البارت الخامس ...
امنيه : لا مش عشان انا شرانيه ولا حاجه ..اصل انا وهو اتفقنا اتفاق كده
حبيبه بعدم فهم : اتفاق ايه ياختي ..؟!
بعد انا حكت لها امنيه علي اتفاقها مع عمر قالت حبيبه بغضب : انتي اتجننتي يا امنيه ..انتي ليه مش عايزه تدي لنفسك فرصه تانيه ..عمر مش وحش يا امنيه
امنيه بعصبيه : وانا اعرف منين انه مش وحش ..ولا استني لما اتخدع فيه زي ما اتخدعت ف اسر .. و ابئا ضعيفه و محتاجه مساعده من حد ...انا مبحبش ابئا ضعيفه ...عايزه افضل قويه ..وكمان كريم اخوه كان بيقولي انه صايع وبتاع بنات ..يعني زي اسر بالظبط يا حبيبه
حبيبه : يا ستي هو حد قال ان انتي ضعيفه ..أنتي قويه يا امنيه ..صحيح انتي فضلتي سنين عشان تنسي الي حصل ..بس نستيه .. او بتحاولي تنسيه .. بس مش صح ..مش صح انه بعد قصة حب واحده فاشله .. تدفني نفسك و متحبيش تاني ..صحيح الصدمه كانت قويه عليكي .. بس لازم تفوقي تاني ..و كمان ممكن يكون عمر صايع بتاع بنات .. افرضي انه يحبك بجد ويتغير علي اديكي ..وانا عارفه ان انتي قويه و لو حطيتي ف دماغك حاجه مبتتهديش الا اما تعمليها
امنيه بابتسامه : بس انا مش بحبه ..
حبيبه بنفاذ صبر : يارب صبرني ..انتي لحقتي يابنتي ..ادي لنفسك فرصه تحبيه
امنيه: يا حبيبه يا حبيبتي ..بذمتك احبه ازاي واول لقاء بينا كان ف حادثه
حبيبه بجديه : متهزريش يا امنيه اوعديني ان انتي تدي لنفسك فرصه تحبيه
امنيه بملل : اوكيه اوكيه
حبيبه بمرح : بس عمر كيوت يعني ..وقمور وابيض و عينو عسل
امنيه : لاحظي يا هبله اني اخت خطيبك ..اروح اقوله دلوقتي يعني
حبيبه : متقدريش عشان انا صحبتك قبل اما ابقا خطيبة اخوكي صح ..؟!
امنيه : صح ..روحي يلا عشان اغير الفستان
حبيبه : بتطرديني يعني ..؟؟
امنيه :ايوون
حبيبه : شكلي بئا وحش اوي صح
امنيه : اووي اووي ..يلا بيتك بيتك بئا
.........
عادل : ها يا عمر ايه الاخبار
عمر بغرور : مش بطاله
مازن : مش بطاله ايه ياعم ديه قمر
دارين : ولما اقول لساره يعني هتبئا مبسوط
مازن : لالا بطلي غلاسه يا دارين
دارين : وربنا لنا قايلالها
مازن بطفوله : يابابا خلي دارين تسكت
عادل : هههه بس يا دارين عيب كده
كريم : انا حاسس اني قاعد مع عيال صغيره
سهام : انت العاقل الي فيهم يا حبيبي
كريم : عارف عارف يا ماما ... بس ايه رايكو ف مس امنيه
سهام : هي البت عسوله و قمر مشاء الله
عادل : ايوه هي دمها خفيف ومرحه ..كانت بتيجي عندنا الشركه سعات مبتغلبش هزار مع الموظفين
عمر : اشمعنا انا الي شايفها مستفزه ولمضه شويه
كريم باستفزاز : عشان هي مش بطيقك
عمر: غريبه يا جدع مع اني انا الي هتجوزها
كريم : للاسف يا خويا ..بس تصدق والله هي الي هتظبطك
دارين : شكلك تعرفها كويس يا كيمو
كريم : ايوه ياختي ده عشرة سنتين ..من kg 1 و احنا مع بعض
عمر : محسسني يالا ان انتو بتحبو بعض وانا معرفش
كريم : بس يابني احترم نفسك
عادل بجديه : قول يا عمر بجد رايك فيها ايه
عمر : هي قموره وعنيها روعه الصراحه .. لمضه شويه بس انا بحب البنات اللمضه عموما ..بتحب تهزر وديه احلي حاجه فيها انها مش كئيبه .. ذكيه جدا مشاء الله عليها ...بتعرف تتصرف وتحل اي مشكله ..لما تكون متعصبه بتمرمط بكرامتك الارض ... يعني بصراحه كده ... مش بطاله ..!!
دارين : يا عم صلي ع النبي يعني بعد كل ده مش بطاله
عادل : ده انت شكلك دارسها كويس ..انت عارف كل حاجه عنها تقريبا
عمر : يا بابا انا عارف بنات كتير .. يعني اعرف البنت من نظره واحده ..عشان تعرف بس ان الصياعه ليها فايده
عادل : عارف ..عارف ...يلا تصبحو علي خير
الجميع : و حضرتك من اهل الخير
.......
تشرق شمس صباح جديد انه يوم الجمعه ... تفتح امنيه عينيها ببطء لتري احمد امامها
امنيه بنعاس : خير في ايه ع الصبح
احمد : قومي ياختي المحروس خطيبك تحت
امنيه : خطيبي ..!! ايه ده هو انا مخطوبه اصلا ..
احمد : قومي يابت متجننيش .. الي هيبئا خطيبك يعني
امنيه : و جاي يهبب ايه الصبح كده
احمد : اصلك و حشتيه
امنيه : احلف ..!!
احمد :هههه قومي الاول وانتي قمر كده ..
امنيه : لا وربنا ..
احمد :انتي متاكده ان انتي مصريه اصلا ..عموما انزلي يلا البسي حاجه وانزلي
امنيه بعدم تصديق : احمد هو عمر تحت بجد..؟!
احمد : والله العظيم تحت قومي يلا البسي
قامت امنيه من علي السرير قائله : لا منا هنزل كده
احمد : بتهزري .. هتنزلي بالبيجامه
كانت امنيه ترتدي بنطول ابيض عليه رسومات صغيره لسبونج بوب و بلوزه كت بيضاء عليها رسمة سبونج بوب : اها عادي ..هغسل وشي و انزل
احمد : اوك براحتك
......
كان جالسا ف الصالون منتظرها و بعد خمس دقائق وجدها نازله من علي الدرج قائله : خير
عمر : الله شكلك حلو اوي
امنيه : بجد .. غريبه والله .. عموما خير بردو
عمر :اصل المفروض يعني ان في خطوبه
امنيه : ايوه
عمر : وفي فستان خطوبه لحضرتك
امنيه : ايون
عمر : وانا مقبلش ان خطيبتي تلبس حاجه متعجبنيش
امنيه : لا يا راااجل ..!!
عمر : اها وربنا ..
امنيه : طب بالنسبه ان النهارده الجمعه ومفيش حد فاتح
عمر : ايه ياماما ده في محلات كتير فاتحه ...ولو مفيش هنروح المول
امنيه : اووك هطلع البس
عمر : شاطوره متتاخريش
طلعت امنيه الي غرفتها قائله في نفسها : اسلوبه حلو .. بموت ف المفاجات الي زي ديه
لبست امنيه بنطلون جينز و بليزر فوشيا و تحته توب ابيض مع لمسات المكياج الخفيفه و احضرت حقيبتها ونزلت
امنيه : يلا ..
عمر : باعجاب : يلا
ركبو السياره و ذهبو الي اكبر مراكز التسوق رات امنيه كثير من الفساتين ولكن لم يعجبها اي شئ و اختار لها عمر فستان عندما راته لم تقدر ان تخفي اعجابها به فكان الفستان كب وردي منقوش برسمات الورد قصير الي الركبه و كان شكله جميل جدا
امنيه باعجاب شديد : هو ده الي هلبسه
عمر : عجبك ذوقي يعني
امنيه : ايوه ..اخيرا لقيت حاجه حلوه فيك
عمر : متخافيش ده انا اعجبك اووي
امنيه : واثق ف نفسك اووي
عمر بثقه : انا طول عمري واثق من نفسي
........
وصلت امنيه الي بيتها ف السماء و هي في سعاده بالغه دخلت بيتها وجدت حبيبه هناك قالت لها : كويس انك هنا عايزه احكيلك علي حاجه
حبيبه : اييه
امنيه : تعالي تعالي ...صعدو معا الي غرفتها قالت امنيه بسعاده : انا مبسوطه اوي كان احسن يوم ف حياتي .. عمر ده شبهي بالظبط ... ف كل تصرفاته ..صحيح هو مستفز شويه بس عاادي ..دايما واثق من نفسه .. فطسني من الضحك النهارده .. من الصبح وانا معاه ومزهقتش
حبيبه : امم افهم من كده بداتي تحبيه
امنيه : احبه ايه يا حبيبه انتي هبله ..انا وهو اصحاب وبس واحنا متفقين علي كده
حبيبه : اممم ماشي يا ستي احكيلي عملتو ايه
حكت لها امنيه ما فعلو والاماكن الرائعه التي زاروها التي لاول مره تراها ..و انه لم ينظر لبنت واحده وهما معا ..رغم انه يعرف بنات كثيره و يقال انه "نسوانجي و عينه زايغه "
امنيه : هي ديه الحاجه الوحشه الي فيه ..انه نسوانجي و بتاع بنات
حبيبه : مش يمكن ديه تكون ميزه
امنيه بعدم فهم : ازاي يعني
حبيبه : بصي ياستي ... الراجل النسوانجي هيعرف ازاي يبسطك عشان اتعامل مع الف غيرك ...هيبقي فاهمك وعارف ازاي يتعامل معاكي .. هيكون عنده استعداد للتوبه و الاستقرار اكتر من الرجل العادي عشان الراجل العادي نفسه بتتفتح بعد الجواز ..وبيتحول لواحد مختلف تماما ...هيعرف يخرجك ويوديكي اماكن اول مره تشوفيها لانه لافف وداير .. طالما النسوانجي قرر يتجوز تبقي اعرفي انه هينسي كل البنات الي كان يعرفها و يكتفي بك في المرحله ديه علي الاقل ...بيكون فيه حاجه حلوه يا اما دمه خفيف او شخصيته حلوه او عنده كاريزما..او اي شئ مميز امال الي قبلك بصوله علي ايه ...مش كئيب ..بيكون اكتر خبره من الراجل العادي ..بيهتم بنفسه و بمظره وبيكون انيق دايما ...عنده ثقه في نفسه وديه اهم حاجه ف الراجل عموما ...بيعرف يتكلم ويختار كلامه وعنده فن الاطراء ..مش ممل هيخليكي تكتشفي كل يوم حاجه جديده ..كفايه احساسك انه ساب كل البنات علي شانك واختارك انتي .. اهم ميزه بئا انه هيبئا شبعان وبيوصل لمرحله الزهد ويكتفي بيكي انتي
امنيه باعجاب : عجباني طريقه تفكيرك
حبيبه : ثانكس ... فكري ف كلامي يا امنيه وادي لنفسك فرصه و عمر كويس مش وحش.. سلام
نامت امنيه وهي تفكر في
كلام حبيبه ..ولكن بعد ان تذكرت ماضيها ..توصلت الي انه سيظل صديق ..فقط صديق...فهي ليست مستعده لجرح اخر ..نعم هو لطيف ..لكنه مستفز ..وهي تعرف كيفيه التعامل مع المستفزين ... و وعدت نفسها انها لن تحبه و بعد 6 شهور سينتهي كل هذا ..
..........
نهايه البارت ...ايه رايكو ف
كلام حبيبه ... ويا تري امنيه هتتنازل عن الوعد و ممكن تحب عمر ولا هتفضل تعامله ك صديق وبس ..وعمر هيسيب كل البنات الي يعرفهم و يحب امنيه ..ولا هي بالنسباله بنت عاديه وخلاص ..؟!
البارت الخامس من قصتى ظلمتنى ولكن أحببتك
قد تكوني مهتمة بالمواضيع التالية ايضاً