أو

الدخول بواسطة حسابك بمواقع التواصل

#1

Oh اعرفى عريسك من طريقة اكله

صباح الفل والانوار على عدولات الحلوين الصاحيين وال لسه نيمانيين اناجبت الموضوع ده عشان نعمل بيه بس شوية فرفشه ونعنشه على السريع يلا بينا


اعرفي عريسك بدري بدري.. من طريقة أكله ....؟؟؟؟


1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه وقراراته ويبقى ده آخر
الرجال المحترمين..

كلبشي.. واستعجلي الزفاف والحياة هتبقى بمبي وده عز الطلب العريس ده تمسكى فيه بإديك ورجليك وأسنانك وبسرعة البرق تجرى على أمك وتقولى يا ده يا أموت نفسى
وتجرى على المأذون لو ماكان فى البيت تليفون وتقولى لو ربنا يخليك وأذبح لك ديك تيجى تجوزنى لحسن العريس يطير منى يارب يفتح لك الأبواب وتلاقى ميت عريس مستنيين على الباب
----------

2- إذا كان بيحب الأكل زي عينيه.. وأول ما يدخل من الباب وقبل ما يقول
لك ازيك يقول لك ريحة التقلية تجنن ياروحي إنتوا عاملين ملوخية على
أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟أحسن حاجة تعمليلو سد الحنك ووللإحتياط ركبيلو كمامة قبل النوم وإسقيه ينسون فيه كام حباية فالنيل
هينام فطيس وينسى إنو عريس





3- أما إذا كان مش مهتم بالمرة.. لايقولك ده حلو ولا ده عادب ولا مالح
ولا مستوي ولا لسه ني ولا بيعلق أي تعليق.. وعمره مايقولك جعان أو
شبعان
يبقى إنسان مالوش لزمه.. وزي قلته.. وأنصحك بدل ما تتجوزيه اتبنيه.. وهاتعيشي إنتي الراجل والست ف وقت واحد.ده نونسة أمه يختى عليه وعلى دمه وشغال بواحد نظام بس مش تمام
تروحى بيه لبتاع الفديوهات يركبلو حاجات
ويبقى متعدد الأنظمة وكمان ممكن يخليه يشتغل بالريموت كنترول بس دى نصيحة وإذا خرب أنا مش مسؤل

----------


4- أما إذا كان بياكل زى مايكون حد بيجري ورااااه وساعة الأكل بيجيله
حالة صرع معوي.. ويقوم من ع الأكل قبل أي حد تاني
يبقى متسرع.. ومتهورفي اتخاذ قراراته وممكن بعد الجواااز يكتشف إنك لست ملهمته..ولست فتاة
>أحلامه ولستِ حلمه.. ويروح مطلقك بالتلاتة.. إخلعي إنتي بدري أحسن لكرامتك.ممكن له حل تروحى بيه للأسطى بلية الميكانيكى
يغير الجلبة بتاع فرامل مخه ويغير كمان زيت الفرامل وممكن يركبلو فرامل يد تخليها فى إيدك على طول وزى ما بقول إن خرب أنا مش مسؤل



-------


5- أما إذا كان بياكل على مهله.. ويمزمز.. ف كل صنف لوحده.. ويسأل عن
كل صنف إيه مقاديره ومعمول إزاااي ويقعد يستطعم ف الأكل من العصر
>للمغرب
حاسبي منه يا اختي ده النوع اللي له مخ.. وبيوزن الأمور بطريقه تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟ نظااااام شلل رعاش بدري.... بدري.... إخلعي يا أمي مالو الصنف ده مش أحسن من المجنون إبن المجنونة المتسرع وبعدين إبنك على ماتربيه وجوزك على ماتعوديه وخديلك كل يوم حمام بالفريك ولا حمام بارد وهتبقى آخر ألاجة وميه وميه بس حاسبى وبلاش تعمليلو طعميةولا مهلبية ولا طاجن بامية ف دقية وسلطى عليه أمك حتاخد تارك وتزود همك وإن برطم هاتيلو خالك وعمك وأولاد الجيران هايخلوه يعقل يإإما يجيلو جنان ويروح السرايا الصفراوتقعدى تندبى حظك وتقولى كنت فينك يا لأ لما قلت آه آه آه ياعينى ويا حسرة عليا جاتها نيلية الست فوزية بلتنى بالمتنيل على عينو ولا تهنيت يوم ولا شوفت الراحة شوية


-----------

>6- أما إذا كان بيقعد يقطع ف الأكل زي مايكون ف خناقة ويخبط فطبق
من الغل.. ويقطع حتة اللحمة زي ما يكون
بيدبحها.. ويتفتف.. ويتكلم.. طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أوبالسكينة ف عينك يعمل لك عاهة مستديمة وبعدين.. يهدى.. ويقول لك:"سوووري ياروحي هي جت فيكي.. معلش"
""معلش برَّه يا حبيبي وخد الباب ف أيدك""
ده ممكن يكون مسعور تروحى بيه لعيادة الكلب ياخد واحد وعشرين حقنة فى بطنه والأن عرض مغرى يوجد عندنا نظام جديد ومفعوله أكيد تلات حقن بس يابلاش ياخدها من غير سكات وبعدها هيخف ويبطل بديله يلف ويبقى مستأنس وبيه كل الناس تكنس

-------------

7- أما إذا كان دايمًا قرفاااان دايمًا مش عاجبه العجب ولا الصيام في رجب.. يع.. الملوخية تقيلة.. ياي.. السمنة كتيرة على وش الشوربة..
ياساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة..

إذا كان كده توكلي على الله وهاتي أحمى ساطووووورعندك وأنا أعرف لك واحد محامي هايطلعك منها زي الشعرة م العجيييين
فيه حل تانى جايبو من دكان الزلبانى
تقولى لو يا حبيبى ياهمى وغمى ونصيبى ياريت تورينا شطارتك وتروح عند مامتك
تتعلم منها تعمل المحشىوتورينا صنعة إديك يختى عليك وما تنساش تعدى على الأجزخانة تجيب كبسولات للمغص وللإحتياط شربة زيت خروع معاك
وانا هفضل أستناك وأمنى نفسى بأكل إديك إسم الله عليك وإن ما نفعش الحل ده تاخديه طوالى للست زكية يتعلم الأدب ويبطل اللماضة ديا


والأحسن من ده كله..... مالها القعدة ف بيت أبووووووووكي؟؟

إقتراح وجيه والشكر على التنبيه
بس يا خسارة خلاص وقعت الفاس ف الراس
هههههههههه
وما عاد ينفع ندم للى فى الجزاز إتظلم فينك يا لأ لما قلت الآه آه علييا وحسرة علييا جتها نيلة الست بهية إللى وقعتنى فى الجوازة ديا دنا كنت يختى عليا زى اللولية ومع إنى ماكنت بعرف أعمل الشاى ولا أطبخ الملوخية بس كنت قاعدة متهنية ولا بنت وزير أقزقز لب وأتفرج على الفوازير

منقووووووول


إظهار التوقيع
توقيع : زهره محمد
#2

افتراضي رد: اعرفى عريسك من طريقة اكله

5- أما إذا كان بياكل على مهله.. ويمزمز.. ف كل صنف لوحده.. ويسأل عن
كل صنف إيه مقاديره ومعمول إزاااي ويقعد يستطعم ف الأكل من العصر
>للمغرب

يلهوى يا زهرة ده جوزى تمام ههههههههههههه
#3

افتراضي رد: اعرفى عريسك من طريقة اكله

خلاص اتدبست بقى حعمل ايه يعنى قضاء وقدر ههههههه
#4

افتراضي رد: اعرفى عريسك من طريقة اكله


المشاركة الأصلية كتبت بواسطة لافالانتينا
خلاص اتدبست بقى حعمل ايه يعنى قضاء وقدر ههههههه
هههه منوره يارونى خلاص ياستى انت اتدبستى وال كان كان داهزار ياشيخه
إظهار التوقيع
توقيع : زهره محمد
#5

افتراضي رد: اعرفى عريسك من طريقة اكله


4- أما إذا كان بياكل زى مايكون حد بيجري ورااااه وساعة الأكل بيجيله
حالة صرع معوي.. ويقوم من ع الأكل قبل أي حد تاني

7- أما إذا كان دايمًا قرفاااان دايمًا مش عاجبه العجب ولا الصيام في رجب.. يع.. الملوخية تقيلة.. ياي.. السمنة كتيرة على وش الشوربة..
ياساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة..

انا بقى جوزى ميكس من الاتنين دول طب اعمل ايه دلوقتى

إقتراح وجيه والشكر على التنبيه
بس يا خسارة خلاص وقعت الفاس ف الراس
هههههههههه
إظهار التوقيع
توقيع : رانيا الزناتى
#6

افتراضي رد: اعرفى عريسك من طريقة اكله

رد: اعرفى عريسك من طريقة اكله
إظهار التوقيع
توقيع : قوت القلوب 2
#7

افتراضي رد: اعرفى عريسك من طريقة اكله

شكرا رانيا انت وقوت كله اتدبس وخلاص هنعمل ايه ههههههه
إظهار التوقيع
توقيع : زهره محمد
#8

افتراضي رد: اعرفى عريسك من طريقة اكله

iهههه انت عسل واللهى
إظهار التوقيع
توقيع : BE HAPPY
#9

افتراضي رد: اعرفى عريسك من طريقة اكله


1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه وقراراته ويبقى ده آخر
الرجال المحترمين..






عسل يا زهورتى

إظهار التوقيع
توقيع : هبه شلبي
#10

افتراضي رد: اعرفى عريسك من طريقة اكله

نورتوني .. حبيت افتكر الذي مضي
إظهار التوقيع
توقيع : زهره محمد


قد تكوني مهتمة بالمواضيع التالية ايضاً
الموضوع كاتب الموضوع المنتدى
3 نصائح جديدة للتعامل مع عريسك بعد الارتباط! ام سيف 22 نصائح وترتيبات
تصرّف شائع بين النساء قد يجعل عريسك يفسخ الخطوبة...فاحذريه! ام مالك وميرنا نصائح وترتيبات
هناكل ايه انهردة 2025 ، تعالى اعرفى تنظمى ايه الى هتاكليه منة الله احمد استشارات ونصائح مطبخية
معلومات غريبة , تعالى اعرفى المعلومات ديه يا عدولة محبه لله منوعات x منوعات - مواضيع مختلفة
اعرفى نفسك هل تحبى الرسول حقا؟ خديجة فى قلبى السنة النبوية الشريفة


الساعة الآن 02:51 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل