لكن قبل ما نبدء الكورس لازم نعمل حاجتين
اولا تعملى تحليل CBC صورة دم كامل و ده بخمسين جنيه او تعملى تحليل %HB ب 15 جنيه علشان تتطمنى على صحتك و على نسبة الهيموجلوبين فى الدم . لو طلعت النسبة اقل من 12 يبقى ممكن تاخدى اقراص حديد و عيبها انها بتتعب المعدة او حقن الحديد و برضه بتسيب اثر غامق فى الجلد . يبقى الاسهل انك تضربى فى الغداء طبق كبده مشوية و تشربى 3 ملاعق عسل اسود فى اليوم و ممكن طبعا تاكلى سبانخ تفاح باذنجان زى ما تحبى
ثانيا : لو عندك قشرة يبقى لازم تعالجيها قبل ما تبدأى الكورس . استخدمى شامبو نيوزرال او سلسن بلو او كوربال و فى اخر الشاور اشطفى شعرك بمغلى الزعتر مفعوله رهيب و بلاش تستخدمى مياه سخنة لشعرك لانها بتزود افراز الدهون فى فروة الراس
نيجى بقى للكورس و ركزوا معايا الله يخليكوا
ده كل المطلوب منك فى الكورس
1 - فى الفطار هتشربى كوباية لبن بعسل نحل او زبادى بعسل نحل
2- مشط خشب
3 - شامبو مستورد زى تريسميى او اى شامبو طبى . فى لونا بانثينول سعره تقريبا 13.5 و حجمه 200 مللى او شامبو بروتى كير ب 23 جنيه و حجمه 190 مللى او شامبو ساكنل مش متاكده من سعره بس فى حدود ال 15 جنيه و حجمه 120 مللى
4 - كونديشنر تقدرى تستخدمى اى كونديشنر مستورد . و عن نفسى بفضل كونديشنر بيبى جونسون لا دموع بعد اليوم رقيق على الشعر العلبة لونها روز و سعره فى حدود 13 جنيه و حجمه 200 مللى
5 - و ده بقى اهم حاجة فى الكورس كله
Swanson EFAs
Pristine Norwegian Cod Liver Oil
1000 mg , 60 softgels
ايه مكونات و فوايد ال cod liver oil ( زيت كبد القد ) ?
بيحتوى على فيتامين A و فايدته انه بيحسن المناعة و الرؤية و بيقلل من الحساسيات و الامراض الجلدية
فيتامين D و ده هام لسلامة العظام لان الجسم بيحتاجه علشان يمتص الكالسيوم
مصدر ل Omega 3 اللى بتحتوى على ال Fatty Acids و بتعتبر مهمة جدا لصحة الانسان و بتحمى من امراض القلب و الشرايين
بيحسن الدورة الدموية
بيقلل الاكتئاب ( عن تجربة الاكتئاب عايزة معجزة علشان الواحد يخرج منه )
بيقوى المناعة و بالتالى بيقل التعرض لنزلات البرد
بيدى البشرة نضارة و بيوحد لونها ( دى حاجة هتلاحظيها بعد اسبوعين ان بشرتك انعم و منورة )
بيقوى الاظافر
بيقوى الشعر و بيمنع سقوطه و بيطوله ( سقوط الشعر هيختفى بعد شهر من استخدامه)
ايه افضل نوع من ال cod liver oil ؟
طبعا النوع النرويجى Norwegian افضل نوع على مستوى العالم لانهم بيستخلصوا الزيت بطريقة امنة و خالية من الرصاص و الزئبق ( معلومة رفيعة جسم السمك نفسه بيحتوى على الرصاص و الزئبق) كمان طرق الصيد مش بيدخل فيها اى كيميكالز
ال recommended dose ؟
الجرعة عبارة عن كبسولة واحدة يوميا بعد الاكل و عموما انا مش بفضل ان اى supplement يتاخد على معدة فاضية .هتاخدى الكبسولات لمدة شهر و توقفى اسبوع و ترجعى تاخديها لمدة شهر و توقفى اسبوع و هكذا لمدة ال 6 شهور ( فخمتوا )
ليه بنوقف اسبوع ؟
معروف ان كل زيوت الاسماك ( whale , cod , shark ) بتعمل over production زيادة انتاج ل Platelets count الصفائح الدموية و اللى بتعتبر مسئولة عن تجلط الدم علشان كده لازم نوقف اسبوع
هل اى شخص يقدر يستخدم ال cod liver oil ؟
طبعا اى شخص يقدر يستخدمه ما عدا
الحوامل و المرضعات
مرضى قصور وظائف الكلى او الكبد
ايه ال side effects ل cod liver oil ؟
ملوش اى اثار جانبية ما عدا زيادة الوزن لانه بيفتح الشهية يعنى انا فى خلال 6 شهور زدت 7 كيلو و بقيت 52 كيلو و مزة ( مصلحة برضه هههههههه ) بس مشكلة زيادة الوزن ليها حل باذن الله خلى عندك ارادة او لو حسيتى بجوع كلى خيار او كابوتشى او اشربى 3 مجات شاى اخضر فى اليوم
اهم سؤااااااااااال نجيبه منين ؟
انا كان بيجيلى من امريكا بس هو مش بيتباع فى مصر عموما انا جربت كذا نوع supplements من الشركة دى و الصراحة ممتازة دى كلمة قليلة عليها .المهم ادامك طريقين علشان تشترى الكبسولات دى حد من قرايبك يكون عايش بره و يبعته ليكى هو سعره رخيص ب 7 دولار و الجار فيها 60 كبسولة يعنى ممكن تطلبى علبيتين او تلاتة هيكفوكى ال 6 شهور او ممكن تروحى لاى صيدلية محترمة و عليها القيمة ( و ابعدى عن العزبى الله يكرمك و محدش يسألنى ليه ) و تطلبى ال supplement بنفس الاسم اللى كاتباه بالانجلش و بيجى فى خلال اسبوعين او تلات اسابيع و الجار هيكون سعره على 90 او 100 جنيه ( طبقا لاستغلال الصيدلى )
دا كورس طبي علاجي لشعر كثيف طوووووووووويل وناعم
قد تكوني مهتمة بالمواضيع التالية ايضاً