أو

الدخول بواسطة حسابك بمواقع التواصل

#1

حوار زوجى عنده مشكلة فى الانجاب استمر معاه ؟ والا اعمل ايه ؟

[FONT=""][COLOR=""][SIZE=""]السلام عليكم ورحمة الله وبركاته
مشكلتى حساسه اوى ومش عارفة اتصرف خالص
والمشكلة الاكبر مش بس فى عدم الانجاب
لآ كمان زوجى معملته وحشه جداً وصعب الى ما تتخيلوا
وناشف اوى وانا بكره كده انا زى اى بنت بحب اوى المعاملة الرومانسية
بحبه يبقى هادى معايا مش كل ساعة مشكلة وخناقة من مافيش
ده حتى لما احب اصحيه بيقولى اخرجى بره من الاوضه
بعيط والله لو حبيت اقرب منه يقوله ابعدى عنى
بيحسسنى انى مرميه عليه
قولت خلاص انا هعمل زيه بالظبط
بعدنا عن بعض جامد جداً جداً حاسه اننا فى بيت واحد ومش بيجمعنا غير حاجه
واحده انتوا فاهمينها وكمان بتبقى دماغى فى مكان تانى مش معاه
مش قادر يوصل لاحساسى خالص ولما اتكلم معاه
يقولى انا كده ومش هتغير واذا كان عاجبك
طبعاً ده وضع مايرضيش حد
لكن انا استحملت على امل ييجى طفل واستحمل علشانة
لكن اتصدمت بأنه مش بيخلف بعد التحاليل والاشعة اللى عملها
كانت صدمة عمرى حتى عملية الاطفال الانابيب مستحيلة معاه
اقترحت عليه نكفل طفل يتيم
كان موافق لحد ما جت حماتى الله يسامحها وبعدها رفض
بيقولى على امل نخلف
انا تعبت اوى ومش قادرة استحمل العيشة معاه
لو فى بيبى هستحمل علشانة هضيع وقتى معاه
لكن مش عارفة اعيش معاه هو بس
لان طريقتة صعبة اوى
مافيش اى حد منكم يقدر يستحملها
كمان مامته فظيعة معايا كأنها بتكرهنى موت انى اتجوزته
بتعاملنى على انى اكبر واحده من زوجات عيالها
وللاسف انى اصغرهم سنن واحلاهم جمالاً
والله لو ينفع كنت خليتكم انتوا اللى تحكموا
بس للاسف لا هى مقدره ولا ابنها مقدر انى مستحمله الوضع المنيل ده
سورى للالفاظى بس بجد مش طايقة نفسى
بحلم باليوم اللى هطلق فيه تخيلوا وصلنى لايه
مع انى والله كتير بيصعب عليا





انا فى حيره ارجوكم انصحونى
وجزاكم الله خيراً على سعة صدركم[/SIZE][/COLOR][/FONT]


#2

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

بصراحة الوضع عندك كتير صعب ومش عاوزة اطول عليكي وازهقك اكتر مانتى زققانة كل اللى هاقدر أقولك عليه انتى هاتقدرى تكملى عشرتك معاه ولا لأه ده بيتوقف عليكي انتى يعنى انتى اللى هتقدرى تحددي حجم المكاسب والخساير بالنسبة ليكي انتى ربنا ماأرادش ليكم الخلفة يعني ان كنتى شايفة استحالة عشرتك معاه يبقي أحسن ليكم الانفصال وتنفصلوا بهدوء ودون مشاكل أما لو شايفة انك حتستحملى معاملته وانك على أمل بانه ينصلح حاله وربنا يكرمكم ده اذا كان مانع الانجاب مؤقت ويمكن علاجه فكملى معاه وادعيله بالهداية وربنا معاكى بصراحة ماعنديش حاجة أقولهالك أكتر من كده
إظهار التوقيع
توقيع : مايا علي
#3

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

لا حول ولا قوة الا بالله
حبيبتى دى حالة طارئة وحتعدى ان شاء الله
يمكن هو تعبان نفسيا من مشكلة الخلفة والتحاليل اللى طلعت
بس انتى لازم تعدى معاة المرحلة دى وتفتكرى معاة اى يوم حلو
اما بالنسبة لكفالة الطفل انا مش معاكى ابدا بالموضوع دا
لانك اكيد لسة صغيرة والحياة قدامك ومفيش مستحيل عند الله ابدا ابدا مهما قالت الاشعة والتحاليل
انا اعرف ناس كانت حالتهم كيئوس منها وربنا كرمهم
مشكلتك هى نفس مشكلتى
انا كمان معنديش طفل بس حبيبتى انا بشتغل وبسلى وقتى معاكم ومع اصحابى وبحاول على قدر الامكان انسى الموضوع
ومحسس نفسى ان فى حاجة نقصانى
انتى ممكن تكونى بعتوا عن بعض علشان حضرتك اعيد قلباها نكد وعياط على الصغيرة والكبيرة والراجل مش بيحب كدة
اما حماتك حبيبتى فكل الحماوات زى الزفت مش تحطيها بدماغك خالص
واقرئى قران وعطرى البيت بالايات الكريمة
يمكن تكونوا محسودين
وبالنسبة لمشكلة الطلاق
ابعدى عنها خالص علشان انتى فاكرة ان بالطلاق حتنتهى المشاكل
لا بالعكس حتبدا وحتكونى مطلقة والكلام يكتر عليكى
اصبرى شوية
وبطريقتك دى مكنش ستات مصر فضلوا مع ازواجهم خالص
انتى دلوعة شكلك كدة وبتحبى الدلع
بس ليس كل ما يتمناة الانسان يلاقية
ربنا يهديلك الاحوال يارب
#4

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

بصى يا قمر انتى ممكن تجمعى فلوس وتعملى الحقن المجهرى اكيد حيكون احسن لحالتك
وروحى لدكتور باسكندرية لو عايزة عنوانة وتليفونة انا ممكن ادلك على دكاترة شاطرين
ربنا يرزقك ويرزقنى ويرزق كل مشتاقة يارب
#5

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

والله مش عارفه اقولك ايه
بصى انا عارفه احساسك ومقدراه
ومقدره أد ايه انتى نفسك تبقى ام وده اللى محدش يقدر يلومك عليه بس كمان مقدرش اتجاهل احساس جوزك
حبيبتى الراجل فى مجتمعنا بالذات بيحب بفرض سيطرته على مراته ويبقى الكل فى الكل ده وهو سليم ومفيهوش حاجه فلما بيبقى عنده عيب مبيحبش يبان مكسور ادام مراته عكس الست اللى لو هيا عندها العيب بتتكسر وتخاف ليتجوز عليها وعشان كده بتقلب معاه عكسى فتلاقيه بيزعق ويشخط وينطر على امل انه يعوض النقص اللى حاصل جواه بالطريقه دى ويثبت لنفسه ولمراته ان مفيش حاجه هتكسره او تضعفه وهو ده بالظبط احساس جوزك
نيجى بقى للنقطه التانيه
انا ممكن بسهوله جدا اقولك اتطلقى منه وروحى شوفى حياتك واتجوزى غيره عشان تخلفى
طب ما احنا مضمناش مانتى ممكن تتجوزى فعلا ويكون واحد مبيخلفش برده ويكون اوحش من الاولانى فى معاملته ساعتها بقى هتعملى ايه؟
هتطلقى تانى
او تخلفى وتعيشى حياتك لا قدر الله مع واحد اخلاقه زفت هو واهله وتلاقى ولادك طلعو فى عيله اى كلام ماهو كل دى احتمالات وارده
عارفه ساعتها هتحسى انك ظلمتى جوزك وهتندمى عليه
اعرفى حبيبتى ان لو ربنا كاتبلك اطفال يبقى هتشوفيهم هتشوفيهم ولو مفيش نصيب يبقى خلاص مهما عملتى مش هيجو
فكرى تانى حبيبتى وحاولى تروحو لدكتور تانى وتالت ومتيأسوش من رحمة الله وحتى يا ستى لو ربنا مكتبش يبقى ارضى بنصيبك وافتكرى قول الله تعالى (وبشر الصابرين اللذين اذا اصابتهم مصيبة قالو ان لله وانا اليه راجعون)
ولو على حماتك مين فينا حماته كويسه كلهم زفت وطين ربنا يهديهم
وربنا ييسرلك الخير حيثما كان ويرزقك ويراضيكى جزاء صبرك بالذريه الصالحه يااااااااااارب اللهم امين
#6

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

قلبى معاكى يااختى لكن هقولك طريقه ممكن تعمليها معاه لان البعد جفا انتى اتكلمى معاه بكل هدوء قوليله انك بتحبيه ومش فارق معاكى اطفال ولو مكتوب لينا نخلف ربنا هيدينا وطبعا مفيش حدود لقدرة الله وخليكى دايما رقيقه معاه لانه فى ازمه وخليكى دايما الصدر الحنين ليه وانسى حماتك وعلى فكره انا صاحبتى قعدت 11 سنه متخلفش والعيب من جوزها وهى كانت الزوجه التانيه ومتجوزاه وهى عندها 18 سنه وعملو كل حاجه للخلفه ولما سكتوا حملت لوحدها ومعاها دلوقتى (روتاج) صدقينى وحاولى وخليكى صبوره
إظهار التوقيع
توقيع : ام لوك لوك
#7

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

حبيبتي مفيش حاجه بعيده علي ربنا هو وحده قادر علي كل شئ ربنا يرزقكي الذريه الصالحه عاجلا غير اجل وان يهدي اليك زوجك ويصلح حالك ان شاء الله لكن موضوع انو زوجك صعب فربنا يهديهولك وادعي ربنا يصلح حالك
#8

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

ربنا يرزقك ويرزقني وكل مشتاقة للذرية الصالحة ويهديلك جوزك وحماتك دي بقت سمة من سمات العصر ربنا يسعد قلبك ياقمر
إظهار التوقيع
توقيع : لولو حبيب روحي
#9

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

بصي مفيش راجل دلوقتى كويس 100% كل رال في عيب ومن اللي بنقراه هنا ورد علينا اصناف كتير اصعب من جوزك معلش حولي تصبري عليه موضوع عدم الخلفه للراجل صعب كتير على نفسيته وحولوا تسعوا في العلاج برضوا مش عايزاكي تسيبي نفسك لحالة الكتأب دي من معاملةجوزك لا حولي تسلي نفسك تعملي هويات فرحي نفسك بأي حاجه والكلام ده
قلته كتير ياستات اسعدوا انتوا نفسكم ومتعتمديش بس على راجل يسعدك واللي تقدر على كده الست القويه ولو حست انها قويه هتقدر
تصد وتصبر على كل حاجه ان شاء الله ربنا يرزقك ابن صالح وافتكري ان كل شئ بأوان ومتقنتيش ولا تيأسي من رحمة الله حاجه اخيرة هقولهالك الدعاء ادعي وانتى ساجده وصلي قضاء الحاجه وادعي ربنا يهديلك زوجك ويألف بن قلوبكم ادعي ربنا يرزقكم بالذريه الصالحه وكمان الاستغفار يااختى وصدقيني هتشوفي النتيجه بأذن الله ربي يهديلك العاصي ويصلح حالك يارب
#10

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

ربنا يرزقك حبيبتى انا عارفه ده احساس مهم وكمان لما تكونى مفتقده احساس الحنان مع جوزك
بس حبيبتى جوز بيعوض نقصه فى الزعيق انتى لازم تعرفى كده
وممكن تتكلمى معاه بالراحه انك تعبتى من اسلوبه وانا ضد فكره الطلاق وكفاله الطفل
إظهار التوقيع
توقيع : هبه شلبي
#11

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

السلام عليكم
بصى ياحبيبتى انا مع الاخت نورى فكل كلامها
بس انتى بقى غيرى اسلوبة معاكى باى طريقة سياسية حتى لو بالتمارض لجذب الانتباة
بالنسبة بقى انك حلوة وهما مش مقدرين والكلام ده
ارضى غرور نفسك بنفسك متستنيهوش يعطيكى الثقة بنفسك لانه مش هيعمل كده الا فى ظروف خاصة
ووالله انا حسة بدى اوى لانى فيها بس ادينا بنستحمل عشان منحملش لقب مطلقة
وقربى من ربنا واشغلى نفسك بالدين
والبيبى اطلبيه من القادر حتى لو انتى عقيم برحمته هيعطيى وربنا يرزقك ويرزق كل مشتاق
إظهار التوقيع
توقيع : ام مودى الدلوع
#12

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

هاتي ورقه اقسميها جزئين اكتبي في جزء حسناته وجزء سيئاته وشوفي انتي اي جزء اكتر وعلي اساسه حددي بس علي فكره مافيش بيت من غير مشاكل وربنا يهديلك حماتك احنا علينا النصيحه وانتي عليكي القرار والله المستعان
#13

افتراضي رد: زوجى عنده مشكلة فى الانجاب استمر معاه ؟ والا اعمل ايه ؟

انا لسه جديدة عالمنتدى ومو حابه اتدخل بخصوصياتك بس بدي احكيلك لا تسمعي اي كلام من اللي انبعت الك لانه في دمار لعش زوجيتك مهما كان الرجل قاسي ويمكن شرير كمان الا تمر لحظة صفاء وانتي هون بتبدا شطارتك لازم تستغليها لبسة حلوه بحبها عطر ستاتي زاكي غرفة نوم مزوقة ومرتبة وفايحة منها ريحة العطر هدية صغيرة لزوجك بدون مناسبة بس احكيله حبيت اعبر عن حبي الك اما بالنسبة لموضوع الاطفال كله بيد الله انتي متوقعة لو تركتيه رح تاخدي واحد بيخلف ميه بالميه تريثي وما تستعجلي الرجال متقلبون ما في رجل بالدنيا ما بحب زوجته ولو ما بحبك ما بيعاشرك استغلي هاي اللحظات بذكاء ورح تحكي اسماء حكت


قد تكوني مهتمة بالمواضيع التالية ايضاً
الموضوع كاتب الموضوع المنتدى
عوزة اتجوز مانوlove قصص - حكايات - روايات
تائهة اعمل ايه رائعة فضفضة وحل المشاكل
تنصحونى اعمل ايه مع زوجى غير مسجل فضفضة وحل المشاكل
ساعدوني انا في مشكلة كبيرة قولولي اعمل ايه اهل السنة بخير فضفضة وحل المشاكل
كائنات فضائية فى بيت الست ذكية القصة الأصلية حصريا على عدلات بقلمى ام سجى الليل قصص - حكايات - روايات


الساعة الآن 05:18 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل