فوبيا الالتزام: عايش مع نفسه ومش بيحب يرتبط لا بأتفاق ولا بشخص
رُهاب أو فوبيا الالتزام هي نوع من المخاوف غير الواقعية اللي بتحصل للشخص أول ما يبدأ أنه يحاول يدخل في التزام أو اتفاق مع طرف تاني حاسس أنه مش هيقدر ينفذه.
يعني مثلا ممكن الراجل يقع في غرام وحدة ست ويبقي بيموت في دباديبها بس أول ما يجي عند الجد وانهم يقننوا الوضع ويخلوه رسمي يجيب ورا، ا لو سألنا حد مر بالتجربه دي وقلنا له بتحس بأية هتلاقية أنه بيجاوب أكنه داخل في كمين وبيفقد السيطرة علي مشاعره.
فوبيا الالتزام معناها ان الشخص بيعمل حاجه وبعدها علي طول بيعمل عكسها بس لما يوصل لنقطة معينه في ألمرحله الأولانية بعدين يتحول أول ما يحس أنه أتبدس وهيبدأ يلتزم.
طب تعرف أنك بتعاني من فوبيا الالتزام إزاي؟
أي حد بيحس بالخوف أما يبقي ناوي يدخل في التزام أي كان نوع الالتزام ده بس أمتي تحول الخوف ده لمرض، لما يبتدي الخوف أنه يخلي الشخص ينهي التزامه من الأساس ويخرج من فخ أنه ينفذه، زي مثلا الالتزام انه خايف يشتري قطه لحسن يتدبس في أنه يهتم بيها ويأكلها ويشربها ويرعاها.
فرط الخوف اللي بيجي للشخص بتخليه يأخد قرارت غلط كتير وأنه مش قادر يميز بين القرار الصح والقرار الغلط ، ومش بيبقي حكيم في أخيتارته زي لما يجي يختار شريك حياته أو لما يجي يتحمل المسئولية في الشغل ولما يجي يأخذ قرارات صحيحة ليها علاقة بيه ، من الأخر ما بيعرفش ياخد أي قرار صح في حياته، صحيح أن طرق معالج المخاوف المرضية بيبقي أولها إننا نعرض الشخص نفسه لمخاوفه بس هما مش هينفع نجبره أنه يلتزم من الأساس، لأن الخوف من الارتباط العاطفي مش هنقدر نعالجه بأنه نجبر الشخص انه يعمل علاقات اكتر أو يدخل في الناحية الجد بالعافية، وفي الحالة دي لازم نعالج السبب الأساس اللي ورا الخوف من انه يدخل في تجربه الالتزام العاطفي.
أعراض الخوف المرضى من الالتزام:
- القلق الاجتماعي.
- ممكن يأذي الطرف التاني.
- بينقد كتير الطرف التاني.
- مثالياته مش واقعية.
- بيحط حواجز كتير في علاقاتهز.
- بيخاف يلتزم بأي حاجه في حياته.
- مزاجه متقلب.
- بيحب السرية في التصرفات.
- مش اجتماعي بالمرة سواء مع صحابه وعيلته.
- بيخاف يعبر عن مشاعره أو أنه يوعد أي حد بالكلام بس .
أسباب فوبيا الالتزام:
مفيش سبب واضح عشان يبقي الشخص عنده فوبيا الالتزام، الدكاترة النفسيين بيقولوا أن مشاعر الخوف الداخلية الكامنة اللي بيعانى منها الشخص بتتحول إلى أشياء خارجية وبتبقي مصدر الخطر للمريض، والأشياء الخارجية بدورها بتخليه يحس بالخوف ، وفيه كمان عامل تاني بيحفز مشاعر الخوف المرضى عند الشخص واللي بيفترضه الدكاترة النفسيين انه زي تعرض الشخص للصدمة وارتباطها بمصدر بيخليه يحس بالخوف أو الهلع، وبمجرد أن يمر الشخص بمصدر الخوف من المكان أو الشىء اللي بيخوفه بيحس بمشاعر مؤلمة دفينة اللى ارتبطت بمصدر الخوف عنده او خلته يحس بالخوف لديه.
أما الأسباب المعروفة والمنتشرة اللي ورا فوبيا الالتزام:
- ضغط نفسي تعرض له الشخص وهو في مرحلة طفولته المبكرة زي مثلا أنه فقد حد عزيز عليه أو عمل حادثة وهو صغير ، أو أبوبه وأمه اتطلقوا ، أو أتعرض للعنف وهو صغير أي كان العنف ده داخل أسرته، أو مكنش عنده قدوة وهو في مرحلة الطفولة، أو بيحس بالخوف من رفض الناس التانية.
- عنده قلق ورفض داخلي من التخطيط للمستقبل.
- مش بيثق في أي حد تاني ممكن يكون بسبب أنه اتعرض للخيانه في مرحله ما من علاقاته العاطفية.
- بيحس أنه بخوف من فقدان السيطرة نتيجة لخبرة سابقة.
- بيخاف أنه ما يثكنش بيحكم علي الأشياء والتصرفات بشكل صحيح.
- بيتجنب الألم، وبيخاف أنه يمر بالتجربه دي مرة تانية.
- مش بيقدر يتحمل المسئولية لأنه في الأصل ما اتعودش علي كده.
- بيخاف انه ما يوفيش بوعده أو ألتزامه تجاه الشخص اللي اتفق مهعاه او تجاه الشئ اللي وعد أنه ينفذه .
- بيخاف أنه يضحي بأستقلاليته وده بيظهر أنه بيخاف من الأرتباط في الأساس.
- حساس أوي تجاه تصرفاته ودا راجع أن التربية الغلط والتسلط من قبل الأب والأم بيخلوا الشخص يفقد الثقة في نفسه، ومش عارف قيمته كويس.
إظهار التوقيع
توقيع : حياه الروح 5
التوقيع لا يظهر للزوار ..
رد: فوبيا الالتزام: عايش مع نفسه ومش بيحب يرتبط لا بأتفاق ولا بشخص
إظهار التوقيع
توقيع : العدولة هدير
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| 60 سؤالا في أحكام الحيض والنفاس للشيخ بن عثيمين رحمه الله | شوشو السكرة | فتاوي وفقه المرأة المسلمة | ||
| بعض الأحاديث الضعيفة واشتهرت على ألسنة الكثيرين من العامة | هـــدوء | احاديث ضعيفة او خاطئة | ||
| قتاوي حكم الاختلاط | شوشو السكرة | فتاوي وفقه المرأة المسلمة | ||
| سيرة الشيخ الإمام المجدد محمد بن عبد الوهاب. | الرزان | العقيدة الإسلامية | ||
| هل تريدين علاجا ادخلي واقرأي وستشفين إنشاء الله العلاج بالقرآن والسُّنَّة المقدمة: أهمية العلاج بالق | فراشة القمر | الرقية الشرعية والسحر | ||
الساعة الآن 10:47 PM
جميع المشاركات تمثل وجهة نظر كاتبها وليس بالضرورة وجهة نظر الموقع