اهلا بيكو يا احلى عرايس فى الدنيا
كل عروسة من العرايس بتمر بظروف نفسية سيئه قبل الزفاف
وخاصة فى الفترة اللى بيبدأ عندها تنجيد فرش العروسة وبدء فرش الجهاز فى شقتها
هذة الفترة قد تصاب العروسة بحاله نفسية قد تتلخص فى الأتى
• حاله من الكبت والاحساس بالعزلة
وانها مش عايزة تكلم حد وانها خايفة وحاسة بخوف بدون ما تلاقى سبب للاحساس ده لانها لو اتكلمت مع نفسها فى سبب الخوف هتلاقى ان الاسباب ملهاش اى قيمه لدى الاخرين ولكنها تشعر انها اسباب عظيمه بالنسبة لها
ولذلك قد تتنطوى على نفسها تجنبنا للحديث مع الاخرين بدلا من ان يقلل احدا من اسباب خوفها
• قد تصاب بحاله من البكاء بدون اى سبب
فقط تنهمر دموعها بدون ايه اسباب وان قل ما تشعر بعض العرايس بانهم غير راضيين عن جهازهم او انها قد تكون اقل من صديقاتها فى الجهاز او الاحساس بمفارقة الاهل مما يجعلها دائما فى حاله بكاء مستمر او احساسها بانها كلفت اهلها الكثير لحققو لها ما تتمنى
• قد تصاب بحاله من عدم الرضا
سواء كانت غير راضية عن جهازها وفرشها او عن تجهيزات الفرح حتى وان كانت اختارت كل شيئ برغبتها فقط هو شعور دفين جواها
• قد تصاب بحاله من الغضب والثورة لاتفه الاسباب
وهذا شعور اخير ناجم عن حاله عدم الرضا التى تواجهها العروسة
• قد تصاب بحاله من التوتر والارتباك او الوسوسه القهرية
وقد يؤدى الى نسيان بعض الاشياء او الوسوسة من انها قد تكون غفلت عن تحضير جزء ما او انها لم تقم بتحضيرة على اكمل وجه او قد تتملكها رغبة فى قلب كل شيئ وتعيد ترتيبة من جديد
• قد تصاب بحاله من الكراهية لخطيبها
قد يتسرب للعروسة حاله من كراهية خطيبها لاعتقادها انه السبب فى فراقها عن اهلها وقد تنظر له بنظرة انه شخص انانى فكر فى نفسه ومفكرش انها هتبعد عن اهلها او قد تكرهه لانه السبب فى لخبطة حياتها وسبب لها المشاكل فى ترتيب امور الزواج وقد تشعر انه انسان سلبى ترك كل شيئ خلف ظهره لها
• قد تصاب ايضا ب
* حاله من فقدان الشهية
* حالة من عدم القدرة على التركيز
* عدم القدرة على اتخاذ قرار او إبداء رأى فى امر ما
* القلق والنوم المتقطع ده لو جه نوم اصلا
كل هذة اسباب مختلفة لسبب رئيسى واحد وهو
مفارقة الاهل وبدء حياة جديدة تكون فيها بدلا من ان تكون البنت المدلعه التى يراعيها اهلها ويلبون رغباتها لتتحول لسيده تكون مسئولة عن كيان وبناء اسرة يجب ان تكون صالحه ومتربية تربية صحيحه
هذا السبب يولد مشاعر مختلفة لدى العرايس قد يجتمعو معا او قد تختلف عروسة عن الاخرى فى الحالة
علاج هذة الحاله يتلخص فى النقاط التاليه
♥ حبيبتى كل بنت مسيرها يوما للزواج فتمتعى بشبابك مع زوج صالح يحبك ويعينك على طاعة الله بدلا من ان يأتى يوما تبكين فيه
♥ انظرى لامك فقد كانت يوما ما بنت فى بيت اهلها وتزوجت وانجبتكى وها انتى الان عروسة تكملين مسيرة الحياة
♥ لا تنظرى خلفك فقط انظرى امامك انتى بعد ايام معدودة سوف تكونين اميرة متوجه فى مملكتك مع انسان يحبك ويتمنى ان يرضيكى ليحقق لكى كل احلامك
♥ غدا سوف يضمك قصر واحد انتى فيه اميرة وهو ملكا قمتى بتأسيسه بذوقك لعيشى فيه حياة هنيئه هادئة
♥ حبيبك الى استنيتيه فترة الخطوبة وكنتى كل يوم تتمنى ييجى يزوركم علشان تقعدى معاه ساعه او اتنين هيبقى معاكى تاكلو سوا وتشربو سوا وتخرجو وتلفو الدنيا كلها مع بعض سوا
♥ عيشى حياتك وانطلقى دى سنة الحياة وسنة ربنا ورسوله لو مفيهاش كل الخير مكانش ربنا أمرنا بيها وسنها سنه من سنن الحياه
♥ اتطمنى وثقى ان الحمل مش عليكى لواحدك معاكى خطيبك واهلة وانتى واهلك واخواتك يعنى كله هيبقى متظبط واحسن مما تتخيلى
♥ ثقى ان البكاء لن ينفع بل يضر ببشرتك وبوجهك وانتى فى امس الحاجه ان وجهك يكون مرتاح حتى تستطيعى ان تظهرى بمظهر جميل وملائكى ليلة زفافك
واخيرا
اتمنى من كل قلبى
ان يوفقكن جميعا وانا يتمم لكن جميعا بكل الخير
وربنا يهنيكم ويسعدكم العمر كله
ويرزقكم بذرية صالحه سليمه معافة
كل عرايس عد لات وكل عرايس وبنات المسلمين اجمع
الحالة النفسية للعروسة قبل الزفاف وعلاجها 2025
قد تكوني مهتمة بالمواضيع التالية ايضاً