أو

الدخول بواسطة حسابك بمواقع التواصل

#1

افتراضي مشكله قريبى مع قريبتو الى حبها بالله عليكم تدخلو

يا جماعه دى حكايه واحد قريبى طالب منى انشرها وعايزكم تنصحوه وتقولو هو غلط فى ايه
انا نصحتو وعملت الى عليا


اولا حكايتى انا وقريبتى بنحب بعض جدا ومستنى انها تخلص الدراسه علشان اتقدملها




هى فى الصف الثانوى وامها عارفه موضوعنا
فى البدايه كنا سعداء جدا وكنا بنحب بعض جدا لحد ما بدات بعض المشاكل
بعد فتره اكتشفت انها كلمت واحد جيرانهم وبعتلها هديه وكده هو كان بلمحلها بالحب بس هى كانت بتكلمو عادى
انا مقلتلهاش انى عرفت وقلت ممكن اكون مقصر معاها فاهتميت اكتر بيها وهى اكتشفت ان جيرانها بداء يتكلم عليها فى الشارع فسابتو المهم قلت الحمد لله وفضلت متمسك بيها
جيت بعت فتره تانيه اكتشفت انها كلمت واحد يديها صلة قرابه وكانو بيتكلم وبيهزرو وبدأو يتكلمو حب
انا اتخانقت معاها وهى اعتذرت واتاسفت وندمت وبعد كده قالت ابعد علشان هى جرحتنى يعنى قلتلها لا احنا قادرين نتحدى اى حاجه وانتى لسه صغيره ووارد تغلطى
قعدنا فتره كويسين اكتشفت برضو انها رجعت تانى تكلمو حصلت بينا مشكله وبرضو اتاسفت وانا برضو سامحتها لانى بحبها
وبقول لنفسى انى قادر اغير منها
وبعدا ما رجعتلها عرفت انها قالت لصحبتها " اهو لف لف ورجعلى زى الكلب " مع ذلك جيت على نفسى ومقلتلهاش انى عرفت الكلمه دى وكملت

جيت بعد فتره تانى لما لاقيها حزينه وكده فضغطت عليها لحد ما عرفت ان كان فى علاقه بينها وبين شاب عراقى وكان كلامهم فى حب كتير قلتلها خلاص طالما الموضوع ده قبل ما تعرفينى حصل خير لكن الى اكتشفتو انها كانت بتكلمو وقت ما كنا بنتكلم فى البدايه وكمان كان كلامهم تطور انهم اتكلمو فى حاجات بعد الجواز وعرفت انها بعتتلو صور ليها

بعد الموضوع ده قلنا نفتح صفحه جديده وفعلا فضلنا فتره كبييييييره كويسين
لحد ما جه يوم كلمت واحد تانى ولمحتلو انها بتحبو مع انى متاكد مليون فى الميه انها عمرها ما هتتجوزو
جه الشخص ده هددها طبعا مقدرتش اسيبها لوحدها ففضلت معاها على النت الليل كلو علشان احل المشكله دى وفعلا قدرت احلها
تانى يوم اكتشفت انها فى علاقه تانى مع واحد متجوز وبيلعب عليها بالحب وكده طبعا وقتها انا حسيت بانهيار شديد جدا جدا
وقلتلها خلاص كل الى بينا انتهى وثقتى فيكى انهارت وانتهت
لما لقيتها بدات تبكى وتكلمنى وهى بتبكى وبتطلب منى مسبهاش وافضل معاها بصراحه قلتلها ممكن نرجع تانى بس انتى الى بايدك ترجعى ثقتى بيكى من تانى وثقتى في حبك ليا واتفقت معاها ان ثقتى فى حبها ليا مش هتكمل لحد ما تخلص الدراسه ويخف الضغوط الى عليها

جيت من فتره قريبه حبيت انى اختبر حبها ليا وهل ممكن تتمسك بيا زى مانا اتمسكت بيها ولالا
فقلت اختبرها واشوف رد فعلها فحاولت فكنت بحاول اوصلها انى بكلم بنت وكده رد فعلها فى الموضوع ده عادى كلم الى تكلمو قلتلها ممكن ابعد قالت عادى ابعد
لما جيت اعاتبها قالت هو انت فاكرنى هتعب علشانك ولا فاكرنى هبكى علشانك
حسيت انى كده مش فارق معاها اصلا
على الرغم من كده عديتها
فجت فى يوم قالت كلام ونشرت بوستات فهمت منو انها بتوصلى انى مش راجل وانى بلعب بيها

قلتلها ان كلامها ده حسسنى ان الحياه كلها سووووووووده وانها خلتنى كرهت الحب

بعد ما قلت الكلمتين دول لقيتها مسحت كل برامج المحادثات الى عندها وكل ما اكلمها على برنامج تمسحو ومتردش عليا
وبعدها بساعتين رجعت تقولى " لما تثق فيا وفى حبى وتعرف قيمتى وحياتك تبقا بيضه ومتبقاش كاره الحب ابقا تعاله

اتاسفتلها ووصحلتها ان مكنش قصدى كده وهى نفس الرد مش هينفع نتكلم تانى لما تبقا تثق فيا وتعرف قيمتى ابقى تعالا
للعلم " كنت ناشر بوست قبل ما ترد بساعتين كاتب فيه انها هتختار تبعد وانها مش هتتمسك بيا و وكنت ناشرو انا فقط الى شوفو " وفعلا نفس الى توقعتو حصل مع ان كان نفسى يطلع ظنى غلط

هى بتقولى انا عملت كتير علشانك وبقول لكل زمايلى ان مخطوبه ليك وبحبك


انا بصراحه تعبت مش عارف اعمل ايه مع انها زمان قالتلى انت سبب حزنى وانا كرهت الحب
وانا مسبتهاش برضو كملت معاها


#2

افتراضي رد: مشكله قريبى مع قريبتو الى حبها بالله عليكم تدخلو

بصراحة كده كتيير اوووى
هو ليه بيعمل كده ده المفروض انه راجل
وبعدين على فكرة سنها مش سن حب اصلا ديه مراهقة وعمرها ماهتدعدل هتفضل تعمل كده اللى فيه طبع مش بيعرف يغيره
لازم يبعد عنها ويشوف واحدة محترمة يرتبط بيها ديه عيشة وعمر
تانى هيأمنها ازاى على نفسه وعياله وربنا يصلح حال المسلمين
إظهار التوقيع
توقيع : ام سيف 22
#3

افتراضي رد: مشكله قريبى مع قريبتو الى حبها بالله عليكم تدخلو

قولي لقريبك ان لخلقها خلق غيرها وأكيد من كلام انها بنت مسخره يسيبها وراح يلقا ست ستها
إظهار التوقيع
توقيع : جزائرية فلسطينية
#4

افتراضي رد: مشكله قريبى مع قريبتو الى حبها بالله عليكم تدخلو

انا هقولك كلمتين قربك ده مفيش زيوه ابدن يرية ربن يوعدني بوحد زى انته لو تكلت عليه هى هترجع زى الكلبه
إظهار التوقيع
توقيع : دودو موزه
#5

افتراضي رد: مشكله قريبى مع قريبتو الى حبها بالله عليكم تدخلو

أرتبط بالأنسانة اللي تحبك مش اللي أنت بتحبها ربنا يعوضك خير
ولو هي نصيبك فيش حاجه هتمنع كله بإذن الله
وربنا يهديها شر نفسها
#6

افتراضي رد: مشكله قريبى مع قريبتو الى حبها بالله عليكم تدخلو

شكرا لردودكم واهتمامكم
#7

افتراضي رد: مشكله قريبى مع قريبتو الى حبها بالله عليكم تدخلو

اناممكن اعطيكى رد
مافيش حب من غير كرامة ومن غير زعل هوة كدة اهان كرامتو بما فية الكفاية
والست بطبيعتها بتحب الراجل الى شخصيتة قوية
وهية لو شيفاه ذو شخصية كانت هتحبو وعمرها ماهتعمل معاه كدة
مهما كان سنها وغير كدة الاحترام دة طبع وتربية ومالوش دعوة بالسن برضو
لازم يسبها فورا لان الست غير الراجل وميفكرش يرجعلها تانى ابدا ابدا مهما عملت
#8

افتراضي رد: مشكله قريبى مع قريبتو الى حبها بالله عليكم تدخلو

كل ده غللللللللط أنا أصلا مخطوبة و عمرى ما قلت لخطيبى إنت سبب نكدى أبدااااااا على رغم الخلافات إلى بتحصل بينا بس مقدرش أقوله كده لأنى خايفه أجرح مشاعره من رغم إنه بيقولى كلام بيدايقنى كتير بس بيقولى إنه بيهظر و أنا بتقبله عادى أصلا المفروض كان يسيبها من يوم ما عرف إن فى حياتها حد تانى و لو بكت دم أنا أقسم بالله ما دخل حياتى غير خطيبى إلى حبيته بعد ما اتقدملى و اتخطبنا الحمد للله و يا رب تيسر زواجنا إدعولى يا بنات أنا محتاجة أى دعوة دلوقتى
#9

افتراضي رد: مشكله قريبى مع قريبتو الى حبها بالله عليكم تدخلو

صحيح اني الحب اعمى....... الراجل ده رغم انه اكتشف خيانة حبيبته اكثر من مرة و مع دلك هو متمسك بيها. شيء غريب . بس لازم يعرف حاجة لو كانت بتحبه صح كانت تصونه و تحافظ علة حبه بس هي عرفت نقطة ظعفه و بتلعب بيه
#10

افتراضي رد: مشكله قريبى مع قريبتو الى حبها بالله عليكم تدخلو

هذ هذه فتاة غير ناضجة انها لعوب و هو سمح لها بانوتدوس على كرامته كثيرا..انا من رايي يذهب كل واحظ في طرقه لات تسامحه المتكرر مع اخطائها المتكررة جعلته يبدو صغيرا و ضعيفا في عينها فهي لا ترى فيه هيبة الرجل الذي لا يسمح لاحد بان يدوس كرامته...ابحث عن غيرها من تقدر صفاء روحك و قلل من تسامحك ...لا تصعر خدك للناس...يعني امسك العصا من الوسط لا تكن ليننا حتى تعصر و لا صلباوحتى تكسر.
#11

افتراضي رد: مشكله قريبى مع قريبتو الى حبها بالله عليكم تدخلو

لا تكن لينا حتى تعصر و لا تكن صلبا حتى تكسر...لقد غلوت في تسامحك فتمادتةفي الدوس على كرامتك
#12

افتراضي رد: مشكله قريبى مع قريبتو الى حبها بالله عليكم تدخلو

هو في وأحل كده والنبي انت ملاك وخياره فيها هي عملك يوري يعني استبن لقيت حد كويس خلاص مفيش اهو انت موجود وبعدين حد غيرك ع صورها اللي بعتها دي كان سابها من زمان بجد ابعد عنها ودور ع بنت حلال تصونكً وتحافظ عليك


قد تكوني مهتمة بالمواضيع التالية ايضاً
الموضوع كاتب الموضوع المنتدى
فوائد لاحول ولاقوة الا بالله عرين المنتدي الاسلامي العام
التفسير المطول لسورة الفاتحة للدكتور محمد راتب النابلسي لؤلؤة الايمان القرآن الكريم
الثقة بالله bota12 المنتدي الاسلامي العام
حسن الضن بالله mahee المنتدي الاسلامي العام
الثقة بالله أم مصطفى المنتدي الاسلامي العام


الساعة الآن 08:08 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل