ولما جه الرسول -صلى الله عليه وسلم -هو واصحابه كان عددهم كبير جدا ..بالنسبة للمدينة
وبساطة عيشتهم .وكان ممكن أوى يقولوا احنا مانقدرش نستقبل العدد الكبير ده من المهاجرين عندنا
لأننا يادوب بنملك قوت يومنا ..
لكن ضربوا أروع مثل للإيثار ،واشهرها مع سيدنا عبد الرحمن بن عوف لما نزل عند أحد الأنصار والأنصارى قاله:
هذا نصف مالى خذه لك ،وأختر أى من زوجاتى أطلقها وتكن لك ..
وكان وقتها الصحابى ده له زوجتين ..
لكن سيدنا عبد الرحمن بن عوف رفض ودعا له ان ربنا يبارك له فى ماله وزوجاته وطلب منه فقط يعرفه طريق السوق
وتاجر وأغتنى بعد كده ..
وكان كل الأنصار عندهم الصفه دى وهى صفة الإيثار .
وربنا ذكرهم وزكاهم فى كتابه فى سورة الحشر بقوله:
ويؤثرون على أنفسهم ولو كان بهم خصاصة ))
يعنى ايه يا ماما ..قالت ميمى
ماما : يعنى بيحبوا الخير اللى عندهم يكون لأخوانهم حتى لو كانوا بيحبوه.
يعنى لو انتى مثلا عاوزة حاجة واختك عاوزاها ،تقولى لاء أؤثر أختى عليا
وهى تقول نفس الكلام ،
يعنى تحبوا الخير لبعض وتؤثروا بعض على نفسكم فيه ..
خلاص يا أختى عشان اكون كده بتحلى بالصفة دى..
ماما : بالظبط كده فعلا هو ده اللى أنا أقصده ..
ميمى قالت :طب ايه فايدة إننا نتحلى بالصفة دي يا ماما ؟؟
ماما : حاجات كتيرة :
1- منها اننا بنقوى صلة الحب بينا واللى بتقوى الإسلام والمسلمين وبتبعد
الشيطان عنا.
2- منها اننا بنقرب لربنا اكتر وايمانا بيزيد بيها.
3- إننا بنقلل من الخلافات والمشاكل بينا وبنقلل من تدخل الشيطان بينا.
4- طبعا ربنا بيدينا ثواب اكبر وبيزود حسناتنا لما بنعمل كده لله .
قرر توتو وميميى ما يتخانقوش تانى على حاجة ويؤثروا بعض عليها بعد كده ..
وانتوا كمان يا زهرات هاسألكم اسئلة واشوف ردكم عليها بعد ما قرأتوا كلامى ده >>>
اولا : من هو الصحابى اللى استضاف سيدنا عبد الرحمن بن عوف عنده وآثره على نفسه ؟؟
>>>>>>>>>>>>>>>>>>>>>>>>>>>
ثانيا : ماذا تفعلى فى هذه المواقف ؟؟
1- لو انتى ذاكرتى كويس أوى وربنا الهمك بفكرة تحديد النقاط المهمه فى المادة
وفعلا عنصرتى وظبطى فى ورقه عشان تكون مذاكرتك اسهل ،،
وجت واحدة زميلتك تطلب منك الملزمة اللى عملتيها وتعبتى فيها ،،
ياترى هاتؤثريها على نفسك ولا تحجبى علمك عنها ؟؟
2- لو ركبتى مواصلة من المواصلات العامة ولاقيتى كرسي نقمتى قعدتى عليه
يا ترى لو جت واحدة أد مامتك هاتقعديها ولا تقولى وانا مالى ؟؟
3- لو ركبتى المرجيحه اللى فى الحديقه العامة ،
ياترى هتفضلى عليها فترة طويلة ولا تقومى عشان تؤثرى
غيرك من الأطفال والزهرات اللى عاوزين يلعبوا زيك؟؟
4- لو قاعده على الكمبيوتر ، وجه أخوكى عاوز يقعد
هتقومى ولا تقولى ماليش دعوة عاوزة أقعد أكتر ؟؟
5- لو بابا قعدك جنبه فى العربية ،والمرة اللى بعدها جه أخوكى عاوز يقعد ،
هاتقعديه ولا تؤثرى نفسك عليه ؟؟
منقوول للافادة
إظهار التوقيع
توقيع : ربي رضاك والجنة
التوقيع لا يظهر للزوار ..
رد: ~_~أنا اللى هروح معاها >>~_~لاء أنا اللى هروح ماليش دعوة .
إظهار التوقيع
توقيع : فتاة بالحياء تجملت
التوقيع لا يظهر للزوار ..
رد: ~_~أنا اللى هروح معاها >>~_~لاء أنا اللى هروح ماليش دعوة .
رد: ~_~أنا اللى هروح معاها >>~_~لاء أنا اللى هروح ماليش دعوة .
بارك اللة فىكى
.gif)
رد: ~_~أنا اللى هروح معاها >>~_~لاء أنا اللى هروح ماليش دعوة .
رد: ~_~أنا اللى هروح معاها >>~_~لاء أنا اللى هروح ماليش دعوة .
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| اجازة الأولاد بدأت.. تعالوا لهذا الدرس الهاااااام | أم أمة الله | العناية بالطفل | ||
| انسانه مش سعيده | نورهان عامر | فضفضة وحل المشاكل | ||
| كورسات ممارسة الانجليزى اونلاين للبنات + تجربة بعض المشتركات مع هبه عوض | أمــانــدا | مشاريع وافكار تجاريه | ||
| نص تحقيقات نيابة أمن الدولة مع أعضاء تنظيم أجناد مصر.."عبد الله" المسئول الشرعى بالتن | سارة سرسور | اهم الاخبار - اخبار يومية | ||
| اللى معاها ربع جنية ولا لبانتين تدخل ماتستغربيش ايوة لبانتين بس ادخلى | ام جنى وبس | منوعات x منوعات - مواضيع مختلفة | ||
الساعة الآن 10:51 PM
جميع المشاركات تمثل وجهة نظر كاتبها وليس بالضرورة وجهة نظر الموقع