حملة .... للمتزوجات ... فقط .....

عدم استقبال الزوج

معظمنا ستات قمورات شاطرين فى بيوتهم
تلاقيها من الصبح بدرى بتشتغل فى بيتها
وتنظفة وتطبخ وتعمل أكلها
وكله تمام
تقوم بعد لما تخلص تعمل
كوباية شاى ولا قهوة ولا عصير
وتروح تقعد قدام الكمبيوتر أو تقرا كتاب أو تقعد قدام التليفزيون
بيرجع جوزها من شغله
يفتح باب شقتة بيدخل يلاقى مراتة حبيبتة قاعدة مشدودة
فى الحاجة اللى بتعملها
ويمكن كمان مش بتاخد بالها
من أن جوزها رجع للبيت أصلا
وبتاخد بالها بس انه رجع لما بيقولها السلام عليكم
وهى ترد السلام
طيب ده بالله عليكم ينفع

دى حاجة بتدايق الراجل جداااااااااا

طيب فيها لما تدى شوية أنتباه لجوزك
يعنى خلى ودنك من صوت الباب وقت ماتسمعية بيفتح الباب او لو انتى عارفة ميعاد رجوعه ادخلى قبلها بحوالى ربع ساعة ورشى برفن (عطر )
ولما يجى يفتح باب البيت أقفى له
ولما يدخل هيقولك السلام عليكم أو لو مش قال عادى
قوليلوا نورت بيتك يا ....
أنتى اختارى اى كلمة حابة تقوليها ليه
وبوسية بوسه خفيفة على خده
وقوليلوا 10 دقايق الاكل يكون جاهز
صدقينى هيفرح وهيحس انه التعب اللى تعبه طول اليوم
راح فى ثوانى
لانه حاسس انك مهتمة بيه
الراجل فعلا جواه طفل
عاملية كأنة أبنك يعنى انتى أبنك لما بيرجع من المدرسة أكيد بتبوسية وتقوليلة عملت اية فى المدرسة
الفرق هنا انك هتقولى نفس الكلام لجوزك بس هتقوليلو يومك مشى أزاى
وياريت بلاش أسألة أو كلام فى أى مشاكل على الاكل
حبة تقولى ليه كلمة رومانسية أو حاجة شبة كدا قولى
مش عندك حاجة خلاص
كلى وانتى بتبتسمى أبتسامة خفيفة
صدقينى والله دى حاجة بتريح الراجل وهتريحك أنتى كمان
وصدقينى هتملكى جوزك بجد
وطول الوقت هيفكر بيكى
وهيبقى مشتاق ليكى ولبيته
انا بقول الكلام ده عن تجارب
وعن اللى بشوفة حواليا
وزى ما أنتو عارفين ان انا جوزى مسافر
بس والله لو فى يوم كلمتة على النت
ولقانى مش بضحك ألاقية مدايق
ويقولى انا أتعود انى أشوفك بتبتسمى وابتسامتك بتريح قلبى وتنسينى تعبى
وعلى 3\4 الرجالة كدة
بيحبو يشوفو زوجاتهم يضحكو
مش لازم تضحكى ابتسمى بس أبتسامة رقيقة
نصيحة منى ليكى بردو
لما تلاقى جوزك جاى بعد لما ياكل ويشرب الشاى بتاعة
هاتى شوية ماء بملح
فى طبق بلاستيك وخلية يحط رجلة فيها وأغسلى ليه رجله
وعلى فكرة مش فيها أى أهانة ليكى ولا أهانة لكرامتك
بل بالعكس هتكبرى فى نظرة أوى وهيحترمك اكتر
ومش عارفة ليه أغلب الستات بيشوفو انهم لو غسلو لازواجهم رجليهم فى مية وملح أهانة او تقولك انا مش خدامة
انتى مش خدامة فعلا بس هو كمان مش خدام
ولاحظى انه بيشتغل وبيتعب وبيق على رجلية علشانك
علشان يلبى طلباتك وطلبات بيتك واولادك
وأظن مش عيب ولا حرام لما يلاقيكى ويشوف أهتمامك بيه وخوفك عليه
مستنية أشوف ردودكم حبيباتى
وعلى فكرة الموضوع مفتوح للحورات لو فى واحدة حابة تتكلم فى حاجة مش عجباها او مش حباها