أو

الدخول بواسطة حسابك بمواقع التواصل

#1

Dp14 حسه ان شغل البت تقيل عليكي

السلام عليكم
انا النهارده جايه اقولكم على شوية افكار علشان تفيد البنات اللى لسه متجوزين جديد وشغل البيت تقيل عليهم وده طبعا نتيجه ان ماما كانت مدلعاهم وبتجيب لهم الفطار فالسرير

اول شىء لازم تستعينى بالله سبحانه وتعالى وتطلبى منه انه يهون عليكى شغل البيت والطبخ وكده

روي أنّ أمير المؤمنين عليه السلام قال لرجل من بني سعدٍ : ألا أحدّثك عنّي وعن فاطمة الزهراء ( سلام الله عليها ) ؟ إنّها كانت عندي فاستقت بالقربة حتّى أثّر في صدرها ، وطحنت بالرحى حتّى مجلت يداها (2) ، وكسحت البيت حتى اغبرّت ثيابها ، وأو قدت تحت القدر حتى دكنت ثيابها (3) فأصابها من ذلك ضرّ شديد ، فقلت لها : لو أتيت أباك فسألته خادماً يكفيك حرّ ما أنت فيه من هذا العمل . فأتت النبي صلى الله عليه وآله وسلم فوجدت عنده حداثاً ، فاستحيت فانصرفت ، فعلم صلى الله عليه وآله وسلم أنها قد جاءت لحاجة ، فغدا علينا ونحن في لحافنا ، فقال : السلام عليكم ، فسكتنا واستحيينا لمكاننا ، ثم قال : السلام عليكم ، فسكتنا ، ثمّ قال : السلام عليكم ، فخشينا إن لم نردّ عليه أن ينصرف ـ وقد كان يفعل ذلك فيسلّم ثلاثاً ، فإن اذن له وإلا انصرف ـ فقلنا : وعليك السلام يا رسول الله ادخل ، فدخل وجلس عند رؤؤسنا ، ثمّ قال : يا فاطمة ما كانت حاجتك أمس عند محمّد ؟ فخشيت إن لم نجبه أن يقوم ، فأخرجت رأسي فقلت : أنا والله اخبرك يا رسول الله ، إنّها استقت بالقربة حتى أثّر في صدرها ، وجرّت بالرحى حتى مجلت يداها ، وكسحت البيت حتى اغبرّت ثيابها ، وأوقدت تحت القدر حتى دكنت ثيابها ، فقلت لها : لو أتيت أباك فسألته خادماً يكفيك حرّما أنت فيه من هذا العمل . قال : أفلا اعلّمكما ما هو خير لكما من الخادم ؟ إذا أخذتما منامكما فكبّرا أربعاً وثلاثين تكبيرة ، وسبّحا ثلاثاً وثلاثين تسبيحة ، واحمدا ثلاثاً وثلاثين تحميدةً . فأخرجت فاطمة رأسها وقالت : رضيت عن الله وعن رسوله ، رضيت عن الله وعن رسوله (1) .
الحديث ده جميل اوى حاولى تنتظمى عليه


ثانى حاجه لازم يكون ليكى روتين يومى وروتين اسبوعى

الروتين اليومى


انك تصحى من النوم تصلى وتفطرى فطار خفيف وبعدين تاخدى المخدات والملايه وتحطيهم فالبلكونه علشان يتشمسوا

وبعدين تاخدى المكنسه الكهربا وتمشى بيها ف البيت كله اول يوم ممكن الشقه تاخد منك ساعه تانى يوم هتاخد اقل وهكذا لحد ما هتلاقى نفسك بتكنسى البيت كله ف 10 دقايق

بعد كده تدخلى المطبخ تشوفى هتطبخى ايه تجهزى طبيخك وتحطيه ع النار وتغسلى كل حاجه استعملتيها علشان الحوض ميتكومش ويسد نفسك

تخرجى من المطبخ وتاخدى قماشه نضيفه ( خرقه يعنى) وتدخلى ع الاوضه تمشى بالخرقه على الدولاب والسرير والسراحه وع الاوضه التانيه والتليفزيون والكمبيوتر وعلى الصالون والسفره وطبعا تشيلى التراب اللى على زجاج الشبابيك وخدى بالك لما تشيلى التراب كل يوم من ع العفش اولا العفش هيفضل جديد وثانيا التراب مش هيكوم ويتعبك ف شيله

وبعدين هاتى خرقه كبيره وبليها بشوية ميه بديتول وامشى بيها على سيراميك الريسيبشن ( الحتت العريانه بس ) اللى بتبقى حوالين السجاده

وبعدين تروحى تشوفى الطبيخ وتخلصيه

متنسيش كل فرض يأذن تجرى وتسيبى اللى ف ايدك وتصلى الفرض علشان ربنا يباركلك ف الوقت

وبعدين يا سيتى بالنسبه للحمام هاتى طبق بلاستك من اللى بتغسلى فيه الفاكهه وده تخصصيه للحمام وتحطى فيه ليفه وتمليه ميه بشويه بريل او جنرال او فيرى ومعاهم نقطة ديتول او فنيك وتاخدى الطبق ده وتحطيه على رف الحوض اللى بتحطى عليه فرش السنان وكل ما تخشى تتوضى او تعملى حمام تقومى واخده الليفه مثلا دخلتى تتوضى للضهر قبل ما تتوضى تاخدى الليفه وتدعكى الحوض دخلتى تتوضى للعصر تاخدى الليفه وتدعكى التواليت

وبعدين تروحى تدخلى المخدات والملايه من البلكونه وتفرشى السرير

خلاص كده الحمد لله البيت اتكنس والموبيليا اتمسحت والحمام نضف والطبيخ خلص
تاخدى بقى اى رشاش عندك فاضى بتاع الجلانس مثلا وتحطى فيه شوية داونى بتاع الغسيل وتحطى عليه ميه وترجيه كويس

وتدخلى على اوضة النوم وترشى رشتين ف الهوا وترشى رشتين على ملاية السرير وتقفلى الاوضه وتسيبيها

وتروحى ع الاوضه التانيه ترشيها وتخرجى ف الريسيبشن تعملى نفس القصه

تروحى بقى ع الحمام تاخدى الليفه وتدعكى البانيو وبعدين تاخدى دش وتلبسى قميص نوم حلو وتعملى مكياج هادى وتستنى جوزك لما ييجى


انتى ممكن تشوفى كل دى حاجات كتير وهتاخد منك وقت كتير هقولك اوك هتحسى بكده ف الاول بس لكن لما تعملى الكلام ده كل يوم هيبقى بالنسبالك عادى خالص وكل ده مش هياخد معاكى ساعتين
الروتين الاسبوعى

بقى تخليه يوم الخميس ده طبعا هتعملى فيه اللى بتعمليه كل يوم لكن الزياده بقى

ملايات السرير تتغير وبعد ما تغيريها ترشى عليها رشتين من الداونى او اى معطر عندك

وقبل ما تكنسى تتنى المراتب وتمسحى تحتها وتسيبى الشباك مفتوح علشان يهوى وتبصى بصه ع الحيطه كده لو فيها تراب او عنكبوت تشيليه ولو فى بقعه كده ولا كده تجيبى ليفه وتدعكيها وتجيبى الجلانس وتلمعى زجاج الشبابيك كلها

تانى حاجه

انك قبل ما تكنسى تتني السجاد من الجمبين وتجيبى جردل المسح وتحطى فيه ميه وجنرال وبالمساحه الدوبار اللى هيا الشرشوبه تقومى تمسحى حوالين السجاد كويس



وبعدين تفردى السجاد هتلاقى التراب اتجمع ف نص السجاده تقومى تشفطيه بالمكنسه وتجيبى طبق الغسيل تحطى فيه ميه وخل وتجيبى فرشة البلاط وتغمسيها فالميه بالخل وتفرشى بيها السجاده وتكملى عادى


وفى حاجه كمان ممكن تعمليها كل اسبوعين انك تخلى جوزك قبل ما يروح شغله يطلعلك السجاد والمراتب فالشمس علشان تتهوى


لما جوزك ييجى وتحضرى الغدا اول ما تخلصوا اكل تلمى الطباق وتغسليهم فورااا اياكى تركنى المواعين المطبخ هيتكركب وهيسد نفسك

بعد اللمواعين هاتى خرقه بليها ب خل وامسحى بيها الرخامه هتلاقيها تلمع

وبعدين تمسحى البوتاجاز وتجيبى خرقه كبيره تبليها ب ميه بديتول وتمسحى ارضية المطبخ وتحطى الشاى ع النار وتعمليه وتاخدى الكوبايتين وتروحى تقعدى مع جوزك

قبل ما تنامى لازم لازم لازم تقولى سبحان الله 33 والحمد لله33 والله اكبر 34 لان ده بيدى قوه ف البدن


يارب اكون قدرت افيدكم
منقووووووووول للامانه وعلشان استفت منه قات افيدكم
بحبكم في الله


#2

افتراضي رد: حسه ان شغل البت تقيل عليكي

تسلم ايديك ياقمر
#3

افتراضي رد: حسه ان شغل البت تقيل عليكي

تبادل الخبرات دة شئ جميل ومش كدا وبس دا انتى بتاخدى ثواب كبير علية وخاصة انك بتساعدى فى الخير ربنا يكتر من امثالك
#4

افتراضي رد: حسه ان شغل البت تقيل عليكي

الكلام ده تحفه بس مقولتيش اللى عندها عيال تعمل ايه ههههه
#5

افتراضي رد: حسه ان شغل البت تقيل عليكي

جزاكم الله خيرا
#6

افتراضي رد: حسه ان شغل البت تقيل عليكي

بارك الله فيكي
إظهار التوقيع
توقيع : ايمان المقصبي
#7

افتراضي رد: حسه ان شغل البت تقيل عليكي

جزاكي الله خيرا

مشكورة على الطرح الرائع

تستاهلي التقييم
#8

افتراضي رد: حسه ان شغل البت تقيل عليكي

جزاكِ الله الخير
إظهار التوقيع
توقيع : لؤلؤة الايمان
#9

افتراضي رد: حسه ان شغل البت تقيل عليكي

جزاكى الله خيراا
إظهار التوقيع
توقيع : درة مكنونة
#10

افتراضي رد: حسه ان شغل البت تقيل عليكي

جميل جدا يا قمر بس معندكيش حل لو فيه أطفال نعمل إيه علشان الوقت والجهد والصحة مترحش
#11

افتراضي رد: حسه ان شغل البت تقيل عليكي

الله عليكي ياست البنات ربنا يحرسك ويحميكي ويديكي الصحة والعافية
انبسطت اوي وانا بقرا موضوعك

ربنا يجازيكي كل خير عن اخواتك اللي استفادو
واجمد تقييم ليكي كمان
#12

افتراضي رد: حسه ان شغل البت تقيل عليكي


المشاركة الأصلية كتبت بواسطة sususemsem
الله عليكي ياست البنات ربنا يحرسك ويحميكي ويديكي الصحة والعافية
انبسطت اوي وانا بقرا موضوعك

ربنا يجازيكي كل خير عن اخواتك اللي استفادو
واجمد تقييم ليكي كمان
جزاكي الله خيرا
#13

افتراضي رد: حسه ان شغل البت تقيل عليكي

تسلمي
تم التقييم
مشكوورة يا أموورة
كثر الله من شأنك
دايما متألقة بين النجووم
ربنا يبارك فيكي
تقبلي مروري:
إم البراء
إظهار التوقيع
توقيع : إم البراء
#14

افتراضي رد: حسه ان شغل البت تقيل عليكي

يسلموا حسستيني انه الموضوع بسيط جدا
#15

افتراضي رد: حسه ان شغل البت تقيل عليكي

رد: حسه ان شغل البت تقيل عليكي
إظهار التوقيع
توقيع : nesrinaaa
#16

افتراضي رد: حسه ان شغل البت تقيل عليكي

عدلالالالالالات
#17

افتراضي رد: حسه ان شغل البت تقيل عليكي

رد: حسه ان شغل البت تقيل عليكي

شكرا لك غاليتى

طرح جميل

لا تحرمينا تواجدك وابداعك

رد: حسه ان شغل البت تقيل عليكي
إظهار التوقيع
توقيع : ريموووو
#18

افتراضي رد: حسه ان شغل البت تقيل عليكي

سبحان الله


قد تكوني مهتمة بالمواضيع التالية ايضاً
الموضوع كاتب الموضوع المنتدى
ازاى تخلى شغل البيت رياضة وتعميه بكل سعادة ام نونا التمارين الرياضية
تعبتي من شغل البيت اللي مبيخلصش .......... تعالي معايا نشوف الحل ام اروي استشارات ونصائح مطبخية
شغل شغل شغل من البييييييييييييت 3500جنية ANaasmaa وظائف نسائية شاغرة
أكشن للفوتوشوب 2025 ، اكشن شغل الاستوديوهات ، أكشنات استوديو ، اكشن جرافيك ، اكش شقاوة آنثى ملحقات الفوتوشوب
مشغولون بلا شغل ام هنا السنة النبوية الشريفة


الساعة الآن 06:18 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل