20 قاعدة اساسية للتعامل في الاماكن الرياضية
مفيش بنت فينا ما بيبقاش نفسها انها تتعامل بشياكة و احترام زى ما بنشوف فى المسلسلات و الافلام وفي الحقيقة مع الأميرات زي princess kate مثلا وبنتفرج علي طريقتهم في التعامل مع اللي حواليهم واد إيه بيبقي فيه بساطة وشياكة وبنبقي معجبين جدا بهم..
والحقيقة دى حاجه مش صعبة والموضوع كله فى ايديكى انتى علشان تلاقى الناس من حواليكى سواء فى البيت او فى الشغل او حتى وسط اصحابك و قرايبك بيتعاملوا معاكى بشياكة و احترام كأنك princess بظبط ، لازم انتى كمان تكونى بتحترميهم و بتتعاملى معاهم بشياكة و ذوق علشان تبان اخلاقك الحقيقية الحلوة و يبان جمالك الداخلى اللى مهم زي جمالك الخارجى بالضبط و لانه الفن اللى بيعلمنا ازاى نتكلم و نتعامل مع الناس حوالينا فى المواقف المحتلفة هو فن الاتيكيت، فى المقال ده بنات حوا هتقولك على 20 نصيحة أتيكيت ممكن تغير حياة كل ليدى …
20 نصيحة أتيكيت لكل لادي متفوتيهمش1- لو انتى قاعدة مع جوزك او خطيبك او حتى زميلك فى الشغل و خدتى بالك انه عارف قواعد الأتيكيت و بيقف لما تيجى تقومى من على الترابيزة من قواعد الأتيكيت انك تقعدى على طول و ماتخليهوش واقف كتير .
2- طبعا قاعدة اساسية انه ماتتكلميش ابدا و فى اكل فى بقك ، و يفضل تشربى بق مياة بعد ما تبلعى الاكل و بعدين تتكلمى .
- لازم تاخدى بالك من كلامك و الالفاظ اللى بتستخدميها ، الكلمة الحلوة تقدرى بيها تكسبى اى حد . 4- لازم تلبسي علي حسب المناسبة وتعرفى ايه هو اللبس اللى يمشى مع المناسبات المختلفة .. بتفرق قوي!
5- نصيحة أتيكيت مهمة جدا هى انك ماتطلبيش اى حد فى التليفون قبل 9 الصبح و بعد 9 بالليل .
6- لما تقابلى حد جديد بدل ما تقولى ” اهلا ” بس ، يفضل انك تسلمى و تقولى ” اتشرفت بمعرفتك ” او ” فرصة سعيدة ” .
7- وقت العزومة او لو فى اجتماع او بتاكلى مع اصحابك فى النادى مثلا اعملى الموبايل silent .
8- نصيحة أتيكيت مهمة جدا انك لما تطلبى حاجه تقولى ” لو سمحت ” او ” من فضلك ” و كمان تقولى ” شكرا ” .
9- لما تيجيى تجاملى حد او تشكرى حد على حاجه حاولى تكونى تقصدى اللى بتقوليه فعلا و يكون طالع من قلبك.
10- اللى بيخلى أي بنت تبقي ليدى هى اخلاقها ، علشان كده الليدى لازم تساعد الناس من حواليها ، فلو لقيتى حد كبير فى السن مثلا قومى و خليه يقعد مكانك ووفريله أو مساعدة تقدري تقدميها.
11- لو اتعزمتى على حفلة او فرح لازم تقرى الدعوة كويس و لو فيها قواعد معينة فى اللبس او عدد الضيوف لازم تلتزمى بيها .
12- وقت العزايم ماينفعش ابدا تروحى من غير هدية ، الهدية هتبين تقديرك و حبك لصاحبة العزومة .
13- لازم تكون كلمتك واحدة ، يعنى ماتقوليش حاجه الا اذا كنتى تقصديها و لو وعدتى لازم توفى وعدك .
14- لو متفقه على ميعاد مع خطيبك استنيه لما يتصل بيكى و يأكد هو الميعاد ، ماتستعجليش و تتصلى انتى .
15- حطى لنفسك time frame بمعنى انه لازم يبقى معروف عنك انه وقتك منظم و ماينفعش تنزلى تخرجى فى اى وقت ، رتبى خروجاتك على الاقل قبلها بيومين .
16- لو بتقابلى حد لاول مرة علشان تتعرفوا على بعض مثلا حاولى متتقابلوش فى مكان مفضل ليكى او ليه و تكونوا معروفين فيه ، الافضل انكوا تتقابلوا فى مكان جديد و محايد .
17- حاولى ماترجعيش البيت بعد 10 بالليل ، علشان تكونى ليدى لازم تخرجى من البيت و ترجعى فى اوقات مناسبة و مش متأخرة .
18- دايما قدرى اللى الناس من حواليكى بيعملوه علشانك و حاولى دايما تقولى كلمات لطيفة زى شكرا .
19- لو معزومة على الغداء فى مطعم استنى اما اللى عازمك يطلب هو الاول عشان تقدري تحددي الطلبات اللي بيطلبها سعرها حوالي اد ايه وتطلبي حاجات بنفس الاسعار تقريبا ، ولو اصر انك انتى اللى تطلبى الاول حاولى تطلبى حاجات سعرها مناسب و متكونش غالية ، و دايما اعرضى انك انتى اللى تدفعى الحساب او على الاقل تدفعى نصيبك .
20- دايما لما حد يبقى بيتكلم معاكى سواء بيناقشك او بيفضفضلك لازم تبقى مستمعة جيدة و تديله اهتمامك كله و ماينفعش خالص تمسكى تليفونك ، الليدى دايما بتظهر اهتمامها و رغبتها فى المساعدة .
نصايح و قواعد الأتيكيت فى الجيم
لما توصلى :
كتير مننا و احنا بنركن عربيتنا بنلاحظ انه الناس كلها بتبقى عايزة تركن فى اقرب مكان و مايدخلوش جوه بعربيتهم، لما توصلى الجيم ماتعمليش زيهم او تقفي تستنى مكان يفضى او حتى تتخانقى على مكان قريب ، اركنى فى اى مكان فاضى حتى لو بعيد و فى الاخر لما تمشى شوية لحد ما توصلى لعربيتك ده هينفعك اكتر ، اعتبريه تمرين زيادة .
ولما تدخلى الجيم ابتسمى فى وش الناس و سلمى عليهم و على الـ receptionist وامشى على قواعد و تعليمات المكان ، يعنى لو كل مرة المكان بيطلب منك تملى form معينة او تعملى check in او يشوفوا كارنية العضوية بتاعك ، اعملى ده .
مظهرك و نظافتك الشخصية :
قاعدة مهمة من نصايح و قواعد الأتيكيت فى الجيم انك كل مرة تيجى تروحى فيها الجيم افتكرى دايما انك مابتبقيش لوحدك هناك ، البسي هدوم مناسبة للمكان اللى انتى رايحاه و تكون مش هتضايق الناس او اوفر و ماترميش الفوطة الخاصة بيكى او هدوم الخروج فى اى حته، حطيهم فى المكان المخصص ليهم و ماتنسيش تستخدمى مزيل للعرق، وبلاش تحطى برفيوم.
اثناء التمرين :
اثناء التمرين دايما احترمى زمايلك قى الجيم ، الموظفين والادوات و الاجهزة. و لو عندك سؤال محدش هيقدر يجاوبك عليه غير المدربين او اللى بيتمرنوا معاكى يبقى اديهم الفرصة يتكلموا و حاولى ماتقطعيش الكلام و هما بيجاوبوا عليكى .
- نضفى الادوات بعد استخدامك :
مهم تنضفى الادوات اللى استخدمتيها اثناء التمرين بعد ما تخلصى لانه واحنا بنتمرن بنعرق، هاتى فوطة صغيرة و امسحى بيها الادوات بعد ما تستخدميها .
2- استبدلى الادوات اللى استخدمتيها :
بعد ما تستخدمى ادوات التمرين رجعى كل حاجه مكانها او على الاقل حطيها فى مكان واضح علشان لو حد غيرك عايز يستخدمها يقدر يشوفها بسهولة، ولو فى حاجه و انتى بتتمرنى باظت او اتكسرت حاولى تستبدليها بواحده تانية سليمة .
3- ماتحجزيش الادوات لحسابك :
اثناء التمرين لو تعتبتى او محتاجة تاخدى break يبقى سيبى الادوات او الجهاز اللى كنت بتستخدميه لغيرك يتمرن بيه على ما ترتاحى ، ماتحجزيش الادوات لحسابك.
4- ماتسيبيش الفوطة الخاصة بيكى او ازازة المية :
ماينفعش تحجزى المشاية مثلا او اى جهاز تانى بأنك تحطى عليه الفوطة بتاعتك او ازازة المية، دايما استنى لما الجهاز اللى انتى عايزاه يفضى او استأذنى الاول قبل ما تحجزيه ، ولو مثلا قابلتى حد تعرفيه و عايزة تتكلمى معاه يبقى انزلى من على الجهاز و خلصى كلام و بعد كده ارجعيله تانى ، كمان مهم انك ماتسبيش الفوطة الخاصة بيكى او ازازة المية على الارض .
5- خليكى صبورة :
خليكى صبورة لو لقيتى حد تانى بيستخدم الجهاز اللى انتى عايزة تتمرنى عليه ، و ممكن فى الوقت ده تتمرنى على جهاز تانى او لو فى اكتر من حد مستنى خليكى صبورة و ماتفضليش كل شوية تسأليه ” قربت تخلص؟” و لو محتاجة تقضى وقت طويل على جهاز معين يبقى استنى لما الناس يخلصوا تتمرينهم عليه او لما يبقى مفيش حد محتاجه .
6- لو لقيتى حاجة مكسورة بلغى المدير :
لو لقيتى جهاز عطلان او فى حاجه مكسورة بلغى اى حد من موظفين الجيم او المديرعلشان يقدروا يصلحوها.
حاولى ماتعمليش دوشة سواء و انتى بتسمعى المزيكا بتاعتك او و ناتى بتتكرنى حاولى ما يطلعش منك صوت عالى او اونتى بتتكلمى على الموبايل او بتتكلمى مع اصحابك حاولوا يكون صوتكوا واطى او تتكلموا فى مكن تانى غير مكان التمرين ، حاولى تستخدمى دايما الـ headphones وانتى بتسمعى مزيكا او اونتى بتتكلمى فى التليفون.
8- احترمى زمايلك فى التمرين :
لو بتاخدى exercise class و ليكى زمايل حاولى دايما توصلى فى معادك علشان تبينى احترامك ليهم و حاولى ماتستخدميش حاجه من الادوات او الاجهزة من غير ما تستأذنى.
9- لو عيانة ماتروحيش الجيم :
لو عيانة افضلى فى البيت و متروحيش الجيم علشان ما تعديش باقى زمايلك .
الأتيكيت فى الجيم : أتيكيت الحمام و غرفة تغيير الملابس :
حطى فى بالك دايما انه غرفة تغيير الملابس و الحمام فى الجيم بيعتبروا اماكن عامة لانه بيستخدمهم اكتر من شخص علشان كده حاولى ماتبقاش حاجاتك الشخصية زى الفوط و الهدوم و مزيل العرق و الشوز و غيرهم فى كل حتة و استخدمى locker واحدة لكل حاجاتك ، و لو الجيم بيوفر الفوط و المية من غير ما تضطرى تجيبيهم معاكى يبقى خدى فوطة واحده بس او اتنين ومش اكتر من كده ومهم ماترميش اى حاجه ليكى على الارض و بعد كل تمرينة ترجعى كل حاجه مكانها.
إظهار التوقيع
توقيع : حنين الروح123
التوقيع لا يظهر للزوار ..
رد: 20 قاعدة اساسية للتعامل في الاماكن الرياضية
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| التمرينات الرياضية.. وصحة المخ | اماني 2011 | العناية بالطفل | ||
| اغرب الاماكن السياحية - اغرب الاماكن السياحة في العالم - اغرب اماكن العالم | ЙǑŏƒ | عدلات للسياحة والسفر والرحلات | ||
| ننفرد بنشر قانون الرياضة الجديد.. وأبرز المواد بند الـ"8 سنوات" | سارة سرسور | اخبار رياضية | ||
| 13 قاعدة من اسرار فقدان الوزن لم تسمعها من قبل | ام الاء وبيان2 | طرق التخسيس وانقاص الوزن | ||
| التمارين الرياضية اساسية لمكافحة الشيخوخة | ريموووو | العناية بالجسم | ||
الساعة الآن 01:26 AM
جميع المشاركات تمثل وجهة نظر كاتبها وليس بالضرورة وجهة نظر الموقع