أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

تعبانة اوى وزعلانة

إضافة رد  أضف للمفضلة
https://3dlat.com/showthread.php?t=337383
1987 12
#1

افتراضي تعبانة اوى وزعلانة

دلوقتى انا ف بيت عيلة وكنت قاعدة عند حماتى تحت ومعايا جوزى وبنتى والبنت كانت بتجرى وتلعب وبعدين قلعت الشبشب بتاعها ف اوضة تانية غير اللى قاعدين فيها




فقلت لجوزى قوم هات شبشبها عشان طبعا ممكن تاخد برد
انا قلت كدة بكل عفوية ومش قصدى ابدا حاجة وحشة عادى جدا ان اب يجيب شبشب بنته مفيهاش عيب ... لقيته قالى لا ولقيت اخته كشرت وقالتلى مينفعش تقوليله كدة ادامنا والمفروض تقومى تجيبيه انتى وكلمتنى بطريقة وحشة اوى واحرجتنى وهو ولا رد عليها ولا قالها مقصدش ولا اى حاجة سابها تحرجنى كدة قلتلها فعلا انا غلطانة وطلعت معيطة وهو معبرنيش ولا طلع الا بعدها باربع ساعات وطبعا طالعلى متنرفز من كتر ماشحنوه وضايقوه منى ... وانا والله مكنش قصدى حاجة وحشة ابدا كل اللى كان هاممنى ان البنت متتعبش لما تمشي عالبلاط
دلوقتى انا زعلانة انه مردش وانا ف وسط اهله كان نفسي يقولهم متقصدش واما يطلع يبقي بعاتبنى ... وهو زعلان انى طلبت منه يقوم ادامهم وبيقول انى صغرته
ياريت تقولولى ايه الصح واعمل ايه


#2

افتراضي رد: تعبانة اوى وزعلانة

حبيبتي الرجاله طبع فيهم أن الزوجة ما تطلبه اى حاجه منهم قدام حد وخصوصا أهله انتى عارفه لو في بيتك كان هيقوم عادى جدا ومكنش الموضوع هيكبر
انتى دلوقتي اتوضي وصلي ركعتين لله وبعدين روحى عنده كلميه براحه وفهميه انك مش قصدك اي حاجه تانيه وانك بتعتذرى عن سوء التفاهم اللي حصل ما تدخليش اي حد يدخل بينكوا ومحاولة تضحكي في وشه وتخليه يصالحك الرجاله مش صعبين قوى للدرجه دي
بس ابدئي انتى بالكلام وهتلاقي أن هو كمان بيكلمك
واما تحبي تطلبي منه حاجه بعد كده هاتيها بطريقه سهله وغير مباشرة
مثلا قولي ايه ده شوف بنتك قلعة الشبشب ده كده هتبرد وتتعب هيقوم لوحده يدور عليه
إظهار التوقيع
توقيع : حياه الروح 5
#3

افتراضي رد: تعبانة اوى وزعلانة

ربنا يصلح حالك حبيبتي ابقي طمنيني عملتى أيه
[MENTION=127588]Jokaa[/MENTION];
إظهار التوقيع
توقيع : حياه الروح 5
#4

افتراضي رد: تعبانة اوى وزعلانة

انا مع حياة الروح ربنا معاكى
إظهار التوقيع
توقيع : زهرة حبك
#5

افتراضي رد: تعبانة اوى وزعلانة

زى ما حياة الروح قالت
إظهار التوقيع
توقيع : العدولة هدير
#6

افتراضي رد: تعبانة اوى وزعلانة

[MENTION=127588]Jokaa[/MENTION];
معلش حبيبتى وانتى اتعلمتى واعتذرى لية بالراحة وقوليلو انك متقصديش خالص انك تحرجية كدة واكيد ما حياة الروح قالتلك الرجالة بيكبرو الموضوع
ومعلش اذا كان اهلة قومو عليكى خليكى انتى احسن واتكلمى معاهم عادى كأن مافيش حاجة
وطالما انتى عايشة مع حماتك يبقى لازم تعرفى ان هيبقى فى مشاحنات كتير انتى لازم تتقربى من حماتك واخوات جوزك وتكسبيهم اوى بأى طريقة علشان هما اللى هيقفو فى ضهرك اسمعى كلامى لمصلحتك
إظهار التوقيع
توقيع : ام مالك وميرنا
#7

افتراضي رد: تعبانة اوى وزعلانة

زي ما قالت ام مالك وميرنا@ ,حبيبتي انا عايشه نفس مضايقاتك,ومفيش نفس خالص,بس والله اني صبوره حتي يكاد الصبر ينفد,حبيتي الله يصلح اموركم ويجمعكم في الخير,حبيبتي هذا زوجك لازم تعرفي كيف تصالحينه,انت تعرفين كيفيه التعامل معه,ابدلي جهدك مادام زوجك يحبك,سلام.
#8

افتراضي رد: تعبانة اوى وزعلانة

شكرا ع ردودكم ربنا يكرمكم
#9

افتراضي رد: تعبانة اوى وزعلانة

هقولك حاجه انا لسه متجوزتش بس اعرف ان المفروض جوزى قدام اهله اديله شخصيته يعنى شخصيت سى السيد
وكونك تطلبى منه حاجه قدام مامته او اخته طبعا غلط لانه قبل ما يتجوز كانوا هما بيعملوا كل حاجه وهو مش بيشيل حاجه من مكانه

فا انتى اعتزرى وحولى تتفهمى معاه انه يعتبك بعيد عن اهله وانه يعملك شخصيه قدمهم علشان متتعبيش اكتر

وربنا يهديلك الحال
#10

افتراضي رد: تعبانة اوى وزعلانة

ربنا يصلح حالك مع زوجك
#11

افتراضي رد: تعبانة اوى وزعلانة

الله يهدي ماخلق
#12

افتراضي رد: تعبانة اوى وزعلانة

فعلا يا حبيبتى انتى غلطانه ازاى تطلبى منه الطلب ده قدام الناس لو خايفه على البنت كنتى قومى انتى تجيبى الشبشب
عارفه لو فى شقتك عادى لكن قدام اهله مش ظريفه خالص
طبعا اخته زودت الطين بله واحرجته اكتر بكلامها معاكى اغلب اخوات الزوج كده وهى ممكن تكون راكبه جوزها بس تعمل عليكى سبع رجاله المهم انك تعتذرى وتفهميه انه مكناش قصدك وبلاش تجبيى سيره اخته ولا عدم رده عليها
ومعلش خدى بالك من كلامك قدامهم اكتر من كده
#13

افتراضي رد: تعبانة اوى وزعلانة

طالما عايشه ف بيت عيله لازم تحسبي كل حركه وكل كلمه .. عشان ردود فعل ال قدامك متصدمكيش لان بيكون الضوء كله مسلط ع افعالك فإحذري عشان تكسبيهم وزوجك يفضل واقف جنبك ... وبعدين انت معاكي بنوته ماشاء الله يعني انت مش جديده معاهم واكيد فهمتي طبعهم .... بطول ماانت فاهمه طبع ال قدامك هترتاحي وهتريحيه ... وربنا يصلح حالك ويبارك لك ف بنتك دي كلها امور سهلة التغيير مع الوقت هتكيفي نفسك
إظهار التوقيع
توقيع : زهره محمد


قد تكوني مهتمة بالمواضيع التالية ايضاً
الموضوع كاتب الموضوع المنتدى
قصة ويبقى الحب من اجمل القصص الرومانسية والحب والغرام دوما لك الحمد قصص - حكايات - روايات
بتغيرى اوى على خطيبك لا وايه هو بيستفزك طيب ورايا انا ام جنى وبس ام جنى وبس فتيات تحت العشرين
اصدقائى وحشتونى اوى رجعت بفضل دعوتكم الاميرة النائمه مضيفة عدلات
خد بالك اوى شقاوة آنثى أقلام عدلات الذهبية
ملابس اطفال من Chloe - ازياء اطفال طعمين اوى حسناء ازياء وملابس الاطفال


الساعة الآن 12:31 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل