أو

الدخول بواسطة حسابك بمواقع التواصل

#1

وصفة كرات الارز المحشيه بالجبنة

هنعمل وصفة إيطالية جديدة سهلة وبسيطة وتقدري تعمليها في أي وقت، وخصوصا لو عندك أطفال وعايزة تقدّمي لهم أكلات شهية ومفيدة؛ وهي كرات الأرز المحشية بالجبنة...

كرات الأرز المحشية بالجبنة
المقادير:




1 و½ كوب أرز بسمتي
2 و½ كوب شوربة سخنة
ملعقة كبيرة جبنة بارميزان أو جبنة رومي مبشورة
ملعقة صغيرة زعفران مطحون
⅔ كوب بقسماط مطحون
جبنة موتزاريلا أو جبنة شيدر للحشو
ملح وفلفل أسود
3 ملعقة زبدة
بصلة مفرومة
2 بيضة

الطريقة:
1- شوّحي البصل في نصف كمية الزبدة، وبعد كده ضيفي الأرز وقلّبيهم كويس مع بعض.

2- ضيفي الزعفران ونصف كمية الشوربة على الأرز، وقلّبيهم كويس وسيبيهم لحد ما الخليط يغلي.

3- بعد كده ضيفي باقي الشوربة وهدّي النار شوية، وقلّبي الخليط لمدة 15 دقيقة من غير ما تحطي الغطا لغاية لما الأرز يمتص الشوربة.

4- اطفي النار، وضيفي الزبدة اللي باقية والجبنة البارميزان على الأرز، وسيبي الخليط لحد ما يبرد.

5- ضيفي البيض على خليط الأرز ومعاه شوية ملح وفلفل، وقلّبي الخليط كويس بالشوكة، بس خدي بالك إن الأرز ما يعجّنش منك.

6- خدي شوية من خليط الأرز في إيديكِ، وبعد كده ضيفي لها قطعة جبنة موتزاريلا أو شيدر، وغطّيها بكمية تانية من الأرز علشان الجبنة لازم تتغطّى كلها بالأرز.

7- بعد كده حطّي كرة الأرز في البقسماط المطحون، ويفضّل إنك تحطّيها في التلاجة شوية قبل ما تحمّريها.

8- وبعدين طلّعيها من التلاجة واقلي كرات الأرز في الزيت، وبعد كده طلّعيها على مناديل ورق علشان تشرب الزيت، وبعد كده رصّيها في طبق التقديم.. وبالهنا والشفا.


إظهار التوقيع
توقيع : ام نيرة
#2

افتراضي رد: كرات الارز المحشيه بالجبنة

حبيبة قلب حتى بالاطفال فكرتي يسلموووووو
إظهار التوقيع
توقيع : نسيم البحر
#3

افتراضي رد: كرات الارز المحشيه بالجبنة

لازم طبعا احنا لينا غيرهم ربنا يبارك لنا فيهم وشكرا لمرورك حبيبتى
إظهار التوقيع
توقيع : ام نيرة
#4

افتراضي رد: كرات الارز المحشيه بالجبنة

شهيتينا في هذا الصباح غاليتي
إظهار التوقيع
توقيع : timo


قد تكوني مهتمة بالمواضيع التالية ايضاً
الموضوع كاتب الموضوع المنتدى
طريقه عمل كفتة الارز حلوة اووووووووى سماح7 اكلات واطباق رئيسية
ماسك رائع لتبييض البشره سريعا , ماسك الارز لتبييض البشره ,ماء الارز للبشره صفاء الحياة العناية بالبشرة
طريقة عمل كرات الارز بالجبنه,تحضير كرات الارز بالجبنه,وصفة جديدة ربي رضاك والجنة اكلات واطباق رئيسية
كيفية تحضير كرات البطاطس بالجبنة اشهى وألذ الاكلات الرمضانية همس بلا لمس اطباق سهلة وسريعة
كرات الارز بالجبنه بوسى اكلات واطباق رئيسية


الساعة الآن 03:23 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل