.gif)
حكايات الست عدلات(الحكايه الثالثة)
ماما
ايوه يا مسعد
انا نازل الانترفيو
ربنا معاك و يوفقك يا حبيبى و يوقف ولاد الحلال و ييسر لك امورك و يجعل النشفة فى ايدك خضرا و يخبز لك العيش
ايه كل ده
شوية دعوات تفتح لك البيبان المقفله اصلها معصلجة معاك اوى
ربنا يخليكى ليا يا ماما و دعواتك دى تيجى بفايدة
ان شا الله يا حبيبى
و راح مسعد على الانترفيو
المدير هايقابلكم حالا
و دخل اول واحد و بعديه التانى و مسعد كان الأخير
اتفضل يا أستاذ
انت كاتب فى السى فى بتاعك انك دفعة 2002 كنت بتعمل ايه بقى الـ 8 سنين اللى فاتوا
مفيش يا فندم اتخرجت من الكلية و روحت اخدت شهادة تأجيل من الجيش 3 سنين و بعد كده اشتغلت فى شركة لمدة الـ 3 سنين دول و قالوا لى بعد ما تاخد الاعفاء هانثبتك روحت علشان اجيبها لقيتهم بيقولوا لى انى هادخل الجيش
بعد تأجيل 3 سنين . الموضوع ده ما بيحصلش كتير
لاجل حظى انا حصل المهم بعد ما خلصت السنه جيش جيت ارجع الشركة تانى لقيتها فلست و قفلت
المدير كان بيشرب قهوة بيحطها على الترابيزة راحت واقعه على عقود صفقة مهمه فبص لمسعد بصه لها مغزى و قاله
بقى قلت لى الشركة فلست
اه يا فندم
طب كمل عملت ايه بعد كده
مفيش نزلت مسكت المحل بتاع ابويا بس بعيد عنك الضرائب حجزت علينا و ابويا مات بحسرته
اه
بعد كده اتعلمت السواقه و اشتغلت على تاكسى بس ربنا ما يوريك عملت حادثه و التاكسى اتدشدش و لسه باسدد فلوس تصليحه لصاحبه و من ساعتها و انا باحاول اشتغل
اه طبعا يا فندم ده أساسا تخصصى و الشركة اللى كنت شغال فيها كنت ماسك قسم الصيانة
طب بص كده ممكن تعمل ايه فى الكمبيوتر اللى قدامك ده
و قعد مسعد يفك فى الجهاز و يظبطه و فعلا الجهاز اشتغل
و لسه المدير هايتكلم معاه فى تفاصيل الوظيفه لقى تليفون من اخوه بيقوله ان باباه نقلوه للمستشفى علشان جت له أزمة قلبية و فى نفس ذات اللحظة لقى الكمبيوتر بيدخن و راح مفرقع
فنده للسكرتيرة و قالها وزعى البنى ادم اللى جوه ده
و مسعد ما قدرش يروح البيت بعد ما فهم من كلام السكرتيرة معاه انها بتزحلقه و راح لعماد صاحبه
خلاص يا عمده انا زهقت
وحد الله يا مسعد فى ايه تانى
لا اله الا الله محمد رسول الله فيه انى لسه جاى من انترفيو جديد و برضه ما اتقبلتش
ليه بس
الراجل قاعد باعمل الانترفيو معاه جاله تليفون ان ابوه نقلوه للمستشفى و الجهاز اللى كنت باعمل عليه الاختبار فرقع
عادى يا مسعد كلها حوادث عادية و ممكن تحصل ابوه اكيد عيان و الكهربا اكيد فيها حاجه بلاش تحط فى دماغك الحاجات دى
يا عماد الراجل بص لى بصه معناها انى نحس
علشان متخلف بلاش تصدق الموضوع ده على نفسك علشان ما تتعبش
احنا هانضحك على نفسنا يا عماد ما انت عارف اللى فيها ابويا و مات بحسرته بعد ما مسكت له المحل بشهر
و البنت الوحيدة اللى حبيتها يوم ما روحت اقابل ابوها علشان اخطبها وقعت من البلكونة و هى بتلم الغسيل
و فاكر ساعة امتحانات الاعدادية لما جات لى الحصبة و اضطريت ادخل ثانوى صنايع
بس كنت من المتفوقين
يا فرحتى ما انا جيت فى سنة تالته و عملت الزايده قبل الامتحان باسبوعين و ما عرفتش ادخل كلية الهندسة زى ما الكل كان بيتوقع لى
و ساعة امتحانات البكالوريوس لما حصبت للمرة التانية و دى حاجة ما بتحصلش غير نادرا ان البنى ادم يحصب مرتين و فى السن ده
يا راجل ده الدكتور ساعتها قال لابويا ابنك ده منحوس يا حاج
عمدة
برضه عادى لازم يبقى عندك ثقة فى نفسك اكتر من كده بص انا عندى واحد صاحبى كان بيقول ان الشركة اللى شغال فيها عايزة افراد امن ايه رأيك اكلمه لك
كلمه
عمدة
الو ممكن اكلم محسن لو سمحت . ايه طب متشكر اوى
مسعد
ايه مات
عمدة
لأ امبارح اتقبض عليه علشان خبط واحد بعربيته
مسعد
يا ابنى ما انا قلت لك المنحوس منحوس
و فجأه لقوا ام عماد بتصوت
يالهوووى الحقنى يا عماد
و خرجوا الاتنين جرى
فى ايه يا ماما
الأنبوبة ولعت و انا باعمل لكم الشاى
و قبل ما عماد يبص لمسعد كان مسعد واخد ديله فى سنانه و طاير
و قعد مسعد يلف فى الشوارع كتير و بعد كده قرر يروح بيتهم لقى مصطفى ابن خالته نازل من عندهم
كويس انى لقيتك يا مسعد
مسعد
عايز ايه يا مصطفى
مصطفى
تعالى معايا انا رايح فرح أخت واحد صاحبى حتة فرح بقى من الاخر
مسعد
لأ الله يكرمك ماليش نفس اروح فى اى حته
مصطفى
يا راجل هانروح نهيس شوية و تفك عن نفسك
و فى الفرح ابو العروسة راجل صعيدى و فرحان ببنته و ضرب النار ابتدى
مسعد قال لمصطفى ايه ضرب النار ده
ما تخافش دى مسدسات صوت
مسعد
يا راجل
مصطفى
طبعا امال مفكر ايه هايضربوا نار بجد
و فجأة الميكروفون باظ
و اخو العروسة جه لمصطفى يقوله ما تعرفش حد بيفهم فى الصيانة الميكروفون باظ
مسعد تطوع و قاله انا بافهم فى اجهزة الصوت فين المايك
او العروسة
متعلق عندنا فوق تعالى معايا
و طلعوا فوق يصلحه و هو واقف بيصلحه لقى المعازيم ابتدوا بيضربوا نار
و اخو العروسة قاله ادخل جوه بسرعه على ما ضرب النار يخلص لحسن حاجة تيجى فيك
مسعد
ليه يا عم هو مش رصاص فشنك
اخو العروسة
لأ مش فشنك ده بجد
و قبل ما يكمل كلامه كانت الطلقة جات فى مسعد و الناس اتلمت عليه و الفرح باظ
( قلت للنحس انا رايح اتفسح*قالى وراك وراك هو انا مكسح ) [/SIZE]
إظهار التوقيع
توقيع : مانوlove
التوقيع لا يظهر للزوار ..
رد: حكايات الست عدلات(الحكايه الثالثة)
إظهار التوقيع
توقيع : شقاوة آنثى
التوقيع لا يظهر للزوار ..
رد: حكايات الست عدلات(الحكايه الثالثة)
إظهار التوقيع
توقيع : مانوlove
التوقيع لا يظهر للزوار ..
رد: حكايات الست عدلات(الحكايه الثالثة)
إظهار التوقيع
توقيع : الملكة نفرتيتي
التوقيع لا يظهر للزوار ..
رد: حكايات الست عدلات(الحكايه الثالثة)
إظهار التوقيع
توقيع : مانوlove
التوقيع لا يظهر للزوار ..
رد: حكايات الست عدلات(الحكايه الثالثة)
إظهار التوقيع
توقيع : الملكة نفرتيتي
التوقيع لا يظهر للزوار ..
رد: حكايات الست عدلات(الحكايه الثالثة)
إظهار التوقيع
توقيع : بحبكm
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| حكايات الست عدلات مع عدلات عرافة الناس الذوات | كتكوتة | صور x صور | ||
| [ صيام الست من شوال] | أم أمة الله | فتاوي وفقه المرأة المسلمة | ||
| حكايات الست عدلات (الحكايه الاولي) | مانوlove | قصص - حكايات - روايات | ||
| حكايات الست عدلات(الحكايه الثانية) | مانوlove | قصص - حكايات - روايات | ||
| ] من سيربح المليون مع الست اطاطا ؟؟؟؟؟؟؟؟ | ام جنى وبس | فرفشة عدلات | ||
الساعة الآن 06:19 AM
جميع المشاركات تمثل وجهة نظر كاتبها وليس بالضرورة وجهة نظر الموقع