طريقة عمل كحك العيد الناعم
- الكمية تكفي: 4 أشخاص
- المقادير: 2كيلو دقيق
كيلوسمنه
قطعه خميره صغيره(الخميره الطازه)
فى حجم حبه اللوز بقشرها
نص كيلو لبن للعجن ناخد منه على قد العجينه حسب نوع الدقيق
2ملعقه كبيره سكر
رشه صغيره ملح فى حاله استخدام السمنه النيوزيلندى او النباتى
انا مش بحط عشان بستخدم السمنه البلدى البيضه
وبسيحها ففيها الملح طبيعى - الطبخ: نسيح السمنه على النار لحد ماتسخن كويس قوى ونختبرده بحته عجيينه صغيره جدا
(دقيق وميه)ونحطها فى السمنه ازا نزلت لتحت واخدت وقت على ما تطلع لفوق
يبقى لسه ننتظر دقيقتين مش اكتر ونكررتانى
ازا نزلت وبسرعه طافت على الوش وبدات تتقلى كده يبقى تطفى النار مباشره
بس خلى بالك ما تسيبهاش اكتر عشان ما تغيرش طعم الكحك
وبسرعه تاخدى السمنه تطشيها بالبلدى كده على الدقيق وهو فى حاجه استانلس افضل مش بلاستيك خالص اوعى
النقطه المهمه هنا واللى قولت ها اشرحها
قبل ما تخلصى كميه السمنه بالكامل بتقلبى الدقيق بمقصوصه اومعلقه خشب سريعا وبتحسى قد ايه العجينه مظبوطه او محتاجه باقى الكميه
لما بتبقى مظبوطه بتلاقيها مفروله ناعمه ولامعه السمنه باينه فيها ولو اخدت قطعه صغيره بايدك تلاقيها جمعتت بسرعه فى ايدك - ملاحظات: ها تستخدمى خليط نباتى على بلدى يبقى تسيحى كل واحده لوحدها
لو الدقيق بتاعك من النوع القوى بتاع المخبوزات يبقى نزود السمنه شويه فى حدود كوب صغير
لانه بيشرب السمنه قوى وما يظهرش انه ناعم
اما الدقيق بتاع البسكوتات والكحك مش بيشرب السمنه قوى فا بيبان فيه الكميه بتاع السمنه
وبيطلع ناعم
ها تقولى نعرفه ازاى
ها اشرحها وانا بقول الطريقه
لو ناشفه تلاقى اثار الدقيق واضحه ومفروله زياده عن الزوم ومش بتلمع ولو جمعتيها بايدك بيبقى سهل تفروليها بدون حتى ما تلمسيها
فى الحاله دى كملى باقى المقدار
ولو دقيق مخبوزات من القوى زى ما اتفقنا من الا ول بنزود المقدار بس لازم تكونى انت متاكده انه دقيق مخبوزات قوى
حصلت معايا مره ان الدقيق من نوع مش بيشرب خالص السمنه ولقيت العجينه زى السايحه معايا
سمنه ودقيق بس
اطريت ساعتها ازود دقيق عشان اعدل العجينه بس ده غير مظبوط بس الحمد لله فى الاخر طلع حلو وربنا ستر
تفضلى تقلبى بالمعلقه كده وتهرسيها بضهر المعلقه لحد ما تبرد وتبسيها بايدك بين الكفين
تلاقيها نعمت اكتر واتشربت اكتروتقدرى ساعتها تكورى منها كوره صغيره ما تلاقيهاش فرولت حتى من قبل اللبن
ندوب الخميره مع السكر خالص ونحط عليهم كوب لبن واحد بس ما نسيبوش يخمر
نحط خليط الخميره ده على العجينه ونبدا بايدنا نشربه للعجينه ونجمعه مش نعجنه
ونزود لبن حسب ما تحتاج يمكن كوب كمان او كوب ونص حسب
نحاول ما نزودش اللبن قوى لانه لو زاد ها ينشف الكحك وكمان العجينه لواستريحت 10 دقايق بتتجانس وتتشرب
التشكيل
تشكلى على طول كور صغيره وتعملى فجوه للحشو وبعدين تلمى الكوره بايدك تانى بين راحه الكفين بدون ضغط عليها
وتنقشيها بالمنقاش او لو عندك بصامه او خشبه المعمول اوزى ما تحبى بس انا بفضل النقش
ارصها على الصوانى الل ها تتخبز فيها على طول من غير دهان خالص عشان ما انقلهاش تانى
واسيبها تخمر حسب الجو اللى حواليها بس تعرفيها انها لو رفعت الكحكه بهدوء كده تلاقيها بدات تفرغ من الداخل وتحسى انها خفت شويه
ولوضغطى خفيف قوى عليها تحسى ان فعلا داخلها هوا
هى مش بتزيد فى الحجم بشكل ملحوظ القراقيش هى اللى بتزيدعشان سمنتها اقل ولبنها اكتر
تخبز فى فرن هادئ ولونها يبقى دهبى مش ابيض
الحشو
الملبن* بختاره طرى وبريحه ماء الورد بيبقى رائع ولو ناشف شويه بطريه بحته سمنه مش زبده
العجوه* بحب اجهزها بنفسى بفرمها واحط عليها حته سمنه وشويه لبن واحطها على النار تتجانس كده مع بعض وتبقى طريه وطعمها جميل
وبشيلها فى الفريزر لاى استخدام بتفضل بنفس الطراوه داخل الفريزر ما بتتجمدشيا ريت تعجبكم الطريقه وتجربوها وتنجح ان شاء الله
إظهار التوقيع
توقيع : حياء حواء
التوقيع لا يظهر للزوار ..
رد: طريقة عمل كحك العيد الناعم
إظهار التوقيع
توقيع : الزهرةالحمراء
التوقيع لا يظهر للزوار ..
رد: طريقة عمل كحك العيد الناعم
إظهار التوقيع
توقيع : جزائرية تركية
التوقيع لا يظهر للزوار ..
رد: طريقة عمل كحك العيد الناعم
إظهار التوقيع
توقيع : فتاة أنيقة
التوقيع لا يظهر للزوار ..
رد: طريقة عمل كحك العيد الناعم
رد: طريقة عمل كحك العيد الناعم
رد: طريقة عمل كحك العيد الناعم
إظهار التوقيع
توقيع : ЙǑŏƒ
التوقيع لا يظهر للزوار ..
رد: طريقة عمل كحك العيد الناعم
إظهار التوقيع
توقيع : ✿غايتي الجنة✿
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| كحك العيد على أصوله , صور طريقه عمل كحك العيد , كحك العيد الناعم | lolo.loleta79 | الحلويات الشرقية والغربية | ||
| طريقة عمل كحك العيد 2025 ... كحك العيد الناعم من ايدى انا وماما حبيبتى | مورا موكا الطيبة | من مطبخي | ||
| كحك العيد الناعم بالعجمية بطريقه غادة التلي كحك العيد بالعجميه | لولو حبيب روحي | الحلويات الشرقية والغربية | ||
| طريقة عمل كحك العيد الناعم / اعداد كحك العيد / عمل كحك العيد الناعم | Mariam Wahid | الحلويات الشرقية والغربية | ||
| طريقة عمل كحك العيد الناعم على الطريقة المصرية ,طريقه سهله لعمل الكحك الناعم 2025 | فتاة بالحياء تجملت | الحلويات الشرقية والغربية | ||
الساعة الآن 11:49 AM
جميع المشاركات تمثل وجهة نظر كاتبها وليس بالضرورة وجهة نظر الموقع